Arsim

Deputetja e PD-së Nada Mecorapaj përmes një postimi në facebook ka zbuluar se gjashtë shkolla në Vlorë do të mbyllen këtë vit.

“Gjashtë shkolla në Vlorë nuk do të thonë më “Mirësevini, nxënës të dashur!”

Shtatori i këtij viti, për fëmijët dhe prindërit e shumë fshatarve në Vlorë, më shumë se gëzimin e ligjshëm që shoqëron çdo vit të ri shkollor, do të ngjajë me ‘gjendje lufte’.

Një numër i konsiderueshëm shkollash, janë mbyllur me vendim të Drejtorisë Arsimore dhe në to nuk do të jetë sivjet përshëndetja e ngrohtë “Mirësevini, nxënës të dashur!”. Shkollave në Dukat fshat, Tragjas, Radhime, Bestrovë, Mifol dhe Kërkovë u është vënë dryni.

Kjo do të thotë zhvendosje nxënësish në fshatra të tjerë, shpenzime në kohë dhe financa për prindërit, që duhet të pagujanë për transportin, e të tjera”, shkruan ajo.

Postimi i plotë

Gjashtë shkolla në Vlorë nuk do të thonë më “Mirësevini, nxënës të dashur!”

Shtatori i këtij viti, për fëmijët dhe prindërit e shumë fshatarve në Vlorë, më shumë se gëzimin e ligjshëm që shoqëron çdo vit të ri shkollor, do të ngjajë me ‘gjendje lufte’. Një numër i konsiderueshëm shkollash, janë mbyllur me vendim të Drejtorisë Arsimore dhe në to nuk do të jetë sivjet përshëndetja e ngrohtë “Mirësevini, nxënës të dashur!”. Shkollave në Dukat fshat, Tragjas, Radhime, Bestrovë, Mifol dhe Kërkovë u është vënë dryni.

Kjo do të thotë zhvendosje nxënësish në fshatra të tjerë, shpenzime në kohë dhe financa për prindërit, që duhet të pagujanë për transportin, e të tjera.

Siç më njoftojnë mëuesit e këtyre shkollave, vendimi është marrë në mënyrë jotransparente. Përderisa nuk u janë dhënë shpjegime mësimdhënësve, nuk ka nevojë të thuhet se prindërit dhe fëmijët dinë edhe më pak.

Drejtoria Arsimore e Vlorës, dhe eprorët e saj në Ministri, nuk duhet ta trajtojnë arsimin në Vlorë si skedinë bastesh. Na duhen më shumë shkolla dhe më paka pika llotosh; më shumë shkolla dhe më pak kafene; më shumë shkolla dhe më pak lojra fati.

Pse Ministria e Arsimit bën të kundërtën?/faxweb

Emilia Conforti, ka ruajtur me xhelozi gjuhën shqipe, ashtu sikurse e ruajtën edhe shumë arbëreshë të tjerë të Italisë ndër shekuj.

Madje ajo nuk është mjaftuar me kaq, ka ardhur në Kosovë që të përvetësojë gjuhën shqipe, në lexim dhe në të shkruar.

Ajo është bashkëpunëtore në Universitetin e Kalabrisë, ku edhe bën hulumtime, ndërsa më parë ka qenë e angazhuar edhe në Universitetin e Prishtinës. Në një intervistë për KosovaPress, Conforti tregon se gjuha e Arbërit vazhdon të flitet në familjet shqiptare të cilat u shpërngulën në Italinë Jugore pas vdekjes së Skënderbeut, para 5 shekujsh.

Sipas saj, arbëreshët kanë huazuar fjalë të shumta edhe nga italishtja, por duke u dhënë prapashtesa nga shqipja.

Teksa shton se arbërishtja nuk i ka marrë fjalët standarde të shqipes, duke e bërë që të duket dialekt tjetër. E pavarësisht këtyre, ajo thotë se nëse një arbëresh dhe shqiptar duan të komunikojnë së bashku, munden pa problem.

“Po tradita popullore kanë, i kanë edhe përrallat, edhe këngët, edhe shprehje dhe fustane, i bëjnë vallet çdo vit. Është ruajtur shumë mirë, kanë kaluar 500 vjet”, theksoi ajo.

Për të ndihmuar komunitetin arbëresh në Itali, ajo tregon se kanë krijuar disa fonde kombëtare përmes së cilave kanë organizuar kurse për të mësuar gjuhën shqipe.

Ndërsa kur jemi tek ruajtja e traditës, është pikërisht dëshira për të lexuar dhe mësuar këngët shqip. Ajo që e ka shtyrë Confortin që pastaj ta mësojë gjuhën shqipe në universitet.

Ajo thotë se edhe arbëreshët e tjerë, kanë interesim të dukshëm për të mësuar dhe përvetësuar shqipen.

Viti 2003 për arbëreshen Emilia Conforti shënon vizitën e saj të parë në Kosovë, për të ndjekur Seminarin e Gjuhës, Letërsisë dhe Kulturës Shqiptare, gjë që i ka ndihmuar të flas më rrjedhshëm.

Paralelisht me regjistrimet e atyre që futen këtë vit rishtazi, universitetet publike e private nesër hapin dyert edhe për ata që dëshirojnë të transferojnë studimet apo dëshirojnë të ndjekin një program të dytë studimi. Udhëzimi i pranimeve që ka hartuar ministria u ka dhënë 2 javë afat për ta bërë këtë gjë.

“Kandidatët që kërkojnë të ndjekin një program të dytë studimi apo të transferojnë studimet në programet e studimeve të ciklit të parë, në programet e studimeve me karakter profesional si dhe programet e integruara të studimeve të ciklit të dytë në institucionet e arsimit të lartë për vitin akademik 2018-2019, kanë të drejtë të aplikojnë pranë institucioneve të arsimit të lartë nga data 3 shtator 2018 deri në datën 14 shtator 2018”. Rregulli është i qartë. Kjo procedurë duhet të përfundojë përpara se të nisë viti i ri akademik. Më pas nuk pranohen më studentë.

“Nuk mund të pranohen aplikime për transferime gjatë vitit akademik. Kandidatët që aplikojnë për transferim të studimeve për program të dytë studimi duhet të plotësojnë kriteret e përcaktuara nga institucionet e arsimit të lartë për programet e studimit, për të cilat aplikojnë”, citohet në udhëzimin e MAS. Fakultetet e ndryshme kanë shpallur edhe listën e dokumenteve që nevojiten për aplikim: kërkesa e studentit, plani i plotë i programit të studimeve, vërtetim i listës së notave e krediteve, kopje e kartës së ID, dy foto personale, mandatpagesë si dhe fotokopje të noterizuar të diplomës së pjekurisë për maturantë të vjetër.

Ministria u heq të drejtën e aplikimit ish-studentëve të universiteteve të mbyllura në 2014-ën me vendim qeverie, ndërsa kushtëzon transferimet në programe të ngjashme të të njëjtit cikël. Në udhëzimin e ministrisë, njësoj si me pranimet e reja, është parashikuar zhvendosja e vizës së kuqe për të plotësuar numrin e kuotave të parashikuara për transferimet dhe programe të dyta studimi. Kjo duhet të mbyllet brenda datës 18 tetor.

SI BËHET PËRZGJEDHJA E MË TË MIRËVE

Për të shqyrtuar dosjet e aplikuesve, ngrihet një komision, i cili zgjedh fituesit brenda 25 shtatorit, datë kur shpallet edhe lista përfundimtare në fakultete. Nota mesatare e studimeve është një ndër kriteret kryesore përzgjedhëse për transferime. Studimet në degë të njëjta, brenda profilit apo të të njëjtit fakultet përbëjnë gjithashtu avantazh për konkurrentët.