Irina

Policia e Tiranës ka bërë një thirrje për të gjithë qytetarët shqiptarë, që të mos mashtrohen nga mesazhet që i vijnë në celular, të cilat mund t’i joshin financiarisht.

Blutë kanë publikuar shembullin e mesazhit dhe i ftojnë të gjithë qytetarët, që të paraqiten pranë zyrave policore, nëse rast se i vjen një i tillë.

Njoftimi i plotë:

Nga monitorimi i vazhdueshëm i hapësirave virtuale, në rrjete sociale, me qëllim evidentimin e veprimtarive të kundraligjshme, kryesisht në fushën e krimeve kibernetike, specialistët e Sektorit për Hetimin e Krimeve Kibernetike në DVP Tiranë, kanë konstatuar se në mënyrë të përsëritur, kryesisht përdoruesve që përdorin pajisje komunikimi “Apple”, u dërgohen me iMessage, mesazhe nga adresa ndryshme iCloud.

Personave marrës të këtyre mesazheve, iu premtohen të ardhura të konsiderueshme në valuta të huaja, duke pasur si kriter vetëm përdorimin e aparatit të tyre celular, dhe personat e interesuar (autorët), i ftojnë të komunikojnë nëpërmjet aplikacionit “Telegram”.

Duke marrë në konsideratë se ky aktivitet, dinamika e të cilit nuk është ende e qartë plotesisht, nëpërmjet joshjes financiare, mund të marrë në posedim të dhënat personale të shtetasve shqiptarë, ju informojmë të bëni kujdes me të dhënat tuaja.

Nqs ju ka ardhur një mesazh i tillë, dhe ju keni shpërndarë të dhënat tuaja personale, apo jeni mashtruar nga një aktivitet i tillë, ju ftojmë të paraqiteni pranë zyrave tona si dhe zyrave policore të Krimeve Kompjuterike dhe Kibernetike në Drejtoritë Vendore të Policisë dhe Drejtorisë për Hetimin e Krimeve Kompjuterike e Kibernetike në DPPSH.

Një ku fomë është gjetur e groposur buzë lumit Vjosë mes fshatrave Shkozë e Selenicës dhe Dorsë e Tepelenës mbrëmjen e sotme.

Dyshimet e para janë se ku foma është groposur 2-3 vjet më parë, teksa nuk dihen ende detaje për ngjarjen.
Burime bëjnë me dije se trupi është dekompozuar dhe nuk dihet identiteti i personit në fjalë.

Në vendngjarje ka mbërritur policia dhe po zbulon për të zbardhur rastin.

Moti i ashpër ditën e sotme ka sfiduar të gjitha strukturat dhe autoritetet përkatëse në vend nga veriu në jug.

Era e fortë dhe reshjet e dendura të dëborës kanë sjellë edhe shkëputjen e energjisë elektrike në disa qarqe si ai e Lezhës, ku dhe është shkrepur fotoja e mësipërme.

Pavarësisht stuhisë së borës një elektriçist në Mirditë duket se po përpiqet të riparojë një linjë elektrike për të mos lejuar që qytetarëve të mos ju mungojë i ngrohti dhe energjia elektrike, duke vënë kështu në rrezik edhe jetën e tij.

Një ngjarje e rëndë ka ndodhur pasditen e së martës (16/01) në Rizari të Bashkisë Edessa, Greqi teksa një studente 17-vjeçare është gjetur e varur brenda shtëpisë së saj

17-vjeçarja, e cila ishte me origjinë shqiptare dhe nxënëse e vitit të dytë në gjimnaz, është gjetur e pajetë pasditen e së martës nga të afërmit e saj.

Vajza është transportuar me makinë në spitalin e Edessë dhe mjekët që bënë përpjekje për ta rikthyer në jetë, nuk ia dolën dot. Vajza e ndjerë tashmë, u deklarua e vdekur klinikisht.

Sipas policisë greke e reja shqiptare ka lënë një shënim ku shpjegonte se përse vendosi t’i jepte fund jetës. Mediat greke raportojnë se 17-vjeçarja shqiptare i ka dhënë fund jetës së saj pas zhgënjimit në dashuri.

Për ngjarjen tragjike po kryen hetimet paraprake nga Policia. Lajmi tronditi familjen dhe gjithë komunitetin lokal.

I mituri, Arsid Muça nga Shkodra ka humbur jetën në Luksenburg të Belgjikës, pasi ndërtesa ku banonte është shkrumbuar si pasojë e një zjarri masiv.

Burime bëjne me dije se vetëm dy muaj më parë një i njohur e tërhoqi të riun për të punuar atje si emigrant duke qenë se familja Muça përballej me probleme ekonomike por u kthye në një tragjedi. Në rrethana ende të paqarta, raportojnë mediat e Luksemburgut, një godinë në qytetin e Bastogne u shkrumbua nga një zjarr që u përhap me shpejtësi. 16 vjeçari ndodhej në gjumë dhe nuk ka arritur që të dalë duke u djegur brenda. Daja i tij, Fatmir Delaj rrëfen se viktima u detyrua të emigrojë në atë moshë të re duke mos vijuar shkollën e mesme për të ndihmuar familjen.

Komshinjtë në fshatin Shtoj i Ri në Shkodër janë po aq të pikëlluar për këtë ngjarje të 16-vjeçarit që u dogj brenda ndërtesës. Ata thonë se Arsidi ka punuar që 13 vjeç për t’iu bërë krah familjes derisa emigroi si një dritë jeshile e cila u kthye në një tragjedi.

Ngjarja e rëndë ndodhi në orët e para të mëngjesit të 18 janarit në ndërtesën e quajtur Titanic në Bastogne të Luksemburgut. Zjarrfikëset mbërritën në vendngjarje duke shuar flakët por Arsid Muça nga Shkodra nuk arriti të shpëtojë duke humbur jetën. Autoritetet e Luksemburgut vijojnë hetimet për ngjarjen dhe më pas do nisin procedurat për të sjellë trupin e viktimës në Shqipëri. Familja Muça nuk ka mundësi ekonomike për të mbuluar shpenzimet ndërsa pritet të shihet nëse dikush do t’i vijë në ndihmë.

Një ngjarje e rëndë, është regjistruar në Londër, ku një foshnje e porsalindur është gjendur brenda një çante në mes të rrugës, ndërkohë që temperaturat ishin nën zero.

Foshnja u gjet nga një burrë mbrëmjen e djeshme, teksa po shëtiste me qenin e tij.

Sipas The Sun, foshnja ishte e mbështjellë vetëm me një peshqir.

Burri u kujdes që ta mbante ngrohtë, derisa të vinte ambulanca.

“Ne i bëjmë thirrje nënës së tij të telefonojë, ose të vijë në spitalin më të afërt”, tha policia në një deklaratë.

Gjithashtu, policia shprehet se foshnja është jashtë rrezikut dhe i ka bërë thirrje nënës, mes frikës se ajo mund të ketë nevojë për trajtim mjekësor.

Sipas policisë, foshnja është gjetur rreth orës 21:13.