Aktualitet

Ashtu siç ishte parashikuar, deputeti i Partisë Demokratike Ervin Salinanji është paraqitur sot në ambientet e Prokurorisë së Krimeve të Rënda, bashkë me demokratin Gazmend Bardhi, sa i takon çështjes së audio-përgjimit ku implikohet vëllai i ministrit të Brendshëm Fatmir Xhafaj.

Teksa hyri në Prokurorinë e Krimeve të Rënda Salianji mbante një fletë të bardhë, ku shkruhej “Unë nuk jam Ervin Salinanji”.

Kujtojmë se tashmë ka një hetim pas bashkimit të dy procedimeve, atij të nisur nga Prokuroria e Tiranës për kallëzim të rremë të pretenduar nga Agron Xhafaj dhe për trafik droge të nisur nga Krimet e Rënda.

Kanë kaluar më shumë se 20 vite që kur firmat piramidale falimentuan realisht, por në fakt ato kanë kaluar një kalvar të gjatë dhe të vështirë, pa mundur të falimentojnë ligjërisht.

Shkodra është qyteti më i pasur në Botë. Është i vetmi qytet në Botë ku mirëqenia shpërthen vullkanshëm në çdo milimetër katror të saj. I vetmi qytet në Botë që ka një ngrohje publike falas. Kjo ngrohje e cila krijohet nga djegia e mbeturinave në kosha jep gjithkah erën e saktë të mirëqenies tonë.

Qyteti ynë i dashur ka banorë aq të pasur saqë nuk kanë nga të dërgojnë e si ti shpenzojnë paratë, dhe jua japin atyre që kanë më shumë nevojë për to si doktorave, pedagogëve e atyre të gjorë gjykatës e prokurorë.

Gjykatës të ndershëm që jetojnë në këtë qytet të pandershëm… gjykatës të cilët nuk e kanë orën aq të shtrenjtë sa makina ime, sepse unë nuk kam makinë. Me ato para që kisha ndarë në një anë, apo edhe në të dya anët për të blerë një makinë, gjykatësi i mirë ka blerë orën, e me kusurin si të mos i blente orës edhe një kuti me jastëk kashmiri?!

Ora duhet që të qëndrojë e butë në kutinë e saj sepse nëse ora nuk qëndron mirë mund ti prishet ndonjë gremç dhe të trazontë duart të mirit zotit gjyqtar. E nëse atij i trazohet dora mund të harrojë se nga kush e ka blerë atë orë, e mund të japë një vendim të drejtë… larg qoftë! Edhe nëse e jep një vendim të drejtë kush do ta vlerësonte në këtë qytet të shtrembëruar gjithnjë e më tepër?

Edhe doktorave ne iu japim shpërblimet e premtuara, të pamerituara dhe kurrë të fituara. Ne, populli i pasur i Shkodres i japim doktorëve një ndihmesë sa për të mbajtur frymën gjallë, se rroga e tyre sa katër fishi i tonës nuk ju del. Të gjorët doktor të cilët jan trajnuar aq mirë nëpër Botën universitare shqiptare… jane mbushur me raste grashë të cilat vuajnë nga prostata.

Po pedagogët pastaj… kjo kategori mirëfilli e dëbuar dhe e harruar e shoqërisë. Aq keq ndejhen këto pedagogë saqë e meritojnë të ndihmohen nga ne populli i mirëqenë i Shkodrës sepse nuk munden te jetojnë në qytetin tonë që i paragjykon e nuk i do, por detyrohen të ndërtojnë shtëpiza modeste nëpër plazhe vetëm me ato çka ne të mirëqenurit e Shkodrës u dhurojmë.

Në fund të fundit dhe krishtërimi aq fort i piedestalizuar nga vendet perëndimore thotë se duhet të bësh mirë. E ku ka më mirë se të ndihmosh këto njerëz të varfër të cilët si besim kanë paranë e si Kishe ku e forcojnë besimin kane profesionin e tyre?/Lajme Ditore

Dyzetë e tetë orë pas rrëfimit kontradiktor të dëshmitarit X, Albert Veliut, i njohur edhe si ‘Babalja’, Partia Demokratike zbuloi ‘asin tjetër nën mëngë’, burimin e dytë të shtrenjtë, në të ashtuquajturën çështja ‘Xhafaj’. Në një video-konferencë, të prezantuar nga Lulzim Basha, u shfaq Jetmir Olldashi.

Ky i fundit, që në krye të rrëfimit tha se punonte prej 16 vitesh në media si “gazetar investigativ”, ndërsa e mbylli versionin e tij, duke thënë se ‘në profesionin tonë të gazetarit, rëndësi ka vetëm e vërteta”. E vërteta është se, emri i Jetmir Olldashit nuk lidhet qoftë edhe me një investigim të vetëm gazetaresk.

Në 16 vitet e fundit të historisë së gazetarisë shqiptare, asnjë investigim serioz dhe profesional, nuk mban emrin e tij. Përkundrazi ai është e njohur më shumë si zëdhënës në disa institucione publike në kohën kur ishte në pushtet Partia Demokratike dhe si pronar e një portali të vogël ekstremist shumë afër me Partinë Demokratike.

Shitja e burimit

Një nga parimet themelore të gazetarisë është mbrojtja e burimit. Ky parim i shenjtë reflektohet gjen mbrojtje si në Kodin e Procedurës Penale të Shqipërisë, ashtu edhe në legjislacionin ndërkombëtar. Burimi mund të zbulohet vetëm në raste të jashtëzakonshme dhe vetëm me vendim gjykate. Çfarë bëri ‘gazetari investigativ’ Jetmir Olldashi?

Doli në një konferencë shtypi dhe dekonspiroi burimin, përkatësisht Albert Veliun, dëshmitarin X të Partisë Demokratike. Kryefjala e rrëfimit të tij ishte shitja e burimit, teksa tha se përgjimin e ka kryer Albert Veliu. Dekonspirimi erdhi vetëm 48 orë pasi Veliu deklaroi publikisht që nuk e dinte se kush e kishte bërë përgjimin.

Nga njëra anë ‘gazetari investigativ’ tha se ai dhe burimi ishin të rrezikuar, nga ana tjetër tradhton burimin, duke e ekspozuar ndaj një rreziku. Gjithashtu, nga pikëpamja profesionale, ku publikohet një investigim, fshihet burimi, por jo gazetari. Në rastin konkret, u zbuluar fillimisht vetëm burimi, ndërsa çuditërisht u tentua të fshihej gazetari.

Mbajtja e përgjimit 4 muaj në sirtar

‘Gazetari investigativ’ Jetmir Olldashi në mënyrë të çuditshme ka mbajtur katër muaj në sirtar materialin e pretenduar kundër vëllait të Ministrit të Brendshëm, Fatmir Xhafaj. Një gazetar profesional, një investigim të tillë për një aktivitet të paligjshëm, siç është trafiku i drogës, në interes të publikut, duhet ta publikonte menjëherë.

Në rastin konkret, ‘gazetari investigativ’ mban në sirtar për katër muaj audiopërgjimin dhe befas e publikon një parti politike. Për çfarë e ka mbajtur katër muaj Olldashi audiopërgjimin? Ose gazetari ishte i ndërgjegjshëm që audio që e ka realizuar nëpërmjet Albert Veliut ishte e pavlefshme, ose e manipuluar, ose nuk e kuptohet pse nuk e ka botuar kurrë në media e tij. Ishte në pritje për ta “shitur” dikush? Shqiptarja.com