Aktualitet

Ambasadori amerikan Donald Lu dje takoi në mënyrë ceremoniale, botërisht e me ngarkesë të plotë politike, ministrin e Brendshëm, Fatmir Xhafaj.

Në fakt kjo ishte një sfidë e hapur politikë kundrejt antiamerikanëve që janë të korruptuarit e elitës së lartë politike në Shqipëri.

Shkruan Spartak Ngjela

l.
Në kohën kur ambasadori amerikan takonte ministrin Xhafaj, në Parlament korrupsion i fliste kundër ministrit.
Qesharakë si këta nuk ka parë asnjë
shtet i korruptuar deri më sot.
Amerikanët në fakt kanë kohë që tallen me këta të humbur që janë edhe steril nga mendja.

Nuk e kuptojnë dot faktin që politika është forcë; në një kohë kur Sali ziu e ka provuar njëherë këtë aspekt.

Por ekipit qesharak Berisha iu bashkua edhe Rama. Tjetër kaqol ky; sepse ky mendon të mundë Amerikën me Erdoganin, dhe dje u pa që interpretonte syret e Kuranit me sy nga Stambolli.
Këta fakirë besoj se shpejt, në një të ardhme të afërt do të jenë personazhe nëpër komeditë shqiptare që do të shkruhen, se janë tema të gatshme.

ll.
Tani për këdo është e qartë që ministrin e Brendshëm Xhafaj po e mbështet politika amerikane. Dhe sigurisht që kjo ndodh se kuptohet që forca aktuale kundër korrupsionit të lartë në Shqipëri është një polici e fortë dhe e palëkundur. Xhafaj duket që ua ka garantuar këtë.

Takimi i djeshëm i tij me Donald Lu, me atë ngarkesë të thekshme politike kundër korrupsionit kryeministror shqiptar, e tregoi hapur këtë gjë.

“Analiza spektrale e zërit, për çështjen Babalja, ka dalë tani që është manipulim i manipulatorëve të Partisë Demokratike; dhe ne do ta godasim rëndë”- këtë kuptohet se ka thënë dje politika amerikane me anë të takimit që bëri ministri Xhafaj me ambasadorin Donald Lu; dhe sidomos me daljen publike dhe hipjen e Xhafaj në makinën e ambasadorit amerikan.

lll.
Mbrëmë në të gjitha televizionet antiamerikanët që përkrahin korrupsionin e lartë në Shqipëri, flisnin budallallëqe, jashtë artikulimit politik.

E gjithë kjo dha të kuptuar se nga reforma në drejtësi preken shumë sfera të aktivitetit politik dhe gazetaresk në Shqipëri.

Në të vërtetë Shqipëria sot është futur plotësisht në procesin e vet të purifikimit antikorrupsion.

Për këtë arsye, të koruptuarit e lartë nuk kanë më asnjë shpresë, kot tjetrrin budallallëqe me argumente qesharakë nëpër emisione televizivë.

Kurse “çështja Babalja” pritet të shkojë shumë keq për Bashën dhe Berishën, se ka qenë në fakt një provokimi i rëndë kundrejt politikës amerikane, dhe kuptohet që FBI e ka hetuar plotësisht.

Në fakt gjithçka ka marrë fund për korrupsionin kryeministror Rama-Berisha, por edhe për të gjithë bishtat e tyre në të gjitha sferat ku ka punuar politika e korruptuar: edhe në treg por edhe në pushtetin gjyqësor, dhe, edhe në media. Sot gjithçka është e faktuar, prandaj ka siguri të plotë që purifikimi antikorrupsion në Shqipëri do të jetë i një spektri shumë të gjerë.

Ka një rregull që na ka mësuar historia në situata të tilla: kur një forcë madhore si Amerika merr përsipër reformën në një vend, me marrëveshje politike, ajo rregullon legjislacionin, pastron pushtetin gjyqësor dhe prokurorinë nga korrupsioni; dhe fillon goditjen penale të korrupsionit.
Fiks kjo është metoda që amerikanët po përdorin edhe në Shqipëri: sistemimin e kushtetutës dhe të legjislacionit, skartimin e korrupsionit në gjykatë dhe prokurori, dhe, në fund, akuzën penale kundër të gjithë korrupsionit kryeministror shqiptar.

Realisht kjo është edhe tabloja e zhvilluar në Shqipëri për antikorrupsionin.
Që Sot e tutje, kuptohet se, bashkë me “çështjen Babalja”, mendoj se opinioni shqiptar do të vijojë të jetë në kontakt publikisht edhe me shumë fakte të tjerë.

Taksat e shqiptarve bëhen “qoka”, koncesioni zgjat 4 vite, kur ligji e lejon 1 vit
Gjithë rrugët e Tiranës, yshtojnë në çdo orë të ditës e natës nga zhurmat dhe sirenat e qindra makinave dhe motoçikleta të policisë së shtetit, të çdo sektori shërbimi, të çdo lloji, marke e ngjyre.

Aq shumë automjet policie ka policia e shtetit, sa një numër i madh prej tyre qëndrojnë edhe në oborret e Ministrisë së Brendshme, të komisariateve, të parkut të transportit të kësaj ministrie, pas menderes së shtetarëve e madje shumë prej tyre edhe “mërzejnë” nën hije pemësh, mbi trotuare, anës rrugëve e në oborre pallatesh, restorantesh dhe vilash private, në pritje të shefave e dashnoreve.

Sipas informacioneve që disponojmë, rezulton se Ministria e Brendshme ka 22% më tepër makina, se sa numri i miratuar për çdo strukturë dhe sektorë të shërbimeve policore në të gjithë nivelet, 15% e të cilave gjenden përherë, në servise për shërbime ditore ose javore! Specialistët e transportit në ministri, thonë se numri i miratuar dhe shtesa e numrit të mjeteve aktuale, jo vetëm që janë tre mjaftueshme për të përballuar shërbimet e plota, por edhe “teprojnë”, por shumë prej tyre edhe qëndrojnë në gatishmëri në “tako”!

Thuhet, se shumë makina të caktuara për shërbime policore, përdoren privatisht prej shefave për wekend-e fundjavash, për vajtje-ardhje privatisht në shtëpi brenda e jashtë Tiranës, madje edhe për çuarje të prindërve e gjysheve nëpër qytetet dhe fshatrat nga janë me origjinë shefat, si dhe për çuarjen e grave në punë e të fëmijëve të tyre në çerdhe, kopështe e shkolla.

Mirëpo, megjithëse ka automjete edhe mbi nurmin e përcaktuar, “çuditërisht” ministria e Brendshme, lejon marrje makinash me qera nga privatët. Kjo çudi është fakt zyrtar me vule e me firmë shtetërore. Ja çfarë ndodh realisht. Ndërsa këto ditë, të gjithë po merren me Babalen e PD, “bablokët” (shefat) e Drejtorisë së Përgjithëshme të Policisë së Shtetit, vazhdojnë pazaret me tenderët!

Sipas njoftimit zyrtar, të shpallur në “Buletini i Prokurimeve Publike” Nr. 19, datë 14 Maj 2018, Drejtoria e Përgjithshme e Policisë së Shtetit ka shpallur tenderin me fond limit me gjithë TVSH, ne vlerën 3.3 miliardë lekë, me objekt: “Marrje automjete me qera për Policinë e Shtetit”! Sipas njftimit, tenderi do të zhvillohet në datën 25 maj 2018, ose 1 ditë para protestës së opozitës!

Të bënë përshtypje skandali, që në njoftim thuhet se Drejtoria e Përgjithshme e Policisë së Shtetit… nuk ka adresë elektronike E-mail, kur dihet që aplikimet për pjesëmarrje në tendera bëhen me postë elektronike!

Ja njoftimi për tenderin

DREJTORIA E PËRGJITHSHME E POLICISË SË SHTETIT

1. Emri dhe adresa e autoritetit kontraktor: Drejtoria e Përgjithshme e Policisë së Shtetit, adresa : Bulevardi “ Bajram Curri”-Tiranë,

Tel/Fax: 04279212/ 04278919. 2.

2.E-mail: Nuk ka

1. Lloji i procedurës së prokurimit: “E hapur, mbi kufirin e lartë monetar”

2. Objekti i kontratës: ”Marrje mjete me qera operacionale për Policinë e Shtetit”

3. Numri i referencës së procedurës:

REF – 68060-05-09-2018 6. Fondi limit: 273,360,000 (dyqindë e shtatëdhjetë e tre milionë e treqind e gjashtëdhjetë mijë) lekë pa TVSH.

1. Kohëzgjatja e kontratës, ose afati kohor për ekzekutimin: 4 (katër) vjet nga momenti i dorëzimit të mjeteve (48 muaj).

2. Afati për dorëzimin e ofertave ose kërkesave për pjesëmarrje: Data: 25/06/2018, ora: 10:00 9. 8- Afati për hapjen e ofertave ose kërkesave për pjesëmarrje: Data: 25/06/2018, ora: 10:00.

Moti mbetet me vranësira dhe shira në pjesën më të madhe të vendit, kryesisht në Veriperëndim dhe Qendër. Por gradualisht pasditja zhvendos shirat drejt zonave Lindore dhe ekstremit verior duke lënë pjesën më të madhe të vendit me kthjellime dhe vranësira të shpeshta.

Era do fryjë e lehtë dhe mesatare me shpejtësi 30 km/h nga Veriperëndimi duke gjeneruar në det dallgëzimin mbi 2 ballë.

Sipas Meteoalb temperaturat e ajrit ulen lehtë gjatë mëngjesit, por rënie të ndjeshme sjell mesdita si pasojë e shirave në territor.

Emisioni “Shqiptarët për Shqiptarët”, këtë javë ka udhëtuar në fshatin Malvilëz. Një fshat i largët i Tiranës. Largësia shtohet edhe më tepër në kushtet e kësaj rruge. Fshati shtrihet në këtë luginë rrëzë Malit, aty banorët merren me bujqësi, por askujt nuk i mjaftojnë të ardhurat që sigurojnë nga toka.

Elvis Naçi, ka shkuar vetë për të takuar dhe parë nga afër familjen e Kujtim Elqenit. Kujtimi dhe Shqipja, janë prindërit e 5 fëmijëve, 3 djemve dhe dy vajzave. Njëri nga djemtë, Asllani ka lindur me anomali. Asllani nuk ka një fëmijëri si gjithë të tjerët, ai është 14 vjeç, peshon vetëm 14 kg dhe ka organizmin dhe pamjen e një foshnjeje. Edhe gjatë verës, Asllani ka ftohtë sepse ka mungesë gjaku.

Të pesë anëtarët e familjes jetojnë në këtë shtëpi, me mure te çara, me një tavan e çati që rëndon mbi trarët e vjetër dhe që nga dita në ditë rrezikon tu shembet dhe t’i zërë brenda. Ata tremben shumë, gjatë natës e ditës, por më shumë i tremben ndonjë tërmeti i cili do të ishte fatal për ta. Ky është Marlindi 10 vjeç, ndërsa kjo është Eliza 8 vjeçe, ajo ka kryer një operacion në zemër ku ka qëndruar për tre muaj në Spital, sot është më mirë, por sërish mbetet e brishtë.

Barra më e rëndë bie mbi Kujtimin dhe Shqipen, të cilët, më dy fëmijë të sëmurë, dhe me një shtëpi që rrezikon të shembet nga momenti në moment, e ata nuk kanë asnjë mundësi për ta rregulluar apo për të ndërtuar një shtëpi të re./syri.net

Një zjarr i fuqishëm ka djegur 5 ha kullotë dhe 130 mijë rrënjë ullinj në Livadhja të bashkisë Finiq.

Zjarri ka rënë si pasojë e shkëputjes së një kabulli elektrik.Nga zjarri janë rrezikur edhe 5 banesa, por pa pësuar dëmtime pasi është shuar nga ndërhyrjet e zjarrëfikseve.

Zjarri është fikur pas disa orësh nga 30 forca zjarrfikse dhe ndërhyrja e policisë.

Në Ditën Botërore të Mjedisit ka përcjellë një mesazh në facebook edhe Presidenti i Shqipërisë, Ilir Meta, i cili bën thirrje për përdorim me racionalitet te burimeve natyrore dhe mjedisit në tërësi, në mënyrë që të ruhen vlerat mjedisore në Shqipëri e banorët të kenë një mjedis të pastër e të shëndetshëm.

O Zot, kush flet?! A mund të ketë hipokrizi më të madhe mbi këtë tokë sesa të flasë Ilir Meta për mjedisin dhe domosdoshmërinë e ruajtjes së tij?

Nuk është aspak rastësi që flasin për mjedisin dy persona mjaft të urryer dhe shkatërrimtarë të mjedisit: Ilir Meta dhe dhëndri i Sali Berishës Jamarbër Malltezi, injorantë të mirëfilltë në këtë fushë.

Jo vetëm kaq, por edhe dëmtuesit më të mëdhenj të mjedisit, duke nisur më së pari nga masakra në Gjirin e Lalzit, shkatërrimin e shtretërve të lumenjve si pasojë e marrjes së inerteve etj, projektet ogurzeza për fshatrat turistike në Bregdetin e Jonit etj.

Ilir Meta është përgegjës për shkatërrimin e mjedisit në malin e Tomorit me guroret e tij që kanë dëmtuar mushkëritë e banorëve të zonës, është përgjegjës për dëmtimin e kanioneve të Osumit, është përgjegjës për dëmtimin masiv të pyjeve në mjaft qarqe të vendit, sidomos në bashkitë që drejton partia e tij private LSI, pra Ilir Meta është shkatërruesi më i madh i mjedisit në Shqipëri. Ruajna o Zot, nga kjo monstër me fytyrë njeriu!Pamfleti