Arsim

Vendimi për mësimin online/ Kur do të hapen universitetet?Flet Kryeministri Rama

Aktualitet, Arsim, Politike / /

Kryeministri Edi Rama ka folur për mësimin online që u lajmëruar vetëm pak ditë para se të niste universiteti si dhe aksesin e të gjithë studentëve apo nxënësve. Rama tha se nuk jemi në një situatë normale dhe se vendimi për të mos hapur universitetet është marrë pak ditë para. Sa i përket mundësisë së rikthimit në auditorë të studentëve, kreu i qeverisë nuk dha një afat duke theksuar se është e kotë të bëhen spekulime.

“Të gjitha vendimet edhe pse kanë impakt të madh, që impaktojnë jetën e shumë njerëzve në të njëjtën kohë, në këto kushte merren pak ditë përpara. Nuk jemi në një situatë normale që vendime që ndryshojnë mënyrën e të jetuarit duhet të lajmërohen shumë kohë përpara, kjo është normalja në normalitetin e situatës. Vendimi është marrë pak ditë përpara se është ekzekutuar për të kaluar online. Është e kotë të bëjmë spekulime deri kur do qëndrojë kështu situata. Të gjitha vendet ndjekin afate me hamendje me shpresën që gjërat të ndryshojnë. Po të ishte për të bërë diçka drastike dhe absolutisht 100% garantuese por që është ireale dhe e pamundur do të thoshim që të gjithë të mbylleshim në shtëpi deri kur të ikë virusi. Por kjo është e pamundur sepse jeta ka shumë nevoja. Të gjitha vendet adaptojnë hap pas hapi strategjitë e tyre me taktika të caktuara, tamam si në një ndeshje”, tha Rama.
Lidhur me cilësinë e mësimit online, kryeministri deklaroi që e rëndësishme është që është aksesuar nga shumica dhe se ka përpjekje për përmirësim.

“Cila quhet mënyra e duhur. E para mësimi është kryer në tërësi dhe kjo ka qenë një lehtësi e madhe mes mundësisë për të qëndruar në kontakt me mësuesin e shkollën dhe pamundësisë për të pasur asnjë lloj kontakti. Kjo flamë nuk na ka gjetur as me spitalet që kishim deri disa vite më parë sepse do ishte një katastrofë dhe as në pamundësi për të dhënë shërbime online për njerëzit. Imagjino të mos kishim e-albania. A është bërë mësimi online me atë cilësi që e ka kompensuar plotësisht pamundësinë për të shkuar në shkollë dhe për të vijuar me mësimin tradicional besoj do ishte e tepruar. Sigurisht që është bërë, diku më mirë, diku pak më mirë por e rëndësishme është që është garantuar aksesi për shumicën dërrmuese. Por përpiqemi të përmirësohemi.

Për sa i përket universitetit edhe aty është mundësia por sigurisht që nuk është e njëjta gjë, sidomos për studentët e viteve të para nuk është njësoj. Megjithatë jemi në një situatë të jashtëzakonshme dhe në këtë situatë të jashtëzakonshme nuk kemi shumë zgjidhje dhe duhet të ndjekim këto rrugë alternative”, deklaroi Rama.
Në lidhje me mundësinë për uljen e çmimit të paketave të internetit, Rama tha se është një nxitje për ta diskutuar. “Nuk është diskutuar në dijeninë time diçka e tillë por më vjen mirë që e dëgjoj si një nxitje për ta shtruar për diskutim në mënyrë që të shikojmë se sa është e mundur në këtë fazë”, u shpreh ai.

Ndërkohë për pajisjen me tableta për nxënësit dhe studentët që vijnë nga familje në nevojë, kryeministri tha se në buxhetin e 2021 ka një ndihmë direkte për familjet në nevojë.

“Ky është qëllimi, me këtë po merremi. Kemi përfshirë në buxhetin 2021 një ndihmë direkte për familjet në nevojë, jo të lidhur me COVID-in por për të gjitha familjet që të jetë marrja e dyfishit të paketës së ndihmës ekonomike, në kushtet kur duhet të kufizojë punën në të zezë, të ndihmojë më shumë fëmijët”, u shpreh ai.

Vendimi për mësimin online/ Kur do të hapen universitetet?Flet Kryeministri Rama Read More »

Nga 1 dhjetori mësim online, dalin detaje të reja nga vendimi i Ministrisë

Arsim, Njoftime / /

Në Shqipëri, autoritet e Shëndetësisë njoftuan sot se kanë propozuar që mësimi në shkolla të zhvillohet pjesërisht në distancë. “Pas rekomandimit të Komitetit të Ekspertëve kemi vendosur t’i rekomandojmë Ministrisë së Arsimit, që, nga data 1 Dhjetor, të aplikojë skenarët që parashikojnë kryerjen e mësimit të alternuar, pra në formën tradicionale, me prani fizike duke e kombinuar dhe me mësimin në distancë (online) bazuar në specifikat e sistemit arsimor dhe të dhënave lokale përkatëse në bashkëpunim me autoritetet shëndetësore”, bëri të ditur ministrja Ogerta Manastirliu.

Me shumë gjasë, skenari i parashikuar është ai sipas të cilit nxënësit do të ndjekin mësimet një javë në klasë dhe një javë nga shtëpia.
Ministrja Manastirliu shpjegoi se kjo masë ndërmerret “për të minimizuar rreziqet në një periudhë, ku të pranishme janë edhe infeksione të tjera respiratore”.

Situata e pandemisë në Shqipëri erdhi duke u përkeqësuar ndjeshëm gjatë muajit nëntor. Të dhënat e 24 orëve të fundit flasin për 644 raste të reja: 258 raste në Tiranë, 48 në Fier, 44 në Elbasan, 38 në Shkodër, 26 në Lushnje, 23 në Sarandë, 22 në Durrës, 21 në Përmet, 19 në Pogradec, 16 në Berat, 15 në Gjirokastër, nga 13 raste në Kukës, Kavajë, nga 10 raste në Kurbin, Mirditë, Tepelenë, 9 në Mat, 8 në Gramsh, 7 në Kuçovë, 6 në Korçë, 5 në Mallakastër, nga 4 raste në Krujë, Lezhë, Has, Vlorë, Delvinë, 2 në Bulqizë, 1 në Dibër.

Për të dytën ditë radhazi, numri i të infektuarve ka ardhur në rënie. Në 24 orët e fundit dhe testimet ishin më të ulta, 2137 tamponë. Por shqetësues mbetet pozitiviteti, (raporti mes testimeve dhe rasteve të konfirmuara) në nivelin e 30 përqind, gjë që dëshmon për një transmetueshmëri të lartë të virusit në komunitet.
Edhe vdekjet pësuan një ulje të fortë në 24 orët e fundit, me 8 viktima: 4 qytetar nga Durrësi, 2 qytetar nga Tirana, 1 qytetar nga Fieri, 1 qytetar nga Kuçova, të moshave nga 48 në 73 vjeç. Një ditë më parë, ishin rregjistruar 19 vdekje, numri më i lartë i humbjeve të jetëve brenda një dite.

Nga ana tjetër, situate në spitale vijon të jetë problematike me shifrat e të shtruarve që vijojnë të rriten. Deri pasditen e sotme ishin 461 pacientë, 19 të intubuar dhe 7 të intubuar./VOA

Nga 1 dhjetori mësim online, dalin detaje të reja nga vendimi i Ministrisë Read More »

Mbyllen pjesërisht shkollat në vend, shkak rastet e shtuara me Covid

Arsim, Lajmi i fundit, Njoftime / /

Nisur nga situata e rënduar e koronavirusit në vend, ministrja e Shëndetësisë tha se është parë e arsyeshme që shkollat të mbyllen pjesërisht.

Manastirliu u shpreh se do t’i kërkojë ministrisë së Arsimit që të përgatisë planin e mësimit të alternuar.

Mbyllen pjesërisht shkollat në vend, shkak rastet e shtuara me Covid

Nisur nga situata e rënduar e koronavirusit në vend, ministrja e Shëndetësisë tha se është parë e arsyeshme që shkollat të mbyllen pjesërisht.

Manastirliu u shpreh se do t’i kërkojë ministrisë së Arsimit që të përgatisë planin e mësimit të alternuar.

Pra, një pjesë në shkolla, dhe një pjesë tjetër online, duke filluar nga data 1 dhjetor.

Deklarata e ministres:

Prej mëse 9 muajsh, i gjithë sistemi ynë shëndetësor është në gatishmëri të plotë në përballje me këtë virus që po sfidon mbarë botën.

Ne po vazhdojmë të fuqizojmë kapacitetet tona në gjithë sistemin shëndetësor duke filluar nga përmirësimi i testimit dhe gjurmimit, dhe përfshirja e testeve të shpejta brenda dhjetorit do të bëjë të mundur kufizimin e mëtejshëm të përhapjes së virusit.

Bazuar në planin tonë të vjeshtë-dimrit kemi siguruar vaksinimin falas ndaj gripit për grupet e riskuara për 368 mijë qytetarë dhe sot ka mbërritur sasia e fundit prej 230 mijë vaksinash.

Si pjesë e planit tonë ka filluar rimbursimi i paketës së barnave falas të çdo qytetari të diagnostikuar me covid19.

Spitali Covid 4 dhe spitalet rajonale janë gati për t’u shërbyer pacientëve sipas skenareve në strategjinë e vjeshtë-dimrit.

Për t’iu përgjigjur nevojave dhe për të mbështetur stafet tona kemi punësuar deri tani 270 profesionistë të shëndetit.

Dua të falenderoj ekipet tona mjekësore në të katër anët e Shqiperisë për punën, sakrificën edhe përkushtimin që kanë treguar në këto kohë sfiduese.

Bazuar në percaktimet e udhezimeve të OBSH dhe analizën mbi baza dinamike të Institutit të Shëndetit Publik, situata paraqitet në një nivel risku të shtuar.

Ekspertët e shëndetit publik në ISHP vlerësojnë se impakti i masave që kemi marrë deri më sot, vlerësohet në hapësirën kohore 4-6 javë nga momenti i fillimit të zbatimit.

Por, që të kenë efekt duhet që çdo masë të zbatohet nga të gjithë me përpikmëri e përgjegjësi.

Të dashur qytetarë,

Ashtu siç e kemi përsëritur në këto javë, për ne shëndeti është i pari dhe mirëqenia e përgjithshme e fëmijëve tanë, shëndeti dhe siguria e tyre, janë prioritet absolut.

Deri tani, siç ekspertet analizojnë, fëmijët nuk vlerësohet të jenë transmetues të lartë të infeksionit nga Sars-CovV2.

Rezulton se protokollet e sigurisë në tërësi janë zbatuar nga strukturat arsimore, gjë që është reflektuar dhe në shifra.

Por, për të minimizuar risqet gjatë kësaj periudhe, ku të pranishme janë edhe infeksione të tjera respiratore, kemi peshuar rëndësinë e ekuilibrit të mirëqenies dhe sigurisë së shëndetit të fëmijëve, dhe pas rekomandimit të Komitetit të Ekspertëve kemi vendosur:

T’i rekomandojmë MASR që, nga data 1 Dhjetor, të aplikojë skenarët që parashikojnë kryerjen e mësimit të alternuar, pra në formën tradicionale, me prani fizike duke e kombinuar dhe me mësimin ne distance (online) bazuar në specifikat e sistemit arsimor dhe të dhënave lokale përkatëse në bashkëpunim me autoritetet shëndetësore.

Të dashur qytetarë

Në këto 9 muaj, shumë mësime janë nxjerrë kudo në botë, nga kjo pandemi.

Një prej tyre mbetet i pandryshueshëm: Masat në mbrojtje të jetës kanë efekt, vetëm nëqoftë se gjithësecili prej jush merr përgjegjësitë e veta.

Në këtë pandemi, çdo veprim i pakujdesshëm ka pasoja të drejtpërdrejta mbi shëndetin tuaj, dhe shëndetin e të afërmve.

Përpara kemi një dimër të vështirë, por sot shpresa që të dalim të fituar nga kjo luftë, janë më të mëdha se kurrë më parë.

Lajme të mira vijnë nga kompani ndërkombëtare për efikasitetin e vaksinës. Shqipëria i ka hedhur tashmë hapat dhe po punojmë intensivisht për të patur qasje në këto vaksina, njësoj si shtete të tjera të botës.

Të dashur qytetarë,

Në fund dy fjalë me një lutje për të gjithë:

E kuptojmë fare mirë dëshirën për të festuar, aq më tepër Festat e Nentorit.

Por këtë vit, këto festa na gjejnë përballë një sfide të shëndetit publik, që ndodh një herë në shekull.

Patriot sot është kush qëndron në shtëpi, për të mbrojtur shëndetin e vetes, familjes dhe të afërmve.

Do të vijë një kohë kur, ndër fitoret tona më të medha do të jete dhe fitorja që arritëm bashkë në betejën për shëndetin!

Mbyllen pjesërisht shkollat në vend, shkak rastet e shtuara me Covid Read More »

Komiteti Teknik i Ekspertëve vendos të shtyjë rihapjen e universiteteve

Arsim, Njoftime / /

Komiteti Teknik i Ekspertëve ka vendosur që të shtyjë rihapjen e universiteteve duke njoftuar sot se deri tani nuk ka një vendim të dytë për rikthimin e studentëve në auditorë. Në këto kushte, studentët do të vijojnë mësimin online.

Ermira Racakolli, kryetare e KTE, tha: “Komiteti mendon që mësimi në universitete për shkak të situatës do të vazhdojë online”. Ajo që ne vazhdojmë të themi me forcë, është se beteja me Covidin nuk është spitalore, por betejë territori dhe është betejë e të gjithëve. Vetëm nëse do të zbatoni ato masa që ne me shumë forcë i kemi kërkuar vazhdimisht, vetëm në këtë mënyrë do ta ndalojmë epideminë. Në vendimet që marrim jemi të orientuar nga numrat konkretë dhe nga rekomandimet që bën OBSH dhe që bëjnë kolegët tanë në botë”.

Ndërsa sa i takon një mbylljeje të mundshme të arsimit parauniversitar, zv.ministrja e Shëndetësisë Mira Rakacolli, tha se nuk ka ndonjë ndryshim, duke shtuar se nëse shifrat do të ndryshojnë do të marrim një vendim”.

Pyetje: A jeni duke diskutuar në lidhje me një mbyllje të përkohshme të sistemit parauniversitar?

“Nuk ka ndonjë ndryshim të rëndësishëm në influencën, që hapja e shkollave të ketë pasur në një rëndim të shifrave. Ajo që Komiteti vlerëson është në radhë të parë mirëqenia në përgjithësi e fëmijëve. Në shifrat që ne jemi tani, ka një rritje. Nuk e diskutojmë për momentin sot, por është një gjë që ne e ndjekim. Nëse shifrat do të ndryshojnë dhe do jenë brenda numrave që kërkojnë masë të tillë…”.

Si kryetare e Komitetit Teknik të Ekspertëve, ajo shtoi se qytetarët duhet të kufizojnë ceremonitë familjare, aktivitetet ekonomike dhe artistike: “Janë gjëra të thjeshta, por shpëtimtare. Prandaj të vazhdojmë të mbajmë maskat, të mos shkojmë në lokale, të mos grumbullohemi më shumë se 10 veta, të eliminojmë ceremonitë, të kufizojmë pjesëmarrjen tonë në aktivitete dhe të respektojmë protokollet e sigurisë”. /no.al/

Komiteti Teknik i Ekspertëve vendos të shtyjë rihapjen e universiteteve Read More »

Matura 2021/ Formulari dhe kalendari me datat e aplikimit, publikohet udhëzuesi

Arsim, Njoftime / /

Është publikuar formulari që do të plotësojnë studentët maturantë për këtë vit. Formulari i aplikimit për në universitet bashkë me datat dhe programet orientuese është firmosur nga Ministrja e Arsimit, Evis Kushi.

Siç shihet në formular aplikimi do të nisë ditën e nesërme dhe do të zgjasë deri në 10 dhjetor. Ndërkohë bëhet e ditur se këtë vit maturantët duhet të zgjedhin që tani lëndën ku do të testohen në qershor, e cila ka rol kyç në garën universitare.
Në larminë e lëndëve që maturanti ka zhvilluar në gjimnaz, do të jenë vetëm tetë për shkollat e mesme të përgjithshme. Mësohet se ata që duan të zgjedhin një shkollë prefesionale kanë mundësi të zgjedhin mes 38 alternativave.

Matura 2021/ Formulari dhe kalendari me datat e aplikimit, publikohet udhëzuesi Read More »

Studentët në protestë/ Jo mësim Online!

Aktualitet, Arsim / /

Ka nisur protesta e parashikuar e studentëve para ministrisë së Arsimit, Rinisë dhe Sportit ditën e sotme. Ata kanë vendosur që të ngrihen në protestë pas vendimit për të zhvilluar mësimin online, që komiteti i ekspertëve njoftoi disa ditë më parë.

Një nga kërkesat e studentëve është përgjysmimi i tarifës vjetore të studimit meqënëse mësimi do te zhvillohet online.

Sakaq ka mbëritur dhe policia të cilët janë duke paralajmëruar studentët për shpërndarje në kuadër të ligjit anti Covid.

Ata kanë nisur të thërrasin në kor: “Jo mësim online”, ose “Ulni tarifat”. “E kemi të pamundur për të vijuar kështu mësimdhënien, – vijojnë ata. – Nuk ka kuptim që universitetet të mbyllen dhe baret të qëndrojnë të hapura. Ku të shkojmë ne… Kemi të drejtën tonë. Rinia në çdo vend ndryshon fatet e vendit. Dhe pastaj thonë që rinia ikën jashtë”. /NOA/

Studentët në protestë/ Jo mësim Online! Read More »

Viti i ri akademik nisë këtë sezon në kushte të pazakonta/ Studentët protestv para kryeministrisë

Aktualitet, Arsim / /

Viti i ri akademik do të nisë këtë sezon në kushte të pazakonta, pasi për shkak të situatës së rënduar nga Covid 19, mësimi do të zhvillohet online. Pas vendimit të Komitetit Teknik të Ekspertëve, fakultetet në kryeqytet sot do të nisin zbatimin e këtij urdhri e për pasojë janë mbyllur edhe konviktet, me qëllim frenimin e përhapjes së Covid.

Ndërkohë, studentët kërkojnë plotësimin e disa kërkesave të tyre, pas vendimit për të zhvilluar mësimin online, për herë të dytë brenda këtij viti për shkak të pandemisë së Covid-19.

Në orën 11:00, Lëvizja për Universitetin do të mbajë një protestë përpara godinës së Kryeministrisë, ku do të kërkojë përgjysmim të tarifës vjetore të studimit, një paketë sociale për qiratë, internetin, librat dhe kostot e jetesës.

Studentët pretendojnë se që prej karantinës së parë të muajit mars, kanë qenë një nga shtresat më të dëmtuara të shoqërisë dhe se qeveria nuk ka menduar asnjë çast për ta.

Për shkak të mungesës së meteve teknike, ata shtojnë se mijëra studentë e patën të pamundur ta ndiqnin normalisht procesin mësimor online dhe mijëra të tjerë mbetën të papunë, duke mos pasur mundësi të paguanin as qiratë. Ndërkohë, rreth 21 mijë studentët fillojnë vitin e parë nëe të gjithë vendin. /NOA/

Viti i ri akademik nisë këtë sezon në kushte të pazakonta/ Studentët protestv para kryeministrisë Read More »

A do të hapen universitetet nesër?/ Ministrja e Arsimit flet për një vit akademin sfidues

Aktualitet, Arsim / /

Ashtu siç pritej, universitetet shtetërore dhe publike nuk do të hapen nesër më 2 nëntor. Mijëra djem e vajza ishin organizuar për ta nisur këtë vit të ri akademik, pasi ai që iku, shkoi siç dihet, plot ndërprerje, të shkaktuara nga tërmetet dhe pandemia.

Këto javët e fundit, studentët u përfshinë në një ethe fillimi të studimeve. Shumë prej tyre morën banesa me qira, të tjerë paguan regjistrimet në konvikte, të gjithë paguan regjistrimet në universitetet publike dhe private, por një vendim i Komitetit Teknik të Ekspertëve rrëzoi gjithçka, për shkak të situatës epidemiologjike në vend.

Ndaj nesër asnjë universitete nuk do të hapë dyert për të pranuar studentët në auditorë.

Për ministren e re të Arsimit, Elvis Kushi, nesër nisim një vit akademik sfidues, i cili vjen në vazhdimësinë e vitit të kaluar që u mbyll me mjaft vështirësi për shkak të pandemisë COVID-19.

Ndërkohë që sfidat vazhdojnë të jenë të shumta, duket që edhe ky vit do të jetë i pazakontë dhe aspak i lehtë, jo vetëm këtu, por në të gjithë globin.

“Si Ministre e Arsimit, Sportit dhe Rinisë, jam mëse e vetëdijshme për paqartësitë që krijon situata aktuale, por kjo nuk duhet të na trembë. Përkundrazi, duhet të na japë forcë, shumë qetësi e vendosmëri që edhe përgjatë këtij viti akademik të arrijmë maksimumin”, thotë Kushi.

Komiteti i Ekspertëve ka propozuar së fundmi, që të paktën muajin e parë, mësimi të zhvillohet në distancë, pra “online”, në mënyrë që të frenohet përhapja e mëtejshme e virusit. Propozimi duket se është kthyer në akte normativ edhe pse qeveria nuk e ka bërë publik.

Kushi thotë se bllokimi i rihapjes është një vendim aspak i lehtë, i imponuar nga ecuria dhe dinamika e pandemisë.

Megjithatë Kushi shpreson, teksa thotë se ky nëntor i ka gjetur universitetet tona të përgatitura që më herët në mënyrë që mësimdhënia të nisë dhe të zhvillohet pa ndërprerje.

“Nga takimet e realizuara kohët e fundit me drejtuesit e universiteteve, jam informuar që janë marrë të gjitha masat e nevojshme që të kemi një nisje optimale në këtë fillim-viti akademik. Më vjen mirë që çdo universitet ka tashmë gati metodën e tij specifike të “mësimit të kombinuar”, si “online”, ashtu edhe në auditore kur kjo të jetë e mundur, në respekt të plotë të masave të vendosura nga Ministria e Shëndetësisë dhe Mbrojtjes Sociale”, thotë Kushi. Megjithatë ajo nuk di të thotë kur do të fillojë mësimi i kombinuar.

Nga ana tjetër problemet janë të shumta. Studentët e viteve të para pyesin se si mund të fillojnë universitetin online kur ata as që janë njohur me programin që duhet të ndjekin.

Për të mos lënë pa përmendur është dhe fakti se 85 për qind e studentëve të pyetur kanë pohuar se mësimi online nuk ka qenë efektiv në universitete.

Por jetojmë në kohëra të turbullta dhe gjithçka mund të ndodhë. Jetojmë në kohë kovidiane.

/noa.al/

A do të hapen universitetet nesër?/ Ministrja e Arsimit flet për një vit akademin sfidues Read More »

WP2Social Auto Publish Powered By : XYZScripts.com