Arsim

‘Viti më i vështirë shkollor në historinë tonë’/ Rama tregon si duhet zhvilluar mësimi në kohë pandemie

Arsim / /

Kryeministri Edi Rama e ka quajtur vitin më të vështirë shkollor në historinë tonë.

Në një takim online me drejtuesit e Drejtorive Rajonale dhe zyrave arsimore vendore, Rama dha disa detaje për mënyrën si do zhvillohet procesi mësimor në kushtet e pandemisë nga Covid-19.

Orët e mësimit do jenë 30 minutëshe dhe për mësimin në klasa duhen respektuar rregullat e s’duhet të ketë në asnjë rast më shumë se 20 nxënës, porositi shefi i qeverisë drejtuesit arsimorë.

Sipas Ramës, 472 shkolla do të jenë me dy turne, 1 mijë e 997 shkolla me 1 turn dhe 183 shkolla me 3 nënturne

“Për shkollat me mësim të kombinuar, klasat do zhvillojnë javën e parë në mjediset e shkollës, javën e dytë online”.

“Nxënësit do vlerësohen vetëm sipas mësimit në shkollë. Të gjitha institucionet arsimore që po marrin masa për fillimin e vitit të ri shkollor duke pasur prioritet ruajtjen e shëndetit janë absolutisht në një sfidë të jashshtëzakonshme jo për të filluar por për të zhvilluar e përfunduar atë, sepse do jetë një vit shkollor shumë herë më i gjatë e më i vështirë se gjithë të tjerët, prandaj pas trajnimeve të vazhdueshme, pajisjen me bazë materiale të nevojshme ku shtohen detergjentë, doreza, maska, dezinfektantë, termometra, do ketë dhe një person të dedikuar nga sistemi i shëndetit publik pranë shkollës”.

“Personat e dedikuar pranë shkollës duhet të jenë kontakti juaj i përditshëm, jo për ti pyetur formalisht, as për ti shtuar presionin normal të kësaj pune, apo normale që në këtë punë të kenë presion më të madh por për ti inkurajuar frymëzuar e gjendur pranë duke këmbyer informacion e duke qenë ju ata që garantoni të gjithë observimet e lëre më pastaj kërkesat apo ankesat e tyre të ndiqen në kohë reale”.

Sipas Ramës, procesi i vijëzimeve te nevojshme për mënyrën e futjes në shkolla po përfundon e sigurimi i distancës fizike 1.5 metra është domosdoshmëri.

Rama u tha drejtuesve arsimorë që t’iu qëndrojnë pranë mësuesve, pasi ka nga ata qe nuk janë të disiplinuar për situatën ku ndodhemi.

“Thënë kjo, është absolutisht e domosdoshme që të kuptohet drejt e thelle jo vetëm nga ju, që s’bëhet fjalë për të vendosur në rresht persona adult, burra e gra djem e vajza që janë në moshën e tyre të pjekurisë, bëhet fjalë për të disiplinuar sjelljen në mjedisin social të një grupi moshash shumë delikate. Prandaj duhet që ky proces të kryhet me përkushtim të madh jo me britma e masa shtrënguese për njërin e tjetrin por me përpjekje për ta shpjeguar pse-në”.

“Beteja juaj e përditshme lidhet dhe me nevojën për të mbajtur parasysh që jo të gjithë mësuesit janë lehtësisht të disiplinueshëm brenda kësaj kornize të re se dhe mësuesit janë njerëz që vijnë nga një jetë familjare që kanë streset e tyre, nëna që kanë fëmijët e tyre në shtëpi e s’janë robot, duhet që edhe ata të jenë nën përkujdesjen, jo kontrollin tuaj”.

/NOA.al

‘Viti më i vështirë shkollor në historinë tonë’/ Rama tregon si duhet zhvilluar mësimi në kohë pandemie Read More »

Hapja e shkollave duhet të shoqërohet me rritje të kapaciteteve qoftë sa i përket gjurmimit, hetimit epidemiologjik dhe testimit.

Aktualitet, Arsim / /

Në 14 shtator hapen shkollat në të gjithë vendin, por çdo gjë pritet të jetë ndryshe nga vitet e tjera për shkak të koronavirusit.

Ministrja e Shëndetësisë, Ogerta Manastirliu tha sot me ekipet e reja epidemiologjike të Tiranës se me nisjen e mësimit do të rritet edhe testimi për të dyshuarit me koronavirus si edhe hetimi epidemioligjik.

“Hapja e shkollave duhet të shoqërohet me rritje të kapaciteteve qoftë sa i përket gjurmimit, hetimit epidemiologjik dhe testimit.

Lufta me këtë virus nuk ka përfunduar. Jemi përpara hapjes së shkollave, bashkëpunimi me koordinatoret e shkollave, mjekëve infermierëve do të luajë një rol të shtuar në strategjinë e testimit dhe gjurmimit të rasteve.

Lufta e madhe është në terren me këtë virus dhe rritja e kapaciteteve influencon në një rezultat pozitiv të atij imapkti që ne presim, që është ulja e të prekurve nga covid 19”, tha ministrja.

Hapja e shkollave duhet të shoqërohet me rritje të kapaciteteve qoftë sa i përket gjurmimit, hetimit epidemiologjik dhe testimit. Read More »

Viti i ri shkollor/ Çfarë nuk lejohet në klasë? Flet ministrja Shahini…

Arsim, Lajmi i fundit / /

Ministrja e Arsimit, Besa Shahini, i është përgjigjur pyetjeve në lidhje me vitin e ri shkollor që pritet të fillojë në shtator, i cili pritet të ketë vështirësi për shkak të pandemisë.

Shahini thotë se është përgjegjësi e drejtuesve të shkollave për të informuar prindërit lidhur me udhëzuesin e miratuar nga ministria.

Ndërkohë Shahini shton se çdo shkollë do të ketë kujdestar kati që do të sigurohet për respektimin e protokolleve të sigurisë.

Ajo gjithashtu i ka dhënë fund edhe dilemës së ndalimit të ushqimit në klasë, duke theksuar se ka dy rreziqe, e para heqja e maskës në klasë, dhe e dyta kontakti me duar.

FJALA E BESA SHAHINIT

Mënyrën si udhëzuesi do zbatohet, do ju informojë mësuesi apo drejtuesi i shkollës.

PYETJA: A do ketë mundësi online për ata fëmijë që duan të ndjekin mësimin në kushte shtëpie?

Patjetër. Edhe leksionet në RTSH, që do xhirohen paralelisht me mësimet në shkollë, si dhe platforma unike për mësimin online do jenë në dispozicion të nxënësve që nuk shkojnë dot në shkollë. Ka nxënës me sëmundje kronike. Këta fëmijë do punojnë me mësim online, dhe do ndjekin mësimet në RTSH, por duke mbajtur edhe kontakte me mësuesit.

PYETJA: Lëndët kryesore në shkollë, kush i përcakton lëndët kryesore?

Përcaktimi ndodh në kurrikul. Lëndët që kanë më shumë orë në javë, matematika, gjuha, lëndët e shkencave. Në shkollat më të vogla, me më pak nxënës, ku rruhet distancimi social, aty do ketë gjithë plani mësimor. Tek ato me turne, aty do të jenë lëndët kryesore kombinuar dhe me mësim online.

Edukimi fizik do kryhet jashtë ambienteve, jo si më parë, por mësuesi duhet të garantojë distancimin fizik.

Secila shkollë do ketë kujdestar kati që sigurohet për mbarëvajtjen e mësimit, protokollit. Të gjithë mësuesit do kenë rol në shkollë, edhe nëse lënda e tyre nuk zhvillohet si më parë.

PYETJA: Pse nuk lejohet ushqimi në klasë?

Paraqet rrezik. Nëse hahet në klasë duhet të hiqet maska. Rrezikohen të tjerët. Preket me duar dhe rrezikohen edhe mësuesi. Pra duhet të evitohet.

PYETJA: Dezinfektimi mes turneve?

Ka dezinfektim të thjeshtë dhe profesional. Ka dezinfektim ditor, që pastrohen klasat e tualetet. Mos hezitoni të na shkruani.

Viti i ri shkollor/ Çfarë nuk lejohet në klasë? Flet ministrja Shahini… Read More »

Vendim i Ministrisë së Arsimit

Aktualitet, Arsim / /

Nga ministria e Arsimit është botuar sot udhëzuesi i ASCAP që tregon për skenarët e ndryshëm, të cilët do të zbatohen në shkolla të ndryshme për të siguruar distancimin social, shëndetin e nxënësve dhe mësuesve, kur të kthehen në shkolla.

Por çfarë do të ndodhë nëse ndonjë nxënës infektohet? Kësaj dileme u jep përgjigje ministrja e Arsimit, Besa Shahini duke njoftuar se në të tilla raste do të bëhet deri mbyllja e shkollës dhe do të tamponohen të gjithë nxënësit aty ku është gjetur një i infektuar.

Ministrja sqaroi edhe me video se si do të veprohet nëse një nxënës apo mësues do të dalë pozitiv me Covid-19:

“Protokollet e sigurisë së shëndetit e përcaktojnë qartë se si do të veprohet në rast se një nxënës, një mësues, apo një grup nxënësish del që është infektuar me Covid-19. Tamponimi ndodh për të gjithë grupin. Mbyllet klasa apo e gjithë shkolla në rast se klasa ka patur komunikim apo kontakt me të tjerët dhe për një periudhë kohore të paracaktuar, që mund të jenë 2 apo 3 javë, grupi i nxënësve që do të jetë karantinuar do të vijojë mësimin në kushte shtëpie. Kjo është dhe arsyeja pse RTSH Shkolla do të punojë paralelisht me të gjithë procesin mësimor që do të zhvillohet në objektet shkollore”, shprehet ajo.

Ndërsa pyetjes se “si do të rregullohet ngarkesa mësimore e mësuesve, nëse ata do të punojnë me më shumë turne dhe a do të shtohet numri i mësuesve”, Shahini nënvizon:

“Ne kemi planifikuar shtimin e numrit të mësuesve sipas nevojave. Nëse sëmuret një mësues apo nëse do duhet të mbulohen turne, ne kemi buxhet tashmë të shtuar për të mbuluar çfarëdo nevoje që mund të dalë gjatë vitit për të siguruar një mbarëvajtje sa më të mirë të procesit mësimor”.

Në lidhje me pyetjen se “pse po vazhdohet me xhirimet në RTSH Shkollë kur është deklaruar që shkollat do të hapen”, Shahini sqaron se ky kanal i dedikuar do të transmetojë të njëjtat orë mësimore që do të zhvillohen në shkollë në mënyrë që nxënësi të ketë mundësi të ndjekë leksionet edhe në rast se qëndron në shtëpi. /noa.al/

Vendim i Ministrisë së Arsimit Read More »

Presidenti i Republikës, Ilir Meta dekreton sot një për një të gjithë rektorët e rinj

Aktualitet, Arsim, Politike / /

Presidenti i Republikës, Ilir Meta, pavarësisht kontestime të forta të opozitës për të mos pranuar zgjedhjet që u zhvilluan më 30 korrik, për shkak të periudhës së pandemisë, i njohu zyrtarisht ato duke dekretuar sot një për një të gjithë rektorët e rinj, të cilët dolën nga zgjedhjet e fundit.

“Sot pata kënaqësinë t’i dorëzoja dekretet e emërimit Rektorëve të rinj të Universiteteve Publike të vendit tonë”, tha Meta, pas dekretimit të tyre.

“Mbetet detyrë parësore e tyre për t’i transformuar Universitetet tona në qendra më aktive shkencore për të konkuruar në tregun e punës brenda dhe jashtë vendit, në institucionet publike dhe sipërmarrjet private”, shtoi Presidenti.

“Kërkohet angazhimi dhe vendosmëri për forcimin e autoritetit të Institucioneve të Arsimit të Lartë dhe veçanërisht autonominë e Universitetit”, u shpreh kreu i shtetit.

Shumë prej rektorëve u rizgjodhën në detyrë, si rektori i Mjekësisë, Arben Gjata, apo ai i Akademisë së Arteve, aktori Kastriot Caushi, ndërsa në krye univeërsitetit më të madh publik të vendit, UT, u zgjodh ish-dekani i Fakultetit Juridik, Artan Hoxha.

/NOA.al

Presidenti i Republikës, Ilir Meta dekreton sot një për një të gjithë rektorët e rinj Read More »

Opinion/ Duke tentuar t’i shmangim fëmijët nga një armik për të cilin nuk jemi të sigurt se sa armik i sigurt është, do u shkatërrojmë me siguri jo vetëm të tashmen por edhe të ardhmen!

Arsim, Opinione / /

Edmond Bejtaj

Im bir i mbaroi studimet dhe prandaj kjo që do them mbase do tingëllojë krejt subjektive, sidoqoftë kam bindjen se për fëmijët mësimi duhet zhvilluar nëpër shkolla megjithë situatën që sipas shumë opinioneve konsiderohet e papërshtatshme, ngaqë besoj se duke i mbajtur fëmijët larg tyre me mësimin online, pra duke tentuar t’i shmangim nga një armik për të cilin nuk jemi të sigurt se sa armik i sigurt është, do u shkatërrojmë me siguri jo vetëm të tashmen por edhe të ardhmen, sepse do i privojmë prej kënaqësive unike që të jep ai planet që quhet shkollë, i cili shijohet vetëm duke shkelur në të, pra duke njohur shokët e klasës dhe të bangës, figurën e jashtëzakonshme të mësueses, dërrasën e zezë dhe emocionin që të jep e shkruara në të, zërat që mbushin klasën dhe korridoret, librat dhe fletoret, notat dhe vlerësimet me lapsin e kuq, përkëdheljen e kokës dhe qortimet, zilen që lajmëron pushimin dhe përfundimin e mësimit, rrugën e kthimit për në shtëpi, e natyrisht edhe sytë e prindit kur të pyet – Çfarë more sot në shkollë, të keqen babi ?

Opinion/ Duke tentuar t’i shmangim fëmijët nga një armik për të cilin nuk jemi të sigurt se sa armik i sigurt është, do u shkatërrojmë me siguri jo vetëm të tashmen por edhe të ardhmen! Read More »

Dallin rregullat e reja që duhet të zbatohen nga nxënësit, në prag të vitit të ri shkollor

Arsim, Njoftime / /

Dallin rregullat e reja që duhet të zbatohen nga nxënësit, në prag të vitit të ri shkollor.

Ministria e Shëndetësisë ka publikuar protokollin që ia ka nisur Ministrisë së Arsimit, për zbatim.

Hapja e shkollave që nis në 31 gusht për ata që humbën mësimin online gjatë kohës së pandemisë dhe 14 shtator, për të gjithë nxënësit në mbarë Shqipërinë, do të shoqërohet me masa konkrete:

Të gjithë nxënësit do të hyjnë në shkollë me radhë me një largësi 2 metra nga njëri-tjetri.

Nxënësve do iu matet temperatura dhe nëse kanë simptoma të ngjashme apo temperaturë përpara ardhjes në shkollë, do të njoftohet mësuesi kujdestar, i cili, në bashkëpunim me mjekun e shkollës ose atë të familjes verifikon nëse nxënësi është i sëmurë apo jo.

Justifikimi i mungesave tani do të bëhet vetëm nga mjeku i familjes.

Nxënësit duhet të jenë të gjithë të pajisur me maska me një përdorim, ose mbrojtëse të fytyrës prej tekstili (maskë) të cilat duhet të lahen në 60 gradë dhe të hekurosen, si dhe shami letre për higjenën e hundëve.

/NOA.al

Dallin rregullat e reja që duhet të zbatohen nga nxënësit, në prag të vitit të ri shkollor Read More »

Ja kur fillon shkolla/ Ministria e Arsimit zbulon datën

Arsim, Njoftime / /

MASR – SQARIM

Nisur nga disa lajme ditën e sotme, MASR nënvizon se viti i ri shkollor NUK FILLON më datë 31 gusht, por më 14 shtator, ashtu siç edhe është parashikuar.

Bëjmë me dije se në datën 31 gusht deri në 11 shtator do të zhvillohen mësime plotësuese VETËM me ata nxënës të klasave 1-5 (cikli fillor), të cilët nuk kanë pasur akses dhe mundësi gjatë periudhës së mësimit online, mars–maj 2020.

Ky program plotësues i pajis këta nxënës me njohuritë dhe aftësitë gjuhësore dhe matematikore që i përkasin programit mësimor, të zhvilluar në periudhën mars-maj 2020.

Zyrat Arsimore kanë identifikuar shkollat dhe nxënësit të cilët mund të jenë pjesë e këtij programi dhe që janë kryesisht nxënës të cilët u përkasin shtresave vulnerabël, romë, egjiptianë apo të zonave të thella gjeografike. Zbatimi i programit plotësues do të menaxhohet nga drejtoritë dhe zyrat arsimore vendore, si dhe shkollat sipas rasteve të identifikuara.

Ndërkohë, orët mësimore gjatë kësaj periudhe do të zhvillohen sipas të gjitha protokolleve të kushteve higjieno-sanitare, duke ruajtur distancimin fizik dhe mbrojtur shëndetin e gjithsecilit.

Ja kur fillon shkolla/ Ministria e Arsimit zbulon datën Read More »

WP2Social Auto Publish Powered By : XYZScripts.com