Data 12 dhe 13 qershor shënon festën e Shna Ndout, ku si çdo vit besimtarë të shumtë i drejtohen Kishës së Laçit.
Kryeministri Edi Rama ka publikuar një video nga Kisha e Shna Ndout që bën bashkë besimtarët e të gjitha feve në vendin tonë.
“MËNGJES I SHENJTË nga kisha Shna Ndou”, shprehet Rama krahas videos nga ky vend i paqtë.
Ndryshe nga vitet e tjera, për shkak të pandemisë, besimtarët nuk kanë mundur të ndjekin të 13-të të martat e e kësaj feste të shenjtë, ritual i cili fillon që nga mesi i muajit mars dhe që përfundon në 12 dhe 13 qershor.
Kisha e Shna Ndout në Laç prej vitesh është bërë vendi i bashkimit të besimtarëve të të gjithë besimeve nga të gjitha qytetet si shenjë e tolerancës dhe harmonisë fetare që ekziston në Shqipëri.
Kjo kishë për të gjithë pelegrinët është burim besimi, shprese, dashurie dhe optimizmi./atsh
Kryetari i Partisë Demokratike, Lulzim Basha zhvilloi një takim me biznese e qyteatrë në Vlorë nga ku u shpreh se situata e rëndë ekonomike e ka gjunjëzuar Vlorën ashtu si gjithë Shqipërinë.
“Edhe ata pak që kanë mundur të përfitojnë nga dëmshpërblimi, shumicën e kanë çuar për pagesa faturash. Shumë prej tyre ende s’kanë paguar as një pjesë të qirasë të grumbulluar prej 3 muajsh tashmë sepse nuk kanë xhiro, nuk kanë të ardhura”, tha Basha.
Sipas tij, konsumi ka rënë, pamundësia është rritur dhe njerëzit po këmbejnë orenditë shtëpiake për të siguruar bukën e përditshme.
“Ne do t’u japim shqiptarëve një qeverisje normale, ku prioritet do të jetë hapja e vendeve të punës, rritja e pagave dhe pensioneve, lehtësira fiskale për biznesin dhe thithje e investimeve të huaja”, deklaroi Basha.
Ne kemi gati planin, tha Basha më tej, dhe bashkë me qytetarët e Vlorës dhe gjithë Shqipërisë do t’ia dalim t’i rikthejmë njerëzve mundësinë për të punuar dhe për të ndërtuar një jetë më të mirë në vendin e tyre./atsh
Autoriteti Kombëtar i Ushqimit me fokusin e pandërprerë në garantimin e sigurisë ushqimore ka kryer gjatë ditës së sotme 247 inspektime dhe monitorime në kuadër të Planit Vjetor dhe si pjesë e Taskforcës kundër përhapjes së COVID-19.
AKU shprehet se “referuar konstatimeve gjatë kontrolleve janë vendosur 20 masa administrative “paralajmërim”. Janë asgjësuar 87,5 tonë produkte ushqimore me kërkesë të vetë subjektit, duke mbajtur kështu pastër tregun nga produkte të papërshtatshme për konsum.”
Siguria dhe cilësia e produkteve sezonale është në vëmendjen e veçantë të AKU-së, ku gjatë ditës së sotme janë marrë 42 mostra për kryerjen e analizave laboratorike.
AKU është çdo ditë në punë, pa ndaluar për të mbrojtur shëndetin dhe jetën e secilit konsumator si dhe duke siguruar produkte të shëndetshme në tavolinat e çdo familjeje./atsh
Kryetari i PD-së Lulzim Basha, ditën e sotme ka zhvilluar një takim me një grup maturantësh në Berat dhe është shprehur se do të ketë 100% bursë për studentët, familjet e të cilëve kanë më pak të ardhura se 64 mijë lekë në muaj.
Basha shprehet se ishte “kënaqësi të bisedoja dhe ndaja mendime me maturantët e Beratit për provimet e Maturës dhe pengesat, ëndrrat e planet e tyre për të ardhmen. Maturantët më treguan vështirësitë me të cilat përballen, problematikat e mëdha që shoqëruan këtë vit, paqartësitë, pamundësia për të realizuar mësimin online, e deri tek niveli i lartë i vështirësisë së provimeve. Shumë prej gjimnazistëve janë të paqartë për të ardhmen e tyre, ndërsa vështirësitë ekonomike për të përballuar arsimimin sa vijnë e shtohen”.
Ai tha se qeveria Rama po e bën çdo ditë e më të pamundur për maturantët të vazhdojnë studimet e larta.
“Kjo situatë duhet dhe do të marrë fund. Me mua dhe PD asnjë nxënës nuk do të privohet nga e drejta për arsim për shkak të pamundësisë ekonomike. Familjet e studentëve me të ardhura më pak se 640 mijë lekë të vjetra në muaj do të përfitojnë subvencion 100% të tarifës. Familjet me të ardhura mbi 640 mijë lekë të vjetra në muaj do të paguajnë gjysmën e tarifës. Për studentët në pamundësi, buxheti i shtetit do të mundësojë bursa dhe mbështetje financiare”, theksoi ai.
Po ashtu Basha tha se “ne do ta dyfishojmë buxhetin dhe do të anulojmë Ligjin e Arsimit të Lartë, do të ofrojmë stazhe për 10 mijë studentë çdo vit. Bashkë me të rinjtë e të rejat e këtij vendi do të ndërtojmë një qeverisje normale, që ofron mundësi për arsim cilësor, punësim e një jetë normale me mundësi dhe dinjitet për të gjithë”./atsh
Kryetari i PD-së Lulzim Basha, ditën e sotme ka zhvilluar një takim me një grup maturantësh në Berat dhe është shprehur se do të ketë 100% bursë për studentët, familjet e të cilëve kanë më pak të ardhura se 64 mijë lekë në muaj.
Basha shprehet se ishte “kënaqësi të bisedoja dhe ndaja mendime me maturantët e Beratit për provimet e Maturës dhe pengesat, ëndrrat e planet e tyre për të ardhmen. Maturantët më treguan vështirësitë me të cilat përballen, problematikat e mëdha që shoqëruan këtë vit, paqartësitë, pamundësia për të realizuar mësimin online, e deri tek niveli i lartë i vështirësisë së provimeve. Shumë prej gjimnazistëve janë të paqartë për të ardhmen e tyre, ndërsa vështirësitë ekonomike për të përballuar arsimimin sa vijnë e shtohen”.
Ai tha se qeveria Rama po e bën çdo ditë e më të pamundur për maturantët të vazhdojnë studimet e larta.
“Kjo situatë duhet dhe do të marrë fund. Me mua dhe PD asnjë nxënës nuk do të privohet nga e drejta për arsim për shkak të pamundësisë ekonomike. Familjet e studentëve me të ardhura më pak se 640 mijë lekë të vjetra në muaj do të përfitojnë subvencion 100% të tarifës. Familjet me të ardhura mbi 640 mijë lekë të vjetra në muaj do të paguajnë gjysmën e tarifës. Për studentët në pamundësi, buxheti i shtetit do të mundësojë bursa dhe mbështetje financiare”, theksoi ai.
Po ashtu Basha tha se “ne do ta dyfishojmë buxhetin dhe do të anulojmë Ligjin e Arsimit të Lartë, do të ofrojmë stazhe për 10 mijë studentë çdo vit. Bashkë me të rinjtë e të rejat e këtij vendi do të ndërtojmë një qeverisje normale, që ofron mundësi për arsim cilësor, punësim e një jetë normale me mundësi dhe dinjitet për të gjithë”. /atsh
Ministrja e Arsimit, Sportit dhe Rinisë, Besa Shahini, reagoi sot lidhur me protestën e maturantëve, duke theksuar se nxitësit e protestës janë opozita e vendit dhe se ministria do të kallëzojë çdo shpifje që opozita ka publikuar në lidhje me maturën sivjet.
“Ndoqa me keqardhje protestën pranë ndërtesës së Ministrisë së Arsimit, Sportit dhe Rinisë. Nuk besoj të ketë ndodhur ndokund tjetër që nxënësit të protestojnë për “provimet e vështira”. Megjithatë, keqardhja për nxënësit “protestues” më vjen bashkë me revoltën ndaj nxitësve të tyre. Fatkeqësisht, nxitësit janë publikisht të afishuar dhe nuk janë zëdhënës opinionesh dosido. Ata janë opozita politike e vendit! Që është një absurditet unik: opozita nxit dhe mbështet protestë kundër testeve kombëtare!!! Opozita stimulon “lehtësimin” e dhënies së notave për nxënësit!!! Po mbase këtu s’ka asgjë të re, përderisa kjo opozitë ishte dje qeveria e notave false, diplomave false, universiteteve false, provimeve false, promovimeve false”, – theksoi Shahini.
Ministrja u shpreh se “provimet kombëtare hartohen nga ekspertë provimesh. Unë i besoj Qendrës së Shërbimeve Arsimore (QSHA) kur thotë se sivjet provimet janë më të lehta se kurdoherë më parë, sepse ndodhin pas një gjendjeje të jashtëzakonshme dhe prandaj janë konceptuar vetëm me alternativa – pa temat, që janë zhvilluar në kushte shtëpie. Dhe kjo, vërtetohet lehtësisht në fund, kur të mblidhen të gjitha rezultatet dhe nëse rastis që testi të ketë qenë më i vështirë sesa njohuritë e nxënësve, atëherë QSHA bën rishpërndarje të peshës së pikëve për çdo notë. Por, këto çështje teknike s’kanë as lidhje e as vend për debate politike, dhe jo më për protesta opozitare”.
Sipas saj, QSHA ka adresuar kërkesat në lidhje me provimet e Maturës që ishin protokolluar në Ministri.
“Ndërkohë, ne do të kallëzojmë çdo shpifje që opozita ka publikuar në lidhje me Maturën sivjet. Besoj se edhe kjo do të shërbejë në edukimin e të rinjve, duke nisur nga të rinjtë e forumeve politike, për të mësuar se shpifja është gënjeshtër e dënueshme me ligj e jo liri fjale për çfarëdo kundërshtie qytetare apo opozitare”, – tha ministrja Shahini./atsh
Testi i Maturës Shtetërore 2020 është mbështetur tërësisht mbi programin e reduktuar, bëri të ditur sot Qendra e Shërbimeve Arsimore.
Në lidhje me pretendimin e ngritur për “pyetje jashtë programit”, Qendra përmes një deklarate për shtyp informoi se nuk ka asnjë pyetje jashtë këtij programi.
“Ftohen nxënësit të sjellin pranë QSHA ankesat konkrete për pyetjet që mendojnë se janë jashtë këtij programi në mënyrë që të adresohen duke i hequr nga vlerësimi. Në lidhje me cut-off-in, në përfundim të marrjes së rezultateve, QSHA do të shikojë kurbën e shpërndarjes së pikëve. Bazuar mbi këtë kurbë, nëse do të vihet re zhvendosje të saj (në rast se ka pasur ndonjë grup pyetjesh me një shkallë më të lartë vështirësie), atëherë do të shikohet mundësia e rishpërndarjes së peshave të pikëve në test”, thuhet në deklaratën e QSHA-së.
Sipas QSHA-së, i gjithë ky proces do të analizohet profesionalisht dhe në mënyrë të kujdesshme nga specialistët e fushës në mënyrë që të bëhet më e mira për maturantët.
“Njëkohësisht, duam të shprehim se testi nuk ka asnjë gabim shkencor dhe mënyra se si hartohet përjashton çdo mundësi që të ketë gabime – qoftë në përmbajtje dhe qoftë në përfshirjen e koncepteve jashtë programit”, thuhet në deklaratë.
Për sa i përket dy (2) testeve të ardhshme të Maturës Shtetërore, QSHA thotë se ata do të jenë me kohëzgjatje 2.5 orë dhe me alternativa.
QSHA vlerëson se edhe kohëzgjatja prej 2 orësh e parashikuar në fillim është më se e mjaftueshme në zhvillimin e provimit./atsh
Sekretari i Përgjithshëm i Partisë Socialiste, njëherësh dhe kryetar i grupit parlamentar, Taulant Balla uroi sot të gjithë socialistët shqiptarë në ditëlindjen e 29 të themelimit të Partisë Socialiste.
Balla tha se Partia Socialiste është forca më e madhe politike jo vetëm në Shqipëri, por në mbarë trojet shqiptare.
Sipas Ballës, ky 29 vjetor e gjen Partinë Socialiste në një moment të rëndësishëm të maturimit të mëtejshëm, teksa përgatitet për fitoren e mandatit të tretë, tek i cili “ne do të kemi përmbyllur bisedimet për anëtarësim dhe unë besoj do të kemi dhe datën për anëtarësimin e Shqipërisë në BE”.
“Jemi në ditëlindjen e 29 të Partisë Socialiste dhe i uroj të gjithë socialistëve dhe progresistëve shqiptarë këtë moment të rëndësishëm të maturimit të mëtejshëm të forcës më të madhe politike jo vetëm në Shqipëri, por në mbarë trojet shqiptare dhe që e gjen PS në një etapë të rëndësishme teksa përgatitemi për 9 majin e vitit 2021, ku ne presim të rikonfirmohemi në përgjegjësinë e rëndësishme historike mandati i tretë, tek i cili ne do të kemi përmbyllur bisedimet për anëtarësim dhe unë besoj do të kemi dhe datën për anëtarësimin e Shqipërisë në BE”, tha ai.
Balla shprehu bindjen e shumicës së qytetarëve që nën drejtimin e PS dhe kryeministrit Edi Rama janë bërë hapa që në 2013 shumë pak mund t’i besonin./atsh
