Irina

Drejtësia e kalbur shqiptare po nxiton të nxjerrë nga burgu gjithë kriminelët dhe të zyrtarët e korruptuar, teksa po i troket fundi. Spastrimi ka nisur dhe shumë shpejt pritet të marrë goditjen fatale korrupsioni në sistemin e drejtësisë, por edhe më lartë, në politikë.

Njerëzit e korruptuar të drejtësisë po i shfrytëzojnë orët e fundit për të liruar ‘kokat’ e krimit dhe korrupsionit. Kohët e fundit, janë marrë një sërë vendimesh skandaloze nga drejtësia e mbytur në korrupsion, e cila ka hapur dyert e burgjeve për shumë zyrtarë të lartë, ose kriminelë të lidhur me politikën.

Rasti më i bujshëm ishte ai i Ermal Hoxhës, nipit të ish-diktatorit Enver Hoxha, i cili u la i lirë me kusht pak javë më parë. ‘Bosi’ i kokainës, Ermal Hoxha, ishte arrestuar për kokainën e Xibrakës, ku u zbulua laboratori modern i prodhimit dhe përpunimit të lëndës narkotike.

Një tjetër vendim skandaloz i drejtësisë ishte lirimi i ish-drejtorit të Përgjithshëm të Burgjeve, Artur Zotoi LSI, i cili ishte arrestuar për abuzmin me tenderat e ushqimit të të burgosurve. Zoto nuk u mjaftua me lirinë, por kërkoi dhe dëmshpërblim për kohën që qëndroi pas hekurave.

Menjëherë pas tij, ishte gjyqtari Shkëlqim Miri, i cili u arrestua një vit më parë, pasi ju gjet në banesën e tij një shumë prej gati 30 milionë lekë të reja të pajistifikuara prej tyre. Por, kur po bën vitin në qeli, Prokuroria ka urdhëruar që gjyqtarit t’i hiqet sekuestro për 30-milionëshin, që e çoi atë në burg.

Ndërsa, vendimi më i pafalshëm i drejtësisë shqiptare është ai i ditës së sotme. Gjykata ka hapur dosjen më skandaloze të vjedhjeve galopante me rrugët, duke i dhënë lirinë njërit prej zyrtarëve të mbytur në kororupsion. Bëhet fjalë për rrugën Tiranë-Elbasan, përmes së cilës zyrtarët e LSI i zhvatën shtetit mbi 53 milionë dollarë. Në pranga ra ish-drejtori i rrugëve, Dashamir Xhika, dhe dy vartësit e tij, ku njëri prej tyre, Aksel Qurduku, ka fituar sot lirinë.

Këto janë disa ‘koka’ që kanë lënë qelitë, ndërsa pritet që drejtësia e kalbur të vijojë edhe për pak kohë me vendime të tilla skandaloze, derisa të marrë goditjen më të madhe dhe të pastrohet plotësisht nga të korruptuarit dhe ‘skuthët’ që punojnë për politikanët./Pamfleti

Ambasada Amerikane në Tiranë ka dalë sot me një tjetër njoftim të rëndësishem për të gjithë ata që duan të aplikojnë për lotarinë amerikane, të çelur vetëm para pak ditësh.

Në faqen e vet në FB, ambasada ka postuar një video informuese, në të cilën tërheq vëmendjen për kujdes, lidhur me 5 këshilla të thjeshta, por shumë të rëndësishme, që u duhen në momentin e aplikimit.

“🇦🇱️ | Po mendoni të aplikoni për Lotarinë Amerikane 2020? Mos harroni këto 5 këshilla të thjeshta kur të aplikoni. Vizitoni faqen tonë të internetit dhe lexoni në shqip udhëzimet e Lotarisë Amerikane për këtë vit 👉https://bit.ly/2l7myjg ose postoni pyetjet tuaja në hapësirën e komenteve mëposhtë, duke përdorur #pyetanen”, shkruan Ambasada amerikane.

https://www.facebook.com/usembassytirana/videos/314627129331508/?t=0

Deputeti i Partisë Demokratike, Ervin Salianji ka publikuar sot përgjimet e Prokurorisë ndaj Fred Alizotit, personi që dyshohet se ka imituar zërin e vëllait të ministrit Fatmir Xhafaj, Agron Xhafaj.

Në transkriptin e përgjimit të Prokurorisë nga dosja “Babale”, sipas Salianjit është Alizoti që flet me Drejtorin e Policisë së Fierit dhe përmend disa herë “Taulantin” dhe “shokun nga Librazhdi”.

Statusi i Salianjit

XhafajGate! Gjithë shteti në shërbim të fabrikimit të provave për të shpëtuar pushtetin e tyre politik dhe privilegjet që iu vijnë nga pushteti. Si u fabrikua “aktori”?!

Përgjimet e prokurorisë faktojnë se Taulanti nga Librazhdi, shoku i Alizotit i përgjuar me nr cel +091 flet me drejtorin e policise Fier dhe me persona të tjerë! Kushdo mund ti shohë vete dokumentat zyrtare të prokurorisë. Skandali më i madh i faktuar tashmë dhe me dokumenta zyrtare. Deri tani kemi parë shumë pak

Pas arrestimit të Albert Veliut në Kosovë, avokati i tij ka reaguar duke thënë se një ekstradim drejt Shqipërisë do t’i rrezikonte jetën klinetit të tij.

“Me kerkese te Prokurorise per Krime te Renda ne Tirane sot ne Prishtine eshte arrestuar klienti ime Z. Albert Veliu I njohur si BABALJA shtetas I Shqiperise.Sipas familjareve te Albert Veliut ati dhe djalit te tij I eshte lejuar kerkesa per azil ne Kosove deri me 29.11.2018.Klienti im pretendon se jeta e tij eshte e rrezikuar nese ekstradohet ne Shqiperi per shkak te implikimit te tij ne aferen qe nderlidhet me Z. Agron Xhafa vllaun e Ministrit te Puneve te Brendshme te Shqiperise. Sido qe te jete besoj qe Gjykatat ne Kosove do ti respektojn te drejtat e personave qe kerkojn azil politik te garantuara me ligje te Kosoves dhe me konventa nderkombetare dhe nuk do ta ekstradoj Z. Albert Veliun te cilit i eshte pranuar azili ne Kosove”, thuhet në postimin e tij.

Bashkia e Matit iu jep titullin “Nderi i Bashkisë” pas vdekjes 3 punonjësve që u vranë sot në fshatin Sh’lli pas një konflikti me kryeplakun e këtij fshati Kujtim Koxha.

Vendimi u mor në mbledhjen e këshillit bashkiak që u mblodh sot pasdite pas ngjarjes së rëndë.
Po kështu u kërkua nga kryetari i Këshillit Bashkiak të Matit që tre punonjësit të shpallen dëshmorë.

Bashkia ka shpallur të premten ditë zie dhe flamuri i bashkisë do të ulet në gjysmë shtize.
Ndërkaq mësohet se bashkia ka marrë përsipër shpenzimet e ceremonive mortore të tre viktimave.

DEKLARATË
Këshilli i Bashkisë Mat i mbledhur me datë 11.10.2018 ora 18:30 pas ngjarjes së rëndë të ndodhur në fshatin “Shlli” me 3 të vdekur dhe 1 të plagosur, doli me këtë deklaratë:
Ju drejtohemi së pari familjarëve për tju shprehur dhimbjen e sinqertë për humbjen e të dashurve Tuaj duke ju përcjellur ngushëllimet me besimin në forcën Tuaj për përballimin e kësaj humbje të madhe.
Dënojmë kolegjialisht aktin kriminal të ndodhur ndaj punonjësve të Bashkisë Mat të rënë në krye të detyrës si dhe inkurajojmë të gjithë punonjësit e Bashkisë Mat në kryerjen e detyrës së tyre pa u lëkundur ndaj këtyre fenomeneve. Në të njëjtën kohë ju bëjmë thirrje organeve ligjzbatuese për zbardhjen e këtij akti kriminal dhe ndëshkimin e autorëve.

Këshilli i Bashkisë Mat në mënyrë unanime vendosi për të rënët dhënien e titujve të nderit “ Nderi i Bashkisë Mat” për rënien në krye të detyrës.
Këshilli i Bashkisë Mat vendosi dhe uljen e flamurit Bashkiak në gjysmë shtizë.

Inspektoriati Kombëtar i Mbrojtjes së Territorit ka nisur sot një operacion në zonen turistike të “Syrit të Kalter”, në bashkinë Finiq.

Sipas IKMT është planifikuar prishja e 16 objekteve një dhe dy katëshe, me struktura druri, me funksione shërbimi. IKMT thotë se bbjektet që do të prishen janë pa leje ndërtimi.