Irina

Rukola, Shegë, Arra ,Sallata që i shton shije drekës

Kulinari / /

Tre nga përbërësit më të shëndetshëm të natyrës, në një kombinim perfekt sallate të shijshme.

Krejt lehtë shndërrohen në një shoqërues fantastik të çdo gatimi në vaktin më të rëndësishëm të ditës, Drekës.

Rukola, Shegë dhe Arra, siç janë të shijshme veçmas ashtu edhe të kombinuara bashkë ato krijojnë një super ushqim të shëndetshëm, ideal për të përfituar vlerat më të mira të secilës.

Rukola është e pasur me vlera ushqimore dhe antioksidantë.

Ajo është një burim i pasur me vitaminë A, fibër, vitaminë C, vitaminë K, folat, hekur, kalcium, fosfor, magnez, mangan dhe kalium.

Shega njihet si simbol i shëndetit të mirë. Ajo ka veti antioksidante, antibakteriale dhe kundër radikaleve të lira.

Shega është burim i pasur vitaminash. Ajo përmban vitaminat A, C dhe E por edhe acid folik. Ky frut ka tre herë më shumë antioksidantë se vera dhe çaji jeshil.

Arrat janë të pasura me energji dhe vlera ushqyese. Ato janë një burim i shkëlqyer i acideve yndyrore, të cilat ndihmojnë për të ulur nivelin e kolesterolit.

Studimet tregojnë se dietat mesdhetare, të cilat janë të pasura edhe me arra , parandalojnë sëmundjet koronare arteriale, duke favorizuar profile të shëndetshme të lipideve të gjakut.

Janë të gjitha këto të vlera të jashtëzakonshme që e kthejnë këtë sallatë në një pjatë të shëndetshme të pasur me ushqyes për organizmin.

Receta që AgroWeb.org sugjeron më poshtë është shumë popullore, padyshim e shijshme dhe mund të përgatitet shumë shpejt dhe lehtë në shtëpi.
Sallata me Rukola e Shegë – Receta
Përbërësit

(Sasia e përbërësve zgjidhet bazuar në numrin e persanave në familje, receta më poshtë është për një familje me katër persona)

Një tas të madh me rukola

Kokrrat e një shege të qëruar

Dy lugë vaj ulliri

Një gotë e vogël me arra (Sipas preferencës edhe mund t’i thërrmoni)

Kripë

Një lugë uthull balsamike

Fetëza shumë të holla djathi kaçkavall (sipas preferencës)

Përgatitja

Pastrojmë mirë gjethet e rukolës

(Sipas preferencës, gjethet mund t’i lini të plota ose mund t’i këpusni me dorë në copëza të vogla)

Qërojmë me kujdes shegën dhe në një tas hedhim të gjitha kokrrat e saj dhe i pastrojmë

Në një tas qelqi ose pjatancë vendosim gjethet e rukolës

Kokrrat e shegës i shtojmë sipër gjetheve të rukolës

Më pas shtojmë arrat

Në fund hedhim kripën dhe vajin e ullirit

Uthullën balsamike kujdesemi t’a shpërndajmë me pika të vogla rreth gjithë sallatës

Sipas preferencës sipër sallatës vendosim edhe disa fetëza djathi kaçkavall

Kjo sallatë është fantastike në nisjen e një dreke apo edhe darke të këndshme si dhe në shoqërimin e  çdo gatimi tradicional ose jo. /AgroWeb.org

Rukola, Shegë, Arra ,Sallata që i shton shije drekës Read More »

Jeta e panjohur e Ismail Qemalit.DITËLINDJA DHE MBIEMRI I HARRUAR!

Histori / /

Jeta e panjohur e Ismail Qemalit, pa ditëlindje dhe pa mbiemrin Vlora.

E cuditeshme te heqesh diten e lindjes te babait te kombit Shqiptare.

Investigimi i bere i jep zgjidhje dilemës për ditën e lindjes së Ismail Qemalit që përkon çuditërisht me atë të diktatorit Enver Hoxha dhe rrethanave si u shmang nga gjeneralitetet e tij mbiemri Vlora.

DITËLINDJA DHE MBIEMRI I HARRUAR
Gjatë 50 viteve të regjmit komunist, në të gjitha tekstet e historisë shkruhej se Ismail Qemali lindi në vitin 1846, pa përmendur ditën dhe muajin. Pa datë e muaj rezultonte edhe në të gjitha tekstet shkollore. Sakaq historiani turk me origjinë shqiptare, Nexhip Alpan, në librin e tij “Shqiptarët në Perandorinë Osmane”, duke iu referuar arkivave të Perandorisë, shkruan se Ismail Qemali ka lindur më 16.10.1846. Pra, në 16 tetorin e famshëm, ku për gjysmë shekulli festohej me madhështi ditëlindja e Enver Hoxhës. Në logjikën e mbrapshtë të regjimit kjo datë nuk mund të ndahej me tjetërkënd, qoftë edhe me themeluesin e shtetit shqiptar, se ndryshe eklipsonte figurën e Zeusit. Zgjidhja ishte gjetur: për ditëlindjen e Hoxhës do tundeshim malet nga festa, për Ismail Qemalin bëhej sikur nuk i dihej data e saktë. E vërteta është se ditëlindja e tij asnjëherë nuk u festua.

Një rast pa precedent ky në historinë e burrave të shtetit. Andralla tjetër, tipike komuniste, kishte të bënte me emrin e themeluesit të shtetit shqiptar. Nuk ka një rast të dytë në historinë e Shqipërisë që t’i ndërrohej mbiemri. Babai dhe themeluesi i kombit quhej Ismail Qemal bej Vlora, ndërkohë edhe sot shqiptarët vazhdojnë ta quajnë thjesht Ismail Qemali. Ndryshimi në fakt ka nisur që në kohën e mbretërimit të Ahmet Zogut dhe ka vazhduar edhe në regjimin komunist. E ndërsa në vitet ’30 ai quhej pa ndonjë arsye Ismail Qemal, komunistët gjetën arsyen për ta zhdukur fare mbiemrin Vlora. Kështu, pas vitit 1944, historiografët komunistë e zyrtarizuan zëvendësimin e mbiemrit Vlora me titullin turk Qemal, që Ismaili e përdorte prej kohës si hierarki e Perandorisë Osmane. Në asnjë rast nuk përmendet Ismail Qemal bej Vlora, por vetëm Ismail Qemali. Për ironi, duke e justifikuar me famën që kishte marrë tashmë emri i tij, në shumë raste në tekst shkruhet I.Qemali. Komunizmit nuk i shkonte për shtat as titulli bej e as fama e familjes Vlora. Një familje me identitet të qartë shqiptar, e sërës më të lartë të bejlerëve, por që komunistët për 50 vjet i përndoqën të gjithë pasardhësit e atij që e quanin themeluesin e shtetit shqiptar. Për 50 vjet mbiemri Vlora nuk kishte lidhje me Ismailin që themeloi shtetin. Në të njëjtën kohë, ironikisht, mbiemri Qemali nuk ekzistonte në asnjë regjistër të gjendjes civile, rrjedhimisht kështu, njeriu që ngriti flamurin dhe shpalli pavarësinë nuk mund t’i bënte hije kultit të Enver Hoxhës. Ismail Qemali ishte një i vetëm, pa asnjë lidhje, pa asnjë famë e vlerësim paraardhës dhe pasardhës.

Jeta e panjohur e Ismail Qemalit.DITËLINDJA DHE MBIEMRI I HARRUAR! Read More »

Qofte me presh dhe miell misri. Shije unike nga amvisat

Kulinari / /

Me një shije krejt speciale, të lehta dhe fantastike për t’u konsumuar në çdo kohë të ditës.

Kjo recetë përgatitet shumë lehtë dhe shpejt, ideale për të shoqëruar vaktin e drekës por edhe të darkës.

Kombinohet me supa të ndryshme të lehta, por edhe thjeshtë me sallata të freskëta të stinës apo perime të pjekura.

Qoftet me presh dhe miell janë padyshim një mënyrë fantastike edhe për t’u servirur në tryeza familjare me miqsh e mysafirësh.

Ndiqni më poshtë recetën nga AgroWeb.org për të përgatitur shpejtë dhe lehtë këto qofte të mrekullueshme në shtëpi.
Përgatitja e Qofteve me Presh dhe Miell Misri
Përbërësit
2 gota uji me miell misri

3 lugë gjelle vaj ulliri për brumin

Gjysmë luge kafeje sodë

2 kokrra vezë

3-4 lugë gjelle djathë i thërrmuar ose gjizë

100 gr mish i grirë

3 presh mesatarë

3-4 lugë gjelle miell gruri për lyerje

2-3 gota ujë

Një tufë majdanoz

Kripë
Përgatitja e masës me presh
Si fillim pastrojmë preshin me ujë të bollshëm dhe e grijmë hollë.

Vendosim një tenxhere në zjarr, shtojmë preshin e grirë hollë dhe e kaurdisim derisa të zbutet.

Më pas, hiqen nga zjarri, u shtohet pak mish i grirë, djathë i bardhë i thërrmuar ose gjizë, shtohen vezët, kripa, piperi i zi i bluar dhe majdanozi i grirë hollë.
Përgatitja e miellit të misrit
Në një tenxhere me ujë të valuar, kripë dhe vaj ulliri, hidhet mielli i misrit i situr dhe i përzier me pak sodë.

Përzihet derisa të krijohet një masë e trashë. Më pas vendoset të piqen në zjarr derisa sa të trashet dhe të shkëputet nga anët e enës.

Kur ftohet, i shtohet masa e përgatitur më sipër me presh dhe përzihet mire derisa të bëhet një masë e njëtrajtshme.

Më pas, brumi i përgatitur ndahet në qofte të rrumbullakëta, të cilat kalohen në miell gruri  dhe më pas skuqen./AgroWeb.org

Qofte me presh dhe miell misri. Shije unike nga amvisat Read More »

Speca të mbushura me lakër turshi ,receta e shijes fantastike

Kulinari / /

Turshi më fantastike se specat e mbushura me lakra nuk ka.

Shija e tyre lezetos gjithë tryezën e çdo gatim në të sidomos tani në vjeshtë e dimër që po vjen por edhe gjatë gjithë vitit.

Ideale për shoqërimin e supave e gjellrave të ndryshme, byrekëve apo mishrave të pjekur etj.

AgroWeb.org ju sjell më poshtë recetën e mrekullueshme të përgatitjes së specave të mbushura me lakër turshi.

Një recetë e thjeshtë, e lehtë në përgatitje e që do t’ju kënaqë nepsin dhe oreksin përgjatë gjithë vitit.
Përgatitja e Specave të Mbushura me Lakër Turshi
3 kg speca

1 lakër e madhe

5-6 karrota

Piper i zi kokërr

200 ml uthull

2 lugë gjelle kripë

1 filxhan çaji vaj ulliri
Përgatitja
Si fillim, AgroWeb.org ju udhëzon të ndani specat përgjysmë ose t’u hiqni kapakun me kujdes duke larguar njëkohësisht edhe farat.

Vendosini në një enë të madhe, mbulojini me ujë të nxehtë dhe lërini mënjanë.

Nga ana tjetër, AgroWeb.org ju udhëzon të grini lakrën, bashkë me karrotat, kriposini mirë, përzjeini dhe lërini të pushojnë përreth 1 orë.

Më pas, kullojini lakrat nga lëngu i tyre dhe mbushni specat me to.  Lëngun e lakrave ruajeni për më vonë.

Specat e mbushur me lakrat dhe karrotat e grira vendosini me rradhë në kavanoza qelqi, të cilët më parë duhet të jenë të sterilizuar.

Shtoni në secilin prej kavanozave disa kokrra piperi të zi.

Ndërkohë në një tenxhere, AgroWeb.org ju udhëzon të shtoni dy litra ujë dhe lëngun e lakrës që keni lënë mënjanë dhe vendoseni në zjarr të zjejë derisa uji të vlojë, shtoni njëkohësisht me ujin edhe uthullën dhe dy lugë gjelle kripë.

Kur uji të vlojë shtoni dhe vajin e ullirit.

Me masën e përgatitur, pasi të jetë ftohur mbushni secilin prej kavanozave ku keni specat e mbushur me lakrat dhe karrotat.

Mbyllini kavanozët fort dhe tundini nga poshtë lart herë pas here. Ruhen në një vend të freskët dhe hapini pas 3-4 javësh./AgroWeb.org

Speca të mbushura me lakër turshi ,receta e shijes fantastike Read More »

Organizëm dhe muskuj të fortë pas moshës 40 vjeç ,regjimi i duhur ushqimor

Shendetesi / /

Kur njeriu mbush 30 vjeç, besohet që masa muskulare në organizëm të ketë arritur kulmin.

Pas kësaj moshe, ajo nis e bie në mënyrë graduale.

Pas moshës 60 vjeçare, ndryshimi në përbërjen e organizmit është dramatik, sepse trupi ka më pak muskuj të tonifikuar e më shumë lëkurë të varur.

Humbja e masës muskulare si pasojë e moshës shkon përtej aspektit kozmetik.

Me humbjen e masës muskulare, njeriu humbet forcën dhe qëndresën, që do të thotë se ai lodhet më shpejt.

Sipas të dhënave të AgroWeb.org humbja e masës muskulare shoqërohet edhe me fraktura të shkaktuara si pasojë e dendësisë së pakët kockore.
Si Të Ngadalësoni Humbjen E Masës Muskulare
Proteinat
Proteina është thelbësore për mirëmbajtjen e masës muskulare.

Por koha e marrjes së saj është po aq e rëndësishme.

Për një mirëmbajtje efikase të muskujve, njeriu duhet të shpërndajë në mënyrë të barabartë sasinë e proteinës së marrë gjatë ditës.

Proteina në formën e pluhurit është një produkt industrial që mund të konsumohet rregullisht gjatë ditës duke e shoqëruar me kos, tërshërë, lëngje e shumë gatime të tjera.
Roli I Proteinës Tek Muskujt
Proteina është shumë e rëndësishme jo vetëm për muskujt por për të gjithë organizmin.

Së pari, ajo shpërbëhet në amino acide të cilat janë shtyllat bazë për çdo ind dhe muskul të trupit.

Nëse trupi nuk ka amino acide të nevojshme, ai e përthith atë nga muskujt.

Së dyti, konsumi i proteinës stimulon sintetizimin e saj dhe së treti parandalon shpërbërjen e saj.

Sintetizimi është procesi që ka të bëjë me grumbullimin e amino acideve dhe ndërtimin e indeve dhe muskujve.

Trupi e sintetizon proteinën por edhe e shpërbën atë.

Sipas të dhënave të AgroWeb.org nëse niveli i sintetizimit është më i lartë se ai i shpërbërjes së proteinës, trupi rrit automatikisht masën muskulare.

Kjo e fundit humbet me shpejtësi nëse niveli i shpërbërjes së proteinës është më i lartë se sintetizimi i saj.

dhe më pas sintetizohet duke ndërtuar dhe rimëkëmbër inde dhe masë muskulare.

Sipas të dhuenave të AgroWeb.org burimet më të pasura të proteinës janë mishi, veza, peshku, shpendët e të tjerë.

Ndryshe nga yndyrnat dhe karbohidratet, trupi i njeriut nuk arrin të ruajë proteinë për përdorim të mëvonshëm.

Ai ka nevojë për furnizim të vazhdueshëm që të ketë të gjitha amino acidet e nevojshme për funksionimin e mbarë gjatë ditës.

Të rinjtë kanë nevojë që të konsumojnë vakte me të paktën 20-30 gramë proteinë për një sintetizim të mjaftueshëm të saj.

Të rriturit kanë nevojë për 40 gramë proteinë në vakt për sintetizimin./AgroWeb.org

Organizëm dhe muskuj të fortë pas moshës 40 vjeç ,regjimi i duhur ushqimor Read More »

Dafina në vaj ulliri ,fuqia e dyfishtë shëruese

Shendetesi / /

Dafina është një erëz, lavdia e së cilës nuk shuhet kurrë.

Me plotë të drejtë gjethet e saj kanë simbolin e lavdisë dhe vlerësohen anë e mbanë botës.

Gjethet e dafinës kanë përdorim kryesor në kuzhinë, por ato kanë fuqi jashtëzakonisht të mëdha shëruese.

E kur këto fuqi bashkohen me vlerat e vajit të ullirit, ajo që përftohet është një kurë fantastike shëndetësore.

Përpara se të flasim për këtë kurë, le t’i hedhim një sy vlerave kryesore të gjethes së dafinës, në këtë artikull të AgroWeb.org.

Gjethja e dafinës është efikase kundër dhimbjeve.

Dafina qetëson sistemin nervor.

Gjethet e dafinës stimulon djersitjen.

Kjo bimë forcon sistemin imunitar.

Gjethja e dafinës përmirëson mirëqenien mendore.
Si Të Përgatisni Vaj Ulliri Me Gjethe Dafine
Këtë kurë mund ta përdorni për të trajtuar variçet dhe dhimbjet e kyçeve.
Përbërësit:
60 gramë gjethe dafine të njoma ose të thata

500 ml (dy gotë) vaj ulliri

Mund t’i shtoni rozmarinë për aromë

Udhëzimet:

Së pari, copëtojini dhe shtypini gjethet e dafinës.

Hidhini në kavanozë qelqi dhe mbulojini me vaj ulliri.

Mbylleni kapakun fort dhe lëreni në një vend të errët dhe të freskët për 14 ditë.

Herë pas here, shkundini kavanozët e qelqit që të lejohet përzierja e njëjtrajtshme.

Pas dy javësh kullojeni lëngun me një napë të pastër.

Vajin shërues futeni në një shishe qelqi dhe mbajeni në një vend të ftohtë dhe të errët.
Si Përdoret Vaji Shërues
Vajin me dafinë mund ta ngrohni në avull dhe më pas ta përdorni të fërkoni kyçet dhe gjymtyrët që ju dhembin.

Përveç kësaj, vajin shërues mund ta përdorni për të trajtuar ulçerën limfatike, migrenën dhe infeksionet e veshit.

Nëse keni dhimbje të forta koke, aplikojeni në dy anët e kokës.

Dhimbja do të ikë brenda pak kohe.
Si Mund të Pihet
Këtë vaj mund ta pini për problemet e stomakut, mëlçisë dhe oreksin.

Mund të konsumoni një lugë gjelle në mengjes esëll për 30 ditë.

Kurën e përsërisni nëse e ndjeni të nevojshme.
Vlerat Fantastike Të Vajit Me Dafinë
Shumë ekspertë janë të mendimit se vaji i ullirit me dafinë mund të zëvendësojë aspirinën sepse arrin të ulë temperaturën e trupit.

Ky vaj është shumë efikas kundër dhimbjeve të stomakut, zorrëve, problemeve me mëlçinë dhe veshkat apo për të përmirësuar oreksin.

Ai rrit rezistencën e trupit ndaj infeksioneve dhe forcon imunitetin.

Këtë vaj mund ta përdorni edhe si një locion natyral për problemet me lëkurën, aknet dhe pikat e zeza./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi:U.S. National Library of Medicine

Dafina në vaj ulliri ,fuqia e dyfishtë shëruese Read More »

Kafe turke për një jetë të gjatë? Zbuloni faktet shumë interesante

Shendetesi / /

Çdo ditë, amvisat shqiptare përballen me mëdyshje, sfida dhe punë. Përpara se të përballen me këto sfida, tradita e kërkon një filxhan me kafe turke.

Shkencëtarët kanë kryer disa studime në lidhje me jetëgjatësinë e njerëzve në zonën e Ballkanit dhe të Mesdheut në përgjithësi të cilët pinë kafe turke ose siç njihet ndryshe kafeja e bluar imët.
Kafeja Turke: Një Histori Intrigash Politike dhe Dashurie
Kafeja ka origjinën në Kaffa të Etiopisë, megjithatë emri i saj vjen nga Arabishtja. “Qahëa” përkthehet “Verë”.

Kafeja e parë është prodhuar në Jemen, ku shumë besimtarë pinin kokrrat e kafesë të tretura në ujë, për të qëndruar zgjuar gjatë lutjeve.

Nga Jemeni, në vitin 1517 kafeja rrugëtoi në Stamboll. Asokohe, Turqit zbuluan se me kokrrat e kafesë ata mund të përgatisnin një pije të shijshme, të athët dhe me ngjyrë të zezë, me anë të së cilës mund të merrnin shumë energji dhe të shuanin urinë.

Kafeja u bë e preferuara e Sulejmanit të Madhërishëm, Sulltaneshave dhe Konkubinave të Haremit. Sulltan Sulejmani u marros pas kafesë dhe i dha ‘pijes së zezë’ vulën perandorake.

Turqit shpikën metodën e përgatitjes së kafesë me xhezve. Ata i bluan kokrrat e kafesë shumë hollë dhe i zien në ujë. Fisnikët e Oborrit të Sulltanit e kishin kafenë si kriter në përzgjedhjen e nuseve.

Nëse kafeja që një grua shërbente ishte e bluar dhe bërë mirë, atëherë ajo do të ishte një grua e shkëlqyer, thotë legjenda. Kafeja u kthye në një instrument edhe për vetë gratë.

Legjenda thotë se nëse ato servirnin një kafe të ëmbël atëherë do të thotë që ishin të lumtura me zgjedhjen e bashkëshortit. Nëse kafeja ishte e hidhur, bashkëshorti nuk u pëlqente.

Asokohe, sipas të dhënave, një grua e martuar kishte të drejtën të ndahej nga bashkëshorti, nëse ai nuk sillte kafe në shtëpi.

Shumë shpejt në të gjithë perandorinë Otomane u përhapën kafenetë e para të cilat vite më vonë u shpallën të paligjshme, sepse njerëzit qëndronin shumë gjatë në këto vende ku sipas spiunëve të oborrit thureshin kurthe dhe plane për vrasjen e sulltanit.

Në vitin 1656, ndëshkimi për këdo që kapej duke bluar kafe ishte kamzhiku dhe mbytja në det.
Kafeja Turke dhe Jetëgjatësia
Në ishullin Ikaria të Greqisë, të gjithë banorët e nisin ditën me një kafe turke. Ky ishull gjithashtu njihet të ketë popullsinë më jetëgjatë në të gjithë vendin.

Kjo frymëzoi disa shkencëtarë të studionin efektin e kafesë dhe mënyrës së jetesës tek jetëgjatësia e njerëzve. 142 njerëz  të grupmoshave të ndryshme morën pjesë në studim.

Shkencëtarët morën në konsideratë edhe faktorë të tjerë si, gjinia, pesha, gjatësia, pirja e duhanit, sëmundjet e zemrës dhe hipertensioni.

Rezultatet e studimit treguan  qelizat endoteliale tek njerëzit që pinin më shumë kafe turke, kishin një performancë më të mirë.

Këto qeliza kanë një ndikim të drejtpërdrejtë në enët e gjakut.

Nëse ato nuk funksionojnë mirë, me kalimin e kohës mund të shkaktojnë bllokimin e kapilarëve dhe enëve të gjakut, madje mund të shkaktojnë edhe vdekje të parakohshme.

Krahasimi mes grupmoshave në studim tregoi se konsumi në rritje i kafesë turke ka një ndikim pozitiv në elasticitetin e arterieve. Kjo pakëson shanset e shfaqjes së tensionit të lartë të gjakut.

Kafeja turke përmban dy substanca të rëndësishme. Ato njihen si kafestol dhe kaheol, të cilat kanë vlera të mira kundër inflamacionit por edhe shërbejnë si antioksidantë.

AgroWeb gjithsesi këshillon të mos e teproni me sasinë, pasi si çdo gjë, kur teprohet kthehet në dëm të shëndetit./AgroWeb.org

Kafe turke për një jetë të gjatë? Zbuloni faktet shumë interesante Read More »

Gjethet e arrave ja si t’i përdorni për shëndetin

Shendetesi / /

Gjethet e arrave konsiderohen pjesë e pandashme e trashëgimisë vendase të mjekësisë tradicionale popullore.
Shqipëria njihet botërisht si pjesë bazike e vendorigjinës së pemës së arrës, e cila mbetet një nga prodhimet natyrale më të famshme të territoreve shqiptare.

Rrethet me numrin më të madh të rrënjëve (mbi 10 000 rrënjë ), janë Tropoja, Dibra, Librazhdi, Puka, Korça, Pogradeci.

Ndërsa rrethe të tjera me 5000 deri 10 000 rrënjë janë Bulqiza, Elbasani, Kolonja, Mirdita, Tirana, Vlora dhe Përmeti.

Por Shqipëria është gjithashtu vend ku gjenden edhe pemët e arrave të egra. Arrat e egra ndeshen në gjendje natyrale, sidomos në luginat e Alpeve Veriore, në malësitë e Martaneshit, etj.

AgroWeb.org ka ofruar gjithmonë informacion të plotë mbi frutat e arrave. Por ajo që lexuesit duhet të dinë është fakti i vlerave magjike edhe i gjetheve të pemës së arrës.

Gjethet e arrave konsiderohen pjesë e pandashme e trashëgimisë vendase të mjekësisë tradicionale popullore.
Vlerat dhe vetitë shëndetësore të gjetheve të arrave
Gjethet e arrës kanë veti rrudhëse, antidiabetike dhe vlerësohen si mirëmbajtëse të qarkullimit të gjakut.

Çaji i gjetheve të arrave ka aftësi të shtojë sekretimin e lëngjeve të stomakut, përmirëson oreksin, rrudh mukozat e lëkurës, etj.

Çaji i gjetheve të arrave përdoret shumë nga mjekësia tradicionale kundër acarimeve të aparatit tretës.

Por çaji i gjetheve të arrave përdoret nga jashtë si larës. Gjithashtu edhe dezinfektues i shkëlqyer për shumë probleme të lëkurës si morthi, acarimeve të lëkurës, ekzemave, puçrrave, etj.

Çaji i gjetheve të arrave përdoret me sukses edhe si gargarë kundër acarimeve të fytit dhe zonës së bajameve tek të rriturit, por edhe tek fëmijët mbi moshën 3-vjeçare.
Si përgatitet dhe konsumohet çaji i gjetheve të arrave
Për konsum si çaj. Një lugë çaji me gjethe të thata të copëtuara të arrave hidhet në një gotë ujë të hequr nga vlimi.

Lihet 15 minuta që të përftohen ekstraktet mjekësore të gjetheve të arrave.

Më pas, duhe të kullohet dhe pihet 2-3 herë gjatë ditës duke i shtuar pak mjaltë dhe ndonjë pikë limon sipas dëshirës.

Për përdorimin si larës dhe dezinfektues të problemeve të lëkurës AgroWeb.org këshillon shpëlarjen me lëngun që përfitohet nga zierja e rreth 10 gr gjethe të thata në 100 gr ujë.

Locioni sugjerohet për të lehtësuar djersitjen e këmbëve dhe shmangur aromat e rënda./AgroWeb.org

Gjethet e arrave ja si t’i përdorni për shëndetin Read More »