Aktualitet

ONM i ka rekomanduar ditën e sotme Komisionerit Publik të ankimojë në KPA vendimin e KPK për kryetarin e Gjykatës Kushtetuese Bashkim Dedja. Komisioneri Publik thotë se po shqyrton vendimin e shkallës së parë që la në detyrë Bashkim Dedjan, pas rekomandimit nga Operacioni Ndërkombëtar i Monitorimit.

Sipas KPK-së, Dedja kishte paqartësi dhe para të pajustifikuara në deklaratat e pasurive. Ato kanë të bëjnë me huat për blerjen e një apartamenti në Tiranë, me sipërfaqe 146 metra katrorë. Për këtë, Dedja ka deklaruar se ka marrë një kredi prej 120 mijë eurosh me afat 20 vjet.
Gjithashtu, si burime për blerjen e apartamentit, ai ka deklaruar 35 mijë euro kursime dhe dy hua pa interes në vlerën totale prej 25 mijë euro të marra nga vëllai dhe kunati i tij.

Mirëpo, sipas KPK-së, këto hua nuk justifikohen. Së pari, pjesa e huas prej 15 mijë euro pa interes që vëllai i tij i ka dhënë Bashkim Dedjes, sipas deklarimeve të tij, është e pajustifikueshme, pasi në të njëjtën kohë, ai ka marrë edhe një kredi prej 42 mijë eurosh për blerjen e një apartamenti.

Megjithatë me shumicë votash KPA konfirmoi në detyrë pak javë më parë kreun e Kushtetueses.

ONM-ja është një operacion monitorues i ngritur për të mbikëqyrur procesin e vetingut të anëtarëve të gjyqësorit në Shqipëri. Afati i fundit për ankimimin në KPA të vendimit të KPK për Dedjan është 28 korriku 2018./pamfleti

Merr fund epoka e Sali Berishës dhe Ilir Metës, humbja e kontrollit mbi drejtësinë do të sjellë humbjen e pasurive të korrupsionit dhe humbjen e pushtetit politik. Deri më tani është çliruar kupola e drejtësisë që nga Gjykata e Lartë, Gjykata Kushtetuese dhe Shkolla e Magjistraturës, në radhë janë KLD, gjykatat dhe prokuroritë e apelit dhe të shkallës së parë

Sali Berisha dhe Ilir Meta, dyshja përgjegjëse për plaçkitjen dhe rrënimin e gjithanshëm të Shqipërisë, gjatë 28 viteve të pluralizmit, po humbet ndikimin mbi drejtësisë. Në fund të vitit të kaluar, Berisha dhe Meta humbën ushtarin e tyre më të rëndësishëm, Adriatik Llallën, të cilin e kishin vendosur në krye të Prokurorisë së Përgjithshme. Për të mos lejuar zëvendësimin e Llallës, Berisha dhe Meta e bënë Parlamentin tym dhe flakë, ndërsa Monika u shpërfytyrua duke hequr edhe çizmen. Pavarësisht përpëlitjeve, sot Adriatik Llalla është në arrati nga frika e burgut dhe i shpallur non grata nga SHBA.

Pak para rrëzimit të Llallës, Berisha dhe Meta humbën kontrollin mbi Shkollën e Magjistraturës, aty ku prodhohen gjyqtarët dhe prokurorët e rinj. Pavarësisht rezistencës së madhe të Berishës dhe zagarëve rreth tij, u bë e mundur shkarkimi i avokatit të Berishës, Neshat Fana nga kreu i Shkollës së Magjistraturës. Pak më vonë, bashkëshortja e Neshat Fanës, Mirela Fana, dha dorëheqjen nga Gjykata e Lartë nga frika e Vetingut.

Berisha dhe Meta humbën edhe dy njerëz të tjerë në Këshillin e Lartë të Drejtësisë, Elvis Çefën dhe Lulzim Leçajn. Sali Berisha lëvizi çdo gur dhe luftoi në parlament për t’i mbrojtur këta dy persona, por që të dy u shkarkuan nga Parlamenti. Të gjitha këto lëvizje kanë pasur mbështetjen e ndërkombëtarëve si dhe kanë qenë pjesë e planit të SHBA-BE për të çliruar drejtësinë nga duart e Sali Berishës dhe Ilir Metën. Plani është i mirëmenduar dhe po zbatohet në disa faza.

Goditjen më të madhe, Sali Berisha dhe Ilir Meta, e kanë marrë ditët e fundit. Dyshja famëkeqe ka humbur kontrollin mbi dy gjykatat më të rëndësishme në Shqipëri, mbi Gjykatën Kushtetuese dhe Gjykatën e Lartë. Të gjithë njerëzit e Berishës dhe Metës në këto dy gjykata u futën në listën e zezë të SHBA-BE dhe u shkarkuan një nga një. Në lakun e Vetingut ranë njëri pas tjetrit Tom Ndreca, Admir Thanza, Fatos Lulo, Gani Dizdari, Besnik Imeraj dhe Altina Xhoxhaj. Të gjithëve iu gjet nga një shkak për t’i shkarkuar. Të gjithë këta janë emëruar nga Sali Berisha dhe Ilir Meta, në kuadër të kapjes së drejtësisë. Ndëshkimit i shpëtoi vetëm kreu i Kushtetueses, Bashkim Dedja, i cili u tregua dinak duke e ndryshuar pllakën në kohë, duke u distancua nga Berisha dhe Meta. Megjithatë edhe për “dinakun” OMN apeloi dhe si rrjedhojë shanset për të shpëtuar janë shumë to vogla.

Shkarkimi i këtyre njerëzve të drejtësisë ka shënuar ditën më të zezë për Sali Berishën dhe Ilir Metën në karrierën e tyre politike dhe kriminale. Shkarkimi i ushtarëve do të thotë humbje e kontrollit mbi drejtësinë. Humbja e kontrollit mbi drejtësinë sjellë disa pasoja të pashmangshme.

Së pari, drejtësia e re që po ngrihet mund të konfiskojë në çdo moment pasuritë e Sali Berishës dhe Ilir Metës, duke përfshirë edhe pasuritë e zagarëve të tyre politikë.

Së dyti, duke humbur fuqinë ekonomike dhe politike, Sali Berisha dhe Ilir Meta mund të merren të pandehur dhe të përfundojnë në burg nga drejtësia e re. Ata kanë një karrierë të pasur dhe të shtrirë në gati tre dekada me krimet njerëzore dhe ekonomike. Kapja e drejtësisë ka qenë arma jetike e Sali Berishës për të sunduar dhe plaçkitur vendin. Humbja e kontrollit mbi drejtësisë sjell gradualisht humbjen e pasurisë, fuqisë ekonomike, humbjen e pushteti dhe në fund edhe të lirisë.

Shkërmoqja e Gjykatës së Lartë dhe të Gjykatës Kushtetuese është vetëm hapi i parë i veprimit. Pas tyre, radhën e kanë lukunia e gjyqtarëve dhe prokurorëve të Sali Berishës dhe Ilir Metës në të gjitha shkallët e gjyqësorit. Shkarkimi i tyre do të shënojë edhe fundin epokës Berisha-Meta, një prej historive me fatkeqe dhe të turpshme të kombit shqiptar./Pamfleti

Vettingu deri më tani ka  çliruar kupolën e drejtësisë që nga Gjykata e Lartë, Gjykata Kushtetuese dhe Shkolla e Magjistraturës, në radhë janë KLD, gjykatat dhe prokuroritë e apelit dhe të shkallës së parë. Nga marsi i këtij viti deri në 20 korrik Komisioni i Pavarur i Kualifikimit ka shkarkuar nga detyra 13 prokurorë dhe gjyqtarë. Shkarkimi i këtyre njerëzve të drejtësisë ka shënuar ditën më të zezë për politikanët që katandisën sitemin, ndërsa numri pritet që të rritet në vijim.

Nga 800 gjyqtarë e prokurororë të cilët po i nënshtrohen procesit të rivlerësimit, 200 janë cilësuar paraprakisht të papërshtatshëm nga Drejtoria e Sigurimit të Informacionit të Klasifikuar (DSIK). Informaciojni u bë publik nga Komiteti Shqiptar i Helsinkit, pas një beteje ligjore me DSIK për transparencën e të dhënave.

LISTA E TE SHKARKUARVE NGA VETTINGU
1. Fatos Lulo, anëtar i Gjykatës Kushtetuese-Shkak mosjustifikimi i pasurisë. (Pjesë e trupës gjykuese që dha vendimin për të mos ekstraduar Almir Rrapon në SHBA)

1. Fatmir Hoxha, anëtar i Gjykatës Kushtetuese, shkak mosjustifikimi i pasurisë.

2. Besim Trezhnjeva, gjyqtar në Gjykatës e Apelit në Durrës, shkak mosjustifikimi i pasurisë.

3. Altina Xhoxhaj anëtare e Gjykatës Kushtetuese, shkak mosjustifikimi i pasurisë.

4. Besa Nikëhasani, prokurore pranë Prokurorisë së Apelit Shkodër, shkak mosjustifikimi i pasurisë.

5. Artan Laze, gjyqtar pranë Gjykatës së Rrethit Gjyqësor Tiranë, shkak mosjustifikimi i pasurisë.

6. Luan Kaloçi, prokuror i Apelit Tiranë, shkak mosjustifikimi i pasurisë.

7. Gentian Trenova, prokuror i Apelit Tiranë, shkak mosjustifikimi i pasurisë. (Ka pushuar hetimet për pasurinë për një person të arrestuar nga policia greke me kanabis dhe një pistoletë. Nuk hetoi prokurorin me inicialet A. K., i përfshirë)

8. Adriatik Cama, prokuror pranë Prokurorisë së Tiranës, shkak mosjustifikimi i pasurisë dhe korrupsioni. (Pjesë e hetimit për dosjen 21 janari dhe të Mark Frrokut për çështjen e vrasjes së Aleksandër Kurtit në Belgjikë)

9. Gani Dizdari, gjyqtar ne Gjykatën Kushtetuese, shkak mosjustifikimi i pasurisë, si dhe kontakte me të inkriminuar

10. Admir Thanza, anëtar i Gjykatës së Lartë, shkak lidhjeve me krimin, fshehja e dënimit për vjedhje, fshehje dhe mosjustifikim pasurie. (Ka gjykuar dosjen për tragjedinë e Gërdecit në Gjykatën e Lartë. Ka dhënë vendime për Tom Doshin, Mark Frrokun dhe Gent Strazimirin).

11. Artan Zeneli, gjyqtar pranë Gjykatës së lartë, shkak mosjustifikimi i pasurisë dhe mosdeklarimi i heqjes së vizës nga ambasada e SHBA.

12. Toma Ndreca, gjyqtar i Gykates se Larte, shkak mosjustifikimi i pasurise, si dhe kontakte me të inkriminuar/pamfleti

20 gëzhoja të kalibrave të ndryshëm janë gjendur nga efektivët e policisë në vendin ku një ditë më parë policia u përplas me një person në kërkim, Gaqo Gjini në Radhimë. Pasi të kalojnë në laboratorin e balistikës, grupi hetimor do të përcaktojë se sa armë kanë qëlluar drejt banesës.

Sipas komunikimit zyrtar, policia e Vlorës bën me dije se 38 vjeçari ka qenë i armatosur me mjet prerës thikë. Në momentin e arrestimit bën me dije zyrtarisht policia e Vlorës Gaqo Gjini ka tentuar të godasë një efektiv dhe ky i fundit e ka plagosur atë në këmbë. Ndërkohë nga familja hidhet poshtë pretendimi i policisë të cilët sot jashtë kamerave kanë treguar se policia beri terror.

Sipas familjarëve 38 vjecari ka qenë në banesë dhe forca të shumta policie kane qëlluar me armë pa fund rreth banesës çka kanë terrorizuar familjarët të cilët ndodheshin aty. Rreth 20 gëzhoja kane qenë mbi tarracë e banesës, ndërkohë që një gëzhojë është gjetur në afërsi të portës ku mendohet se i përkiste oficerit të policisë që qëlloi në këmbë 38 vjeçarin./korrieri

Pendohet Arbër Çekaj dhe gruaja e tij gjermane

(Autoritetet gjermane kanë dëshmi të së vertëtës së 613 kilogramëve kokainë, të ngarkesave të tjera si dhe bosëve të vërtete në Tiranë dhe Gjermani).

Arbër Çekaj ndonëse nuk konfirmohet zyrtarisht është,  jo vetëm i penduari i aferës “Kokaina 613”, por dhe çelësi kryesor i cili njeh 2 bosët kryesorë shqiptarë të kokainës. Është gruaja e tij gjermane, që jo vetëm ka bashkëpunuar me autoritetet e vendit të saj, por ka bindur bashkëshortin te rrëfehet.

Informacionet për autoritetet shqiptare deri tani nga pala gjermane janë zero për shkaqe që dihen: të dekonspirimit si dhe përfshirjes të disa personazheve me peshë politike e shtetërore në këtë aferë. Gjithsesi ka panik në Tiranë te autoret dhe suportuesit e tyre.

Disa persona me peshë në polici me lidhje në këtë çeshtje janë larguar nga posti si dhe disa prokurorë të përfolur janë ‘zbythur’ nga aksesi në këtë dosje.

Shumë shpejt priten arrestime të bujshme pasi inteligjenca amerikane dhe gjermane e kanë të plotësuar identikitin e autorëve të vërtetë të kësaj tregetie miliona euroshe./Pamfleti

Nëse do të kishin mundësi financiare, ndoshta në vendin tonë nuk do të kalonte askush pushimet verore. Një fenomen i tillë nuk vjen për shkak të mungesës së bukurive natyrore në bregtetin tonë, por duket se ka diccka tjetër.

Për sociologun Ermelis Muça ky numër po vjen në rritje dhe ka disa arsye që i bëjnë shqiptarët të refuzojnë bregdetin e tyre, veçanërisht jugun e Shqipërisë. I ftuar në emisionin “Intervista e Ditës” në GSH, sociologu thekson se kjo lidhet me disa arsye, ku më kryesoret janë shërbimi dhe çmimet.

Sipas Muçës, shërbimi që ofrohet në Shqipëri ka ende mangësi sa i përket vendeve fqinje, çka i bëjnë shqiptarët që të mos zgjedhin bregdetin tonë. Një tjetër arsye kryesore janë edhe çmimet e kripura, që për sociologun, mu kushtet aktuale ekonomike në vendin tonë, bëhen deri diku të vështira për t’u përballuar për shumë qytetarë shqiptarë.

Krahas të tjerave, Muça nënvizon edhe sigurinë në bregdet, si një tjetër mangësi në bregdetin shqiptar, çka jo pak herë është shoqëruar edhe me ngjarje të rënda apo tragjike.Por edhe pse situata duket se ndryshon nga viti në vit, për sociologun do të duhen ende disa vite përmirësime në këto drejtime që Shqipëria të mund të arrijë standartin që kërkojnë qytetarët e saj për të pushuar në vendlindje.

Ish-kryeministri Sali Berisha, është i pranishëm mbrëmjen e sotme në emisionin “Java” në RTSH, përballë analistëve Preç Zogaj dhe Lorenc Vangjeli.

Ajo që bie në sy në mbrëmjen e sotme, është mungesa e një prej moderatorëve të këtij emisioni, gazetari investigativ Artan Hoxha. U paralajmërua pak më parë, se Hoxha nuk do të ishte në studio, për shkak se ky ka qënë kushti i Berishës, për të marrë pjesë në këtë emision.

Ndërkohë, gazetari Artan Hoxha nëpërmjet një postimi në faqen e tij në rrjetet sociale, ka ironizuar ish-kryeministrin Berisha, ndërsa shkruan “Te falenderoj qe po me zevendeson denjesisht ne emisionin JAVA.”

Po ashtu, gazetari Hoxha, ironizon edhe të ashtuquajturin “qytetari dixhital, ndërsa shprehet se “Do mundohem te jem ne lartesine tende, ne rolin e qytetarit dixhital.”.

Postimi i plotë:

Pershendetje Doktor. Ne pamundesi per te qene sot ne studion e RTSH-se, po te ndjek me shume kersheri. Te falenderoj qe po me zevendeson denjesisht ne emisionin JAVA. Do mundohem te jem ne lartesine tende, ne rolin e qytetarit dixhital. Kjo ishte vetem “ndeshja” e radhes. Kampionati vazhdon…./korrieri