Arsim

Rikthehen studentët e revoltuar, protestë sot para ministrisë së Arsimit

Aktualitet, Arsim / /

Mijëra të rinj nga të gjitha universitetet publike të vendit do të protesojnë sot përpara Ministrisë së Arsimit. Pas një pauze disamujore, protestat stduentore rikthehen pasi Pakti për Universitetin i premtuar nga kryeministri Edi Rama nuk u përmbush.

Në të gjitha universitetet dje janë zhvilluar takime të studentëve. Në takimin e të rinjve të universitetit “Fan Noli” në Korçë u vendos si më poshtë:

Sot me datë 20/05/2019 u mblodhën përfaqësuesit e studentëve të Universiteteve të Shqipërisë në Universitetin “Fan S.Noli” Korçë. Në fund të mbledhjes u konstatua se pakti për universitetin nuk është përmbushur siç u premtua.

Në konstatuam dhe kërkojmë pikat si vijojnë më poshtë

Portali i transparencës të bëhet funksional

Pesha e votës të studentëve për zgjedhjet e dekanëve dhe rektorëve të rritet në 25 %

Zgjedhjet e universiteteve dhe studentët kërkojnë që organet kompetente të njohin vullnetin e studentëve, pra të njohin si përfaqësues në Bordin e Administrimit kandidatin e votuar

Karta e studentit të jetë e unifikuar dhe të ketë vlefshmëri në rang republike, për të gjithë studentët njësoj

Stazhet të paguhen të plota

Rankimi i programeve të studimit

Përmirësimi i kurrikulave mësimore

Sondazhi Kombëtar i Studentëve dështoi

Afrimi i provimit të licencës (1 muaj mbas stazhit)

Ndaj, ditën e mërkurë, më 22 maj 2019, do t’i bashkohemi protestës studentore kombëtare, kundër sistemit dhe në funksion të pikave të mësipërme. ?do universitet do të ketë formën e tij të protestimit, por theksojmë se ne do të vazhdojmë të qëndrojmë pa u lëkundur drejt kërkesave tona. Në rast se pikat e mësipërme nuk do të merren parasysh, do të përshkallëzojmë protestën tonë studentore.

Rikthehen studentët e revoltuar, protestë sot para ministrisë së Arsimit Read More »

Meta apel të rinjve: Rikthehuni fuqishëm tek libri dhe leximi, lërini kafenetë

Aktualitet, Arsim, Politike / /

Presidenti i Republikës, Ilir Meta në Ditën Ndërkombëtare të Librit dhe të Drejtave Autoriale ka apeluar për rikthimin e të rinjve drejt librit dhe leximit.

“Libri është jo vetëm miku më i mirë, por edhe dashuri e madhe e të gjitha kohërave. Është e trishtueshme të shohësh sot biblioteka bosh dhe kafene të mbushura plot me të rinj, por asnjëherë nuk është vonë t’i orientojmë ata drejt librit dhe t’u kujtojmë se vetëm dija mund të pasurojë dhe të ndryshojë jetët e tyre”, shprehet Presidenti Meta.

“Rikthehuni fuqishëm tek libri dhe leximi, për plotësimin e dijeve dhe ëndrrave tuaja, është ky apeli im për të gjithë të rinjtë e të rejat, sot në Ditën Ndërkombëtare të Librit dhe të Drejtave Autoriale”, thekson Presidenti Meta./atsh

Meta apel të rinjve: Rikthehuni fuqishëm tek libri dhe leximi, lërini kafenetë Read More »

Reforma në Drejtësi, Gjonaj leksion të hapur në Akademinë e Sigurisë

Aktualitet, Arsim / /

Ministrja e Drejtësisë ka dhënë një leksion të hapur, të martën, në Akademinë e Sigurisë, Fakulteti i Sigurisë dhe Hetimit, ku në thelb ishte ecuria e Reformës në Drejtësi.

Ministrja Gjonaj, u shpreh e emocionuar për rikthimin në auditorë, edhe pse kësaj radhe ishte në cilësinë e Ministres së Drejtësisë. 

“Përsëri në auditorë, por kësaj here si Ministre Drejtësie, sot zhvillova një leksion të hapur në Akademinë e Sigurisë, Fakulteti i Sigurisë dhe Hetimit, pas ftesës së Dekanit, Drejtues i Parë, Ilirjan Mandro.

Ecuria e Reformës në Drejtësi, procesi i Vetingut si dhe lufta ndaj korrupsionit, ishin temat e leksionit”, bën të ditur Gjonaj.

“Studentët e sotëm dhe oficerët e së ardhmes, ishin tepër të interesuar për këto procese, të cilat luajnë një rol të rëndësishëm për të ardhmen e Shqipërisë”, bën të ditur Ministrja e Drejtësisë. /atsh

Reforma në Drejtësi, Gjonaj leksion të hapur në Akademinë e Sigurisë Read More »

Korçë, ekspozohen dëftesa e diploma që nga fillimet e arsimit shqiptar

Aktualitet, Arsim / /

Me rastin e 7 marsit Muzeu Kombëtar i Arsimit në Korçë vjen me një ekspozitë mjaft interesante për publikun mbi vlerën e mësuesit dhe arsimit si një hallkë e rëndësishme në zhvillimin e një shoqërie.

Ekspozita pasqyron për publikun “Dëftesa dhe diploma të shkollave të Korçës” që prej fillimeve e deri në Luftën II Botërore.

Ministrja e Kulturës Elva Margariti ka uruar festën e 7 marsit me anë të kësaj ekspozite. “Gëzuar 7 Marsin! Faleminderit armatës së dijes që përgatit dhe formon të ardhmen e kombit shqiptar.

Ju presim në ekspozitën “Dëftesa dhe diploma të shkollave të Korçës” prej fillimeve e deri në Luftën II Botërore në Muzeun Kombëtar të Arsimit ”Mësonjëtorja e Parë Shqipe”, Korçë””, tha ajo./atsh

Korçë, ekspozohen dëftesa e diploma që nga fillimet e arsimit shqiptar Read More »

Çelet në Kalanë e Tiranës ekspozita “Një Komb, një Abc”

Aktualitet, Arsim / /

“Një Komb, një Abc” titullohet ekspozita që u çel për publikun nga Drejtoria e Përgjithshme e Arkivave në bashkëpunim me kalanë e Tiranës, me rastin e 7 marsit, e cila organizohet nën kujdesin e Ministrisë së Arsimit dhe Bashkisë së Tiranës.

Të pranishëm në këtë ekspozitë ishin drejtori i përgjithshëm i Arkivave Ardit Bido, Drejtoresha e Trashëgimisë Kulturore dhe Turizimit në bashkinë e Tiranës, Mirela Koçollari, përfaqësues nga Ministria e Arsimit, Sportit dhe Rinisë, si dhe mësues dhe nxënës të shkollave të kryeqytetit.

Ekspozita përmban foto dhe dokumente të rralla të Kongresit të Manastirit, i cili ka qenë një konferencë akademike në qytetin e Manastirit, mes datave 14 nëntor – 22 nëntor 1908, për standardizimin e alfabetit të gjuhës shqipe.

Pjesëmarrësit në kongres ishin figura të dalluara të jetës kulturore e politike mbarëshqiptare. Ndër delegatët më të shquar qenë Gjergj Fishta, Mit’hat Frashëri, Sotir Peci, Ndre Mjeda, Shahin Kolonja, Bajo Topulli, Parashqevi Qiriazi. Delegatë të tjerë ishin Izet Zavalani, përfaqësues i Follorinës dhe Gjergj Zavalani. Në këtë ekspozitë mund të shihni dhe mjaft fotografi dhe dokumente të tjera.

Ekspozita vjen në Tiranë për herë të parë në ambientet e Kalasë së Tiranës, ku do të mirëpresë deri më datë 14 mars të gjithë vizitorët. /atsh

Çelet në Kalanë e Tiranës ekspozita “Një Komb, një Abc” Read More »

Punësimi i studentëve, në bazë të meritës

Aktualitet, Arsim / /

Kryeministri Edi Rama, gjatë një takimi me studentët e Universitetit të Gjirokastrës “Eqerem Çabej”, duke iu përgjigjur interesit të tyre, u shpreh se punësimi i studentëve kryhet përmes sistemit të meritës.

Kryeministri Rama theksoi lidhur me çështjen e shumpërfolur të largimit të infermierëve, se sot janë 13 mijë e disa qindra infermierë në sistem dhe rreth 400 të tjerë në listat e pritjes.

“Ne kemi sot një sistem të reformuar për rekrutimin e infermierëve që ka nisur të funksionojë dhe sot mund ta them me plot gojën, që nuk është si dje, kur pavarësisht se ishe infermiere e zonja, duhet të kishte kartë partie për t’u punësuar. Pasi partia ishte e specializuar për infermierë e të fuste në punë si infermier, pavarësisht se ti ndoshta nuk di të mbash as gjilpërën. Tashmë kemi këtë variantin e ri përmes portalit për infermierin që bën klasifikimin sipas meritës së aplikuesve dhe punëson infermierët në bazë të kuotave. Problemi nuk është te punësimi, është te rekrutimi pa kritere në fakultete. Me gjithë respektin për gazetarinë, nuk e di ku do shkojnë 100 të rinj që janë për gazetari në vitin e parë në Elbasan”, tha Rama.

“Sot që flasim kemi 13 mijë e disa qindra infermierë në sistem sot, dhe kemi gati 400 të tjerë në listat e pritjes. Është legjendë kjo, që infermierët ikin në Gjermani, e këtu kanë mbetur berberë. Është e pavërtetë që vitet e fundit kanë ikur nga vendi më shumë se sa kanë ikur më parë, janë histori kazani. Nëse je e zonja ke një rrugë për të hyrë e për të punuar në sistemin shqiptarë të punësimit dhe ti që studion për infermieri, mund të aplikosh te portal për infermierin ”, tha Rama.

“Nëse të tjerët janë më të zotë do të presësh. Nuk është detyrim i Shtetit të të gjejë punë. Shikoni Francën e Gjermanin, ato që mbarojnë shkollën nuk shkojnë që ditën e parë për të future në shtet. 150 drejtimet kërkon punë një student për të kërkuar punë dhe thirret nga vetëm 30 intervista, dhe shkalla e suksesit është më pak se 50% dhe jo domosdoshmërisht në profesion”, vijoi Kryeministri.

“Jemi në një vend të lirë e të hapur dhe s’jemi ne Gjermania që të vijnë të tjerët te ne, por jemi një nga vendet më të pazhvilluara për 1001 arsye dhe prandaj qytetarët edhe ikin…Por edhe kthehen, është e vërtet që kthehen më pak se sa ikin. Të gjitha vendeve i ndodh kjo edhe Kroacisë. Shifrat e 2017 për Kroacinë tregojnë se në këtë vendin e BE, janë më shumë të larguar se nga vendi ynë. Nga Italia jugut kanë gjithë jetën që ikin. Është fuqia e pestë ekonomike në botë Italia. Një nga vendet më të suksesshme të post diktaturës është Lituania, atje kam parë qytete apo fshatra fantazmë, pa asnjëri”, theksoi Rama

Sa i takon çështje së pagave, Kryeministri u shpreh se, “Sa më i zhvilluar të jetë një vend aq më e lartë do jetë paga, se ka më shumë mundësi. Jo se dua unë të rris rrogat dhe hajde ti rrisim dhe çfarë ndodh më pas, rritet borxhi dhe rriten hallet dhe shkon vendi më keq se në vitin ’97”, tha Rama. /atsh

Punësimi i studentëve, në bazë të meritës Read More »

Në vjeshtë fillon puna në kantierin për universitetet

Aktualitet, Arsim / /

Në vjeshtë qeveria do të hapë të gjitha ofertat publike për të bërë kontrata me sipërmarrje të ndryshme dhe për të filluar punën në kantierin për universitetet.

Kështu deklaroi sot Kryeministri Edi Rama nga Gjirokastra, ku zhvilloi një takim me studentët e Universitetit “Eqerem Çabej” në kuadër të Paktit për Universitetin.

Kryeministri iu referua kërkesës së rektorit të këtij universiteti për marrjen e ambienteve të Shtëpisë së Ushtarakëve.

“Ne po bëjmë me të gjitha universitetet në këtë fazë inventarizimin e nevojave në bazë të projekteve. Ne jemi dakord për Shtëpinë e Ushtarakëve, por duhet një projekt konkret se çfarë do të bëhet dhe sa kushton”, tha Rama.

Po ashtu ai ftoi universitetet të bëjnë projekte konkrete për çdo nevojë që ata kanë, si për laboratorë, auditorë, konvikte etj.

Rama kërkoi që Universiteti i Gjirokastrës të ketë në fundin e sezonit një dosje të nevojave me projekte konkrete.

“Është projekti që nxjerr financimin, jo nevoja dhe mbi atë bazë ne do të mbledhim të gjitha dosjet nga universitetet dhe do të bëjmë dosjen e madhe kombëtare të Rilindjes së Universitetit. Le të jetë pjesa tjetër e mandatit tonë pjesa e kantierit për universitetet”, tha Rama. /atsh

Në vjeshtë fillon puna në kantierin për universitetet Read More »

Shahini: 90 mijë studentë përfitojnë nga përgjysmimi i tarifave

Aktualitet, Arsim / /

Ministrja e Arsimit, Sportit dhe Rinisë, Besa Shahini deklaroi të premten se pas përfundimit të takimeve me trupën pedagogjike dhe studentët e të gjithë universiteteve, drafti “Pakti për Universitetin” do të marrë formën e një kontrate sociale.

Në një bashkëbisedim me studentët e Universitetit “Eqerem Çabej” në Gjirokastër, Shahini tha se protesta e dhjetorit solli nevojën e trajtimit të të gjitha problematikave me të cilat hasen studentët. Ministrja garantoi studentët se do të sigurohet infrastruktura e nevojshme mësimore si dhe do të rritet cilësia në mësimdhënie.

“Pakti për Universitetin do të plotësohet në të gjitha takimet, derisa të arrijmë me një draft më të mirë, ku marrim përsipër të garantojmë infrastrukturën e nevojshme mësimore si dhe cilësinë në mësimdhënie ku garant do të bëheni edhe ju si studentë. Një nga kërkesat e artikuluara në dhjetor ishte ajo për ndihmë financiare. Përgjysmimi i tarifave dhe bursave të ofruara. 2 miliardë lekë të reja do të reflektohet në buxhetin e 2019 dhe prek 90 mijë studentë në të gjithë Shqipërinë. Janë përgjysmuar të gjitha tarifat për studentët, janë ndarë bursa për ekslentët si dhe janë përfshirë të gjithë studentë që kanë nevojë për ndihmë ekonomike, duke u dhënë shans për një jetesë më të mirë”, – tha Shahini.

Më tej, ministrja vlerësoi se pjesa më e vështirë nuk ka lidhje me financimin, por me cilësinë në arsim.

“Pjesa më e vështirë nuk është financimi por pjesa e vështirë fillon tani. Bashkarisht duket të sigurojmë cilësi më të madhe në mësimdhënie. Grupi i punës që është themeluar nga Ministria e Arsimit dhe ajo e Financave ka zhvilluar diskutim me studentë dhe pedagoge për të bërë nxjerrë në pah problematikat infrastrukturore, po kështu për të plotësuar mbi problematikat që keni trajtuar edhe në shkresat që universiteti juaj na keni dërguar”, -sqaroi ndër të tjera ministrja./atsh

Shahini: 90 mijë studentë përfitojnë nga përgjysmimi i tarifave Read More »

WP2Social Auto Publish Powered By : XYZScripts.com