Irina

Reporterja për Shqipërinë në Parlamentin Europian, Isabel Santos deklaroi sot se të gjitha palët politike në Shqipëri duhet të vazhdojnë dialogun për të arritur përfundimin sa më shpejt të Reformës Zgjedhore.

Ajo theksoi se reformat nuk janë të rëndësishme vetëm për pranimin në BE, por për shqiptarët dhe Shqipërinë.

“Është e rëndësishme për Shqipërinë që Reforma Zgjedhore të përfundohet në përputhje me rekomandimet e ODHIR/OSBE-së. Të gjitha palët duhet të vazhdojnë dialogun dhe të arrijnë një zgjidhje së shpejti. Reformat nuk janë të nevojshme vetëm për pranimin në BE, por edhe të rëndësishme për popullin e Shqipërisë”, theksoi Isabel Santos. /atsh

Në të gjithë territorin e vendit, duke nisur që nga dita e sotme nuk do të ketë më zona të kuqe apo të gjelbra duke shënuar një tjetër fazë të lehtësimit të masave që u morën në përballje me COVID-19.

Sipas edhe rekomandimeve nga Komiteti Teknik i Ekspertëve, që prej ditës së sotme, 1 Qershor do të lejohet lëvizja e lirë e qytetarëve dhe automjeteve në të gjithë territorin pa kufizim, hapen një seri aktivitetesh dhe kufijtë tokësorë pa vetëkarantinim.

Gjithashtu sot hapen çerdhet e kopshtet sipas protokollit të sigurisë. Po nën masa të sigurisë dhe në zbatim të protokollit të miratuar, nga sot happen edhe plazhet sipas një plani i cili përfshin gjithë vijën bregdetare, si një zonë e sigurt.

Plazhet sipas zonave të miratuara do jenë të përcaktuara me autorizime të posaçme nga një autoritet i përkohshëm që është ngritur për këtë periudhë dhe që do të administrojë lejet për çdo stacion plazhi nëpërmjet një aplikimi online dhe një protokolli të veçantë për të siguruar ruajtjen e distancave dhe kushtet higjieno-sanitare në plazhe.

Po nga dita e sotme do lejohen kampionatet sportive, pa praninë e publikut, hapen parqet, qendrat e formimit arsimor, kulturor, qendrat e internetit si dhe palestrat sipas protokolleve të sigurisë.

Mbeten ende të mbyllura transporti publik, për të cilin po hartohet një protokoll i veçantë me Ministrinë e Transporteve, ndërsa deri më datë 23 Qershor do të mbeten të mbyllura aktivitetet kulturore, kinematë, teatrot, klubet e natës, pishinat, grumbullimet masive, dasmat, konferencat dhe dëgjesat publike./atsh

Në 1 Qershor, pikërisht në ditën e festës së tyre, fëmijët do të rikthehen sot në çerdhe dhe kopshte.

Kryeministri Edi Rama ka uruar të vegjlit në këtë ditë të veçantë për ta.

“Mirëmëngjes! Sot festa e 1 qershorit është vetë rikthimi në kopsht dhe çerdhe. Gëzuar fëmijëve, prindërve, gjysheve e gjyshërve”, shprehet Rama ndërsa ka publikuar edhe një foto të disa fëmijëve teksa pikturojnë.

1 Qershori, Dita Ndërkombëtare e Fëmijëve, në Shqipëri dhe në mbarë botën, u kushtohet fëmijëve me aktivitete festive.

Dita e fëmijëve është vendosur më datën 1 Qershor, sepse në këtë datë është mbajtur konferenca botërore e mirëqenies së fëmijëve në Gjenevë në 1925./atsh

Sipas Shërbimit Meteorologjik Ushtarak, ditën e diel moti parashikohet me vranësira mesatare dhe të dendura në të gjithë territorin.

Që në orët e para të 24 orëshit, parashikohen reshje shiu të herëpashershme e lokalisht të vazhdueshme me intensitet të ulët dhe mesatar në formën e shtrëngatave dhe stuhive shoqëruar me shkarkesa elektrike.

Lokalisht dhe në kohë afatshkurtër parashikohet që reshjet në formën e rrebesheve shoqëruar edhe me breshër. Era do të fryjë nga jugperëndim – juglindje 1-6m/sek, në momentin e zhvillimit të vranësirave era fiton shpejtësi deri në 10m/s. Deti i forcës 1-2 ballë.

Temperaturat parashikohen:

QYTETET Temperaturat në °C Sigla
Shkodër 13/20 Re shi
Kukës 10/19 Re shi
Lezhë 12/21 Re shi
Dibër 8/17 Re shi
Durrës 15/21 Re shi
Tiranë 15/21 Re shi
Elbasan 12/21 Re shi
Berat 9/22 Re shi
Vlorë 13/22 Re shi
Korcë 7/18 Re shi
Gjirokastër 8/20 Re shi
Sarandë 14/21 Re shi/atsh