Aktualitet

Pasi qëndroi dy vite në Vizion Plus, gazetarja e njohur Rudina Xhunga është larguar nga ky televizion, ku drejtonte emisionin “Dritare”. Sipas “dritare.net”, Xhunga nuk preferon të flasë për momentin për arsyet e mbylljes së emisionit dhe as ku do e shohim së shpejti.

Rudina Xhunga ka nisur të drejtojë një emision televiziv të prime time në RTSH, në vitin 1998.

Prej 20 vjetësh interviston figurat kryesore politike në vend dhe rajon, si edhe i ka lënë një vend të madh diasporës, turizmit, filozofëve e shkrimtarëve nobelistë, duke e shndërruar studion e saj në një studio globale. Rudina Xhunga është autore e 8 librave.

Të gjitha beteja në hije të Ilir Metës kundër reformës në drejtësi, në fund fshihet pas fustanit të gruas

Krahas betejave të dukshme, Ilir Meta, ka ndërmarrë edhe një lëvizje të padukshme, si shpresën dhe gurin e fundit, për t’i shpëtuar drejtësisë së re, të paktën edhe përkohësisht. Në kushtet e dështimit të të gjitha përpjekjeve për sabotimin e reformës në drejtësi dhe për ta marrë një garanci nga SHBA-BE, Ilir Meta ka vendosur të shesë dhe të fundosë bashkëshorten e tij, Monika Kryemadhin, duke i përgatitur terrenin për ta çuar atë të parën drejt burgut, pas ngritjes së Byrosë Kombëtare të Hetimit, Prokurorisë së Posaçme dhe Gjykatave Speciale.

Dihet tashmë se, është pasuria marramendëse dhe e paligjshme, ajo që rrezikon më shumë se çdo gjë tjetër Ilir Metën në raport me drejtësinë. Meta ka një pasuri prej dhjetëra milionë eurosh me vetëm dy rroga të deklaruara. Por çfarë ka bërë Ilir Meta? Vitet e fundit ai ka kaluar shumicën e pasurisë në emrin e Monika Kryemadhit. Kur të nisë hetimi për pasurinë e tyre, Byroja e Hetimit do të godasë fillimisht Monikën dhe jo Ilirin, pasi pasuria, në letra, ka kaluar në emrin e Monikës. Që pas nisjes së përpjekjeve për miratimin e reformës në vitin 2015, Meta i ka kaluar pasuritë e paluajtshme në emrin e Monikës. Madje, gjatë vitit 2016, kur u miratuan ndryshimet e Kushtetuese, Monika Kryemadhi ka deklaruar katër shtëpi, në emrin e saj. Monika i ka shitur të katër shtëpitë, ku vetën njëra ka kushtuar mbi 350 mijë euro.

Ilir Meta dhe LSI janë rrethuar më të kuqe nga Perëndimi si kundërshtarët më të përbetuar, më të rrezikshëm dhe të kamufluar të reformës në drejtësi. Nëse Sali Berisha, Lulzim Basha dhe çeta e gjyqtarëve të korruptuar dolën hapur kundër reformës, Ilir Meta, ditën përbetohej pro reformës, ndërsa natën dhe në prapaskenë nuk linte gurë pa luajtur kundër saj. Beteja e Ilir Metës kundër reformës në drejtësi është zhvilluar në disa plane. Së pari ai u përpoq të sabotonte me votë reformën, gjatë bashkëqeverisjes me Edi Ramën, duke bashkëpunuar me Sali Berishën dhe bandën e gjyqtarëve të korruptuar si dhe me zarin e tij në krye të Prokurorisë së Përgjithshme. Më tej, Ilir Meta, me anë të Petrit Vasilit, Ylli Manjanit dhe Luan Ramës tentoi ta përdhoste reformën, duke ndryshuar përmbajtjen e ligjeve, për të lënë disa shtigje për të shpëtuar. Të gjithë i mbajnë mend draftet paralele të LSI për ndryshimet kushtetuese, që hidheshin në kosh të plehrave nga amerikanët.

Kur të gjitha përpjekjet dështuan, Ilir Meta ka ndërmarrë një tjetër aksion, javët dhe muajt e fundit për t’i shpëtuar reformës. Ilir Meta shpërfytyroi gruan në parlament, duke sulmuar me këpucë kryeministrin, por këpuca ishte një mesazh kundër SHBA, BE dhe reformës. Ilir Meta detyroi zonjën e tij të dytë, Petrit Vasilin të shpallte amerikanët pushtues të vendit, të kërcënonte me vdekje Edi Ramën, duke i kujtuar fatin e Esat Pashë Toptanit etj. Ilir Meta degradoi deri aty sa që i dërgoi një letër mashtruese Presidentit Donald Trump, kundër Edi Ramës, me shpresë se amerikanët do ta falnin. I dha nënshtetësinë Janullatosin për të fituar mbështetjen e grekëve. Ka nisur të flirtojë edhe me rusët dhe serbët, për të siguruar një strehim të mundshëm.

Kryeprokurorja e përkohshme Arta Marku i është rikthyer lëvizjeve brenda Prokurorisë së Përgjithshme, pasi largoi drejtuesen e sektorit të dekriminalizimit dhe më pas disa drejtues të prokurorive në rrethe. Sot është larguar edhe zëdhënësi i Prokurorisë së Përgjithshme, Albi Serjani, i cili ka punuar në këtë pozicion gjatë gjithë mandatit të Adriatik Llallës.Sakaq burimet thanë se priten edhe lëvizje të tjera në këtë institucion.

‘Gjatë 5 viteve të fundit kam pasur kënaqësinë të bashkëpunoj me Ju. Për mua personalisht, kjo periudhë ka qenë shumë intensive dhe më ka ndihmuar shumë në aspektin profesional.

Unë ndihem shumë i nderuar për raportet e krijuara me gjithësecilin prej Jush dhe shpresoj që rrugët tona të bashkohen sërish, gjithnjë për të ruajtur miqësinë dhe komunikimin korrekt që kemi zhvilluar deri më tani.

Duke Ju uruar të gjithë Vit të Ri të mbarë dhe sa më shumë fat, Ju njoftoj që, duke filluar nga dita e sotme, unë nuk do të jem më pjesë e Prokurorisë së Përgjithshme.

Ju faleminderit për gjithçka!’, shkruan në një njoftim për mediat, Albi Serjani, i cili deri ditën e sotme mbante detyrën e zëdhënësit të Prokurorisë së Përgjithshme

Moti duket se do të na vazhdojë të na surprizojë për ditët në vijim. Edhe pse jemi në janar, duket se do përjetojmë temperaturat e stinës së pranverës.

Ditën e sotme ka qenë shumë ngrohtë dhe moti i tillë do vijojë edhe për nesër e në ditët e para të kësaj jave.

Të paktën kështu bën me dije “Metoalb”, ku njofton se maksimumi në zonat malore do të ngjitet mbi 14°C ndërsa maksimumi në ultësirën perëndimore, do ngjitet mbi 22°C.

MOTI NE VIJIM:

E hëna dhe e marta do të vijojnë në kushtet e kthjellimeve të alternuara me vranësira të shpeshta por nuk priten reshje në territor. Temperaturat e ajrit SOT kanë shënuar maksimalisht 19.9°C në zonat Jugperëndimore; por edhe e hëna dhe e marta, sjellin rritje të lehta të temperaturave si gjatë orëve të mëngjesit ashtu edhe në mesditë duke bërë që maksimumi në zonat malore të ngjitet mbi 14°C ndërsa maksimumi në ultësirën perëndimore, do ngjitet mbi 22°C.

Asambleja e djeshme e Partisë Socialiste, në të cilën u lavdëruan arritjet e PS-së në këto 100 ditë qeverisje, duket se nuk është pritur mirë, veçanërisht në momentin që bëhet një krahasim mes veshjeve luksoze të anëtarëve dhe deputetëve të kësaj partie, me mjerimin e skajshëm që ka kapluar vendin.

E një krahasim të tillë e bëri edhe gazetarja Edlira Gjoni, e cila vuri përballë, në një reagim të sajin në rrjetet sociale, Shqipërinë luksoze të markave e firmave më të mëdha, të cilat mbahen e vishen nga paria e vendit, me varfërinë dhe mizerjen që përjeton çdo ditë familja e Gëzimit, një banori në Fan, falë shtetit të mirëqenies sociale.

Edlira, e ndodhur mes dilemash e mëdyshjesh pas këtyre fotove, shtron pyetjen se cila është Shqipëria jonë e vërtetë? Ajo që na shfaqet në televizor, apo ajo që prekim e përjetojmë çdo ditë, në çdo hap që hedhim?

Publikimi i plotë i gazetares:

Cila nga këto është Shqipëria e vërtetë? Gëzimi dhe familja e tij në Fan mezi prisnin të fillonte Asambleja e Partisë së të varfëve. Vetëm se nuk ka televizor, as drita, ndaj nuk e shijon dot shtetin e fortë të Guccit, Armanit, Louis Vuitonit, Miu-Miut, Pradës, orave Rolex, makinave me xhama të zinj, syzeve që kushtojnë një palë aq sa atij i duhen për të jetuar vet’i katërt një muaj të tërë.
Ja këtë popullatë drejton sot shteti i fortë i Asamblesë Socialiste (e Parlamenit grotesk i kllounëve firmato edhe në partitë e tjera).

Parti, qeveri e Parlament i zhytur në luks, silikon, narcizizëm e paaftësi humane. Pa guxim të shohin realitetin në sy, e jo më të gjenerojnë zgjidhje për të! Turp!!!

Kryeministri Edi Rama ka provokuar serish sot gazetaret, duke hyre në ambientet e “Xibrakut” ku do mbaje punimet Asambleja Kombëtare e Partisë Socialiste.

Me të futur këmbët, Rama i cili shoqerohej nga kryetari i Kuvendit Gramoz Ruci, është ndeshur me gazetarët të cilët i ka “përshëndetur” me fjalët : “Mirëmëngjes kazan”!

Por gjate transemtimit live nga vendi ku Partia Socialiste ka mbledhur Asamblene Kometare teksa raportonte per nisjen e takimit te rendesishem, gazetarja e “News 24”, Marsela Karapanço njoftoi per përshëndetjen e Ramës, i cili para se te hynte tha para mediave “Mirëmëngjes kazan!”.

Ne transmetim direkt, nga studio Ola Bruko nuk e ka kursyer ironine. Ajo tha mes te tjerash: Po, mirëmëngjes nga ky kazan që do të transmetojë tani live mbledhjen e Asamblesë së PS-së”