Arsim

Nxënësit e shkollave 9-vjeçare dhe ato të mesme do të startojnë vitin e ri shkollor më 16 shtator ndërsa regjistrimet do të nisin dy javë para fillimit të shkollës.

Në dy shtator është dita e parë e regjistrimeve për të gjithë sistemin. Deri në një ditë para fillimit të vitit shkollor, prindërit dhe fëmijët mund të paraqiten pranë shkollave të tyre për t’u regjistruar.

Për të gjithë ata prindër që do të regjistrojnë fëmijët në shkollë, është e nevojshme dorëzimi i disa dokumenteve. Për klasën e parë, prindërve iu duhet që të paraqesin vetëm certifikatën e vaksinimit, ose vërtetimin e vaksinimit nga qendra shëndetësore. Kështu që nëse nuk e kanë ata duhet ta marrin dhe ta paraqesin pranë shkollës së tyre dhe duhet të paraqesin vërtetimin e ndjekjes së kopshtit të fëmijës nëse fëmija ka ndjekur kopshtin dhe çfarë grupi ka ndjekur, grupin e parë, të dytë apo të tretë. Fëmijët që ndjekin klasat e tjera pra e dytë, e tretë, e kështu me radhë, duhet të paraqesin dëftesën e klasës paraardhëse. Edhe nxënësit e klasës së 10-të duhet të paraqiten në shkollën e zonës së tyre me dëftesën e lirimit.

Nuk janë të pakta rastet që prindërit dëshirojnë që fëmijët e tyre të arsimohen në shkolla që nuk i kap zona e tyre e banimit.

Fillimisht, në gjashtë ditët e para të regjistrimit do të kenë përparësi fëmijët e zonës, vetëm nëse do të ketë vende të lira, atëherë do të kenë mundësi edhe fëmijët të cilët nuk i përkasin njësisë administrative ku ndodhet shkolla. /atsh

Ministrja e Mbrojtjes Olta Xhaçka deklaroi sot se Forcat e Armatosura kanë mundësi të shumta arsimimi dhe karriere jashtë vendit.

“Mundësi të shumta për arsimim jashtë vendit dhe karrierë në Forcat e Armatosura të Shqipërisë. 12 bursa të plota studimi në akademitë ushtarake turke, duke filluar që nga mjekësia e deri tek aviacioni”, shprehet ajo.

Po ashtu Xhaçka thekson se nuk ju duhet të paguani asgjë. “Duhet vetëm të plotësoni kriteret që i gjeni në linkun më poshtë dhe shumë shumë vullnet”, shprehet ministrja duke vënë në dispozicion linkun.

Ministria e Mbrojtjes ka shpallur kriteret për 12 bursa për studime në Akademitë Ushtarake të Turqisë.

“Qendra e Personel Rekrutimit, do të rekrutojë kandidatë për studime në Akademitë Ushtarake të Turqisë, 12 (dymbëdhjetë) të drejta studimi si më poshtë vijon: Akademia Ushtarake e Forcës Tokësore 4 (katër) kuota. Akademia Ushtarake e Forcës Detare 2 (dy) kuota. Akademia Ushtarake e Forcës Ajrore 4 (katër) kuota. Universiteti i Shkencave Mjekësore “GATA” 2 (dy) kuota”, thuhet në njoftimin e MM.

Po ashtu bëhen të ditur dhe afatet kohore për dorëzimin e dokumentacionit pranë Qendrës së Personel Rekrutimit deri në 21 gusht 2019. /atsh

Tre gjimnaziste shqiptare janë bërë pjesë këtë vit në sfidën “Technovation” me krijimin e aplikacionit GjejZâ. GjejZâ është një aplikacion që ndihmon gratë shqiptare me qasje në burimet e nevojshme për t’i ndihmuar ato të kapërcejnë pasojat e dhunës me bazë gjinore.

Çdo vit, më 12 gusht, Shtetet e Bashkuara bashkohen me pjesën tjetër të botës në përkujtimin e Ditës Ndërkombëtare të Rinisë. Këtë vit shënohet 20 vjetori i Ditës së parë Ndërkombëtare të Rinisë, e cila u krijua në 1999 nga Asambleja e Përgjithshme e Kombeve të Bashkuara.

Sekretari i Zyrës së Global Women’s Issues (S/GWI) kontribuon në përpjekjet e qeverisë amerikane për të promovuar hapësira pozitive për rininë, veçanërisht vajzat, për të mësuar dhe për të jetuar në përputhje me potencialin e tyre. Në kremtimin e Ditës së 20-të Ndërkombëtare të Rinisë, S / GWI u angazhua për të pritur D3C0ders, një ekip femrash zhvilluese të teknologjisë të ndërgjegjshme, në Washington D.C., nga 9 gusht deri në 12 gusht.

Ambasada e Sh.B.A në Tiranë mbështet Qendrën Amerikane në Tiranë, një nga Hapësirat Amerikane të Departamentit të Shtetit, ku D3C0ders kanë bashkëpunuar që prej vitit 2016, kur vajzat ishin 12 vjeç.

Programi ‘Spaces Amerikan’ angazhohet në të gjithë globin me të rinjve e vendeve të tyre pritëse, duke u siguruar atyre një shumëllojshmëri të programeve që kanë për qëllim të përmirësojnë zhvillimin e tyre personal dhe profesional.

Duke iu referuar Këndit Amerikan në Tiranë, D3C0ders thuhet, “është një vend ku të rinjtë, me interes të përbashkët, mund të mblidhen dhe të kenë gjithçka që u nevojiten për të realizuar idetë e tyre. Këto hapësira angazhohen me të rinjve shqiptarë duke ofruar një shumëllojshmëri programimi që rrit zhvillimin e tyre personal dhe profesional.

Këndi Amerikan në Tiranë është aty ku lindi D3C0ders, një grup ambicioz i tre gjimnazistëve shqiptare, Arla Hoxha, Dea Rrozhani dhe Jonada Shukarasi. D3C0ders janë një ekip i dedikuar për nxitjen e ndryshimeve pozitive sociale përmes zhvillimit teknologjik dhe programimit. Përmes seminareve të zhvillimit të aftësive, burimeve të bollshme dhe stafit të angazhuar të siguruar nga Këndi Amerikan në Tiranë, D3C0ders ishin në gjendje të vinin dijet e tyre së bashku dhe të hynin në Sfidën Technovation të këtij viti.

Sfida Technovation është programi më i madh në botë i sipërmarrjes në teknologji për vajzat adoleshente. Technovation u ofron vajzave nga e gjithë bota mundësinë për të mësuar aftësitë e nevojshme për t’u shfaqur si ndërmarrës të teknologjisë dhe udhëheqës në industrinë e STEM. Përmes këtij programi, ekipeve të vajzave adoleshente u kërkohet të identifikojnë një problem në komunitetin e tyre, dhe më pas sfidohen ta zgjidhin atë. Së bashku skuadrat ndërtojnë aplikime telefonike dhe i përdorin ato si një mjet për zgjidhjen e problemit që ata kanë identifikuar në komunitetin e tyre. Duke shprehur pse përqendrimi te vajzat në STEM është kaq i rëndësishëm, D3C0ders deklaruan se, “Vajzat nuk duhet të përjashtohen nga këto mundësi, sepse ndoshta dikush nga ne do të ketë idenë tjetër të madhe, zgjidhjen tjetër të madhe.”

Për konkursin e këtij viti, D3C0ders krijuan GjejZâ, që në shqip do të thotë “gjeni zërin tuaj”. GjejZâ është një aplikacion që ndihmon gratë shqiptare që i nënshtrohen dhunës së partnerit intime me qasje në burimet e nevojshme për t’i ndihmuar ata të kapërcejnë pasojat e dhunës me bazë gjinore. Kur vendosi se çfarë çështje sociale ata donin të merrnin përsipër, ekipi përshkroi duke parë jetën e tyre, si dhe jetën e miqve dhe familjes së tyre, dhe pa një model mbizotërues të dhunës ndaj grave, duke deklaruar hapur se, “dhuna në familje është një ndeshjen këtu në Shqipëri”.

D3c0ders përfshiu informacione mbi shërbimet sociale, hapjen e vendeve të punës, trainimin teknik dhe mundësitë e kursimit, për të paralajmëruar përdoruesit për mundësi të reja dhe për të rritur pavarësinë e tyre financiare, duke zbutur kështu prekshmërinë e tyre ndaj abuzimit të vazhdueshëm.

D3c0ders, si dhe pjesëmarrësit e tjerë në Sfidën Technovation të këtij viti, janë shembuj të shkëlqyeshëm të fuqisë dhe ndryshimit pozitiv që vijnë nga vajzat që futen në fushat STEM. Ndërsa bota feston 20 vjetorin e Ditës së Parë Ndërkombëtare të Rinisë, Qeveria e Sh.B.A ripohon angazhimin për të ndihmuar të gjithë djemtë dhe vajzat të marrin një arsim cilësor që do t’i lejojë ata të jenë forca për ndryshime pozitive në komunitetet e tyre, dhe në të gjithë botën. /atsh

Ministrja e Arsimit Besa Shahini deklaroi nga ceremonia e prezantimit të Kampusit Universitar se shumë ndryshime kanë ndodhur që pas protestës së studentëve pas reformave të ndërmarra në bashkëpunim me Ministrinë e Kulturës dhe Bashkisë së Tiranës. Shahini i bëri thirrje studentëve që të vijojnë të parashtrojnë kërkesat e tyre edhe gjatë zgjedhjeve që do të zhvillohen këtë fillimvit në Universitet.

“Dua të flas pak për Paktin për Universitetin. Në dhjetor dëgjuam studentët dhe në janar hartuam planin i cili ka në vëmendje studentët për punësim dhe projekte studentore. Do të shtojmë buxhetin për bursat dhe për shërbimet e tjera që iu nevojitet studentëve. Shtesa këtë vit kapi vlerën e 2 miliardë lekëve të reja. Këtë do e realizojmë edhe më mirë vitin tjetër. Kemi një bashkëpunim shumë të mirë edhe me Ministrinë e Kulturës. Me bashkinë kemi mundësuar pajisjen e studentëve me karta. Portalin për transparencën financiare dhe kemi mundësuar që kushdo të shohë financimin për çdo universitet”, – tha Shahini.

“Kemi bërë sondazhin kombëtar të studentëve ku morën pjesë studentë nga e gjithë Shqipëria. Nga Universiteti i Arteve morën pjesë gjysma e studentëve, pra kjo është një mostër e mirë për të marr përshtypjet dhe eksperiencat e studentëve. Nga ky sondazh dolën rezultate se studentët ishin të kënaqur me pedagogët e tyre, dhe nuk ishin shumë të kënaqur me strukturat drejtuese të universitetit”, – u shpreh Shahini.

Ajo shtoi se, “pyetjes nëse pritshmëritë e studentëve janë përmbushur nga universiteti, janë përgjigjur 35% me po. Ky është një moment që duhet të reflektojmë se çfarë do bëjmë muajt në vijim që semestri tjetër i vitit akademik të na gjejë më mirë”.

“Në fillimin e viti tjetër janë zgjedhjet për organet drejtuese në gjitha universitetet publike. Ky është një moment i mirë pasi nisin diskutimet brenda universiteteve për mënyrën sesi do të qeveriset universiteti gjatë 4 viteve të ardhshme. Pakti për Universitetin nuk realizohet pa ju, ndaj aktivizimi juaj është i nevojshëm për përmirësimin e përbashkët të universitetit”, – përfundoi Shahini. /atsh

Për 19 vite me radhë në Ulqin organizohet Panairi i Librit. Botues nga hapësira mbarëshqiptare do të jenë të pranishëm gjatë 5 ditëve të panairit.

Organizatorja e këtij eventi, drejtoresha e Përgjithshme e botimeve “Toena”, Irena Toçi gjatë konferencës për mediet në Bibliotekën e Muzeut Historik tha sot se si risi shënon ndarjen e dy çmimeve “Liburnia” dhe “Dega e ullirit”.

“Këto dy çmime letrare që kemi themeluar sivjet janë risi. Njërin e kemi pagëzuar ‘Liburnia’ dhe do të shkojë për prozatorin më të mirë. Liburnia është anija që ndodhet edhe në siglën e qytetit të Ulqinit, ndërsa çmimin që do të jepet për letërsinë për fëmijë e kemi pagëzuar me emrin “Dega e Ullirit”. Edhe dega e ullirit ndodhet në siglën e qytetit të Ulqinit dhe të dyja krijojnë një simbolikë të rëndësishme që e lidhin me panairin e librit të Ulqinit, me Ulqinin vetë, me botën e fëmijëve dhe me letërsinë”, tha Toçi.

Duke u konsideruar si aktivitetin më të rëndësishëm kulturor gjatë verës në Ulqin, Toçi tha se panairi merr rëndësi rajonale.

“Përveç botuesve tanë, ka edhe shumë botues që vijnë nga Maqedonia e Veriut, kryesisht shqiptarë. Ka nga Bosnja që prezantojnë librin e tyre në gjuhën e tyre, botues nga Kosova dhe Mali i Zi. Hapësira është një element i rëndësishëm pasi panairi bëhet një panair i rëndësishëm rajonal.

Krahas prezantimit të titujve të rinj të letërsisë shqipe dhe asaj të përkthyer e cila dominon stendat, nuk do të mungojnë edhe takimet me autorë. I ftuar special do të jetë shkrimtari Fatos Kongoli për të prezantuar romanin e tij të fundit “Gënjeshtarë të vegjël” si dhe për të komunikuar me publikun.
Panairi i Ulqinit 2019 mbahet nga data 26 deri në 31 korrik ku komuna e Ulqinit një vend të veçantë në sezonin turistik i kushton edhe ofrimit të turizmit kulturor. /atsh