Qendra e Fierit po transformohet me shpejtësi duke u kthyer në një kartvizitë të qytetit të rilindur mbi shtratin e lumit Gjanicë. Kryeministri Edi Rama inspektoi punimet për prishjen e ndërtesave të paligjshme dhe pastrimin e lumit Gjanica në Fier.
“Nga videoja 3D e shfaqur këtu përpara disa muajsh, tanimë ka nisur puna në kantierin e një transformimi spektakolar të zemrës së qytetit, e cila do të jetë kartëvizita e Fierit të rilindur mbi shtratin e sëmundjes së rëndë të rrëmujës e ndotjes urbane”, thotë kryeministri Rama.
Një prej inspektorëve që punonin në këtë kantier i tha kryeministrit se tani Fieri do të marrë pamjen që i takon. Inspektori i theksoi se po punohet me tre turne për të përfunduar këtë vepër.
Kryebashkiaku i Fierit, Armando Subashi tha se në këtë zonë do të ndërtohet një urë moderne dhe një parking nëntokësor me 100 vendparkime.
Kryeministri Rama theksoi se nga vatër infeksionesh dhe papastërtish, kjo zonë do të kthehet në zemrën e qytetit të “Fierit që duam”.
“Unë kam bërë projektin në 3D dhe se tashme ju ngelet në dorë juve ta vini në zbatim këtë vepër”, përfundoi kryeministri./atsh
Autoriteti për Informim mbi Dokumentet e ish-Sigurimit të Shtetit thotë se deri më sot, pranë këtij institucioni nuk është paraqitur asnjë kërkesë e shoqëruar me formularët përkatës të plotësuar nga vetë subjektet dhe Organet e Vlerësimit Kalimtar sipas ligjit (Vetingu në polici). Reagimi vjen pas deklaratës së sotme të deputetit të partisë Demokratike, Gent Strazimiri, sipas të cilit Vetingu në polici është ndërprerë pas verifikimit se 534 drejtues të lartë të Policisë së Shtetit kanë patur lidhje me Sigurimin e Shtetit.
Partia Demokratike i kërkoi Autoritetit të publikojë emrat, duke marrë sqarimin e institucionit se nuk ka pasur asnjë kërkesë për subjektet e Vetingut në polici.
Autoriteti për Informim mbi Dokumentet e ish-Sigurimit të Shtetit sqaron se “institucionet Kushtetuese, Autoritete Publike, përfshirë edhe Drejtorinë e Përgjithshme të Policisë së Shtetit, kanë paraqitur në vijimësi pranë Autoritetit për Informim mbi Dokumentet e ish-Sigurimit të Shtetit kërkesa ku është kërkuar vlerësimi i cilësive etiko – morale dhe profesionale të punonjësve të Policisë së Shtetit në nivel drejtues në raste të emërimit apo ngritjes së tyre në detyrë”.
Rezultatet e verifikimit për çdo rast janë komunikuar institucioneve të cilat kanë paraqitur kërkesën dhe në asnjë rast nuk ka pasur nga ana jonë ndërprerje të procesit të filluar.
“Menjëherë, me disponimin e një kërkese të tillë ligjore, Autoriteti në zbatim të ligjit, do të kryejë procesin e verifikimit të figurës së çdo punonjësi që i nënshtrohet kontrollit, konkretisht nëse ka qenë person në ndjekje për spiunazh apo terrorizëm, anëtar, bashkëpunëtor ose i favorizuar nga ish-Sigurimi i Shtetit para vitit 1990, sipas ligjit për të drejtën e informimit me dokumentet e ish-Sigurimit të Shtetit të Republikës Popullore Socialiste të Shqipërisë”, thuhet në reagimin e Autoritetit.
“Në përfundim, evidentojmë rolin parësor dhe mjaft të rëndësishëm të Autoritetit në zhvillimin e procedurave të deritanishme në tërësi por dhe kryerjen në veçanti të procedurave të vlerësimit të cilësive etike morale dhe profesionale të kandidatëve për t´u zgjedhur në organet e vetingut KPK dhe KPA dhe atyre për t´u zgjedhur anëtarë të KED, KLP dhe KLGJ, jo vetëm brenda standarteve të kërkuara dhe në kohë reale, por më e rëndësishmja, brenda kornizave që ligji i ngarkon atij”, përfundon institucioni./atsh
Çudirat me “Babalen” nuk kanë të mbaruar, kjo nofkë është kthyer prej muajsh në vëmendjen e qytetarëve shqiptar, por Vlonjati Mustafa Mustafai është mjaft i indinjuar për “Babale” pasi këtë nofkë ai e mbart prej vitesh. Mustafai është një peshkatar i vjetër nga Vlora, ai njihet si “Babalja”, madje edhe varkat e tij të peshkimit dhe biznesin e regjistruar e ka me të njëjtin emër, si Babalja.
Ai thotë se me këtë emër e njohin të gjithë, që nga fëmijët 5 vjeç e deri te më të moshuarit. Por pas daljes në publikun e gjerë të Babales ku kjo nofkë ishte përdorur prej Albert Veliut, i cili prentendon se ka regjistruar biseden e të vëllait të ministrit Xhafaj, për Babalen e vërtetë, Mustafa Mustafai, ka dalë edhe problemet e para. Ai thotë se shumë njerëz e kanë telefonuar dhe e kanë pyetur se çfarë lidhje ka ai me këtë ngjarje.
“Kërkoj ndihmë edhe nga ju. Unë jam Babalja i vërtetë. Mua më përdoret emri nga mëngjesi deri në darkë. Ai që thotë jam Babalja është një kryemashtrues. Unë kam një biznes familjar në peshkim. Jam njeri me vlera të mëdha. Nofkën ma ka vënë miqësia. Unë e kam biznesin tim në sistem si Babale.
Ai e ka përballur emrin tim qëllimisht. Pse e ka përdorur? Mua që 2 vjeç më thërrasin kështu. Ai më përdor emrin mua”, thote Mustafa Mustafai, Babalja per “Report”.
Bukurie Shkurta përveç emrit nuk ka asgjë të bukur në jetën e saj. Me shikim të dobët shkaktuar nga diabeti në fazë të avancuar, gruaja jeton me bashkëshortin dhe fëmijët në moshë madhore, dy prej të cilëve vuajnë nga ç’rregullime të shëndetit mendor, në një shtëpi të rrënuar në lagjen “Manalat” të Gjirokastrës.
68-vjeçarja i ngrys ditë e netët e saj në këtë divan të vjetër pranë maces, pa jastëk nën kokë, në të vetmen dhomë të shtëpisë që është mbytur nga lagështia dhe era e rëndë. Pensioni nuk i del as për mjekimin e plotë me insulinë.
Mes blerjes se insulinave dhe bukës së gojës ajo zgjedh këtë të fundit “Marr insulinë, por jo shumë. Lekët që marr s’më dalin, se duhet të ha dhe bukë. Marr ilaçe”, thotë gruaja per News 24.
Ela është vetëm 22 vjeç, vajza është invalide, me probleme të shëndetit mendor, por është e vetmja që kujdeset për prindërit e moshuar e të sëmurë dhe vëllezërit e saj. “Jam 22 vjeçe. Mbaj familjen, janë të sëmurë. Të gjithë jemi. Ju lutem të na ndihmoni, të vënë dorën në zemër. Unë s’jam e aftë për punë, por duhet të kujdesem për familjen. Po ika unë, s’ka kush të kujdeset për ta (qan)”, shprehet vajza. Në korridorin e shtëpisë që shërben edhe si kuzhinë nuk ka një dollap ushqimesh, ndërsa të vetmet produkte janë një bukë e mykur dhe një qese miell dhe disa bidonë me vaj të falur. Familja E Varfer “Këto që sheh nga i kanë falur. Kur të mbarojnë ato, do rrimë.
Do presim rrogën e mamit dhe të babit”, thotë vajza. Ndonëse kjo është vetëm një prej familjeve në kushte të vështira jetese, panorama e këtij fenomeni është më e gjerë. Në bashkinë e re Gjirokastër numërohen 100 familje aplikuese në skemën e ndihmës ekonomike, ku vetëm 50 % e tyre janë përfituese të kësaj skeme, ndërsa pjesa tjetër e tyre mbeten jashtë kësaj skeme për shkak të pamjaftueshmërisë së pikëve.
Të gjithë e dimë se sistemi ynë i gjakut është me të vërtetë i ndërlikuar, prandaj është e rëndësishme të kujdeseni për zemrën tuaj dhe të njihni çfarë grup gjaku keni. Për fat të keq, shumë njerëz nuk i dinë të gjitha mundësitë e trupit tonë.
Në listën e mëposhtme kemi sjellë disa fakte shkencore interesante rreth gjakut të cilat me siguri nuk i dinit.
-Do të duheshin 1,120,000 mushkonja për të pirë gjithë gjakun e një njeriu të rritur.
-Për të qarkulluar gjakun, zemra krijon një presion të tillë që të mund të shkojë deri në 10 metra.
-Një qenie njerëzore mund të jetojë pa puls. Në vitin 2012, mjekët instaluan një pajisje në trupin e 55-vjeçarit Craig Leëis që lejonte qarkullimin e gjakut në të gjithë trupin e tij pa puls.
-Stan Larkin jetoi 555 ditë pa zemër, duke pritur të bënte një transplant. Zemra e tij u zëvendësua me një pajisje që përdorte për ta mbajtur gjallë. Ai madje mund të luante basketboll.
– Sasia e gjakut që qarkullon nëpër trup gjatë 25 ditëve është përafërsisht e barabartë me ujin në një pishinë mesatare.
-Një person mund të humbasë 40% të gjakut të tij dhe të qëndrojë ende i gjallë. Natyrisht, nevojitet transfuzioni i gjakut në kohë.
-21% e të gjitha sulmeve të zemrës ndodhin të hënën. Një sulm i dytë ndodh të premten. Shkencëtarët supozojnë se arsyeja është një “derdhje” e emocioneve të stresit në fillim të një jave.
-Rrahjet tona të zemrës ndikojnë në humorin tonë. Shkencëtarët e studiuan këtë fenomen kur një njeri u pajis me një zemër të re. Pas operacionit, mendja, ndjenjat dhe veprimet e tij ndryshuan në mënyrë të pazakontë.
-Për të zvogëluar rrezikun e një sulmi në zemër, ju duhet të zgjoheni ngadalë në mëngjes dhe të zvogëloni intensitetin e stërvitjeve në mbrëmje.
-Lëngu i arrës së kokosit është në gjendje të zëvendësojë plazmën e gjakut falë kompozimeve të tyre të ngjashme.
-Grupet e gjakut mund të jenë arsye për shkurorëzim. Shkencëtarët kanë zbuluar se ekziston një lidhje mes llojeve të gjakut të bashkëshortëve dhe përqindjes së divorceve. Kështu, në çiftet më të forta, të dy njerëzit kanë grup gjaku O. Çiftet që vendosin të divorcohen zakonisht kanë kombinime të tilla: A + AB ose A + O.
– Lloji i gjakut ka ndikim në shëndetin tonë. Njerëzit me gjak të llojit O nuk janë të prirur ndaj sëmundjeve kardiovaskulare, por ata janë më të ndjeshëm ndaj zhvillimit të kancerit të lëkurës ose obezitetit.
-Njerëzit me gjakun e tipit A duhet t’i kushtojnë vëmendje nivelit të kolesterolit në gjakun e tyre. Ata janë në rrezik për zhvillimin e sëmundjeve koronare të zemrës.
-Ata me gjak të tipit B duhet të kujtojnë se ata janë të prirur ndaj diabetit dhe kancerit të pankreasit.
-Njerëzit që kanë gjak të llojit AB duhet të kujdesen për kujtesën dhe përqendrimin e tyre pasi shanset e dëmtimit të njohjes në individët AB janë 82% më të larta se në llojet e tjera.
-Pijet energjike ndryshojnë mënyrën se si rreh zemra. Shkencëtarët kanë zbuluar se pas pirjes së pijeve energjike, sasia e kafeinës është deri në 3 herë më e lartë se në pije të tjera si kafja. Për më tepër, ato ndikojnë në rrahjet e zemrës dhe mund të shkaktojnë kriza deri në vdekje.
– Dietat sipas tipit të gjakut nuk funksionojnë. Shkencëtarët nga Universiteti i Torontos kanë provuar se dietat e veçanta sipas llojit të gjakut të individëve janë një mit. Në Japoni, ekziston një industri e veçantë e dietave për çdo lloj gjaku: ushqimi, produktet kozmetike dhe produktet e kujdesit personal.
-Performanca atletike varet nga lloji i gjakut. Një studim i mbajtur në vitin 2017 ka treguar se njerëzit me gjak tip O kanë qëndrueshmëri më të mirë se llojet e tjera. Në mesin e lojtarëve më të mirë të notit, shkencëtarët nuk kanë gjetur asnjë person me gjak të llojit AB.
-Karakteri ynë varet nga lloji i gjakut. Shkencëtarët kanë gjetur një lidhje midis karaktereve të njerëzve dhe llojeve të tyre të gjakut. Në Japoni, njerëzit besojnë se llojet e gjakut ndikojnë në tiparet e personalitetit të njerëzve dhe suksesin e tyre në punë dhe në marrëdhëniet personale./ Përshtati në shqip JOQ.al
Është mundur që shpesh herë ta mbajë familjen e tij larg mediave dhe fotove në rrjete sociale, por siç duket këtë herë kryeministri Edi Rama ka ‘thyer’ rregullin.
Ai ka zgjedhur që mbrëmjen e kësaj të shtune të publikoi në ‘Instagram’ një foto ku shfaqet bashkë me bashkëshorten e fëmijët, dy djemtë Gregorin e Zahon dhe Rean.
Të pestë shihen teksa pozojnë të buzëqeshur, ndërsa ndodhen në ambientin e një bari.BW.
Dosja “Babale” do të ndahet në dy dosje. Mësohet se njëra dosje do të jetë për kallëzim të rremë kryer në bashkëpunim, ku përfshihen hetime për deputetin demokrat Ervin Salianji, Fredi Alizotin, Albert Veliun ose “Babalen”, gazetarin Jetmir Olladashin dhe të gjithë personat që janë hetuar në lidhje me këtë çështje.
Mësohet se kjo dosje do i kalojë Prokurorisë së Tiranës, pasi Prokuroria e Krimeve të Rënda nuk ka kompetencë për këtë çështje.
Kurse dosja e dytë, po për çështjen “Babale” do të përfshijë hetime për vëllanë e Ministrit të Brendshëm, Fatmir Xhafaj, Agron (Geron) Xhafaj dhe do të hetojë akuzat për trafik ndërkombëtar droge.
Pra çështja “Babale” do të ndahet në dy dosje, ku në njërën do të hetohen kallëzimet e rreme të deputetit Salianji dhe gazetarit Olldashi dhe në tjetrën do të hetohen akuzat për trafik ndërkombëtar droge ndaj Agron (Geron) Xhafajt./korrieri
Zonja Tefta, e cila së fundmi punoi në ekranin e Report Tv duke sjellë receta të veçanta për shikuesit e shumë dashuri për gatimin, nuk ka ngurruar të shfaqë gjithçfarë mendon për programin që nisi me shumë bujë në Top Channel ”Hell´s Kitchen”, sjellë nga shefi i kuzhinës Renato Mekolli.
Përmes një reflektimi zonja Tefta shpreh hapur zhgënjimin dhe kritikon Renaton për mënyrën e sjelljes.
“Të hedhësh ushqimin për shkak të rrezikshmërisë së sëmundjeve që mund të përhapi në rast të mosruajtjes si duhet është e kuptueshme, por të hedhësh mishin sepse në vend të një racioni, konkurrentja kishte përgatitur dy të tillë është skandaloze. Është veprim shpërdorues që nuk transmeton asnje vlerë te shefat e rinj të kuzhinës, të cilët mosshpërdorimin e produkteve e kanë udhëzim bazë gjatë edukimit të tyre në cilindo institucion kulinar”, shkruan Tefta ndërsa nuk le pa përmendur as takat 20 pond të një prej shefeve të kuzhinës, konkurrente në këtë emision.
REAGIMI I PLOTË I ZONJËS TEFTA:
Ndjej keqardhje që për hir të komercializimit, në media serviren formate të gatshme, kopje të këqija të programeve që rezultojnë shumë të ndjekura në vende të tjera. Izolimi që kemi përjetuar për shkak të komunizmit, na hodhi në ekstremin e të admiruarit verbërisht të cdo gjëje që vinte nga jashtë. Kjo tendencë vihet re në emisione si ”Hell´s Kitchen” në Top Channel – kopje e emisioneve të shefit të famshëm britanik Gordon Ramsay.
Po e prisja me padurim emisionin, me kuriozitetin për të parë sesi do ishte përshtatur në kushtet shqiptare. Nuk mund ta fsheh zhgënjimin dhe dyshimin që formati i servirur kështu të ketë sukses te ne. Bazuar në atë që pashë mbrëmë, kam frikë se emisioni do të ndikojë negativisht e si pasojë të rinjtë do të stepen e mos ta zgjedhin këtë profesion për të ardhmen e tyre!
Jam përpjekur që përmes emisioneve të mia , të përcjell tek teleshikuesit, edukim, dashuri për ushqimin dhe të ushqyerit shëndetshëm.
Të gatuarit është pjesë e rëndësishme e familjeve shqiptare. Vlerësimi i ushqimit dhe mosshpërdorimi i tij janë vlera me të cilat cdo nënë edukon fëmijën. Aq sa moshedhja e bukës së vjetër, të tharë apo kripës janë kthyer në bestytni, si simbole që tregojnë se sa keq është të shpërdorosh.
Të hedhësh ushqimin për shkak të rrezikshmërisë së sëmundjeve që mund të përhapi në rast të mosruajtjes si duhet është e kuptueshme, por të hedhësh mishin sepse në vend të një racioni, konkurrentja kishte përgatitur dy të tillë është skandaloze. Është veprim shpërdorues që nuk transmeton asnje vlerë te shefat e rinj të kuzhinës, të cilët mosshpërdorimin e produkteve e kanë udhëzim bazë gjatë edukimit të tyre në cilindo institucion kulinar.
Ndërsa lexoj komentet e shikuesve të programit në faqen e facebookut të Top Channel, ndjej admirim për mospërkrahjen e sjelljeve të tilla arrogante të paasnjë kuptimtë.
Si do të ndiheshit të shijonit pjata ”fantastike” nëse pas atij ushqimi që të servirin fshihet një dhunë e tillë verbale dhe psikologjike?! A do e përtypnit dot atë ushqim?
Si e apasionuar pas gatimit e kuzhinës, do vazhdoj ta ndjek këtë emision, por në asnjë moment nuk do të hezitoj të kritikoj sjellje të tilla, që nuk pasqyrojnë kulturën dhe edukatën e shqiptarëve. Një shefe e ardhshme kuzhine nuk mund të punojë me takat 20 pond në kuzhinën e një restoranti! Kuzhina ka kod veshjeje sikurse cdo profession tjetër shef Renato!
