I ati i shkodranit që humbi jetën tragjikisht në Francë, Florenc Beqirajt po rrëfen me detaje historinë tronditëse të të birit, teksa është i ftuar sot në emisionin “Me zemër të hapur”.
“Florenci ka punuar këtu me shit rroba me mua në ndihma, ka punuar lavazhier, ka punuar djali gjithmonë edhe këtu…
Atje ka shitur tesha në mënyrë të zezë, se ka qenë pa dokumenta.
Ka fjet jashtë atje, i kam dërguar para nga Ulqini unë me gruan.
Priste letrat jo sot e jo nesër. Ka punuar gjithmonë”, tha Gëzim Beqiraj.
Duke u nisur nga mbrëmja e sotme vendi do të mbushet me borë. Të shumta janë qytetet nga veriu në jug që do të vishen nën petkun e bardhë të borës.
Meteoalb shkruan:
Dita e diel, vijon me kthjellime e vranësira kalimtare në Jug dhe Qendër por vranësira të shpeshta lokalizohen në Veri dhe Lindje. Pjesa e dytë e ditës fuqizon vranësirat duke gjeneruar në mbrëmje dhe gjatë natës, reshje shiu e dëbore”.
Ndërsa ditët e para të janarit ishin me temperatura si të ishte vjeshtë, duket se do t`u vijë fundit. Sipas parashikimeve ditët e vërteta të dimrit priten të jenë në datat 20 deri 26 janar.
Meteoalb parashikon:
Ditë dimri na presin në dt. 20 – 26 Jan. 2018″.
Sipas Meteoalb, dita e diel sjell rënie të temperaturave në të dy esktremet ditore duke bërë që vlerat e tyre të luhaten nga -4 në 12°C.
Prej disa javësh, dorëheqja e tij nga “Top Channel” dhe zhvendosja e tij në televizionin “Vizion Plus” ka qenë një ndër temat më të diskutuara.
Dhe tashmë duket se gjithçka është konkretizuar. Së fundmi, “Vizion Plus” ka publikuar spotin promocional të emisionitë të ri që Balla do të prezantojë dhe ai titullohet “Real Story”.
Emisioni me natyrë politike do të transmetohet çdo të enjtë në orën 21:00, ndërsa Balla ka gjithashtu edhe rolin e drejtorit ekzekutiv në “Vizion Plus’.
Shqipëria është kthyer në Amerikën e italianëve, dhe kjo ka hapur një debat të madh në shtetin fqinj, atje ku ka skepticizëm të madh mbi lehtësitë që shteti shqiptar i ofron sipërmarrësve italianë.
Nëse në Itali duhet të paguash taksa të larta, dhe të kalosh disa burokraci për të hapur një aktivitet të ri, në Shqipëri kjo ndodh fare thjesht.
Vetë italianët që kanë vënë rrënjët në Tiranë, thonë se kanë hapur bizneset e tyre brenda ditës, në vetëm 4 orë, dhe e gjitha ka kushtuar më pak se 1 euro. Nëse dikur Italia shihej si vendi ku shqiptarët projektonin të ardhmen, sot po ndodh e kundërta. 25 mijë italianë jetojnë në Shqipëri, kryesisht me biznese të tyre, e kjo për shkak të taksave të ulëta që paguajnë këtu. Por fakti që Italia po boshatiset, ka bërë që shteti atje të bëjë ndryshime, e të nisë lehtësitë ndaj biznesit. Kjo temë është trajtuar në emisionin “Dalla Vostra parte” në TG4. Gazetari i emisionit ka mbërritur në Tiranë ku është takuar me sipërmarrës të ndryshëm italianë. Të gjithë shprehen mjaft pozitivë për Shqipërinë, duke theksuar se nuk ka burokraci, se jetohet shumë mirë. Çmimet sipas tyre janë të përballueshme dhe pagat të mira.
“Në Tiranë jetohet më mirë se në Itali. Këtu është si të ishte Italia e viteve ’70, ka një bum ekonomik. Këtu nuk ekziston burokraci. Për të hapur një shoqëri në Itali ka shumë burokraci dhe kosto, ndërsa në Shqipëri mbaron punë në një ditë me më pak se 1 euro. Këtu nuk punohet për shtetin, por shteti të jep një dorë, dhe procedurat janë shumë më të shpejta sesa në Itali. Është Amerika e italianëve.Sot është më mirë të jetosh në Shqipëri sesa në Itali”, shprehen ata.
Në fakt, ky nuk është realiteti që shohin shqiptarët, shumica e të cilëve jetojnë ende mes skamjes. E një dyshim të tillë për “parajsën shqiptare”, ngriti edhe moderatori i emisionit kur ju drejtua në një lidhje direkte nga studio Masimos, shef kuzhine në Tiranë.
A nuk është paradoksale që Shqipëria të konsiderohet Amerika e italianëve? – pyeti moderatori.
“Unë i kam më shumë mundësitë këtu sesa në Itali. Kam punuar edhe në Gjermani dhe e gjej veten më mirë në Tiranë. Përveç klimës, dhe njerëzve, që janë pak a shumë të ngjashëm me italianët. Nëse vjen të hapësh një aktivitet brenda 4 orëve ke një licencë të re. Është e gjitha shumë e thjeshtë, nuk ka burokraci”, – u përgjigj Masimo, kuzhinieri që prej tre vitesh tashmë jeton në Tiranë.
Këtu ka lindur edhe debati në studio, kur shefi i kuzhinës pyetet nga gazetari se nëse është kaq e lehtë të hapësh një biznes, sa i fortë është kontrolli ndaj licencave të lëshuara, dhe sa funksionon drejtësia në Shqipëri?
Pyetje: Si funksionon monitorimi, drejtësia, edhe kontrolli mbi licencat e lëshuara. Si është drejtësia në Shqipëri?
Massimo: Drejtësia nuk funksionon si në Itali, por politika po bën detyrën e saj këtu, besoj se edhe drejtësia do të funksionojë
Gazetarja: Pra po thoni që nuk funksionon. Pra Shqipëria nuk është një model perfekt për tu ndjekur?
Gazetarja vijon më tej duke informuar Massimon mbi ndryshimet pozitive që shteti italian ka bërë.
“Për ndërmarrje të e vogla dhe të mesme janë krijuar shumë lehtësi, Masimo duhet të kthehesh. Duhet të rizgjojmë ndërgjegjen për të qenë italianë, mos të dorëzohemi, të kuptojmë që ka përmirësime. Kthehuni, hajdeni bëheni shefin e kuzhinës tek ne”.
Massimo: Këtu paguhen pak taksa, sa paguhen në Itali? Italianët po ikin sepse po vriten nga taksat
Masimo është një kuzhinier që në Itali ishte i keqpaguar. Ndërsa në Shqipëri ai është një shef kuzhine mjaft i pëlqyer dhe i paguar mirë. Kjo është arsyeja pse tre vite më parë ai bëri gati valixhet dhe u transferua në Shqipëri.
Gazetari italian e shoqëron kuzhinierin për të bërë pazar me fruta perime, dhe nga sa shohin, ata paguajnë më pak se 6 euro për të bërë furnizimet e nevojshme.
Italianët që kanë parë Tiranën si shtëpinë e tyre të dytë janë shumë, 25 mijë, në kërkim të fatit që nuk kanë gjetur në atdheun e tyre.
Gazetari takon edhe Carmelon. Ai prodhon pasta në Shqipëri dhe furnizon edhe restorantin ku Masimo është shef kuzhine.
“Me të njëjtat para që merr në Itali këtu jeton më mirë, sepse kushtojnë më lirë, ushqimet, qiraja, benzina, etj. Më parë shqiptarët vinin në Itali për të punuar dhe për të pasur një të ardhmen. Ndërsa sot ne italianët e shohim të ardhmen në Shqipëri.
Hahet mirë, jetohet mirë, është Amerika”, përfundon Massimo, i cili është i vendosur për të jetuar në Tiranë.
Ndiqni videon nga minuta 12
[youtube https://www.youtube.com/watch?v=kpjlwgWUs6o]
Edhe në Rrëshen, kryeministri i vendit Edi Rama nuk i ka kursyer batuat me banorët.
Teksa mori fjalën e tij dhe priste pyetja nga banorët, kryeministri nisi batutat për burrat e mustaqe.
Por situata ndryshoi kur fjalën e mori një grua e ulur nga fundi. Ajo i rrëfeu kreut të Qeverisë se ishte e sëmurë, vuante nga kanceri i gjirit dhe shkonte çdo ditë pranë spitali Onkologjik në QSUT. Gruaja në profesion mësuese i rrëfeu kryeministrit se që prej muajit gusht të vitit 2017 nuk merr dot mjekim me herceptinë, pasi nuk gjendet ilaçi.
“Unë vuaj nga kanceri i gjirit. S’ka ilaç hereceptinë në Onkologjik, për mua dhe për 130 të sëmurë të tjerë dhe kjo situatë vijon prej muajsh. Nuk kam asnjë vërejtje për mjekët kanë qenë shumë të përkushtuar. Nga fundi i gushtit duhet të kisha bërë 8 seanca kam bërë vetë 3. Kam muaj që kërkoj drejtorin e spitalit për t’i kërkuar informacion, por nuk e gjej asnjëherë. Që nga mjekja ime dhe të gjitha instancat më thonë se nuk ka ilaç. Një burokraci e paparë me orë të tëra në zyrën e informacionit dhe nuk e kam takuar drejtorin. Ju keni një realitet krejt tjetër në tryezën tuaj. Ju betohem se realiteti im është i vërteti. Ju kërkoj të ndërhyni.”, u shpreh gruaja.
Rama u përgjigj se problemi qëndron te fondi.
“E njoh shumë mirë situatën në Onkologjik. Këtë situatë për këtë kurë e njoh shumë mire sepse kam marrë disa ankesa. Nuk është faji i drejtorit sepse edhe po ta takoje nuk është se do të kishte mundësuar dhënien e ilaçit. Problemi qëndron tek fondi dhe parashikimi vjetor i buxhetit për blerjen e medikamenteve. Ka një rritje të lartë të numrit të të sëmurëve me kancer nga viti në vit.
Problemi qëndron edhe tek pamundësia buxhetore, e di ky nuk është një justifikim. Buxheti i ri do të mësojë blerje të një sasie më të madhe medikamentesh për trajtimin e sëmundjeve kancerogjene. Do ndryshojmë edhe ligjin për blerjen e medikamenteve në sasi më të mëdha që të shkojnë më shumë se një vit”, deklaroi Rama.
105 vjet Policia e Shtetit! Aktiviteti i zhvilluar në Policine e Qarkut Vlore i pranishem edhe kreu i Bashkise Dritan Leli i cili ne fjalen e tij pershendetese tha:
“Faleminderit për punën tuaj të perkushtuar, faleminderit që çdo dite ndihmoni që Vlora të jetë qytet më i mire, më i jetueshëm!
Një falenderim të veçante për ata që dhanë jetën në krye të detyrës dhe familjet e tyre!!”
Maqedonia ka emetuar një pullë postare në nder të heroit tonë kombëtar Gjergj Kastrioti Skënderbeu me rastin e 550 vjetorit të vdekjes së tij.
Pulla e re postare mban emrin dhe foton e Skënderbeut.
Ambasadori shqiptar në Maqedoni, Fatos Reka ka dhënë lajmin përmes një postimi në Twitter.
“Posta e Maqedonisë ka emërtuar sot pullën postare për të nderuar 550 vjetorin e vdekjes së heroit kombëtar shqiptar Gjergji Kastrioti Skënderbeu”, shkruan ambasadori Reka.
Policia e Shkodres ka reaguar per here te pare per shperthimin me tritol qe ndodh sot rreth orës 10:45 në lagjen ‘Partizani’, Shkodër, me lëndë plasëse.
Sipas bluve, menjëhere ne vendin e ngjarjes kanë shkuar forca të shumta policie ku konstatuan se në një mjet tip motor dyshohet se ishte vendosur lendë eksplozive.
Si pasojë e shpërthimit janë plagosur shtetasit Lulzim Kulla 42 vjeç, banues në Shkodër, pronar i objektit dy katësh, i cili po hipte në mjetin e tij dhe ndodhet në gjendje të rëndë, D.M, 32 vjeç, banues në Shkodër, ndodhet në gjendje të rënde dhe G.C., 40 vjeç, banues në Shkodër, jashtë rrezikut për jetën.
Të tre këta shtetas u derguan në Spitalin e Traumës Tiranë për mjekim te specializuar.
Lendime me të lehta kanë pesuar dhe 5 shtetas të tjerë që ndodhen në spitalin rajonal Shkodër për ndihmë mjekesore.
Në vendngjarje ndodhet grupi i posaçem hetimor nën drejtimin e Prokurorisë Shkodër dhe po punohet për zbardhjen e autoresisë së kësaj ngjarje. Policia ka ngritur pika të shumta kontrolli në pikat hyrëse dhe dalëse të qytetit.
Forcat e Rendit dhe FNSH e Shkodrës kanë kryer shoqërime dhe po marrin deklarime nga persona që mund të kenë dijeni për rrethanat e ngjarjes. Agjentet e Krimeve kanë sekuestruar pamje filmike me vlerë për hetimin.
Në Shkodër kanë mbërritur dhe eksperte të Krimeve nga Drejtoria e Përgjithshme e Policisë dhe drejtuesi i FLO.
