Arsim

Ambasada e SHBA-së në Tiranë ka përzgjedhur si foto të ditës momentin e certifikimit të shqiptares Elvira Xhemalaj, e cila përfundoi programin e trajnimit profesional “Njerëzit të Parët Shqipëri”, një program i USAID. “Foto e Ditës -Gjatë ceremonisë së diplomimit të mbajtur këtë javë, Zv. Shefi i Misionit në Detyrë Daniel Koski i dorëzoi Elvira Xhemalajt certifikatën e përfundimit të programit të trajnimit profesional ‘Njerëzit të Parët Shqipëri’, një program i USAID/Albania, bashkëfinancuar me Ambasadën suedeze.

Elvira ishte një nga 200 të diplomuarit e këtij trajnimi profesional

Ambasada amerikane nëpërmjet historisë njerëzore nxjerr në pah jo vetëm pasionin e një gruaje në Shqipëri për të kontribuar në fushën e turizmit, por demonstron vlerat turistike dhe bukuritë natyrore të vendlindjes së Elvira Xhemalaj, që është Vlora. “Elvira Xhemalaj, u rrit në qytetin bregdetar shqiptar të Vlorës, i cili ndodhet përgjatë Rivierës së harlisur shqiptare midis detit Adriatik dhe Jon, të ndara vetëm me një kalim malor. Rritja e rrethuar nga fauna dhe flora e çoi atë për të studiuar biologjinë në një kolegj lokal”, shprehet ambasada. Po ashtu ambasada e SHBA-së vlerëson potencialin ekonomik të turizmit në Shqipëri. “Pas arritjes së diplomës së saj të dytë në biologji, Xhemalaj mori një kthesë të papritur dhe kërkoi stërvitje me projektin People First të USAID-it, i cili ofron profesionistëve të rinj dhe profesionistë të karrierës në trajnimin profesional në turizëm – një sektor i painvestuar që ka potencial të madh ekonomik në Shqipëri”, shprehet ambasada. /j.p/ ATSH.

Nuk do të kishim reaguar, nëse nuk do të kishim dëgjuar, palaçollkun dhe maskarallëkun e ministre “parukerisë” Lindita Nikolla, për skandalin e dyshes së “famshme” “Noizy-Stresi”, futur në librat shkollorë, por deklarimi i saj publik, ishte vërtetë i turpshëm e denigrues për nxënësit dhe prindërit, që kanë fëmijë në shkollë.

Siç është bërë e njohur nga vetë reperët Noizy dhe Stresi, mendjendriturit e Ministrisë së Arsimit me në krye ministren analfabete, kanë bërë simbol dhe model edukimi e kulture, të nxënësve në ciklit të ulët, profilin e dy reperëve Noizy e Stresi, duke i futur në programet mësimore, si kurrikul bazë, të dijeve shkollore.

Lidhur me këtë skandal të rëndë, që tregon degradimin e arsimit shqiptar, të bërë “paçavure”, ka dhënë sqarim ministrja Nikolla e cila, skandal-trupin e futjes së Noizyt e Stresit në programet mësimore, e ka quajtur “normalitet dhe zhvillim të arsimit, ndërsa nxënësit i ka konsideruar “kavje eksperimentale”!

Nuk e dimë, nëse prindërit, do të reagojnë pas kësaj deklarate të rëndë, që tregon krimin psikologjik e moral mbi fëmijët, duke i përdorur si “kavje”, për çmenduritë e pafundme,  që shpik e fut në programe, ministrja dhe kryeministri.

Por nga sa kuptuam, prej deklarimit të ministres Nikolla, me këtë mendje që ka kjo qeveri, nuk ka asnjë dyshim, që vitin tjetër, në librat shkollorë, të futen si pjesë e programeve mësimore edhe “veprat” e Babales, Alizotit, Salianjit, Taulantit, Rexhepit, Xhisielës e Durim Bamit/Pamfleti

Ja tema mësimore, që bëjnë nxënësit, për Noizyn

Noizy është __ më i njohur për të rinjtë shqiptar. Ai lindi në qytetin e ___. Disa nga këngët e tij janë:____”

Këtë verë, Noizy i këndoji pafund “Toto-së”  (e përkthyer në shqip “vaginë”) “Fletshat”, një këngë e kushtuar hashashit dhe vendit të prodhimit Lazaratit.

“Ak-47”, këngë e kushtuar një lloji automatiku, ku në tekst, Noizy të çon në parajsë (You ain’t no Badboy I’ll send you all to heaven)

“Gunz Up”, një tjetër këngë për armët dhe drogën

Kënga e fundit në bashkëpunim me Varrosin, sërish duke i kënduar të njëjtave gjëra të përmendura më sipër.

Ka mbyllur dyer këtë vit shkolla 110 vjeçare në fshatin Tragjas të qytetit të Vlorës.

Këtë vit, shkolla “Zonja Çurre” nuk u hap dhe në derën e saj nuk kishte me mbishkrimin “Mirësevini nxënës të dashur”.

Kjo shkollë që u mbyll sivjet, është ndër shkollat e para të gjuhës shqipe.

Ajo nuk do të çelë dyert për shkak të reduktimit të ndjeshëm të numrit të nxënësve.

Prindërit e fëmijëve shprehen kundër mbylljes së shkollës, ndërsa thonë se shumë prej nxënësve kanë zgjedhur Orikumin dhe Vlorën për t’u shkolluar.

Raundi i parë i regjistrimeve në universitetin “Eqrem Çabej” në Gjirokastër u mbyll me një numër minimal prej 163 regjistrimesh, nga 805 studentë që ishte kuota e miratuar për këtë universitet.

Degët që do të mbyllen këtë vit, sipas rektorit, Bektash Mema, janë kryesisht drejtime të mësuesisë dhe konkretisht Matematika dhe Fizika, Fizikë dhe Teknologji Informacioni, Gjuha Italiane dhe Gjuha dhe Letërsia Greke.

Degët traditcionale të mësuesisë si Gjeografia dhe Historia, Letërsia dhe Bio-Kimia synohet të shpëtohen prej regjistrimeve të fazës së tretë dhe do të kenë maksimalisht nga 5 studentë. Sipas rektorit Mema, këto degë u penalizuan prej notës mesatare 7, por edhe prej rrethanave të tjera shumë specifike për jugun e vendit.

Këtë vit, regjistrimet e reja janë fokusuar në programet 2-vjeçare profesionale tek të cilat kandidatët shohin edhe mundësinë e punësimit. 20% më shumë regjistrime ka universiteti falë këtyre degëve. Kështu, rreth 500 studentë do të nisin për herë të parë studimin në degë për të cilat tregu duket se ka nevojë emergjente. Interesat janë në degët udhërrëfyes turistik, menaxhim turizmi, infermieri, edukatore për moshat 1-3 vjeç.

Rreth 1300 studentë po vijojnë studimet këtë vit në të gjitha programet e studimit pranë universitetit “Eqrem Çabej”. Universiteti është duke vlerësuar mundësinë e shkrirjes së disa departamenteve vitin e ardhshëm, ndërsa numri i pedagogëve do të jetë më i ulët që këtë vit.

Rektori i ketij institucioni ka reaguar mes nje deklarate per mediat referuar programeve te studimit qe kane patur me pak interes,por edhe faktit se ne dege te tjera te caktuara ka kuota te plotesuara.

Duke kerkuar te jape nje informacion pozitiv,rektori Roland Zisi ka konfirmuar se kuotat jane te plotesuara ne deget Inferemieri,Juridik dhe Ekonimik,ndersa mbetet ende problem,rregjistrimi ne disa dege.

Kimi,Matematike dhe Fizike, mbeten ende pa kerkesa,duke rrezikuar te mos çelen ne vitin e tyre te pare.

Rektori lidhi nje sere arsyesh,ndersa fakti i uljes se rregjistrimeve lidhet me nje problematike qe po ndeshet ne te gjitha universitetet shqiptare kete vit ,jo vetem ne universitetin e Vlores.

Në më pak se një javë nga nisja e vitit të ri akademik, tre degë në Universitetin Ismail Qemali të Vlorës, nuk do të çelen, në vitin e parë të studimeve. Bëhet fjalë për degët e studimeve në Matematikë, Kimi , Fizikë, në të cilat kërkesat për rregjistrim kanë qënë në nivelin zero.

Asnjë interesim nga maturantët për tu rregjistruar në këto tre degë, cka do të thotë se universiteti Ismail Qemali i Vlorës do të nisë vitin e ri akademik pa tre degë, në vitet e tyre të para. Konfirmuar edhe nga rektori Roland Zisi, bëhet me dije se kërkesat në këto tre degë kanë qënë thuajse zero, ç’ka ndikon në çeljen e tyre.

Ka ende një shpresë të vogël, pasi raundi i tretë i rregjistrimeve mbyllet në datë 19 tetor, por për tu hapur një degë studimi, duhen minimalisht 10 studentë të rregjistruar. Duke parë kërkesat e deritanishme, duhet pranuar se nuk ka asnjë lloj mundësie që diçka e tillë të ndryshojë në ditët në vijim. Këto tre degë do të vijojnë të funksionojnë në vitin e dyte dhe të tretë të tyre, ndërsa në vitin e parë nuk do të çelen fare. Por burime nga Universiteti i Vlorës konfirmojnë gjithashtu se edhe niveli i rregjistrimeve në këtë vit është më i ulët se vitin e kaluar, në rreth 10- deri në 20%, në degë të caktuara.

Kryeministri Edi Rama ka bërë publik sot projektin më të ri në kuadër të ruajtjes së rendit, rregullit dhe sigurisë në shkollat e vendit, duke angazhuar në 150 shkolla, 150 oficerë sigurie.

“Sot kemi vendosur që në 150 shkolla do të fillojnë nga puna, 150 oficerë sigurie të trajnuar enkas për këtë program, program që sikundër na e ka çmuar projekti pilot siguron një rritje cilësore të ndërveprimit mes shkollës, familjes dhe Policisë së Shtetit në funksion të mbrojtjes së fëmijëve nga hyrja në kanalet e lëndëve narkotike, por edhe në funksion të parandalimit të fenomeneve të dhunës, të mbrojtjes së shëndetit dhe të moslënies së orëve të mësimit”- tha Rama.