Aktualitet

Albert Veliu në rrëfimin e tij në videon e publikuar nga PD, në një moment mbase pa vetëdije për ato që thotë, inkriminon vetveten si të përfshirë në një tentativë për blerjen e 100 kg kanabis me qëllim për ta trafikuar në Itali.

Ai thotë se arriti të blejë 20 kg me para borxh, pasi siç shprehet herë pas here, ndodhet në gjendje të keqe ekonomike. Ja çfarë deklaroi ai në dëshminë e dhënë në Partinë Demokratike:

Unë do çoja një 100-she (100 kg kanabis). Arrita të blija 20 kg kanabis me lekë borxh, mallin do ta blija vetë me lekë borxh. Ndërsa ai do më siguronte transportin, gomonen. Gomonen ata e kishin, se unë ku e gjeta?! Unë jam hallexhi. Gjërat ishin të zgjidhura, rrugët ishin të hapura të gjitha.

Lëkundje sizmike janë ndierë ditën e sotme në Shqipëri.

Mësohet se epiqendra e tërmeti ka qenë në fshatin Bolenë të Vlorës, ndërsa lëkundjet janë ndjerë edhe në qytetet përreth.

Duke iu referuar Institutit të Gjeoshkencave, tërmeti ka qenë me magnitudë 3.1 dhe ka rënë në një thellësi prej 4 kilometra nën tokë.

Izet Haxhia pas vetëdorëzimit te autoritetet turke u bë gati për procesin gjyqësor në Shqipëri. Haxhia zgjodhi avokatin që do ta mbronte në Shqipëri, Fran Dashin.

Pas ekstradimit nga Turqia për në Shqipëri pak kohë më parë pasi është dënuar me 25 vite burg si bashkëpunëtor në vrasjen e Azem Hajdarit, ish truproja i ish- kryeministrit Sali Berisha, Izet Haxhia ka pajtuar avokat të ri.

Paraqita kërkesën për rihapjen e dosjes. Dosja ‘Hajdari’ duhet të rihapet, pasi klienti im Izet Haxhia është dënuar në mungesë. Klienti im të dëgjohet përpara një gjykate.

Izet Haxhia s’u paraqit për arsye madhore. Do flasim në kohën e duhur për këtë çështje”- ka thënë avokati i Izet Haxhisë, Bashkim Nikolla.

Shtetari që nga 48 vite jetë, 28 vite i ka aktivitet hajdutërie

Shkruan: Memo Aliaj

Ndryshe nga çdo fundjavë, që relaksohet në super-vilën e tij luksoze në Gjirin e Lalëzit pas punës së lodhshme në ndarjen e dekoratave dhe, pas opozitës cfilitëse anti-korrupsion që po bënë bashkëshortja e tij, për të zgjidhur hallet e popullit, Presidenti Ilir Meta, çdo mëngjes të ditës së tij të punës, para se të shkoj në zyrë ndalon e pi kafe tek klubi i lagjes, shoqëruar nga njw i ftuar.

Të ftuarit e presidentit, janë figura të njohura publike si artistë, sportistë, shkencëtar, profesorë e veteranë lufte, të cilët me “qetësi dhe dashuri”, ai njeh me arrtijet e demokracisë shqiptare, me luftën kundër korrupsionit dhe kontributin që ai ka dhënë e po jep famljarisht, si fshat Çepan e si Skrapar, për futjen e Shqipërisë në BE, madje edhe duke përmbysur malet (me gurote), për të bërë realitet këtë objektiv.

Këtë mëngjes, i ftuari i radhës nga Presidentit Meta, ishte këngetari i njohur shqiptar Eugent Bushpepa, pjesëmarrës dinjitoz në “Eurvision”! Presidenti Meta, për t’u bërë udhëheqës më popullor e më i dashur për artistët dhe shqiptarët, bëri edhe një pozim special me këngëtarin Bushpepa, duek demonstruar simbolin dhe qëndrimin si “Rokstar”.

Ai e publikoi foton me këngëtarin, të shoqëruar me këtë mesazh: – “Falenderova sot me mirënjohje, yllin e rokut dhe muzikës moderne shqiptare Eugent Bushpepa, për përfaqësimin dinjitoz të Shqipërisë në “Eurovision”. Me zërin e tij unik dhe falë talentit të papërsëritshëm, Genti lartësoi muzikën dhe gjuhën e mrekullueshme shqipe në skenën europiane, duke na bërë krenar të gjithëve”!

Në fotografi, duken të dy të qeshur e të lumtur. Pyetja është kjo: – Mirë këngetari Bushpepa, që i kishte dy motive për të qenë i tillë, mbasi tregoi performancë të lartë në “Eurvision” dhe u takua e piu kafe me Presidentin e Republikës, po presidenti çfarë motivi kishte, që pozoi aq i lumtur në atë foto? Sepse ka një dallim kuptimplotë vlerash e kontributesh mes tyre, të cialt duhen ndarë.

Këngëtari Bushpepa në këto vite të karrirës së tij muzikore, njihet prej intepretimeve profesionale që përcjell. Ndërsa Presidenti Meta, nga 48 vjet jetë që ka kaluar deri sot, 28 prej tyre i ka aktivitet poltikë me përmbajtje hajdutërie! Këngëtari Bushpepa, me këngën e tij, na çoi në Europë, ndërsa Ilir Meta me korupsionin e tij… na ka lanë jashtë saj!/Pamfleti

Ambasadorët më me influencë në Shqipëri, ai i SHBA Donald Lu dhe e BE-së, Romava Vlahutin janë kapur teksa konsumojnë një drekë sëbashku sot në një nga restorantet e njohura në qendër të Tiranës. Në këtë foto të siguruar nga Opinion.al shohim se ata janë tejet të përqendruar në bisedën e tyre që me gjasë orientohet tek zhvillimet e fundit politike, ku edhe ata janë përfshirë.

Opozita kërkon largimin e ministrit të Brendshëm, Fatmir Xhafaj me argumentin se ka mbrojtur (penguar drejtësinë të veprojë) mbi vëllanë e tij të dënuar për trafik droge. Nga ana tjetër Kryeministri Edi Rama i ka përdorur si mburojë dy ambasadorët.

Disa ditë më parë, ai tha se po të kishte gisht Fatmir Xhafaj do të kishte folur ambasadori Lu, ndërsa dje u shpreh se “zyra e BE në Tiranë konfirmoi se Xhafaj nuk ka trafikuar Kodin e Procedurës Penale për ekstradimet, pasi ai është bërë nën mbikëqyrjen t tyre”.

Edhe sot pati zhvillime pikërisht për çështjen “Xhafa”, opozita braktisi parlamentin, ndërsa seanca zgjati pak vetem me mazhorancën. Pikërisht në përfundim të seancës dhe në pritje të një tjetër denoncimi nga PD, Lu dhe Vlahutin drekojnë së bashku në qendër të Tiranës.