Aktualitet

Ish-studentja e Fakultetit të Arteve, Jeta Berisha ka rrëfyer se si ishte ngacmuar seksualisht nga profesori i saj i cili vazhdon që ta ushtrojë profesionin e tij në Univeristetin e Prishtinës, shkruajnë mediat kosovare.

Ajo më herët ka kërkuar kërkuar që rasti të hetohet si nga Policia e Kosovës ashtu edhe nga Rektorati i Universitetit të Prishtinës, por si duket ka hasur në vesh të shurdhër, pasi edhe pse kanë kaluar dy vite profesori nuk u ndëshkua për veprimin e tij.

Ky ka qenë një nga rastet e bëra publike sot gjatë një aksioni simbolik të zhvilluar sot nga studentë dhe qytetarë para Rektoratit të Universitetit të Prishtinës.

Ata kanë kundërshtuar dukurinë e ngacmimeve seksuale dhe kërkuan shkarkimin e rektorit të Universitetit të Prishtinës ”Hasan Prishtina”, Marjan Dema, si dhe dorëheqje të prorektores së UP-së, Teuta Pustina-Krasniqi për shkak të deklarimeve të saj për ngacmimet seksualenë këtë institucion arsimor.

Deputeti i Partisë Socialiste, Alket Hyseni, është shmangur sot nga përballja me akuzat e tjetërsimit të pronës në Dhërmi, duke braktisur Komisionin e Ligjeve.

Hyseni, i cili është denoncuar zyrtarisht nga familja Bua për vjedhjen e pronës, ishte përcaktuar si relator në Komisionin e ligjeve për ligjin e Prokurorisë së Përgjithshme, bazuar në ndryshimet kushtetuese të propozuara nga PD.

Deputetët e këtij Komisioni, janë njohur në fillim të diskutimit të këtij drafti se relator nuk do të ishte më Alket Hyseni, por deputeti tjetër socialist Bledi Çuçi.

Vetë deputeti i Ramës, i akuzuar për aferën e grabitjes së pronave në Dhërmi, ka dhënë tjetër një provë të mospërballjes me të vërtetën dhe ka braktisur mbledhjen sapo ka nisur diskutimi ku ai ishte përcaktuar si relator, pra për ligjin e Prokurorisë së Përgjithshme.

Kjo e mërkurë 28 mars, shënon 21 vjetorin e tragjedisë së Otrantos, me 81 viktima dhe 24 të zhdukur në det.

Për familjarët është një ditë përkujtimi për të afërmit dhe thirrjeje për drejtësi.

Të veshur me të zeza, me buqeta lulesh në duar, ata bënë homazhe në vendin nga ku u nis anija me 115 persona në bord.

Anija u godit në ujërat tona territoriale nga anija ushtarake italiane Sibila, por për familjarët e viktimave ngjarja ishte vrasje.

“Qëllimi jonë nuk është vetëm dëmshpërblimi, por fajtorët e kësaj tragjedie dhe ata që dhanë urdhër qofshin ata shqiptarë apo italianë,”tha një familjar.

Për tragjedinë janë zhvilluar shumë seanca gjyqësore dhe ka pasur vetëm dy dënime simbolike të drejtuesve të anijeve respektive. Por familjarët të grupuar rreth një shoqate, thonë se nuk do të ndalen kurrë për të kërkuar ndëshkimin e fajtorëve.

“Së shpejti kjo do konsultohet edhe në Parlamentin Europian”

Vit pas vit në ceremoni të ngjashme, familjarët e viktimave të Otrantos kanë kërkuar edhe mbështetjen e shtetit në rrugën e tyre për atë që e quajnë drejtësi të munguar.

Ministrja e Mbrojtjes Olta Xhaçka ndodhet në Izmir ku vizitoi kontigjentin e 7 të Forcës Detare, pjesë e misionit të NATO-s në Detin Egje.

Në fjalën e saj Xhaçka tha se fokusi është trajnimi dhe karriera e efektivëve të cilët tha ajo punojnë mes kufizimesh e sakrificash

Kontributi juaj -tha Xhaçka- është trashëgimi për brezat pasi ofroni siguri për vendin dhe qytetarët.

Deklarata e Olta Xhaçkës

I gjithë fokusi ynë, i gjithë përqëndrimi ynë në këtë moment është tek edukimi dhe trjanimi edhe tek karriera e gjithësecilit prej jush, që bëni një punë për hir të së vërtetës mes kufizimeve dhe shumë sakrificave, por një punë të jashtëzakonshme që do ti lini trashëgimi shumë të rëndësishme brezave, duke ofruar siguri për vendin tonë dhe duke kontribuar për paqen përtej kufijve të vendit tonë.

Sa i takon trajtimit jemi të ndërgjegjshëm që ka ende shumë për të përmirësuar. Trajtimi nuk është i krahasueshëm me aleatët e tjerë dhe ndoshta nuk është as ai që do donim ne që të ishte, apo ai që ju meritoni. Por dua tju them që jemi maksimalisht të angazhuar edhe unë si ministre, por edhe ne si qeveri, që të sjellim një standart të ri në trajtimin tuaj jo vetëm njerëzor por edhe financiar. Dhe sigurisht një standart të ri në Ministrinë e Mbrojtjes dhe Forcat e Armatosura për përparimin në karrierë, duke e bërë atë gjithnjë e më meritokratike.

Dua tju falenderoj gjithësecilin personalisht edhe shpresoj shumë që ky mision të përmbyllet me sukses nga ky kontigjent dhe të ktheheni shëndosh e mirë pranë familjeve tuaja.