Aktualitet

Rreth 2 200 femra dyshohet se janë pjesë e organizatës së ISIS, prej të cilave 70 janë shqiptare. Ndërsa numri total i luftëtarëve të ISIS është mbi 24,000. Këto shifra sigurisht duhet të përdoren me mjaft kujdes sepse të gjitha informacionet nga territoret irakiane dhe siriane të kontrolluara nga ISIS që nga viti 2013, vijnë nga burime relativisht të pabesueshme, shkruan “Presheva jonë”.

Dyshohet se 70 femra shqiptare janë në ISIS, 40 nga Kosova, 2 nga Lugina e Preshevës, dhe të tjerat nga Maqedonia, Shqipëria dhe Mali i Zi.

Shumë nga anëtarët e organizatës janë perëndimore. Këto janë të famshmit “Muhajirat” (emigrantë) të cilët erdhën në “Xhihad” në Irak dhe Levant. Agjencia e lajmeve “Persheva Jonë” nga burimet e saj të sigurta, ka mësuar se 10% e grave në ISIS janë nga vendet europiane, që përfaqësojnë rreth 220 gra dhe vajza të reja. Nga Franca janë 60, nga Britania 50, 70 vajza e gra shqiptare (vetëm nga Kosova 40), pastaj nga Gjermania, Belgjika apo vende të tjera evropiane.

Këto femra iu përgjigjën thirrjes së Al-Bagdadit për të ardhur në këtë territor të ri mysliman, duke justifikuar migrimin në “shtëpinë e Islamit” si detyrë.

Qamile Tahiri është një komandante e re në radhët e ISIS-it. Nën patronazhin e saj, dhjetëra shqiptarë nga Kosova, Shqipëria dhe Maqedonia erdhën në radhët e shtetit islamik. Dora e saj e djathtë mesohet se është një tjetër e re nga Kosova, Laura Huseni.

Qamile Tahiri, vetem 23-vjeç, është drejtuese e dhjetëra femrave shqiptare në radhet e ISIS-it. Ajo gjendet në ballë të trajnimit të tyre në kampet e grave xhihadiste në “shtetin islamik” në Siri. 

Gratë e këtij grupi janë nga mosha 18 deri në 25-vjeç, ndër to ka shumë gra nga perëndimi. Trajnimi në këtë brigadë zgjat rreth një muaj, anëtaret mbajnë armë dhe mund të jenë luftëtare ose një lloj policie brenda radhëve të ISIS-it.

Roli i tyre është menduar që të jenë jo vetëm “nuset e xhihadistëve”, por edhe shumë më gjerë dhe më i rëndësishëm sesa pjesëmarrja në beteja. Roli i tyre është kryesisht për të rekrutuar anëtare të reja nga e gjithë bota, kryesisht nëpërmjet internetit.

Vangjush Dako ka folur sot ne Durres ne lidhje me lajmin qe po qarkullon prej ditesh, denoncuar se pari nga kreu i PD, se ai permendet ne pergjime me trafikante droge ne dosjen hetimore te EULEX.

“Nuk ka asnje gje te vertete nga cfare thuhet per mua. Opozita kerkon te baltos punen tone, dhe do te pengoje objektivat tona. Une e kam thene edhe ne reagimin tim ne Facebook, se nuk me trembin keto thashetheme”-ka thene Dako.

Ai ka theksuar me tej, se eshte i vendosur te beje punen per te cilen e kane votuar qytetaret. “Dua tu sherbeje me devotshmeri atyre qe kane besuar tek mua”- ka thene Dako.

Prefekti i Qarkut Vlore Flamur Mamaj inicion projektin per ndryshimin e fasades se godines se institucionit te Prefektures. Keshtu ka nisur puna pergatitore per lyerjen e fasadave te gjithe godines cka pritet te sjelle nje tjeter pamje te saj . Kujdesi edhe ne kuader te Festes kombetare te Pavaresise .
Me rastin e 105 vjetorit te Pavaresise se vendit pritet qe te ndryshoje edhe pamja e ketij institucioni.Mesohet se punimet do te perfundojne brenda dy diteve.

Adriatik Llalla kryeprokuror i Shqipërisë është në prag të burgut. Të gjithë zullumet që ka bërë në këto 5 vite me veprimet e tij dhe mbi të gjitha me mosveprimet e tij, i rezervojnë atij vetëm një fund: qelinë. Kjo për shkak se Llalla, me cilësinë e kryeprokurorit ka mbyllur dosjet më të bujshme në Shqipëri. Më e rëndësishma është dosja e aferës së CEZ, ku janë të përfshirë Sali Berisha, djali i tij Shkëlzen Berisha dhe Ilir Meta. Shtuar këtu dhe dosjen e DIA dhe dosje të tjera të rëndësishme. Duke llogaritur këtu dhe mbylljen e dosjes së përgjimeve të Mbrojtjes që kishte bërë Arben Imami dhe Ylli Zyla, apo mbylljen e çështjes së mbetur nga 21 janari, ajo e Aleks Nikës. Por duke llogaritur dhe ndërhyrjet për llogari të politikës sidomos në fillim me përgjimet ku ngriti padi ndaj ish ministrit të Brendshëm Tahiri dhe kreut të policisë Çako. Duke detyruar dhe organet serioze të partnerëve tanë ndërkombëtarë që të ndërhyjnë fort dhe ta cilësojnë lojë në shërbim të politikës nga ana e Llallës dhe prokurorisë.

Edhe lënia në heshtje e hetimit të Klemend Balilit, supertrafikantit të Ballkanit dhe njëherësh mik i Metës. Për të ardhur tek përdorimi më i fundit kundër Tahirit, tentativën politike për ta lidhur me trafikun e drogës me vëllezërit Habilaj, bashkangjitja dhe e biznesmenit Sota në këtë qark.

Për të gjitha këto ai meriton burgun dhe është në prag të tij, shtuar këtu dhe pasurinë marramendëse, dhe përballë saj një rrogë modeste si Prokuror dhe Kryeprokuror. Por dhe me një familje me kosto të lartë jetese, sidomos vajza, jeta luksoze e së cilës i ka kapërcyer kufinjtë shtetërore shqiptarë. Pa llogaritur jetën në Gjermani dhe shtëpinë atje. Dhe me gjithë këto shërbime për t’i shpëtuar burgut Llalla ka shpresuar shumë tek Meta dhe Berisha. Por kur ka parë se Meta e ka lëshuar që në fillim, pasi nuk kishte fuqi t’i zgjaste mandatin, duke parë dhe pafuqinë e Berishës dhe të Bashës për ta mbajtur dhe dy vite të tjera, duke parë se më 3 dhjetor, pra dhe 10 ditë e dorëzon detyrën, Adriatik Llalla është tërbuar.

Tikun madje e kanë braktisur dhe prokurorët që nuk e pyesin më fare. Pikërisht për këto arsye, duke parë shumë afër derën e qelisë, duke parë braktisjen nga Meta, Berisha e prokurorët, Llalla në tërbim e sipër ka filluar presionet, shkruan Pamfleti.com.

Si fillim Lalla përmes Prokurorisë së Krimeve të Rënda kërkon nga Gjykata sekuestrimin e resortit turistik “Santa Quaranta” si dhe disa prona të familjes Balili. Kjo kërkesë vjen një vit pas verifikimit të pasurisë së familjes së Klement Balilit, ish-kreut të Transporteve në Sarandë përfaqësues i LSI së Ilir Metës, i dyshuar nga shteti grek si trafikant droge. Media ka mësuar se sekuestroja preventive për mostjetërsimin e këtyre pronave është kërkuar në Gjykatë dhe bëhet fjalë për prona, si troje, dyqane, shtëpi private, disa apartamente në qytetin e Sarandës. Prona më e madhe nderkaq është resorti “Santa Quaranta”.

Klement Balili është person në kërkim për llogari të drejtësisë greke dhe asaj shqiptare dhe i dyshuar si personi që drejtonte një grup kriminal të trafikut të drogës në Ballkan drejt Europës. Ndryshe ai njihej dhe si Eskobari i drogës në Ballkan. Pikërisht këtu ka nisur presionet Llalla në prag të burgut, fillimisht ndaj Metës, pastaj dhe ndaj eksponentëve të tjerë të politikës. Dhe 10 ditë i kanë mbetur në fakt, ndaj po e braktisin të gjithë. Lalla pritet të shkojë pikërisht aty ku nuk e ka menduar, në burg. Premtoi çdo shtator se do të bënte arrestime të bujshme por në fakt po shkon atje vetë dhe me këmbët e tij

Kryeministri Edi Rama ka deklaruar sot se ministri i Brendshem Fatmir Xhafa do te nise neser nje kallezim penal per dekonspirimin e aksionit te policise per arrestimin e 3 ish zyrtareve te larte.

Dy adoleshente nga Kamza të cilat u denoncuan nga familjarët se janë zhdukur pa lënë gjurmë para 2 ditësh janë gjetur nga policia. Uniformat blu kanë gjetur dhe më pas dorëzuar në familjet e tyre dy 16 vjeçaret të cilat ishin shoqe të ngushta bashkë.

Gjatë deklaratës së tyre për largimin nga shtëpia, njëra prej vajzave thekson se është dhunuar psikologjikisht nga vëllai i saj.

Njoftimi i plotë:

Komisariati i Policisë Nr. 5

Në vijim të komunikatës që bën fjalë për largimin nga banesa të shtetaseve të mitura A.O dhe E.P, vjeç 16 e 16, banuese në Paskuqan, më datë 21.11.2017, u gjetën dhe dorëzuan familjarëve, të cilat deklarojnë se vëllai i shtetases E.P, shtetasi M.P, vjeç 23, ka ushtruar dhunë psikologjike ndaj saj. Neni 130/a i Kodit Penal.