Aktualitet

Mbledhja e dy qeverive, të Kosovës dhe Shqipërisë, nuk do të mbahet më 24 prill, siç është bërë e ditur më herët.

Arsyet zyrtare të këtij vendimi, që më tepër se Tirana, është nxitur nga Prishtina, nuk janë bërë të ditura.
Por, lajmin e mosmbajtjes së takimit të madh të Vlorës e kanë konfirmuar disa burime për klankosova.tv.

“Zyra e kryeministrit ka propozuar një datë tjetër, më të përshtatshme se 24 prilli”, ka thënë një burim nga Qeveria e Kosovës, që është deklaruar në kushte anonimiteti.

“Arsyetimi ka qenë se bëhet fjalë për agjendë të ngjeshur të kryeministrit”, ka thënë ky burim.

Portali klankosova.tv ka tentuar gjithë ditën të konfirmojë lajmin nga zyra e Isa Mustafës, po asnjëri nga këshilltarët e tij, as zëdhënësi i Qeverisë, Arban Abrashi, e as shefja e kabinetit, Vlora Dumoshi, nuk janë deklaruar për këtë çështje.

Mosmbajtja e takimit të dy qeverive më 24 prill është konfirmuar edhe nga Tirana.

“Jemi në konsultime për ta gjetur një datë tjetër për mbledhjen e dy qeverive”, ka thënë një burim nga qeveria shqiptare.

“Besoj që ditëve në vazhdim do të jemi në gjendje ta tregojmë datën kur potencialisht mund të mbahet takimi i ri”.

Një ditë më parë, Klan Kosova ka raportuar se më 24 prill do të ketë një ngjarje tjetër, shumë më e rëndësishme se ajo e mbledhjes së dy qeverive, që zhvillohet në Vlorë.

Këtë ditë, sipas burimeve të televizionit, Kuvendi i Republikës do ta ketë në rend dite miratimin e marrëveshjes së kufirit me Malin e Zi.

Të nesërmen, më 25 prill, pritet prishja e koalicionit qeverisës PDK-LDK, për t’i lënë vend zgjedhjeve të parakohshme, që me gjasë do të mbahen me 28 maj ose 4 qershor.

Hekurudhat gjermane “Deutsche Bahn” kërkojnë 8 mijë punëtorë të rinj këtë vit.

Tregu i punës, megjithatë, është i vështirë”, tha Ulrich Weber, nga agjencia hekurudhore për AFP.
“Kushdo që dëshiron të jetë përpara në garën për inxhinierë, shoferë lokomotivash apo inxhinierë elektronikë duhet të ofrojë argumente të mira”, thotë Weber, të moshuarit gjithashtu kanë shanse për një punë në grup.
Ne jemi në kërkim të punëtorëve të rinj, të cilët duan të bëjnë rrugën më të mirë me ne.

Dhe, më nuk është në pyetje mosha”, përcjell albinfo.ch.
E punonjësit e rekrutuar në vitin 2016, sipas kompanisë, rreth 13 për qind ishin mbi 50 vjeç.
Veçanërisht në këto grupmosha ishin shoferët e autobusëve, agjentët e shërbimit të klientëve në trafikun lokal dhe makinistët.
“Deutsche Bahn” ka filluar një fushatë të re për kërkimin e punonjësve të rinj në internet dhe me reklama.

Në këtë mënyrë, kompania mbështetet në fytyrat e punonjësve dhe jo me aktorët apo modele.

• Gazetari Artan Hoxha ka udhëtuar drejt Skraparit për të parë nga afër vendin ku u gjetën mbi një ton drogë dhe të ashtuquajturin laborator të përpunimit të kanabisit.

Ai ka biseduar me Safete Kaloçin, 47-vjeçaren që u shoqërua fillimisht bashkë me dy motrat dhe vëllain e saj Muhamed Kadiu, një ish-oficer krimesh pas zbulimit të drogës në Lapan të Skraparit, raporton “BalkanWeb”. Aktualisht motra e saj Edlira Lame ndodhet në burg.

Në një rrëfim për News24 ajo mohon se magazina ka shërbyer për përpunimin e kanabisit dhe thotë se ka qenë për grumbullimin dhe paketimin e bimëve medicinale që më pas eksportoheshin në Gjermani.

Magazina sipas saj ka qenë pronë e një gjermani që ka ndërruar jetë në vitin 2010.

Kjo është presa?

Po, kjo është.

Kur ka ardhur dhe për çfarë ka shërbyer?

Kjo ka ardhur rreth viteve 1995-1996 dhe shërbente për presimin e bimëve medicinale. E ka peshën standarde 50 kg dhe brenda në presë ndodhen lule e fletë murrizi. Mbyllej komplet presa dhe ka një rezervuar që mbushej me fletë e lule. E kishte gati fikse, e kishte standard deri në 50 kg. Lidhej, kapej me kapëse. Kjo që ndodhet në presë është lule fletë murrizi.

Këtu shikoj disa thasë të mbushur me pleh organik. Për çfarë ka shërbyer ky pleh dhe sa kohë ka këtu?

Ky pleh ka gati 2 vjet këtu në magazinë dhe ne e përdorim për vreshtat e rrushit.

Po vazot?

Vazot kanë qenë më përpara ngaqë është kultivuar rigon dhe bar blete.

Dhe për çfarë kanë shërbyer?

Thjesht për mbjelljen e fidanëve.

E më pas fidanët ku çoheshin?

Fidanët dilnin që këtej dhe mbilleshin në arë.

Ky objekt sa kohë ka që është marrë në përdorim?Me sa e kujtoj ka gati rreth 22 vjet që është marrë në përdorim, jo se është punuar. Nga 2009 e këtej.

Objekti në emër të kujt ka qenë?

Objekti ka qenë në emër të Martin Bauerit. Është shtetas gjerman që kemi punuar ne.

Si funksiononte atëherë, kjo ishte kompania pritëse për bimët medicinale?

Po, vinte këtu paketohej, ngarkohej e ikte direkt për në Gjermani. Nuk shkarkohej as në Durrës, atje thjesht bëheshin letrat.

Kur është ndërprerë ky aktivitet?

Aktiviteti është ndërprerë rreth vitit 2008-2009. U ndërpre, pronari u sëmurë. Në 2010-ën ai vdiq. Këto kanë qenë magazinat e tregtisë kur u privatizuan.

Po këto pajisjet e tjera të aspirimit?

Kishte tymra shumë dhe gjatë punimit duhet të hiqje tymrat se dhe punëtorit i bënte dëm dhe vetë bima nuk duhet ta kishte atë përmbajtje tymi.

Të gjitha pajisjet kanë shërbyer për këtë qëllim, edhe ventilatori?

Po, po.

Kur janë hequr nga funksioni me sa kujton?

Po ka rreth gati 2 vjet.

Po këto llambat e ndriçimit se pashë disa pajisje…janë përdorur.

S’kanë lidhje fare, jo jo.

Pesë ditë para zgjedhjeve presidenciale në Francë, dy persona janë arrestuar në Marseille nën dyshimet për planifikim të sulmeve terroriste.

Të dyshuarit, 23 dhe 29 vjeçar, u arrestuan nga forcat elitare të policisë franceze, pas një operacioni që zgjati disa ditë.

Për të dy burrat u tha që ishin radikalizuar gjatë qëndrimit në burg.

Shteti francez gjendet ende nën gjendje emergjente pas sulmeve terroriste të vitit të kaluar që morën jetën e 230 njerëzve.

Në banesën e të dyshuarve u gjetën mjete për bërjen e mjeteve shpërthyese, ndërkohë që ministri i Brendshëm francez Matthias Fekl tha se sulmi ishte planifikuar të kryhet ditëve në vazhdim.

Ka vijuar debati për bletët dhe kanabisin midis Ben Blushit dhe Elisa Spiropalit. Spiropali ka shkruar ironikisht në rrjetet sociale duke thënë se ajo ka lidhje me doganierët e arrestuar në Durrës aq sa Blushi ka lidhje me bletët.

“Meqë ke ngritur përmes lexueses pyetjen ç’lidhje kam unë me doganierët e arrestuar, po të përgjigjem. Unë kam me ta po aq lidhje sa ç’ke ti me bletët.
Në fakt ti s’ke lidhje jo vetëm me bletët, po me askënd që ty të bën të ndjehesh ai që je: Nje llups dembel, që di vetëm të fajësosh dynjanë për boshllëkun tënd”, -ka shkruar Spiropali.

Blushi ka akuzuar më herët Ramën se kanabisi po vret edhe bletët.

Postimi i Spiropalit:

Blushi më paska nxjerrë një lexuese të librit bosh të partiçkës së tij, për të recituar pretencën që gjysëmshkrimtari gjysëmpolitikani ka bërë për mua! Po pse kështu o Blush? Apo mendove të më pickoje me gjuhën e lexueses tënde ndërkohë që thumbin tënd ta njeh i madh e i vogël në partinë nga ku na le shëndenë?!
Megjithatë unë s’kam punë me të gjorën lexuese që paska mësuar prej teje edhe biografinë e Lenka Cukos, po e kam me ty punën përsëri. Sepse mirë që je një bosh i madh po ke një të keqe edhe me të madhe: Je llups i madh ti! Ndoshta ngaqë boshllëku të bën makut dhe ty makuteria të ka bërë legjendë sa herë të kanë lënë gjë në dorë. Edhe këtë e dinë të gjithë ata që kanë punuar me ty. Tmerr, thonë.
Megjithatë Blush o Blush, meqë ke ngritur përmes lexueses pyetjen ç’lidhje kam unë me doganierët e arrestuar, po të përgjigjem. Unë kam me ta po aq lidhje sa ç’ke ti me bletët.
Në fakt ti s’ke lidhje jo vetëm me bletët, po me askënd që ty të bën të ndjehesh ai që je: Nje llups dembel, që di vetëm të fajësosh dynjanë për boshllëkun tënd.

Përmes një deklarate të shpërndarë për mediat, LIBRA iu drejtua Spiropalit me fjalët “ish-doganierja që bën biologen”, ndërsa i drejton dhe pyetjen se çfarë lidhje ka me doganierët e arrestuar.
“Ish-doganierja, në vend të na përgjigjet ç’lidhje ka me doganierët e arrestuar, bën biologen. Mos vallë do jetë ministrja e ardhshme e Bujqësisë pas fjalimeve për Skënderbeun? Të paktën shoqen Lenka, e bënë ministre se vilte me të dyja duart. Rilindja bën atë që vjedh me dy duar”, -u shpreh koordinatorja e LIBRA-s, Matilda Terpollari.