Arsim

Fakulteti i Shkencave Sociale vendos kryen provimet e studentëve për sistemin bachelor dhe master

Arsim / /

Fakulteti i Shkencave Sociale bëri të ditur se ka vendosur që të zhvillojë online provimet e studentëve për sistemin bachelor dhe master.

Megjithatë ky fakultet ka lënë të hapur mundësinë që në rastet kur pedagogët gjykojnë se lëndë të caktuara nuk mund të zhvillohen në distancë, provimet të kryhen në auditore, por duke respektuar rregullat anti-Covid.

“FSHS, bazuar në kërkesat e ardhura nga grupet e ndryshme të studentëve të programeve bachelor dhe master, vendosi që provimet të zhvillohen online me të njëjtën procedurë që u realizuan edhe provimet e semestrit të parë të vitit shkollore 2020-2021.

Për disa lëndë, të cilat kërkojnë kushte specifike në procesin e realizimit dhe vlerësimit të provimit, të realizohen nga pedagogët në marrëveshje me studentët në auditor, duke zbatuar me rigorozitet protokollin anti Covid dhe ruajtjen e distancimit social, ashtu si u realzuan këto provime me specifika të vecanta dhe në semestër të parë”, thuhet në njoftimin publik të FSHS.

Studentëve që nuk kanë akses në internet, apo për arsye të tjera e kanë të pamundur të kryejnë provimet online u ofrohet mundësia që të zhvillojnë këto provime në shtator, kur do të caktohet një periudhë njëjavore për këtë kategori.

Fakulteti i Shkencave Sociale thotë se përgjatë dy javëve të fundit të përfundimit të çdo program do të realizohen dy seanca konsultimi në auditor, në kushtet e distancimit social për secilën lëndë, ku të gjithë studentët që nuk kanë pasur mundësi për ndjekje të rregullt të mësimit online, mund të konsultohen sipas grafikut një grafiku të përcaktuar nga secili department.

Fakulteti i Shkencave Sociale vendos kryen provimet e studentëve për sistemin bachelor dhe master Read More »

Studentët kthehen në auditore për konsultime, Rakacolli jep njoftimin e rëndësishëm

Arsim, Lajmi i fundit / /

Zëvendësministrja e Shëndetësisë, Mira Rakacolli ka folur për kthimin e studentëve në auditore për konsultimin për provime, duke u bërë thirje që të respektojnë me rigorozitet masat anti-Covid.

Ajo u shpreh më tej se fushata e vaksinimit masiv ka ndikuar në uljen e rasteve të reja, por pandemia ende nuk ka mbaruar, duke theksuar se gjatë fushatës elektorale për zgjedhjet e 25 prillit, nuk u zbatuan masat e sigurisë.

“Vaksinimi ka ulur ndjeshëm numrat e të infektuarve, por edhe numrin e të vdekurve dhe numrin e të shtruarve në spital. Patjetër, studentët duhet të vazhdojnë të respektojnë në mënyrë rigoroze masat nati-covid. Pra pandemia nuk ka mbaruar. I jemi afruar daljes së tunelit por akoma jemi brenda dhe një lëshim tani do na kthejë mbrapa. Duhet të vazhdojmë të ndjekim masat akoma. Jemi në atë momentin kur e kemi të pavlerësuar mirë nga ana e shifrave influencën që mund të ketë pasur zhvillimi i fushatës elektorale, pasi nuk u zbatuan si duhet masat kundër Covid-19”, u shpreh Rakacolli në Ora News.

Studentët kthehen në auditore për konsultime, Rakacolli jep njoftimin e rëndësishëm Read More »

Ministria e Arsimit pranon kërkesën e Komitetit Teknik, rihapen shkollat në vend

Aktualitet, Arsim, Njoftime / /

Pak orë pasi Komiteti Teknik i Ekspertëve kërkoi që mësimi për gjimnazistët të rikthehet në klasa, Ministria e Arsimit e ka aprovuar këtë sugjerim.

Lajmin e dha vetë ministrja Evis Kushi, në një deklaratë të posaçme për mediat, e cila tha se duke filluar nga java e ardhshme do të hapen shkollat.

“Më në fund, procesi mësimor për të gjithë nxënësit e arsimit parauniversitar nga klasa 1-12, do të zhvillohet në mjediset fizike të shkollave çdo ditë të javës, ndërkohë që të gjitha institucionet tona arsimore janë gati për këtë skenar që në fillim të javës tjetër duke ruajtur dhe respektuar rregullat e higjienës dhe distancimit fizik sikurse janë përcaktuar qartë nga MSHMS”¸ shprehet Ministrja Kushi.

Megjithatë, kanali televiziv dhe platform do vijojnë që të jenë në dispozicion të nxënësve.

“Kam shumë besim se ju do të vazhdoni të punoni intensivisht që maturantët tanë të dalin faqebardhë. Ju lutem, t’i shfrytëzoni këto javë që kanë mbetur për të identifikuar dhe plotësuar të gjitha mangësitë që mund të jenë krijuar gjatë mësimit online”, apelon ajo.

Një masë e tillë lehtësuese vjen në një kohë kur prej disa javësh në vend ka një përmirësim të ndjeshëm të situatës së koronavirusit./noa.al/

Ministria e Arsimit pranon kërkesën e Komitetit Teknik, rihapen shkollat në vend Read More »

Komiteti teknik merr vendimin për mësimin në gjimnaze

Arsim, Njoftime / /

Së shpejti maturantët do t’i rikthehen mësimit në klasa.
Kryetarja e Komitetit Teknik të Ekspertëve tha në mbledhjen e sotme se do t’i propozojë ministrisë së Arsimit që mësimi për nxënësit e gjimnazit të zhvillohet në klasa.

“Duke parë këtë situatë, Komiteti mendon që t’i propozoj ministrisë së Arsimit, që sa i përket procesit arsimor parauniversitar ta kalojë nga kombinimi në prezencë në klasë duke ndjekur protokollet”, tha Rakacolli, duke nënvizuar se nuk do ketë ndryshim të masave për parandalimin e përhapjes së infeksionit.

Rakacolli bëri një panoramë edhe të procesit të vaksinimit në vend.

“Sic shihet nga këto shifra dhe nga këto analiza Komitetin e Ekspertëve ka arritur në konkluzionin se situata ka vijuar të mbetet qëndrueshme, por kemi parasysh këtë tendencë të rritjes të të shtruarve në spitale ashtu sikurse edhe në ata që kanë pasur nevojë të thërrasin 127. Të shpresojmë që kjo situatë mos rëndohet.

Vaksinimi ka ecur me ritme të mira. Ka mbaruar vaksinimi me dy doza i personelit mjekësor dhe një pjesë e mirë e arsimtarëve. Janë vaksinuar policët. Ka vazhduar vaksinimi i grupeve të riskut. Pra, vazhdojmë të jemi nga vendet e para sa i takon vaksinimit në Ballkan, duke lënë prapa edhe Kroacinë”, tha Rakacolli. /noa.al/

Komiteti teknik merr vendimin për mësimin në gjimnaze Read More »

Ministria e Arsimit merr vendimin, ja kur do të jepen provimet e lirimit për klasat e 9-ta

Arsim, Njoftime / /

Provimet do të nisin në 16 qershor, ku nxëësit do të japin provimin e parë të detyruar në lëndën “Gjuhë Shqipe”.

Në datën 21 qershor do të jetë provimi i dytë në lëndën e “Matematikës”, ndërsa provimi i gjuhës së huaj do të jepet në datën 25 qershor.

Ndërkohë që nxënësit e pakicave kombëtare do të zhvillojnë edhe provimin në lëndën “Gjuhë Amtare” në datën 11 qershor.

Procesi mësimor këtë vit ka hasur shumë vështirësi për shkak të pandemisë, pasi për disa muaj nxënësit kanë zhvilluar mësim vetëm online.

Ministria e Arsimit merr vendimin, ja kur do të jepen provimet e lirimit për klasat e 9-ta Read More »

Maturantët e shkollave të mesme, ulen nesër në banka

Arsim, Lajmi i fundit, Njoftime / /

Maturantët e shkollave të mesme në 10 bashkitë e vendit (ku deri tani mësimi është zhvilluar “online”), do mund të ulen në banka që ditën e nesërme, e enjte, datë 1 Prill, 2021.

Lajmi bëhet i ditur nga Drejtoria e Përgjithshme e Arsimit Parauniversitar, pas sugjerimit të sotëm të Komitetit Teknik të Ekspertëve.

Sipas njoftimit nga ana e shkollave dhe strukturave tona janë marrë të gjitha masat e nevojshme për zhvillimin e procesit mësimor duke pasur parasysh zbatimin rigoroz të masave anti-COVID.

“Pas sugjerimit të sotëm të Komitetit Teknik të Ekspertëve, Drejtoria e Përgjithshme e Arsimit Parauniversitar (DPAP) informon se mësimi në banka për maturantët e shkollave të mesme në 10 bashkitë (ku deri tani mësimi është zhvilluar “online”), fillon që ditën e nesërme, e enjte, datë 1 Prill, 2021. Nga ana e shkollave dhe strukturave tona janë marrë të gjitha masat e nevojshme për zhvillimin e procesit mësimor duke pasur parasysh zbatimin rigoroz të masave anti-COVID”, thuhet në njoftim./noa.al/

Maturantët e shkollave të mesme, ulen nesër në banka Read More »

‘Çfarë tr ishtimi i t merrshëm! Harrojmë që një shkollim i keq është më shumë se një vr asje masive jetësh të rinjsh në dekadat e ardhëshme, më keq se Covid’

Arsim, Opinione / /

Nga Artan Fuga

Në vend të de batit për shkollim, sherrin nëse ndërhyn apo jo BE në fushatat elektorale

(O Zot na mbro!)

Që të trajtosh një reformë të qartë dhe të saktë për arsimin parauniversitar dhe universitar, kjo bëhet pasi të jenë zgjidhur dhe dhënë përgjigje shkencërisht disa pyetje. Përgjigje jo ideologjike, politike, sepse ato nuk janë përgjigje, janë sologane, por përgjigje bazuar në të dhëna të arsyetuara saktë.

Ku do të duam ta çojmë zhvillimin ekonomik, social, kulturor të Shqipërisë në së paku njëzet vitet e ardhshme. Përpunimi i modelit imagjinar i Shqipërisë të vitit 2050 është urgjeeeeent të përpunohet qysh tani. Ndryshe rraghim kot ujë në havan.

Cilat janë profesionet në shoqërinë shqiptare të dekadave që vijnë për të orientuar edukimin dhe formimin kulturor, shkencor, dhe profesional të të rinjve shqiptarë. Nuk mundet që universitetet të vazhdojnë të japin dije që i riu dhe e reja duhet t’i marrin që në shkollën nëntëvjeçare apo në gjimnaz. Nuk mësohet përshembull gjuha e huaj në moshën e universitetit.

Në çfarë mënyre do të organizohet shkollimi, si do të menaxhohet shkollat dhe universitetet që ato të mos jenë vi ktimat e përhershme të politikës dhe të ministrive burokratiko-propagandistike që e kanë shka tërruar formimin shkencor dhe mësimdhënien si edhe kërkimin shkencor. Mos na tregojë politika sesi do të jenë dijet në shkollë, por të na japi ligje që të mundësojnë që shkollat dhe universitetet ta gjejnë vetë ato rrugën që duhet për të dhënë dijet që duhen. Ministrisë i ka ikur përsëri nga dora ajo që ndodh. Janë rikhtyer Kristalet, më keq seç ishin. Doni prova? Mëz thirrni në gjyq se ju jap pa fund!

Pa krahasuar me botën se çfarë quan bota njeri të kulturuar, as mund të bëhet fjalë për sistemi dijesh dhe kulture në Shqipëri.

Ja katër parimet bazë që na ndihmojnë për të menduar. Ndryshe hajde të dëgjojmë propaganda shu rdhuese mbi shkollën.

Ne vend të de batojë politika për arsimin dhe shkencën, si t’a çlirojmë nga v argonjtë e burokracisë dhe politikës, de bati bëhet nëse de bati është një ndërhyrje e BE në fushatat elektorale të sotme apo jo!

Çfarë tr ishtimi i tm errshëm! Harrojmë që një shkollim i keq është më shumë se një vr asje masive jetësh të rinjsh në dekadat e ardhëshme, më keq se Covid.
/NOA.al

‘Çfarë tr ishtimi i t merrshëm! Harrojmë që një shkollim i keq është më shumë se një vr asje masive jetësh të rinjsh në dekadat e ardhëshme, më keq se Covid’ Read More »

Programi i PS-së për arsimin/ Rama: Anglisht që në klasën e parë, më të mirët nuk i ndal askush

Aktualitet, Arsim, Politike / /

Kryeministri Edi Rama në prezantimin zyrtar të programit të PS-së për shkollat dhe universitetin premtoi se do të nisë menjëherë futja e gjuhës angleze që nga klasa e parë, në gjithë shkollat e vendit.

Rama para se të pretendojë një mandat të tretë foli për rritjen e pagave të mësuesve, duke shtuar se ato do të shkojnë deri në 40 për qind më të larta.

Kryeministri gjithashtu u shpreh se ndryshe nga koha kur diplomat jepeshin nëpër magazina, dhe në oborret akademike futeshin të gjithë me mik, sot është ndryshe, por pranoi se nuk situata nuk është shumë premtuese në universitete.

“Askush sot nuk i lëviz dot mësuesit që vendin ta zërë dikush me lekë apo me një mbiemër të njohur, Jam shumë krenar që kur fëmija i një VIP-i nuk e meriton të hyjë në universitet nuk ka shans të hyjë. Apo kur del mbrapa fëmijës së një çobani, nuk ka shans ta parakalojë. Pasi sistemi i hyrjes në Universitet është i pamanipulueshëm”.

Kreu i qeverisë thase më pas fokusimi do të jetë në njohuritë teknologjike dhe dixhitale.

“Gjuha angleze do nisë të mësohet kudo në gjithë shkollat e vendit që në klasën e parë”.

“Është koha që të gjithë të mësohen me gjuhën bazë të komunikimit digjital, qysh sot ne duhet ta pajisim brezin me dijet bazë në të dyja e ta zhdërvjelltësojmë sistemin e ngrirë arsimor në shkenca inxhinieri e matematikë”.

“Bazuar në modelin e parë të ngritur në Tiranë që do zhvillohet më tej te Piramida e diktatorit e kthyer në një epiqendër të Shqipërisë së të ardhmes ne do çelim programin kombëtar 10 vjecar të kodimit për nxënësit e klasave 12-18, e do hapim qendra të specializuara të botës digjitale jo në iphone e ipad por në botën digjitale ku fëmijëve do u prezantohen themelet e saj”.

Qendra e parë është kjo e Tiranës, të tjerat në Shkodër Vlorë, Dibër Korcë Kukës e Berat e hap pas hapi në krejt Shqipërinë.

“Do çelim programin kombëtar për artet e zejet për shkollat e mesme, me kushte e detyra për të usthruar mendjen e duart përmes krijimtarisë në projekte si detyrim që bota e iphone e ipad mos marrë peng mendjen, shqisat e trupin e tyre”.

“Sportet do zënë vend më të rëndësishëm që nga klasa e parë deri në universitet, na duhet një profil i ri i drejtuesit të shkollave”, – tha Rama, i cili nuk kursen as akuzat ndaj opozitës, duke etiketuar Mark Markun dhe Agron Gjenmarkaj, si ‘dy personazhe të njohura për katastrofën arsimore’ në universitete.

Programi i PS-së për arsimin/ Rama: Anglisht që në klasën e parë, më të mirët nuk i ndal askush Read More »