Pas një ndërprerje të detyruar prej koronavirusit në muajin mars, nis sot viti i ri shkollor.
Në këtë ditë të parë mësimi, e cila nis me rregulla të reja prej Covid-19, Kryeministri Edi Rama bën një urim për nxënës dhe mësues.
“Duke ju uruar nxënësve e mësuesve një vit të mbarë shkollor, pikësëpari me shëndet dhe patjetër edhe me rezultate sa më të mira”, shkruan kreu i qeverisë.
Ai ka ndarë disa fotografi nga ambientet e shkollave ku shihen distancat e diktuara prej pandemisë.
Janë rreth 480 mijë nxënës që ulen në banka, ku mësimi do të zhvillohet me 2 dhe 3 turne, me orë të reduktuara ndjeshëm. /noa.al
Nesër nis viti i ri shkollor, ku pas mësimit online dhe pushimeve verore, shkollat rihapin dyert për të pritur nxënësit, por këtë herë nën masa të rrepta higjieno- sanitare dhe distancimi social, kushte të diktuara nga pandemia e COVID-19.
Me nisjen e shkollave Ministria e Shëndetësisë dhe Mbrojtjes Sociale ka bërë një apel kundrejt të gjithë mësuesve, prindërve, nxënësve, të tregojnë kujdes me zbatimin me përpikëri të masave që frenojnë përhapjen e COVID-19.
Ministria e Shëndetësisë apelon për respektimin e distancimit social, vendosjen e maskave ose barrierave mbrojtëse, larjen ose dezinfektimin e duarve, ajrosjen e ambienteve, matjen e temperaturës së nxënësve çdo ditë. Të gjitha institucionet arsimore që fillojnë ditën e nesërme mësimin duhet të zbatojnë me rigorozitet Udhëzimin mbi masat anti-COVID19 me qëllim parandalimin e përhapjes së koronavirusit.
Strukturat e sistemit shëndetësor janë në gatishmëri për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar.
Ndërsa më herët ministria e Arsimit ka nxjerrë protokollin e sigurisë që duhet zbatuar për hapjen e shkollave dhe se si do të veprojnë në rast se ka nxënës apo mësues të prekur nga COVID-19.
Celjeta Bixhaku ishte e gatshme të kalonte një oqean për të kërkuar mundësi në Amerikë me familjen e saj dhe të realizonte qëllimin e saj për t’u bërë një oficer policie.
Ceremonia e pinning në të cilën ajo zyrtarisht fitoi distinktivin e saj me Departamentin e Policisë Rockport u mbajt në mbledhjen e Zgjedhjes së Bordit më 8 Shtator.
Bixhaku, 26 vjeç, u bashkua me departamentin në korrik.
Ajo erdhi në Amerikë në 2015 së bashku me nënën dhe vëllain e saj, Igli, 19 vjeç, i cili merr pjesë në Akademinë Detare të Maine.
Ajo më parë ka punuar për Departamentin e Policisë Rockland në 2019.
Oficerja ka aplikuar për t’u bërë një shtetase amerikane dhe është një banore e përhershme. Ajo tha se procesi i ardhjes në këtë vend nga Shqipëria zgjati 15 vjet dokumente dhe përpjekje, raporton gazeta Knox.
Sidoqoftë, ajo gjithashtu thotë se ia vlejti.
“Më pëlqen të jem në Amerikë”, tha ajo. “Mundësitë e ofruara për të gjithë janë të mahnitshme.”
Ndryshe nga Shqipëria, ajo tha se është shumë më lehtë këtu të gjesh diçka që e do dhe ta ndjekësh atë.
Midis talenteve dhe aftësive të saj të sjella në punë, ajo mund të flasë katër gjuhë – anglisht, shqip, frëngjisht dhe italisht.
Kryeministri Rama paralajmëroi se do të kishte ndryshime të mëdha në qeveri, ndërsa ditën e sotme një nga ministret e qeverisë ka thënë nuk do të jetë pjesë e fushatëss ë ardhshme të PS.
Besa Shahini, një nga ministret më të përfolura të qeverisë Rama, e cila që prej vitit 2018 është në krye të Ministrisë së Arsimit do të largohet nga Shqipëria në përfundim të këtij mandati.
Gjatë intervistës së dhënë për “Ilva Now” në Euronews Albania, ministrja tha se në fund të këtij mandati do të largohet nga Shqipëria dhe nuk do të përfshihet as në fushatën elektorale.
“Unë tashmë kam njoftuar dhe kryeministrin Rama dhe kam marrë një vendim se nuk do të vazhdoj të qëndroj në Shqipëri përtej këtij mandati. Jeta ime është e paqëndrueshme në Shqipëri pasi familja ime jeton në Kosovë. Në këto momente kur ka probleme nga këto siç jemi ballafaquar është pak e vështirë. Por, i kam thënë se jam në dispozicion që të shërbej, por nuk do të përfshihem në fushatë elektorale”, tha Shahini.
Ajo tha se zërat që qarkullojnë prej ditësh për zëvendësimin e saj janë të “shëndetshme”, pasi tregojnë për jetën dinamike brenda Partisë Socialiste dhe ambiciet në prag të vitit elektoral.
“Mendoj se këto janë diskutime janë normale kur jemi futur zyrtarisht në një vit parazgjedhor dhe këtu reflekton të gjithë vullnetin dhe ambicien brenda partisë. Dhe mendoj se kjo është shumë e shëndetshme”, shtoi ministrja.
Kryeministri Rama deklaroi në takimin e mbajtur sot me mësuesit të cilët realizuan përfundimin e vitit të kaluar shkollor përmes mësimdhënies online se shkolla e drejtorëve ka nisur të funksionojë dhe se po kryhen kualifikimet e para.
Rama shpjegoi ndër të tjera se përmes këtij procesi, mësuesi do të shpëtojë edhe nga kthetrat e politikës teksa drejtuesi i shkollës do të zgjidhet mbi bazën e meritës.
“Dua të nënvizoj edhe një aspekt tjetër besoj që ju e keni parasysh. Ne po bëjmë një proces të rëndësishëm tani në implementimin e punës e programit të shkollës së drejtorëve për të rritur nivelin e drejtimit të shkollave, për të krijuar një tjetër profil dhe tjetër qasje në aspektin e drejtimit të shkollës, që është diçka shumë më komplekse sesa duket nga pikëpamja e parë apo me ç’jemi mësuar. Shkolla e drejtorëve ka filluar të funksionojë. Kanë filluar kualifikimet e para dhe ne kemi besim shumë tek ai proces. Më vjen mirë që sidoqoftë dhe këtë gjë mund ta konfirmojnë edhe mësuesit masivisht, që kemi mundur ta heqim mësuesin të paktën nga kthetrat e politikës të promovimit klientelist të mësuesve. Kemi garantuar që mësuesit nuk hiqen kështu siç fryn era, nuk merren dhe të hidhen nga një zonë në tjetrën dhe nga një shkollë në tjetrën sipas erës politike, tarafeve apo rryshfeteve”, tha Rama.
Më tej, ai shtoi se “portali tanimë është komplet i konsoliduar dhe na jep garanci të madhe që rekrutimi dhe promovimi i mësuesve bëhet mbi baza shumë objektive”.
“Natyrisht që e mira nuk ka fund dhe duhet përsosur më tutje por për mua është shumë e rëndësishme që në këto vite është arritur të mbyllet një plagë shumë e madhe që ishte plaga e politizimit ekstrem të politikës së kuadrit mësimdhënës edhe të frenohen pasojat e kësaj që binin mbi gra, nëna baballarë që papritur e pa kujtuar e gjenin veten të hedhur nga vendi i punës apo edhe mbi mësuesit e kalibrit siç jeni ju që detyroheshit papritur e pa kujtuar të gjendeshit në një krah me një koleg apo kolege që nuk kishte fare lidhje me atë punë dhe kishte ardhur thjesht si rezultat i asaj rruge të mbrapshtë të punësimit të mësuesve’’, u shpreh kryeministri./atsh
“Të duash librin, do të thotë të duash jetën, të duash të vërtetën”.Në kuadër të aktiviteteve të organizuara me rastin e 100-vjetorit të Luftës së Vlorës,🇦🇱 Shoqata Atdhetare Kulturore”Shqipëria”🇦🇱 i dhuroi Bibliotekës Publike”Shevqet Musaraj” libra të zhanreve të ndryshme, romane, tregime, novela, fabula, vëllime poetike, vepra historike, esse dhe enciklopedi, duke e pasuruar më tej fondin e bibliotekës publike, e cila, çdo ditë është në dispozicion të lexuesve të grupmoshave të ndryshme, miqve të përhershëm të librit.Dhurimi i librave u mundësua nga bashkëpunimi i Shoqatës”Shqipëria”nën kujdesin e veçantë të kryetarit të shoqatës, Ilirjan Dhima, me Shtëpinë Botuese”Bota Shqiptare”, me president z.Genti Gjonaj.Shoqata ” Shqiperia”,duke e ruajtur strategjine e bashkepunimit me njerez te artit dhe kultures,siç eshte dhe Mjeshtri i madh Z. Kujtim Gjonaj regjizor,Personalitet i shoqata ” Shqiperia”,vazhdon pasurimin e bibliotekave te qytetit. Të pranishëm në takimin e organizuar në mjediset e bibliotekës së qytetit, drejtorja e institucionit, Elma Rama, e cila shprehu falenderime për gjestin e dhurimit të numrit të konsiderueshëm të librave, nënkryetari i bashkisë, Afrim Qendro, drejtori i Q.A.K-së, Skënder Spahiu, kryetari i Partisë Socialiste, Anduel Tahiraj, përfaqësues të Këshillit Bashkiak ,kryetari i PEISH dega Vlore Azem Haliti,dhe dashamirës të librit.Në fokus të takimit, ku u respektuan me korrektësi rregullat e distancimit kushtëzuar nga situata, fokusi u vendos në vlerën e librit dhe në gjetjen e mekanizmave të duhur për t’i motivuar të rinjtë për të lexuar më shumë.Në diskutimet e të ftuarve u theksua puna serioze që duhet të bëhet nga të gjithë, nga familja, institucionet arsimore dhe shoqëria për të sensibilizuar të rinjtë dhe fëmijët mbi vlerat e librit, si porta kryesore drejt suksesit.Sfida kryesore e mbarë shoqërisë mbetet qasja drejt librit, sot, kur bota teknologjike gëlon nga informacioni.Të ftuarit, duke falenderuar shoqatën “Shqipëria” për kontributet e veçanta në promovimin e vlerave dhe si nismëtare e projekteve mjaft rezultative, theksuan se duhet të vijojnë bashkëpunimet institucionale me qëllim kultivimin e dashurisë pēr librin veçanërisht te fëmijët.Ky është dhe një nga misionet kryesore të Shoqatës Atdhetare Kulturore”Shqipëria”, e cila ashtu siç pohoi dhe kryetarja e shoqata ” Shqiperia” Vlore,znj.Edlira Kapllanaj, do të vijojë misionin e vet për përçimin e vlerave më të mira të kombit tonë, siç është dhe dashuria për librin, për gjuhën shqipe, si një tregues i identitetit tonë kombëtar, kudo ku jetojnë e punojnë shqiptar, kudo ku gëlon magjia e gjuhës shqipe.🇦🇱Pasditja mjaft e këndshme në mjediset e rikonstruktuara të Bibliotekës Publike”Shevqet Musaraj” u mbyll me një kafe miqësore, ku diskutimi i fokusuar rreth librit u kthye në një dëshirë të përbashkët për të tjera bashkëpunime rezultative për komunitetin mes Shoqatës Atdhetare Kulturore “Shqipëria” dhe të gjithë aktorëve të qytetit. Shoqata ” Shqiperia” si nje e tere,do te vazhdoje rrugetimin e saj per te pajisur dhe pasuruar bibliotekat me libra artistike.
Kryeministri Edi Rama premtoi rritje pagash për mësuesit, njëlloj siç u bë edhe me mjekët.
Gjatë një takimi që pati paraditen e sotme, me një grup mësuesish, ai tha se u zgjodhën mësuesit më të mirë në të gjithë Shqipërinë, për të dhënë një alternative mësimi ndryshe në kushtet ku ndodhet vendi prej koronavirusit.
“Po mendojmë për një sistem të vlerësimit të mësuesve që po e analizojmë dhe nga viti i ardhshëm shkollor ku mësuesit më të mirë do të duhet të vlerësohen financiarisht ndryshe. Për të gjithë mësuesit duam që të bëjmë ashtu si dhe me mjekët, të rriten pagat. Kjo do të bëhet shumë shpejt me buxhetin e ri”, deklaroi kreu i qeverisë.
Ai tha se është i ditur fakti që me hapjen rritet dhe mundësia për shtimin e të infektuarve.
“Opsioni i mbylljes së mëtejshëm të shkollave ishte opsion më i keq dhe do të shkaktonte kosto tjetër psikologjike për fëmijët me pasoja që ne nuk i llogarisim dot. Mendoj që kanali ka një vlerë të madhe jo vetëm për shkak të kësaj situate por ka një vlerë të madhe në mundësinë që i jepet çdo nxënësi në Shqipëri që të bëjë një verifikim të dyfishtë të mësimit që ka marrë e ta ndjekë mësimin dhe me një mësuese tjetër. Kjo do të sfidojë mësuesit e tjerë që në japin mësim në shkolla”, u shpreh Rama.
Ai tha se me kanalin RTSH Shkolla, do të lehtësohet barra e familjeve në zonat më të thella, ku shtoi se vetë sistemi nën drejtimin e ministrisë së Arsimit do të fillojë të adaptohet duke ndarë mësimin e lëndëve të caktuara në televizion dhe aktiviteteve të tjera në shkollë.
Sipas tij, është një sfidë psikologjike për mësuesit vetë dhe nuk është një eksperiment javor dhe se është një mënyrë e re e të komunikuarit në shkolla, të cilën janë mësuesit ata që duhet ta implementojnë vetë. /noa.al
Ministria e Shëndetësisë ka rikujtuar nxënësit, prindërit dhe mësuesit që po bëhen gati për vitin e ri shkollor për masat që duhet të kenë parasysh për parandalimin e koronavirusit.
Ajo i kërkon nxënësve që me nisjen e mësimit të qëndrojnë në klasë duke ruajtur distancën, të ulur në bankën e tyre dhe të mbajnë maskën sipas rekomandimeve.
Ministria e Shëndetësisë thekson se nxënësit duhet të kufizojnë daljen nga klasa për arsye të panevojshme përveçse kur duhet të përdorin tualetin apo të largohen nga shkolla.
“Mësues, nxënës, prindër, mos e ulni vigjilencën asnjë moment në zbatimin e masave ndaj Covid-19.
Respektoni distancimin social, masat e higjenës dhe vendosjen e maskave mbrojtëse. Parandaloni përhapjen e COVID-19 në shkollë”
Rregullat e rekomanduara nga MSH:
-Gjatë qëndrimit në klasë, respektoni distancën fizike prej 1.5 m nga mësuesi dhe nxënësit e tjerë
-Qëndroni ulur në bankën tuaj
-Mbani maskën sipas rekomandimeve
-Kufizoni daljet nga klasa për arsye të panevojshme-përveçse kur duhet të përdorni tualetin apo të largoheni nga shkolla
-Dezinfektoni shpesh duart me solucione me bazë alkooli
