Aktualitet

Një lajm të hidhur ka ndarë me publikun, shkrimtarja Flutura Açka, pasi ajo në një postim në Facebook, tregoi se djali i saj 18-vjeçar ishte ndarë nga jeta. Pas këtij lajmi deputetja Grida Duma, në një reagim të saj ka shprehur ngushëllimin e saj në për këtë tragjedi dhe shkruan me fjalë prekëse.

Postimi i plotë

“ ..Nuk kam frikë nga vdekja, jeta mund të më tmerrojë… “

Kjo shprehje m’u fanit në mendje kur lexova lajmin e humbjes së djalit të vetëm të Flutura Açkës.
A mundet njeriu të gjejë fjalët e duhura të ngushëllojë në të tilla humbje! Asnjë fjalë, asnjë simbol nuk ngushëllon dot; por pa fjalën, krejt në heshtje humbëtira të zhyt në errësirë deri në mbytje.
Flutura kish shkruar për humbjen e të birit me një madhështi jo vetëm prej nëne të madhe, por prej njeriu të madh.

Madhështia në rreshtat e saj ishte mungesa e plotë e çdo elementi prej shkrimtareje.
Të zgjedhësh të ndahesh nga shpirti i shkrimtares, të ndahesh në dy, në momentet kur shpirti është copëtuar në qindra, është vendim i një force të përbindshme njerëzore.

Dhe ajo zgjodhi ashtu, e na përcolli madhështinë humane, madhështinë e dhimbshme të faktit të ftohtë të humbjes së më të shtrenjtës qenie në jetë.
Faktit më të ngurtë, të ngrirë akullt, të jetës njerëzore.

Ish shkruar sot për të tjerë shkrimtarë e poetë që kanë vuajtur humbje të tilla, që mbi ta rëndon një peshë prometeu dhe vetë prova e mbinjerëzishme për t’i treguar njerëzimit madhështinë në dhimbje.
Më erdhi ndër mend Zija Çela, një ndër bisedat më të vyera me të, për humbjen e të birit. “….Vdekja s’më tremb aspak, jeta shumë, jeta mund të të tmerrojë. Kur do duhet të jetosh me pahir pasi ke humbur vetë jetën….. “kështu mërmëriti krejt pa pritur ndërsa flisnim për ide të tjera.

Uli paksa kokën e me sytë që shihnin në një botë tjetër e vijoi:

“…. E vetmja gjë që mund t’i them miqve është jetojini të gjitha sa më shumë, jetojini fëmijët, jetojini të shtrenjtët tuaj sa më shumë, se duket se vetëm kjo i mbron dhe ata të mos humbin, …jetojini.”

Tre prej kompanive më të mëdha të prodhimit të makinave do të prodhojnë pjesë të tyre të jashtme në Shqipëri. Bëhet fjalë për një fabrikë në Librazhd që do të prodhojë për “Mercedez-Benz”, “Ford” dhe “Fiat”.

Lajmin e bën të ditur kreu i grupit parlamentar të PS Taulant Balla. Përmes një postimi në facebook ai thotë se “ndoshta nuk do ta besoni, por është e vërtetë që pjesë me veshje lëkure si timoni, leva e marsheve apo leva e frenave të dorës të një makine Mercedez Benz, Ford apo FIAT që mund të blini pas disa kohësh, është prodhuar në Shqipëri, në një fabrikë të vogël në Librazhd”.

Postimi i plotë i Ballës

Kompanitë e prodhimit të makinave Mercedez-Benz, Ford dhe FIAT tashmë prodhojnë pjesë interiore të tyre në një fabrikë në Librazhd.

Ndoshta nuk do ta besoni, por është e vërtetë që pjesë me veshje lëkure si timoni, leva e marsheve apo leva e frenave të dorës të një makine Mercedez Benz, Ford apo FIAT që mund të blini pas disa kohësh, është prodhuar në Shqipëri, në një fabrikë të vogël në Librazhd.

Gjithashtu kompani të prodhimit të barkave detare si Castoldi apo kompani të prodhimit të traktorëve bujqësorë tashmë prodhojnë timonët e drejtimit të tyre në Librazhd.

Është vetëm fillimi dhe janë punësuar dhjetra vajza dhe djem të rinj. Në muajt në vijim kompania SV MEGA, kontraktori shqiptar, synon ndërtimin në Librazhd të një fabrike më të madhe me standardet e emrave për të cilët punon, duke garantuar në të ardhmen një numër më të madh të punësuarish. PUNË PËR SHQIPËRINË QË DUAM/njekomb

Braktisin foshnjen e porsa lindur dhe kanë gjetur nje vend për ta lënë të vetmuar fëmijën. E kanë futur në një kuti dhe e kanë vendosur sipër një makine e cila është në pronësi të Imamit të Xhamisë në Vrellë të Istogut, Arben Dreshaj. Ngjarja ka ndodhur gjatë mengjesit të ditës së sotme ku ai e ka gjetur foshnjen të braktisur, të lënë në një pako mbi veturën e tij, pranë xhamisë.

“Sot, pasi që e fala namazin e Sabahut në Xhaminë e fshatit Vrellë, kur dola jashtë Xhamie pas faljes se namazit, e gjeta një paketë mbi veturen time. Ora ishte rreth 5 e 15 min. Kur shikova në paketë ishte një foshnje e posalindur e mbështjellur me batanije ”, ka shkruar hoxha Arben Dreshaj.

“Pastaj menjëherë kam njoftuar policinë dhe pak më shumë se 20 minuta vonesë, ka ardhë një veturë e policisë, bashkë me autoambulancën dhe e kanë marrë foshnjën”, ka thënë ai.

Imami i Xhamisë në Vrellë të Istogut, Arben Dreshaj, sot në orët e hershme të mëngjesit e ka gjeturnjë foshnje të braktisur, të lënë në një pako mbi veturën e hoxhës, pranë xhamisë. Ndëkorhë që policia ka nisur hetimet mbi braktisjen e fëmijës, por akoma  nuk është bërë publike asnjë detaj në lidhje me këtë çeshtje./syri

Janë më shumë se 180 kriminelë shqiptarë që janë në kërkim të akuzuar për krime të rënda në Greqi, të kryera gjatë 18 viteve të fundit, të cilët thuhet se janë strehuar në vendin e tyre të lindjes.

Kjo sipas të dhënave të siguruara nga media greke “Kathimerini”, e cila thotë se autoritetet greke kanë lëshuar 184 mandate arresti për shtetasit shqiptarë të akuzuar për vepra penale nga viti 2000. Asnjë prej tyre nuk është kapur deri tani, shkruan sot media greke.

Sipas policisë greke, shqiptarët e kërkuar për krime në Greqi janë arratisur dhe fshihen në Shqipëri. Gjatë këtij viti janë lëshuar urdhër-arreste ndërkombëtare për 14 shqiptarë, ndërsa në vitin 2017 u lëshuan 21 mandate kërkimi dhe 26 për vitin 2016.

Zyrtarë të lartë të Policisë Greke kanë thënë për Kathimerini se asnjë prej shqiptarëve të kërkuar nuk është ekstraduar në Greqi, me pretendimin se hasin në vështirësi nga autoritetet shqiptare.

“Në rastet kur kërkojmë ekstradimin e të dyshuarve, pala shqiptare na kërkon të dërgojmë shkresat të përkthyera në gjuhën shqipe në mënyrë që ata të mos ekstradohen në Greqi por të përballen me gjyqin në Shqipëri”, tha një burim policor për “Kathimerini”.