Aktualitet

[sgmb id=”1″]

Fjala “pushim” na kujton menjëherë qiellin e kaltër, plazhet me diell dhe të kristaltë, detin freskues.

Rrezet e detit dhe uji janë të mira edhe për shpirtin tonë edhe për trupin.

Grekët ishin të parët që mësuan për efektet e dobishme të detit.

Talassotherapia e famshme – trajtimi me ujin e detit, kjo ka origjinën nga Greqia.

Përdoret për trajtimin e sëmundjeve të tilla si ekzema, artrit, astma, psoiaza dhe dhimbjet në shpinë.

Hipokrati ka zbuluar aftësinë mjekësore shëruese me ujin e detit, duke parë efektin tek plagët. Ai vuri re se uji përshpejton shërimin e plagëve, parandalon infeksionin duke zvogëluar dhimbjet.

Çfarë të mira tjera mund të sjellë uji i detit?

1. Uji i detit përmban elemente të rëndësishme jetësore

Deti përmban të gjitha elementet e rëndësishëm në jetën tonë – natrium, magnez, kalcium, kalium, silic, argjend, madje edhe ar.

Uji i detit depërton thellë në lëkurë duke lejuar kështu funksionimin e mineraleve dhe elementeve tjera.

Deti gjithashtu përmban alga, të pasura me shumë minerale.

Algjet janë konsideruar gjithmonë si një burim i shëndetit dhe bukurisë. Stimulojnë rinovimin e qelizave, përmirësojnë pamjen e lëkurës, nxisin metabolizmin, forcojnë imunitetin, parandalojnë infeksionin, pastrojnë lëkurën dhe ndihmojnë në heqjen e celulitit.

2. Deti ndikon pozitivisht ndaj astmës dhe alergjisë

Kripa e detit ka veti antiseptike, ku edhe është e nevojshme ndaj reaksioneve alergjike të lëkurës.

Spitale të ndryshme pediatrike përdorin për shumë vite banja me kripë deti për të trajtuar dhe lehtësuar alergjitë e ndryshme.

Ajri i pastër i detit, i ngopur me jone negative, lehtëson frymëmarrjen dhe ka një efekt pozitiv tek personat që vuajnë nga astma.

3. Rrezitja furnizon trupin me vitaminë D

Rrezitja ju mundëson jo vetëm një lëkurë tërheqëse të nxirë, por edhe na furnizon me vitaminë D, e cila është aq e nevojshme për organizmin tonë. Veçmë i dimë përfitimet e vitaminës D, por është konfirmuar nga hulumtuesit se roli i tij kyç është në parandalimin e shumë sëmundjeve, duke përfshirë sklerozën e shumëfishtë dhe kancerin.

Që të merrni këtë vitaminë, nuk është e thënë të rreziteni në vapën më të madhe. Rrezitjen mund ta bëni në mëngjes apo në orët e vona të pasdites.

Keni kujdes se kremërat me faktor mbrojtës parandalojnë aftësinë e lëkurës për të prodhuar vitaminë D.

4. Relaksimi dhe qëndrimi në det ju heq stresin

Çfarë tjetër mund të ketë efekt më relaksues se dielli, një fllad i lehtë dhe valët e detit?

Pushimet në det të japin mundësinë për të harruar problemet e përditshme dhe plotësisht të relaksoheni. Magnezi, që e përmban uji i detit në përqindje shumë të lartë, mundtë luftojë stresin.

5. Deti është ideal për aktivitete sportive

Noti, zhytja, surfimi, gjimnastika e detit, volejboll plazhi…Pushimi në det është ideal për aktivitete sportive që janë të mira jo vetëm për formësimin e trupit, por edhe për shëndetin.

6. Ajri i detit është i pasur me jone negative

Ajri i detit përmban jone negative dhe ozon që nxisin frymëmarrjen e thellë dhe na mbushin me energjinë e jetës.

Jonet negative forcojnë imunitetin, përmirësojnë përqëndrimin, zvogëlojnë pagjumësinë, depresionin, dhimbjet e kokës dhe lodhjen, efekt i dobishëm për njerëzit me astmë dhe alergji.

Ajri i ngopur mund të gjendet në pyje dhe male, ujëvara, lumenj, oqeane dhe dete.

7. Deti shëron artritin dhe dhimbjet e shpinës

Falë vetive dhe përbërjes së ujit, ndihmon në lehtësimin e dhimbjeve, ul inflamacionin, relakson dhe stimulon lirimin e lëngjeve të tepërta nga trupi.

Prandaj noti në det sjell lehtësim për njerëzit që vuajnë nga reumatizmi, artriti, dhimbjet në shpinë dhe dhimbjet e muskujve.

8. Uji i detit ofron detoksifikim

Pse uji i detit është një zgjedhje e shkëlqyer për pastrimin e trupit?

Sepse sa më shumë not me ujë deti stimulon funksionin e organeve që filtrojnë dhe nxjerrin toksinat nga trupi, të tilla si mëlçi, veshka dhe lëkurë.

Larja në det stimulon metabolizmin dhe pastrimin e përbërësve të dëmshëm, jo vetëm të lëkurës dhe indeve lidhës, por edhe të gjithë trupit.

9. Deti shëron probleme të lëkurës

Kripa e detit është jashtëzakonisht e pasur me shumë përbërës. Ndër mineralet e ndryshme dhe sulfatet që gjenden, janë po ashtu të pranishëm edhe kaliumi, bromi, natriumi, kalciumi, mangani, magnezi, jodi, hekuri, fluori dhe silicë.

Për shkak të përbërjes së pasur, uji i detit ka një efekt pozitiv në lëkurë si dhe ndihmon në shumë probleme të lëkurës, të tilla si pezmatim i lëkurës, psoriazë dhe ekzemë.

10. Deti stimulon kreativitet dhe emocione

Deti në përgjithësi, dhe elementi i ujit kanë qenë të lidhura me kreativitetin dhe ndjenjat. Qëndrimi dhe relaksi në det, rrisin ndjesinë tonë dhe ngjallin emocion, intuitë, imagjinatë dhe kreativitet.

11. Deti ka efekt pozitiv në shëndetin e syve

Ngjyra e kaltër e detit duke e parë nga distanca, ka efekt pozitiv për sytë tanë. Nëse keni kaluar shumë kohë para kompjuterit, pushimet në det do të ju ndihmojnë të relaksoheni dhe ti pushoni sytë.

Nëse nuk mund të shkoni në det

Nuk keni mundësi për të shkuar në det? Pushimin vjetor mund ta realizoni në mënyrë perfekte edhe pa planifikime në pushime të shtrenjta, por thjeshtë duke e kaluar në shtëpi:

Kënaquni gjatë ecjeve dhe shëtitjeve në natyrë

Ushtroni

Rrezituni në kushte shtëpiake

Notoni në lum apo ndonjë pishinë të afërt

[sgmb id=”1″]

Nëse jeni në kërkim të burimit të rinisë e jetës së përjetshme, jeni në vendin e duhur !

Vërtetë burim nuk ka në këtë artikull, por është sekreti i 8 grave që kanë jetuar mbi një shekull të lumtura e të shëndetshme ! Përqafoni atë stil jetese që ju përshtatet më shumë dhe jua sigurojmë që do të fryni 100 qirinj e më shumë.

Flossie Dickey, 110 vjeç

Flossie Dickey nga Uashingtoni nuk ka kohë për absurditetet e jetës ! Unë nuk luftoj për jetën, unë e jetoj atë ! Aktiviteti i saj i preferuar është gjumi !

Agnes Fenton, 110 vjeç

Nuk kam fëmijë dhe asnjëherë nuk është më është dashur të përballem me problemet që ata të sjellin! Shampanja dhe birra duket se kanë qenë çelësi im i pavdekësisë.

Emma Morano, 115 vjeç

115-vjeçaria italiane që ndërroi jetë vetëm para pak muajsh ishte e mendimit se femrat do të jetonin më gjatë nëse do të ishin beqare ! Veç mungesës së meshkujve në jetën e saj, ajo hante dy vezë në ditë.

Jessie Gallan, 109 vjeç

Kjo është gruaja më e vjetër në Skoci dhe këshilla e saj për të jetuar sa më gjatë është e ngjashme me të italianes Morano: Qëndroni vetëm ! “Meshkujt janë problem” Ushtrohuni rregullisht, qëndroni aktive dhe mos u martoni !

Misao Okawa, 117 vjeç( 1898-2015)

Të gjithëve do të na interesonte sekreti i gruas më të vjetër në botë ! Sushi, meditim dhe 8 orë gjumë të plotë, pavarsisht çdo gjëjë !

Gertrude Weaver, 116 vjeç

“Mirësia është sekreti”. “Trajtojini njerëzit në mënyrë të drejtë dhe asnjë peng nuk do t’jua gërryej zemrën”

Violet Mosse-Brown, 117 vjeç

Ha gjithçka, përveç mishit të derrit dhe pulës dhe unë nuk pij alkool !

Florence Bearse, 100 vjeç

Vera! Pini një gotë verë në ditë dhe zemra juaj do të rrahë për më shumë se një shekull

[sgmb id=”1″]

Parfumet fallso janë përhapur gjithandej, sidomos edhe në vendin tonë
Nëse çmimi nuk është tregues i mjaftueshëm i autenticitetit të një parfumi, atëherë keni edhe disa mundësi tjera për ta vërejtur se a është origjinal.

1.Ambalazhimi : Në pjesën e poshtme të parfumeve orgjinalë, aty ku gjendet barkodi, është i gdhendur një kod i veçantë që ndryshon nga prodkuti në produkt, por tregon origjinalitetin e tij. Në parfumet fake, ky kod nuk ekziston.

2.Ngjyra e parfumit: Shtëpitë e njohura të prodhimi të parfumeve nuk përdorin ngjyrues artificial në produktet e tyre. Një parfum origjinal vjen një gjithmonë në një tonalitet të zbehtë, kurse imitimet janë të ndezur.

3.Vendosja në kuti: Kur blejmë një parfum, sigurisht që ajo që na tërheq është dhe kutia apo shishja me të cilën prezantohet. Kur hapni parfumin që keni blerë kushtojini rëndësi këtij detaji pasi mund të jetë shumë përcaktues. Parfumet origjinale kanë prerje të kutisë në varësi të formës së shishes, kurse kutia e një imitimi ngjan me paketimin e një sapuni.