Kanë vijuar edhe sot akuzat e kryetarit të Partisë Demokratike, Lulzim Basha kundër kryeministrit Edi Rama në lidhje me situatën e pandemisë në vend.
Kryedemokrati ka deklaruar në një status në “Facebook”, se Rama po i merr lekët shqiptarëve dhe në vend që t’i investojë në shëndetësi jua jep miqve të tij. Basha thotë se Rama pasi shkatërroi ekonominë tani po shkatërron edhe jetët e njerëzve.
“Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë. Çfarë bën Rama? Asgjë! Ai nuk ka asnjë plan. Spitalet janë në kolaps, të sëmurët dergjen në ambulanca, – shkruan Basha. – Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet. Pasi shkatërroi ekonominë, Rama po shkatërron jetët dhe shëndetin e njerëzve. Ai duhet të largohet. Bashkë do t’i fitojmë zgjedhjet, do ta ngremë ekonominë dhe do të sigurojmë ndihmë për çdo familje”.
Këngëtarja Bleona Qerreti ka pasur një përplasje të fortë me gazetarin Ilir Babaramo.
Kujtojmë se gjatë një shkrimi për presidentin e SHBA-së, Donald Trump, Babaramo kritikonte të gjithë shqiptarët në Amerikë që shpreheshin pro Trump. Mes shkrimit të tij, Babaramo përmendi edhe këngëtaren Bleona Qerreti, për të cilën thoshte se ishte pjesë e haremit të Trump.
“Asnjë politikan nuk ka luftuar komunizmin më shumë se presidentët e SHBA, republikanë dhe demokratë bashkë. I pari president që I bie këmbanave të alarmit në SHBA, 3 dekada pasi ai është varrosur është pikërisht Trump. Vërtet për të vënë duart në kokë. Në të njëjtën kohë kur të gjithë presidentët e mëparshëm, në rininë e tyre, kanë luftuar dhe me armë në dorë kundër komunizmit në xhunglat e Vietnamit, Trump zdërhallej me haremin e bleonave të tij në kazinot e Atlantic City apo fushat e golfit në Florida”, shkruante Babaramo.
Në lidhje me këtë deklaratë ka reaguar ashpër Bleona Qerreti, e cila e akuzon si një gazetar joprofesionist, por si thashethemaxhi. Sipas saj, Babaramo është paguar për të fabrikuar lajmin, e për të aluduar një situatë që nuk ka ndodhur kurrë. Blena pretendon gjithashtu se ka edhe dëshmitarë për këtë çështje. Më tej ajo tregon se mbështetja e Trump nuk ka qenë vetëm personale, por e ka bazuar edhe në programin e tij dhe atë çfarë i ofronte amerikanëve. Sipas Bleonës, Trump ka marrë rreth 70 milion vota dhe ai nuk mund të hedhë baltë mbi shqiptarët e Amerikës që kanë bërë sakrifica për t’u dhënë një të ardhme më të mirë fëmijëve të tyre. Bleona shkruan se nuk është turp që të lash pjata, por të lëpish pjata, që sipas saj bën Ilir Babaramo. Postimi i plotë i Bleona Qerretit:
I ndyruari Babaramo!!
Dua te te informoj, qe koha kur llapaqenet si puna jote “pikturonin” nje figure (me dashje) te shtremberuar per mua, e cila ne realtitet NUK KA EGZISTUAR KURRE, – ka mbaruar!!
Gjeja me themelore qe nje gazetar profesionist dhe me integritet ka per detyre te beje, eshte verifikoje burimin e lajmit, gje te cilen ti, – KANCER I SHOQERISE SHQIPTARE – JO QE NUK E KE BERE KURRE, PO AKOMA ME KEQ, JE PAGUAR PER TE HAPUR “SI LAJM” PIKERISHT NJE THASHETHEM!!
TURP PER TY QE NUK KE SHTYLLE KURRIZORE SI NJERI, DHE PIKE INTEGRITETI PROFESIONAL!!!
Ti nuk je gazetar me profession, ti je nje THASHETHEMEXHI I degjeneruar qe paguhesh te shesesh “thashethemin per lajm” me shpresen qe edhe ne 2020 njerezit te “hane sapunin per djathe”!!!
Ti e di me mire se une, qe je paguar per te fabrikuar, e aluduar nje situate qe ne realitet nuk ka ndodhur kurre dhe une kam deshmitare per kte!
Dhe fatkeqesisht vreri qe ka dale nga goja jote e NDYRE ka arritur te shkaterroje jete njerezish, duke nisur qe nga karierra deri tek familjet e tyre!!!
Ata jane njerez publik dhe une nuk jam e autorizuar ti permend publikisht por privatisht te jesh i sigurte qe kemi folur per rastin tend, dhe ata dhe familjet e tyre sot e kesaj dite jane okoma ne jeten time si miq te ngushte.
Kur kam qene e vogel, kam degjuar keshillen e prinderve te mi (dy nga njerezit me paqesore dhe jo konfliktuale qe njoh) per te mos adresuar kurre thashethemet qe “gojet e liga” si puna jote, jane paguar per ti perhapur ne drejtimin tim!!!
Sot qe jam e rritur nuk jam dakort me prinderit e mi, mendoj GABIMI I VETEM I IMI – eshte qe nuk ta kam cjerre masken qe atehere!!!
Sot mendoj qe psikologjikisht “fenomeni i perseritjes” se nje thashethemi kthen kete te fundit te merret i “mireqene” dhe absolutisht nuk mund te toleroj me kete “pikturen e shtremberuar” qe ti shpreson, qe une te vazhdoj te mos ta adresoj sic ka ndodhur me pare!!
Tani qe jam me e pjekur mendoj qe per “morrat” si puna jote ka vetem nje zgjidhje – VAJGURI!!!
Keshtu qe meqe ti nuk po pret sa te dale libri po te them titullin e “kapitullit tend” ne librin tim: Babarmo – nje mashkull pa *** qe blehet per 1000 EU!!!! KAQ!!! (per tani)
Dhe meqe nuk ti kane thyer dhembet tamam ashtu si duhej (e sic e e meritoje) para 20 vjetesh per ato qe ke fabrikuar, me vjen mire tani, qe me me fund komuniteti Shqiptar ketu ne Amerike mbas 20 vitesh po te “thyen hundet” per artikullin qe ke shkruar qe me siguri – je paguar!!!
Ja disa nga pergjigjet e shqiptareve ndaj Babaramos per artikullin e tij ”Brilant” injorant!!!
Duke ju bashkuar mendimit te tyre per ty kam dhe dy fjale me shume:
Babarmo o injorant me diplome !!
Kupto nje fakt te vetem – Jeta ime personale nuk ndryshon absolutisht nga fakti kush eshte president!!!
PER AQ KOHE SA UNE KAM ZOTIN ME VETE, MENDJEN, TALENTIN DHE FANSAT E MI UNE KAM DESHMUAR DHE DO VAZHDOJ TE DESHMOJ QE JAM “BLEONA” NE CDO VEND QE ZGJEDH TE JETOJ – PA MARRE PARASYSH KUSH ESHTE QEVERIA APO PRESIDENTI!!
Pa marre parasysh qe sot ka rezultate te ndryshme te zgjedjeve nga ato te atyre qe priteshin para 3 ditesh une nuk heq asnje pike e asnje presje nga ajo qe kam thene dhe nga supporti i padiskutueshem i imi per Presidentin TRUMP!!!
sepse me dallim nga ti une kam shrylle kurrizore, jam natyre shume besnike dhe definitivisht nuk kthej kurrizin nga fryn era!!!
Mbeshtetja ime publike per Presidentin TRUMP (qe ti e quan “aksident politik” pa mare parasysh qe 70.000.000 + njerez votuan prape per te) nuk ka te beje me jeten time personale, as me aspektin politik te administrates se tij, por me aspektin ekonomik dhe ne pergjithesi me kualitetin e jetes se fansave te mi, dhe te komunitetit shqiptar ketu ne ne Amerike – te atyre qe ti me percmim i quan pjatalares!!!
Kush kujton ti qe je o njeri I PAFTYRE qe percmon punen e ndershme dhe fyen dhe ofendon fansat e mi dhe gjithe komunitetin shqiptar ketu ne Amerike?
A e ke ti idene sa shume kane sakrifikuar komuniteti shqiptar ketu duke bere cdo lloj pune ne menyre qe femijet e tyre te shkojne ne shkollat me te mira ne Amerike per nje te ardhme te ndritshme??
Si nuk ke tru te kuptosh sa veshtire eshte te jetosh ne Amerike, e cdo te thote te sakrifikosh jeten tende per te ardhmen e femijeve te tu?
Dhe si guxon ti qe flet me percmim ne vend te admirimit????
Nuk eshte turp te lash pjata –
TURP ESHTE TE LEPISH PJATA sic ben ti!!!
Sigurisht ti nuk ke as guximin te mendosh, te jetosh ne Amerike sepse ketu per thashethemet qe perhap nuk paguhesh sic ndodh ne shqiperi, po ne te kunderten PAGUAN!!!
Prandaj mos guxo te zesh emrin tim me goje, dhe BOLL me me mesazhe percarese sidomos kur une kam qellim vetem nje gje, dhe nje gje vetem – UNITETIN!!!
Do doja dhe nje here te falenderoja nga zemra lideret e komunitetit shqiptar, shoqaten Vatra dhe kreret e kulteve fetare qe si asnjehere me pare jane bere te gjithe bashke ne 1 salle ne koncertin tim duke deshmuar keshtu nje here e mire qe: “Bashkimi ben fuqine”!!!
Dhe me kete rast si dite e djele qe eshte me vijne mdermend disa vargje te arta te Pashko Vases
….. Ca thone kam fè ca thonë kam din;
Njeni:”jam turk”, tjetri:”latin”
Do thonë: “Jam grek”, “shkje”-disa tjerë,
Por jemi vllazën t’gjith more t’mjerë! ……….
Coniu, shqyptarë, prej gjumit çoniu,
Të gjithë si vllazën n’nji besë shtërngoniu,
E mos shikoni kisha e xhamia:
Feja e shqyptarit asht shqyptaria!
PS : I ka rene fiks ky postim tamam per 8 Nentor!!
Kryeministri Edi Rama dhe kreu i Partisë Demokratike, Lulzim Basha, kanë vijuar edhe sot polemikat në distancë me njëri-tjetrin.
Ndërsa Rama ka vijuar debatin për raportin e Dick Marty-t për Gjykatën Speciale, Basha i është devijuar disi pyetjes, duke i përmendur kreut të qeverisë gjendjen alarmante të spitaleve Covid.
Në vijim të akuzave ndaj presidentit Meta dhe ish-kryeministrit Sali Berisha për votimin e raportit, këtë herë Rama ka përfshirë kryeopozitarin Basha, ku i adreson dhe një pyetje.
“Ilir a mund t’ia thuash shqiptarëve pse e votove pro raportin e Dick Marty, bashkë me Saliun kur ne e votuam kundër? Po ti Lulëzim a e sqaron dot çfarë dosje ke përgatitur për sajesën e Shtëpisë së Verdhë bashkë me mjekun peruan që dëshmon se ti ke mbledhur dëshmitë bashkë me të?”.
Basha e fton kryeministrin të hedhë sytë nga oborri i Infektivit, ku të infektuarit me Covid po dergjen në autoambulanca se nuk ka vend për ta.
“Edi Rama leri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin”, – shkruan kryedemokrati. /NOA/
sh-deputetja e Partisë Demokratike Jorida Tabaku ka reaguar sërish për gjimnazin “Sami Frashëri”, duke akuzuar kreun e Bashkisë së Tiranës se po gënjen për rindërtimin e shkollës.
Ajo vazhdon të hedhë akuza të forta për Veliajn dhe shkruan se shkolla nuk do të ndërtohet me fondet e BE-së.
“Një javë me radhë kam pyetur EV për pretendimin se fondet e BE për tërmetin do ndërtojnë shkollën “Sami Frashëri”. Ai hesht dhe fyen. Faktet?! Shkolla “Sami Frashëri” nuk do ndërtohet me fondet e BE, – komenton Jorida Tabaku. – Atëherë përse gënjeu dhe gënjen? Ngaqë do të fshehë të vërtetën që thërret në mes të sheshit. EV sot e kësaj dite nuk ka bërë ende transparente procedurat e tenderit. Gënjeshtra ka hundën e gjatë dhe këmbët e shkurtra. Fatkeqësisht gënjeshtarët kanë gjuhën e gjatë dhe iu mungon cipa!”, -shkruan ish-deputetja. /NOA/
Kryetarja e LSI-së, Monika Kryemadhi ka publikuar disa dokumente ditën e sotme, ku sipas saj tregohet se trualli ku ishte shkolla “Sami Frashëri” dhe rindërtimi i saj nuk figurojnë në listën e godinave për t’u rindërtuar.
Kryemadhi ka deklaruar sot se në vitin 2017, shkolla Sami Frashëri i kaloi Bashkisë së Tiranës me vendim qeverie, ndërkohë që sot sipas saj, ky truall sipas dokumenteve figuron me emër të disa bashkëpronarëve. “Unë jam Petro Ninse. Kam mbaruar shkollën Petro Nini Luarasi, është kjo shkolla këtu afër. Ndërsa për sa i përket shkollës Sami Frashëri të jeni të bindur që Monika ka thënë të vërtetën, nuk ka gënjyer. Tani unë do t’iu jap një dokument, që në vitin 2017 qeveria shqiptare ka ndërmarrë një vendim që shkollën Sami Frashëri dhe një listë çerdhesh t’ia kalojë Bashkisë së Tiranës”.
“Është një vendim qeverie për inventarizimin e pronave të veçanta, që është bërë dikur në mars të 2017. Dhe pas një periudhe shumë të gjatë vjetore, disa vjeçare, në 2020 regjistrohen më 21.04.2020 në Bashkinë e Tiranës, kjo është kartela e hipotekës, e pronës së shkollës Sami Frashëri, me numër pasurie 6/411. Kjo kartelë është e printuar po me datën 21.04.2020, është e shkruar. Sepse në kuadrin e dixhitalizimit dokumentet dalin edhe me datën që printohet. Vendimi Shkolla Sami FrasheriNë fakt ka dhe një njoftim këtu për një okupim Pëllumb Veiz Lakollari për një sipërfaqe 45 metra katrorë truall, që nuk ka të bëjë për këtë”, – vijoi ajo.
Kryemadhi shton se “tani çuditërisht më datën 28.10.2020 printojmë përsëri kartelën e shkollës Sami Frashëri dhe na del listë bashkëpronarësh, nuk është më Bashkia Tiranë, por e regjistruar përsëri më 21.04.2020. Unë nuk jam prokurore që ta sqaroj këtë gjë, por këtë mund ta sqarojë shumë mirë Prokuroria. Unë e kam denoncuar ditën e hënë te zoti Fevziu. Ditën e martë në orën 4 e gjysëm vendoset një tabelë e tillë me PVC dhe thotë studim, projektim 5 milionë euro me TVSH. Tani unë nuk kam parë tabelë investimi që të thotë studim, projektim 5 milionë euro, kur ndërkohë një shkollë që ka tenderuar në Vorë, në Durrës e ka 3 milionë euro ndërtim, studim, projektim.
Ndërkohë që këtë e ka studim projektim 5 milionë euro pa TVSH. Problemi tjetër qëndron, ne nuk kemi ndonjë nipt ndërtimi, por ka njerëz të ndershëm sa të duash Partia Socialiste edhe Bashkia e Tiranës, ashtu siç na sollën edhe dokumentet e shkollës Sami Frashëri, që shkolla Sami Frashëri nuk është tenderuar dhe nuk ka të shpallur fitues për tenderin e kësaj shkolle, as për studim projektim.”- u shpreh Kryetarja e LSI-së.
Por kryetari i Bashkisë, Erion Veliaj ka reaguar pas akuzave të kryetares së LSI-së, Monika Kryemadhi pas publikimit të disa dokumente, për të cilat tha se ka ndryshuar pronësia e shkollës “Sami Frashëri”.
Në reagimin e tij, Veliaj ka publikuar dy dokumente nga Kadastra ku sipas tij vërtetohet se pronësia e shkollës “Sami Frashëri” është e Bashkisë së Tiranës.
“Dilema është, duhet çuar për shpifje apo për mjekim? Ja prona e “Sami Frashërit, boll u bëtë gazi i botës! Pastaj hani inat me popullin që s’ju voton! Si te lodrat, pazari, sheshi, kalaja – njësoj Samiu – do fshiheni nga turpi. Po ju dhe turpin e hani me bukë”, shkruan Veliaj. /NOA/
Debati pas deklaratës së ministres së Shëndetësisë, Ogerta Manastirliu, e cila në seancën plenare të 29 tetorit, tha se në rast mbingarkese në spitale mjekët do të duhet të zgjedhin mes pacientëve, është rindezur.
Këtë herë, polemikat i ka sjellë Endri Fuga, drejtori i komunikimit të Partisë Socialiste.
Përmes një statusi në Twitter, Fuga ka rishpërndarë lajmin e BBC, për rifutjen në karantinë të NAglisë, teksa shkruan se mjekët do të jenë të detyruar të zgjedhin mes pacientëve.
““Mjekët dhe infermierët do të detyrohen të zgjedhin cilët pacientë do të trajtojnë, kush do të marrë oksigjen dhe kush jo, kush do të jetojë dhe kush do të vdesë,”-tha Z. Johnson. Basha paska me se të merret nesër,”- shkruan Fuga.
Basha e quajti të palogjikshme deklaratën e Manastirliut, ndërsa maxhoranca i doli në mbrojtje, duke bërë thirrje për zbatimin e masave, në mënyrë që të mos arrijmë në atë situatë.
Një ditë pasi presidenti llir Meta ka sulmuar Edi Ramën, duke e cilësuar “qen bir qeni dhe këlysh të bllokut”, kreu i qeverisë i ka kthyer përgjithe me të njëjtën monedhë.
Nga Kukësi, ku ndodhej për të prezantuar përzgjedhjen e kandidatëve për deputet, Rama tha se kreu i shtetit është kthyer në një “lolo” dhe pranon se për zgjedhjen e tij ka kontribuar edhe mazhoranca.
“Ilir Meta bashkë me Monikën, ça kërkon? Ça kërkon Meta nga shqiptarët që nuk rri dot një ditë rehat dhe pa bërë sherr. Kur zihen dy vetë fiton një i tretë dhe kjo është deviza e tij, fut në sherr që të fitojë vetë. E bënë shqiptarët kryeministër, kryetar dhe president, natyrisht, edhe unë edhe ne e bëmë president, por ishte me votat e tij dhe ne s’mund ta linim vendin pa president, – deklaroi Rama. Unë isha shumë i qartë se kush ishte roli i tij edhe tek çadra dhe isha shumë i qartë se Meta e kishte vendosur që të hidhej prapë në anën tjetër dhe ne i dhamë një president opozitës, jo lolo… Fakti që ai është kthyer në lolo, nuk ka qenë kështu në të shkuarën, njerëzit edhe rrjedhin edhe lajthisin, por kjo s’mund të parashikohet. Për cilën arsye duhet votuar për partinë e tij. Bashkë me Monikën janë kthyer si çokollata kinder surpriza, kur e hap gjen dy gogolë brenda…”.
Kryeministri u shpreh se aeroporti i Kukësit po bëhet realitet dhe shumë shpejt do ketë linja ajrore që nuk i ka as Tirana dhe as Prishtina.
“Shumëkush pyet përse na duhet një mandat i tretë? Përse unë kërkoj së bashku me skuadrën time një mandat të tretë për PS? Kjo për një arsye të thjeshtë, sepse kthesa që kemi marrë dhe tani kemi hyrë thellë për të dalë në rrugën që e ngre Shqipërinë në një nivel tjetër nuk mund të zmbrapset, sot kur gjithçka ka filluar të marrë formë si ky aeroport. Përfytyroni sikur PS e lë në mes këtë punë do të ndodhë më Shqipëri e njëjta gjë që ndodhi me rrugën e Kombit.
Shumë kush ka rrezikuar në rrugën e Kombit, ku u kthe në burim aksidentesh. Shikojeni sot çfarë po ndodh me rrugën e Kombit. Është një ndryshim cilësor i standardeve, i mënyrës së të projektuarit dhe të ndërtuarit në çdo funksion të çdo kalimtari. Shikoni se sa vepra arti ka gjatë rrugës, mbikalime apo rrugë dytësore për të lidhur komunitetet deri dje të izoluara. Shikoni çfarë vepre e jashtë zakonshme historike është bërë.
Thonë aeroporti ishte gati, por nëse do të kishte gjysmë gati parafytyroni se sa herë do ta kishte inauguruar Saliu. Ishte një pistë e ndërtuar me bujari të madhe nga mbreti i Emirateve të Bashkuara dhe e asistuar këtu nga vetë princi i kurorës, por u ndërtua në atë kohë të ulur thjesht mjetet që sillnin ndihma për ata që u shpërngulën me dhunën e spastrimit etnik nga Kosova.
Nuk ishte një pistë që mund të shërbente si aeroport Kombëtar. Sot është një kantier i madh, në punë intensivisht. Pasi janë zgjidhur problemet me të gjitha banorët
Është një ambicie shumë e madhe , jo vetëm për ata Kuksianët që do t’i sjell këtu me avion. 120 vota PD do ti ketë nga unë. Do të marr ata që kanë sharë më shumë, i ftoj të shajnë sepse kush do të shajë më shumë do të ketë një vend në avion. Ky do të jetë një aeroport që do të sigurojë linja që nuk i ka as Tirana dhe nuk do t’i ketë as Prishtina. Do të krijohen mijëra vende pune. Shumë më thotë çfarë i do aeroportet , kur ne s’kemi bukë, ato janë fabrika zhvillimi, sjellin me vete shumë aktivitete të tjera”, tha kryeministri. /NOA/
Vijojnë replikat mes deputetit KUjtim Gjuzi dhe kreut të Kuvendit, Gramoz Ruçi në Parlament. Gjatë seancës së sotme, Gjuzi ka kërkuar nga gratë deputete që të shkojnë në grevën e urisë në mbështetje të naftëtarëve të Ballshit. Po u përplas me kryeparlamentarini, duke theksuar se ky i fundit nuk mund ta urdhërojë që të qëndrojë ulur.
“Gripi është stinor. Nuk ka grip. Kush të ulet. Kush jeni ju që më thoni të ulem. Kemi qenë bashkë në këshillin bashkiak, nuk ulem kollaj unë. Ju gratë deputete duhet të shkoni atje në mbështetje të grevistëve. Unë tani do e dorëzoj kërkesën për interpelancë urgjente”, deklaroi Gjuzi nga foltorja.
Ndërsa Ruçi i është përgjigjur: “Kot e harxhove gjithë kohën tënde. Dorëzoje kërkesën tënde. Kur të shqyrtohet do marrësh përgjigje”.
Nuk është hera e parë që deputetit i opozitës parlamentare debaton me kreun e Kuvendit, më shumë për etikën dhe sjelljen, se sa për problemet e vërteta në vend. /NOA/
