Irina

Basha: Koha e fjalëve po mbaron, në protestën e ardhshme vendos sovrani

Aktualitet, Opinione, Politike / /

Kryetari i Partisë Demokratike, Lulzim Basha në mbyllje të protestës së shtatë kombëtare nga oborri i selisë së PD deklaroi se, zgjidhja e vetme politike janë zgjedhjet e lira dhe të ndershme.

“Ne nuk pranojmë pushtet të marrë me dhunë. Harrojeni se do mbani pushtetin me dhunë. Hapini rrugë zgjedhjeve të lira dhe të ndershme si zgjidhja e vetme politike. Lëreni sovranin të flasë me votë ose dëgjoja zërin në protestën e ardhshme”, tha Basha.

“Ne nuk hedhim asnjë hap pas. E sotmja është dita e fundit që ju drejtohem me argumentet e arsyes të gjithë atyre me përgjegjësi në kupolën socialiste. Koha e fjalëve po mbaron sepse në protestën e ardhshme fjalën do ta ketë vetëm sovrani, vetëm ju. E gjithë bota e di që ky është një pushtet i marrë me dhunën e krimit, mbrohet me dhunën e krimit”, u shpreh Basha.

Basha theksoi se, “demonstrata sot ishte me praninë më të madhe që ka parë ndonjëherë Shqipëria, Ballkani dhe Europa. Një protestë e lirë për zgjedhje të lira pa të cilat s’mund të ketë demokraci”.

Basha theksoi se “gjatë protestës tonë bëmë gjithçka që asnjë punonjës i thjeshtë i rendit të mos dëmtohej dhe se kam fjalën për horrat që hedhin gaz”.

Pavarësisht kësaj, tha Basha, “përgjigja e tyre ishte dhuna disproporcionale ndaj disa protestuesve me fraktura dhe plagë të thella në këmbë”.

“Të jemi të bashkuar kështu dhe të vendosur për vlerën më europiane pa të cilën nuk ka Europë, nuk ka Amerikë, nuk ka demokraci, por vetëm despotizëm lindor si ai që Edi Rama do të instalojë në Shqipëri për të shkatërruar njëherë e mirë institucionet dhe integrimin euro-atlantik”, nënvizoi Basha. /atsh

Basha: Koha e fjalëve po mbaron, në protestën e ardhshme vendos sovrani Read More »

Tërmetet në Korçë/ Çako: 184 banesa të dëmtuara, masa për përllogaritjen e dëmeve

Aktualitet, Lajmi i fundit, Problematika / /

Drejtori i Emergjencave Civile, Haki Çako, deklaroi sot se si pasojë e tërmetit të rënë në Korçë janë dëmtuar 180 banesa, ndërsa janë marrë të gjitha masat për strehimin e banorëve.

Ai bëri të ditur se gjatë ditës së sotme në Korçë ka pasur një lëkundje tjetër tërmeti prej 3.9 ballë

Në një prononcim për mediet, Çako theksoi se “janë marrë të gjitha masat që prej momenteve te para të që ka rënë tërmeti prej 5.3 ballë. Në fshatin Floq janë sistemuar 160 banorë në 13 çadra me kapacitet prej 30- 40 vende. Në fshatin Libohovë janë sistemuar 40 persona në xhaminë e fshatit dhe ambiente të tjera”.

“Në Qafëzezë janë sistemuar 30 persona në 5 çadra të ngritura dhe janë marrë të gjitha masat, ku janë në dispozicion forcat e armatosura, Policia e Shtetit, Kryqi i Kuq, si dhe njësia e emergjencave civile vullnetare”, tha Çako.

Kreu i Emergjencave tha se “184 banesa janë dëmtuar në tërësi nga të cilat 95 prej tyre janë të dëmtuar plotësisht, për të cilat duhet të marrin vlerësimin sipas ligjit përkatës”.

“Duhet të bëhen procedurat, por masat emergjente janë marrë për të siguruar vendbanime deri në stabilizimin sizmik të zonave përkatëse. Qeveria po vlerëson në maksimum akordimin e një fondi për emergjencat civile për të gjithë banorët e kësaj zone, të cilët do të vlerësohen mbi bazën e nivelit të dëmit dhe masave që duhet të merren për trajtimin financiar dhe rindërtimin e banesave të tyre”, u shpreh Çako.

Sipas tij, të gjitha institucionet si Ministria e Brendshme, e Mbrojtjes, Shëndetësisë janë në këmbë dhe kanë në vëmendje masat e shtuara dhe stabilizimin e gjendjes në zonën e prekur.

Çako ftoi të gjithë biznesmenët apo kontributorët, të cilët kanë vullnetin e tyre për shtresat vulnerabël ta përqendrojnë vëmendjen drejt Korçës për të shtimin e kapaciteteve për këta banorë në nevojë./atsh

Tërmetet në Korçë/ Çako: 184 banesa të dëmtuara, masa për përllogaritjen e dëmeve Read More »

Alibeaj: Basha dhe PD kanë qenë në mbrojtje të policëve

Opinione, Politike / /

“Ndryshe nga kjo qeveri që, kur ishte në opozitë, dhunonte policinë, Lulzim Basha dhe PD në çdo protestë kanë qenë në mbrojtje të policëve me thirrje të hapura dhe me veprime konkrete”, deklaroi sot ish-deputeti i Partisë Demokratike, Enkelejd Alibeaj duke reaguar pas deklaratës së policisë për arrestimet e disa protestuesve pas akteve të dhunës në protestën e së dielës në mbrëmje.

Alibeaj theksoi se, nuk ka njeri në Shqipëri që i ka dhunuar më shumë policët sesa Edi Rama duke i kthyer ata në shërbim të krimit.

“Policia që drejtohet nga të inkriminuar do të çlirohet bashkë me gjithë popullin nga zgjedha e krimit dhe te korruptuarit”, u shpreh Alibeaj ndërsa shton se policia është e popullit dhe jo kundër tij.

“Policia është e popullit dhe jo kundër popullit, qeveria është e krimit kundër policisë dhe popullit të saj. Populli është në këmbë për t’i kthyer dinjitetin dhe policisë së shtetit, prandaj ne jemi me ta në krah dhe mbrojtje të tyre”, theksoi ai./atsh

Alibeaj: Basha dhe PD kanë qenë në mbrojtje të policëve Read More »

Lleshaj: Përgjigje publike për insinuatën e akuzave monstruoze kundër Policisë

Aktualitet / /

Ministri i Brendshëm, Sandër Lleshaj, deklaroi sot se nga frymëzuesit dhe ekzekutuesit e dhunës së mbrëmshme, tashmë duhet një përgjigje publike për akuzat ndaj policisë.

Ministri reagoi lidhur me akuzat e ish-kryeministrit Berisha i cili publikoi foto nga dy të të plagosur gjatë protestës së opozitës që sipas tij, “Ymer Çela dhe djalit i tij Erjon Çela, janë goditur nga policia me qyte revolveri dhe shkaktuar plagë të rënda në kokë, në hundë dhe në nofull”.

Ministri Lleshaj ka publikuar një video ku shfaqet dhuna e ushtruar nga mbështetësit e opozitës ndaj dy të plagosurve.

“Nga frymëzuesit dhe ekzekutuesit e dhunës së mbrëmshme, tashmë duhet një përgjigje publike për insinuatën e akuzave monstruoze kundër Policisë, që rezultuan në një blof të turpshëm, të ngjashëm me atë të “çadrave pistoletë” të 2011-ës”, thekson Lleshaj./atsh

https://www.facebook.com/lleshajsander/videos/332313567408164/?t=0

Lleshaj: Përgjigje publike për insinuatën e akuzave monstruoze kundër Policisë Read More »

Të mblidhemi të Martën dhe ti japim lamtumirën e fundit, artistit,idhullit të parodisë dhe humorit vlonjat Muhamet Liko!

Aktualitet / /

Njoftim

Neser, e marte dt. 4 qershor, ora 12:00, ne hollin e Teatrit “Petro Marko” Vlore, do te zhvillohen homazhe per percjelljen per ne banesen e fundit te aktorit Muhamet Liko.

Familjare, te aferm, kolege artiste, miq, shoke dhe qytetare te Vlores dhe nga mbare Shqiperia, do te kene mundesine te nderojne figuren dhe vepren qe ai ndertoi me punen dhe talentin e tij!

Te mblidhemi dhe ti japim lamtumiren e fundit, artistit te mrekullueshem, idhullit te parodise dhe humorit vlonjat!

Të mblidhemi të Martën dhe ti japim lamtumirën e fundit, artistit,idhullit të parodisë dhe humorit vlonjat Muhamet Liko! Read More »

Ushqimet më të mira që ju bëjnë të dukeni më të rinj

Shendetesi / /

Plakja është një pjesë e jetës dhe nuk mund të shmanget.

Gjithsesi, ushqimet qe ju konsumoni ndihmojnë që këtë fazë të jetës ta kaloni sa më shëndetshëm.

Por, cilat janë disa nga ushqimet që ju ndihmojnë të dukeni më të rinj?
Vaj ulliri ekstra i virgjër: Vaji i ullirit është një nga yndyrnat më të shëndetshme në botë. Shumë studime të kryera rreth efekteve që ai ka tek shëndeti i organizmit kanë vërtetuar se konsumimi i tij parandalon sëmundjet që lidhen me plakjen. Vaji i ullirit arrin të ulë tensioni e gjakut, eliminon rrezikun e prekjes nga sëmundjet e zemrës, si dhe ndihmon sistemin tretës dhe mund të funksionojë në luftimin e qelizave tumoriale.

Çaji jeshil: Çaji jeshil është si një paketë e mbushur me antioksidantë, të cilët ndihmojnë në mbrojtjen e trupit ndaj radikalët e lirë.

Çokollata e zezë: Antioksidantët që gjenden tek çokollata e zezë janë më të fortë sesa ato që përmbajnë boronicat apo thanat. Studimet vërtetuan që përdorimi i saj arrin të ndihmojë trupin në uljen e presionit të gjakut, rrit sensivitetin e insulinës dhe përmirëson funksionimin e arterieve.

Perimet: Perimet janë të mbushura me substanca të shëndetshme dhe nuk kanë shumë kalori. Ato përmbajnë dhe antioksidantë të cilët ulin rrezikun ndaj sëmundjeve të zemrës, kataraktit dhe qelizave kanceroze.

Disa perime përmbajnë karoteniode si betakaroteni. Këto substanca mbrojnë lëkurën nga rrezatimi i diellit dhe radikalet e lirë të cilat ndikojnë tek plakja e lëkurës.
Perimet gjithashtu përmbajnë vitaminën C, që ndikon tek prodhimi i kolagjenit.

Shega: Shega është një nga frutat më të shëndetshme. Antioksidantët që përmbajnë shegët madje janë më të fuqishme sesa ato që ndodhen në çajin jeshil.
Shegët ndihmojnë në uljen e inflamacionit, dhe dëmet që shkakton niveli i lartë i gjakut

Avokadot: Avokadot janë të pasura me fibër të shëndetshme dhe shumë vitamina dhe minerale që luajnë rol kyç në shëndetin e organizmit. /atsh

Ushqimet më të mira që ju bëjnë të dukeni më të rinj Read More »

13 të lënduar në protestë

Aktualitet / /

Dhjetë punonjës të policisë, me plagë dhe dëmtime të shkallëve të ndryshme, të shkaktuara nga goditjet prej lëndëve piroteknike, si dhe 2 qytetarë u paraqitën mbrëmjen e sotme në Spitalin Universitar të Traumës, në kryeqytet.

Ministria e Shëndetësisë dhe Mbrojtjes Sociale bën të ditur se “po prej lëndëve piroteknike, kanë mbërritur në urgjencë dhe kanë marrë menjëherë ndihmën e parë mjekësore edhe 2 qytetarë në spitalin e Traumës, pjesëmarrës në protestë”.

“Ndërsa 1 protestues po merr trajtimin e duhur mjekësor në urgjencën e Qendrës Spitalore Universitare “Nënë Tereza””, – thekson MSHMS.
Ministria e Shëndetësisë shprehet se “ekipet e Urgjencës Kombëtare dhe spitaleve universitare kanë qenë në gatishmëri të plotë gjatë të gjithë protestës së zhvilluar mbrëmjen e sotme”./atsh

13 të lënduar në protestë Read More »

Braçe: 30 vjet i njëjti qëllim, pushteti me dhunë

Opinione, Politike / /

“30 vjet një kriminel, 30 vjet një parti në krim, 30 vjet dhunë, vrasje, destabilizim, sulm mbi institucionet. 30 vjet i njëjti qëllim, pushteti me dhunë. 30 vjet dhe i njëjti kriminel që përvëloi jetën e dy brezave: prindërve dhe fëmijëve që lindën në ’90-tën e që sot janë 29 vjeç! Boll më”, deklaroi sot zv.kryeministri Erion Braçe.

Braçe kërkoi që t’i jepet fund me ligj e drejtësi. “Sulmi i sotëm mbi Policinë e Shtetit ishte sulm për të vrarë, marr jetë! Shiheni në foto! Çdo sulm për të vrarë duhet hetuar e ndëshkuar në mënyrë shembullore me forcën e maksimumin e ligjit; Jo ndaj kalamajve që u perdorën por ndaj vrasësve të vërtetë, patjetër urdhërdhënësve politikë”, tha Braçe.

Braçe shprehu respektin pafund për Policinë e Shtetit, çdo drejtues e çdo polic të përfshirë në mbrojtje të ligjit e rendit publik e Kushtetues! “Tani ligj e drejtësi”, tha Braçe./atsh

Braçe: 30 vjet i njëjti qëllim, pushteti me dhunë Read More »