Ndërsa ishin mbledhur për të diskutuar për hapat që do të ndiqen me çështjen e Teatrit Kombëtar, një grup artistësh dhe përfaqësuesish të shoqërisë civile, kanë shkëmbyer replika të ashpra me anëtarë të opozitës të gjendur në këtë takim. Pjesëmarrës në mbledhje, studiuesi Aurel Plasari ka akuzuar opozitën se është e paguar për të ndjekur çështjen e Teatrit Kombëtar, ç’ka nuk është pritur aspak mirë nga përfaqësuesja e tyre, Albana Vokshi, raporton CNA.al. Vokshi është shprehur se ajo vetë nuk është opozitë e paguar, duke lënë të nënkuptohet se një pjesë e mirë e kolegëve të saj paguhen për këtë kauzë.

Më poshtë debati Vokshi: …Ne na interesojnë të dyja, juve vetëm teatri. Plasari: Ju patjetër se jeni opozitë e paguar, për këtë paguheni. Albana Vokshi: Unë s’bëj pjesë tek të paguarit. Vokshi: Mos fyeni se unë nuk u kam fyer. Plasari: Çfarë ka fyerje? Vokshi: Unë nuk jam pjesë e opozitës së paguar dhe jam këtu që ditën e parë si deputete dhe si kryetare komisioni. Plasari: Në orar të punës je…

Deputeti i Partisë Demokratike, Myslim Murrizi ka tërhequr jo pak herë vëmendjen me deklaratat e tij. Por, këtë herë Murrizi ka sulmuar gazetarin Mentor Kikia dhe familjen e tij.

Postimi i Myslim Murrizit

DY FJALE PER MENTOR KIKINE.

Une o Mentor te kam ditur per gazetare, por jo si mendje e madhe qe paske te drejte te japesh vleresime per intelektin e atyre qe nuk te ferkojne bishtin. Nese duke mbrojtur nje ngjarje kriminale si ajo e fshatit Remas, rregullon biografine qe te kthehesh aty ku ke qene (tek tv topi), une te mirekuptoj. Nese ju si grup” shokesh” e keni shpallur veten si komision shteterore qe ndani me ” intelektin” tuaj, se kush eshte intelektual e kush jo, kjo eshte fix ajo qe thone Shkodranet: te hipt vetja ne qejf. Deputeti o Tore eshte perfaqesues i atyre qe votojne.

Dhe duhet te jete burre me karakter, jo hajdut, jo spiune, jo i pabese , qe te tradhtoj zgjedhesit per nje tender, jo mashtrues, jo servil, jo dhjaks e frikacak perballe pushtetit. Meqe ra fjala, Ti Mentor a je spiun??? Te jete kurajoz e te flasi per hallet e tyre ne kuvend me fjale te thjeshta te kuptueshme e per probleme konkrete,e jo broçkulla per te treguar se eshte ” intelektual”

Parlamenti eshte i perfaqesueseve te qytetareve, edhe pse me kete ligj eshte si vend punesimi i servileve te kryetareve te partive. Ngjitur me parlamentin Mentor, eshte akademia e shkencave, qe eshte nje institucion fix per intelektual madhore si soji juaj.

Dhe “ besoj” se i perket vetem shoqnise tuaj qe i ” keni” dhene ketij vendi kaq shume, nga qenia intelektual, sa pa Ty, apo ate shokun tend, qe besoj do te kete qene parjeter ish spiun i sigurimit, ose ish kapterr ushtrie , kete vend do ta kishte mare lumi. Ka kohe qe nga ju hartuesit e modelit intelektual, ka ndryshuar jo pak edhe kuptimi i vertete i kesaj fjale.

Ne metrin tuaj, qe te jesh intelektual, duhet te jesh : i perdorshem, te jesh servil i pushtetit, ti lepihesh padronit te radhes qe te paguan ,te shash ne studio ke te duash se nuk mban pergjegjesi, meqenese ke nje karte ne qaf si gazetare, ti besh biografine dynjase, te maresh neper goje ke te japin porosi, ti besh fresk kujt te thone, te jesh trendi ne te veshur , te perkrahesh lgbq, dhe e fundit fare patjeter qe duhet te kesh ndryshuar nenen e feminjeve, se perndryshe quhesh shume i prapambetur dhe ” anadollak”

E duke i pare te gjitha keto ” kritere” o Mentor, une po ta deklaroj qe nuk jam. ” INTELEKTUAL”, por NJERI i zakonshem qe rroj me punen time e jo rrogen e deputetit. Jam njeri qe nuk shtirem duke mbledhur kanaçe nga njera ane, e te loboj per inceneratoret e plehrave nga ana tjeter. Deputet me kane zgjedhur per here te dyte, ATA qe me pranojne keshtu siç jam.

Ju dhe shoqnise Tende, rrini pa frike se nuk ju kerkoj kurre vote, ngaqe nuk jam i rangut tuaj. Ju keni nder 140 deputete, jo pak te SOJIT tuaj. Keshtu qe me ata meruni, se kuptoheni me shikim te pare. Mire te ka thene ai shoku, qe mos u mer me Myslimin, se mua me ka dasht ZOTI fort qe nuk me ka bere ” intelektual” sipas çertifikates qe leshoni Ju. Te fala bej ” shoqnise” tende TORE, dhe lere kete punen e “ komisionit” per intelektualet, por hap syte rruaj ndonje lek si “ambientalist”.

“Intelektuale” te rangut tuaj nuk ka nga ajo treve nga vij une. Ju me siper shkumbinit Tore, e keni “ zanat” qe nga ushtarak , beheni gazet….ARE, pastaj i kepusni nje te ndare nenes se kalamajve, dhe hop bëheni. “INTELEKTUAL”. Ehhhh sa “larg” jush jame une i shkreti. Prandaj degjoje “ shoqnine” tende Tore, mos u mer me mua te prapambeturin, se une nuk di shume, dhe te kepus ndonje te lenduar pa dashje.

Avokati i njohur Spartak Ngjela është përfshirë në debate të forta me studiuesin Panajot Barka në studion e gazetarit Artur Zheji në lidhje me të drejtat e shqiptarëve në Greqi.

Më herët Barka e quajti Ngjelën grek, ndërsa avokati i përmendi të ëmën.

Ngjela: Territoret shqiptare janë të pushtuara. Katër milionë shqiptarë nuk janë lejuar të flasin shqip në Greqi. Ka kishë që nxjerr një gjuhë të mallkuar?! Barka: O Zheji…

Ngjela: Pusho, do flas unë. Del jashtë. Je në Shqipëri. Po të durojmë shumë. Thyej qafën, dil jashtë. Mos më trego mua të drejtat e shqiptarëve. Nuk ka minoritet këtu.

Barka: Ose ndaloje të më fyej në pikëpamjen kombëtare ose ika. Dakord?! Është hera e dytë. Ose të flasë në mënyrë të kulturuar, ose…

Ngjela: Si e lejon ti atë që të më ndërhyjë mua. Nxirre jashtë. Barka: Më vjen keq tani. Më thërret njerëz që nuk peshojnë as dy gram.

Ish kryebashkiaku i Vlorës, Shpëtim Gjika ka reaguar pas komenteve të presidentit të Flamurtarit, Sinan Idrizi për të.  Përmes një postimi në Facebook, Gjika i kthehet keq Idrizit dhe kryebashkiakut të Vlorës duke i quajtur dy meshkuj që përkëdhelën dhe përqafohen “hot’

“Faleminderit, që pas kaq vitesh, në këtë moshë, më mundësove të shoh live dy meshkuj, (burra nuk u them dot), të “mikloheshin”, “të komplimentoheshin”, të “përkëdheleshin”, e pothuajse të ledhatoheshin me njëri-tjetrin, për ta mbyllur me një hot “përqafim”. Dhe në momentin që ata “dy meshkuj” (se burra nuk i quaj dot) e vendosën se, “armiku” i dashurisë së tyre, paskam qenë unë me “zevzellëkun” tim në fb, kaluan në orgazëm. Më pas, njëri nga “meshkut” fluturoi” në ajër, ndërsa “mashkulli” tjetër “zbriti” me këmbë në tokë”, shkruan Gjika në postim.

Por Leli ai që nisi edhe sherrin më herët shkruante në facebook për Gjikën që është i bezdisshëm dhe zevzek

“Tani është ‘keq me burrë, keq pa burrë’. Kryetari i bashkisë nuk është vetëm sot pranë ekipit, por është gjithmonë. Por ka një gjë qytetare të llojit të veçantë që ndryshe nga ai zevzeku i ‘Facebook’-ut që bezdis në çdo kohë dhe në çdo vend, Leli i qëndron pranë Flamurtarit, gjithmonë si një regjisor i mirë dhe ka informacion të saktë në çdo kohë, pa fyer qytetin, pa e bezdisur dhe pa e shkatërruar”,  ishte komenti i Idrizit për Dritan Lelin, kryetarin e Bashkisë Vlorë, por njëkohësisht edhe një ngacmim për ish-kryetarin Gjika.

Emisioni me “Me zemër të hapur” në ‘News24’ ka vijuar sot përballjen e dytë mes ish-vjehrrës Natasha me ish-nusen e djalit të saj, Eglantina. Gruaja nga Saranda pretendon se nipi i saj, i cili tashmë është nën kujdestarinë e nënës së tij, dhunohet nga babai i Eglantinës. Natasha ka akuzuar ish-nusen e saj se dokumenti i paraqitur për vlerësimin e fëmijës nga psikologu, është i falsifikuar.

Kaq ka mjaftuar që situata të tensionohej mes tyre në emision, kur ish-vjehrra Natasha, shpërtheu në akuza të ashpra duke e akuzuar se ka falsifikuar dokumentin, ndërsa nuk nguron që të ngrihet në këmbë në mes të emisionit. Kjo situatë detyroi drejtuesen e emisionit Evis Ahmeti që të ndërpriste emisionin, pasi gjyshja dhe babai nisën të nxjerrin video të fëmijës nga telefoni i vet. Ndërkohë, pjesë e emisionit ‘Me zemër të hapur’ u bë edhe edukatorja e Argentinit që ai kishte pasur në Sarandë, gjatë kohës që jetonte me babain. Ajo tha se fëmija në 10 ditëshin e dytë të muajit shkurt shfaqi sjellje jo të hijshme dhe shqetësonte fëmijët e tjerë. Ajo tha se me nënën e fëmijës, Eglantinën nuk ka pasur asnjë lidhje shoqërore, por marrëdhënie edukatore-prind, shkruan ‘BalkanWeb’.

“Në 10 ditëshin e dytë të muajit shkurt shfaqi sjellje jo të hijshme, shqetësonte shokët nuk i binte rregullave. Kërkova një komision që të dija si të punoja me fëmijën, në periudhën që fëmija ishte në kopësht, fëmija ishte me gjyshen. Më pas e mori nëna. Me Eglantinën nuk kam asnjë lidhje, vetëm marrëdhënie, prind edukatore. Unë e kam ndjerë si nënë, e kam lejuar djalin të komunikojë si nënë, edhe pse nga gjyshja e babai më thuhej mos ta lejoj”, tha edukatorja e kopshtit në Sarandë, Valbona Mehmeti.