Arsim

Rinis projekti “Arkeologu i vogël”, me nxënësit e shkollës jopublike “Faik Konica” që vizituan Muzeun Historik Kombëtar.

“Arkeologu i vogël”, ky projekt i iniciuar nga Sektori i Programeve Edukative pranë Muzeut Historik Kombëtar, rinisi për vitin e ri shkollor 2018-2019 me fëmijë nga shkolla jopublike “Faik Konica”.

Fëmijët, të shoqëruar edhe nga dy mësuese të tyre, si fillim bënë një guidë në muze. Ata u njohën imtësisht me Pavijonin e Lashtësisë dhe me objektet e zbuluara në vite prej ekspeditave arkeologjike.

Më pas nxënësit u drejtuan për në atrium, ku zhvilluan pjesën tjetër të aktivitetit, që kishte të bënte me imitimin e gërmimeve dhe gjetjen e objekteve antike. Pas gërmimeve fëmijët vizatuan objektet të cilat i kishin gjetur vetë.

Qëllimi i këtij aktiviteti është, që fëmijë të moshave të ndryshme të vijnë në muze dhe të njihen më nga afër me historinë e vendit tonë. Konkretisht, projekti në fjalë i njeh nxënësit me procesin e gërmimeve që bëjnë arkeologët gjatë ekspeditave të tyre në terren.

Qeveria mori sot vendimin mbi mënyrën se si do të funksionojë shkolla e drejtorëve në arsim, si dhe mënyrën e trajnimit dhe certifikimit të tyre.

Kështu, sipas vendimit të publikuar sot, thuhet se Shkolla e Drejtorëve të Institucioneve të Arsimit Parauniversitar bashkëthemelohet nga Ministria e Arsimit, Sportit dhe Rinisë (MASR) dhe Fondacioni Shqiptaro-Amerikan për Zhvillim, me emërtimin zyrtar “Albanian-American Development Foundation” (AADF).

Kjo shkollë do të funksionojë si një organizatë jofitimprurëse, pa anëtarësi, në formën “Qendër”, ku bordi drejtues do të ketë jo më pak se 5 (pesë) anëtarë dhe një drejtor ekzekutiv.

Lidhur me procedurën e emërimit, shkarkimit dhe kompetencave të bordit drejtues dhe të drejtorit ekzekutiv përcaktohen në statutin e Shkollës së Drejtorëve të Institucioneve të Arsimit Parauniversitar, të miratuar nga bashkëthemeluesit e saj, në përputhje me legjislacionin në fuqi për organizatat jofitimprurëse. AADF-ja gëzon të drejtën e shumicës së thjeshtë të anëtarëve në bordin drejtues. Kryetar i bordit është njëri prej anëtarëve të emëruar nga ministri i Arsimit, Sportit dhe Rinisë.

Pranë kësaj shkolle do të krijohet bordi këshillimor, si një organ konsultativ i drejtorit ekzekutiv, pa funksione vendimmarrëse. Ky institucion do të vlerësojë nevojat për trajnim të drejtorëve, do përcaktojë llojin e trajnimeve, si proces përgatitor për certifikim, trajnim e vazhdueshme, lëshojë certifikatat. Sakaq, kjo shkollë do të përcaktojë kriteret e përzgjedhjes dhe përzgjedhjen e kandidatëve, të cilët do trajnohen.

Në vendim thuhet gjithashtu se, kjo shkollë do të monitorojë drejtorët dhe nëndrejtorët në vendet e tyre të punës. Po kështu, do të krijohet rrjeti i drejtorëve dhe nëndrejtorëve të trajnuar nga kjo shkollë. Një pikë e rëndësishme është edhe bashkëpunimi me
homologë të huaj dhe organizma ndërkombëtarë.

Lidhur me kushtet dhe kriteret e përzgjedhjes së drejtorëve dhe nëndrejtorët në detyrë, në programin e zhvillimit profesional të drejtorëve/nëndrejtorëve të institucioneve të arsimit parauniversitar në Shqipëri, këto do të miratohen nga ministri përgjegjës për Arsimin, pas konsultimit paraprak me Shkollën e Drejtorëve. Trajnimi i drejtorit/nëndrejtorit në detyrë zhvillohet me kohë të pjesshme, pa shkëputje nga puna.

Pas kalimit me sukses të provimit përfundimtar, drejtorët dhe nëndrejtorët në detyrë si dhe kandidatët për drejtor/nëndrejtor pajisen me certifikatën për drejtimin dhe administrimin e institucionit arsimor parauniveristar, e cila lëshohet nga Shkolla e Drejtorëve.

Të gjitha kostot e trajnimit do të sigurohen nga Ministria Arsimit. Shkolla e Drejtorëve të Institucioneve të Arsimit Parauniversitar ka buxhetin e vet, të cilin e miraton dhe e administron bordi drejtues i Shkollës së Drejtorëve, në përputhje me statutin e saj.

Vendim hyn në fuqi pas botimit në “Fletoren zyrtare”. /atsh

Shkolla e mesme industrale “Pavarësia”, në pararojë të arsimit profesional në Shqipëri.
Stafi dhe drejtuesit e përkushtuar të kësaj shkolle, baza prodhuese moderne, projektet dhe programet që zbatohen në këtë shkollë kanë bërë që vetëm në pak vite numri i nxënësve të dyfishohet duke i afruar biznesit dhe ndërrmarjeve te ndryshme më shumë profesionistë në të gjitha fushat.
Sot mes tyre për t’ju uruar nga afër suksese në këtë vit të ri shkollor. Mbarësi dhe suksese!

Edhe Deputetja e Vlorës Vilma Bello ka uruar nxënësit për një vit të mbarë dhe suksese në rrugën e dashurisë për dijen në vitin shkollor që sapo nisi.

Ja si i uron Vilma…

Në ditën e parë të shkollës, me fëmijë e nxënës, mësues e edukatore të shkollës 9-vjeçare “Ibrahim Kushta” dhe kopshtit të lagjes “Bashkimi” për të uruar suksese në rrugën e dashurisë për dijen në vitin shkollor që sapo nisi, vit që shënoi kthesë në arsimin shqiptar, tekstet falas për 190 mijë fëmijë nga klasa e parë në të katërtën, nga shtëpitë botuese më prestigjoze. Kjo kthesë historike që ndodhi këtë vit, do të pasohet nga ndryshime po kaq pozitive në vitin pasardhës, librat e klasës së pestë falas dhe deri në përfundim të mandatit, të gjithë librat e ciklit 9-vjeçar.
Suksese e përkushtim ju mësues të nderuar, suksese ju nxënës e të rinj, e ardhmja jonë, urime e suksese ju prindër në dashurinë dhe përkujdesjen për fëmijët tuaj! E gjithë vëmendja për ju, e gjithë vëmendja për femijët!

22 228 nxënës kanë startuar sot në Vlorë vitin e ri shkollor 2018-2019. Nga të cilet 1418 ulen per here te pare ne bankat e shkolles. Në Vlorë ka startuar keshtu viti i ri shkollor, ndërsa krahasuar me një vit më parë, ulen në bankat e shkollës për herë të parë, 51 nxënës me shumë.

Një vit më pare  në bankat e sholles uleshin per here te pare 1367 femije. Ndërkohë në Vlorë janë mbyllur gjashtë shkolla, kryesisht në fshatra, të cilat nuk plotësonin numrin e nxënësve, por edhe sepse kanë funksionuar me klasa kolektive. Nje vit me parë hapnin dyert 120 institucione arsimore, ndërsa këtë vit shkollor janë plot gjashtë shkolla më pak.

Në të gjithë vendin sot ka startuar viti i ri shkollor 2018-2019, ku 480 mijë nxënës pritet të ulen sot në bankat e shkollës.

Sipas Ministrisë së Arsimit rezulton se rreth 32 mijë nxënës do të shkojnë sot për herë të parë në shkollë, dhe do të nisin klasën e parë.

Ky vit shkollor ndryshe nga vite e tjera ka risi librat falas për nxënësit e klasë së parë deri në klasën e katërt, si dhe libra falas për kategori të tjera sociale si familjet në nevojë dhe fëmijët jetim.

Në të gjithë qarqet e vendit, bashkitë institucionet arsimore prej muaj kanë nisur përgaditjet për pritjen e nxënësve në fillimin e vitit shkollor. /a.g/ATSH- I. Vata/