Irina

Jo vetëm depresion por edhe simptoma të tjera të shëndetit të keq mendor, nga ankthi tek pagjumësia, deri tek stresi kronik dhe mungesa e vetëbesimit si dhe pak sport, këto janë disa prej efekteve negative që shkaktohen mbi të gjitha tek vajzat adoleshente nga përdorimi i vazhdueshëm i medies sociale, sipas një studimi të publikuar në “The Lancet Child & Adolescent Health” dhe të realizuar nga “UCL Great Ormond Street Institute of Child Health” në Londër.

Sipas një studimi të zhvilluar mes intervisave direkte me rreth 10 000 adoleshentë të moshës 13-16 vjeç, tregon se të lidhurit vazhdimisht në rrjetet sociale, “Facebook”, “Instagram”, “WhatsApp”, “Twitter” dhe “Snapchat”, ose të paktën tre herë në ditë dhe më shumë, lidhet me një përkeqësim të shëndetit mendor dhe fizik.

Me sa duket më shumë e vuajnë femrat. Gati 60% e impaktit psikologjik të shkaktuar mes të rejave nga rrjetet sociale vjen nga ekspozimi i tyre i lartë ndaj bulizmit kibernetik dhe të mungesës së aktiviteteve më të shëndetshme. Këto adoleshente flenë më pak, flenë keq dhe bëjnë pak ushtrime fizike dhe jetë në ajër të hapur.

Këta faktorë psikologjikë negativ që vijnë nga përdorimi i rrjeteve sociale, nga ana tjetër influencojnë vetëm në masën 12% tek meshkujt. /atsh

Ndryshimi vjetor i matur nga Indeksi i Harmonizuar i Çmimeve të Konsumit sipas metodologjisë së Eurostat në muajin korrik 2019 është 1,4%, ose nën mesataren e rritjes së çmimeve në Bashkimin Europian, për këtë muaj që ishte 1,5%

Rritja më e madhe e çmimeve prej 2,9%, vërehet në grupin “Ushqime dhe pije joalkoolike” pasuar nga grupet “Hotele, kafene dhe restorante”, me 2,2%, “Pije alkoolike dhe duhan” me 1,2%, “Qira, ujë, lëndë djegëse dhe energji” me 0,7%, “Veshje dhe këpucë” me 0,5%, “Shëndeti” me 0,3%, “Mobilim, pajisje shtëpie dhe mirëmbajtje” dhe “Shërbimi arsimor” me 0,2% secili, “Komunikimi” dhe “Mallra dhe shërbime të ndryshme” me 0,1% secili.

Nga ana tjetër çmimet e grupit “Argëtim dhe kulturë” u ulën me 1,2% pasuar nga grupi “Transporti” me 0,4%.

IÇK është matësi zyrtar i inflacionit në Shqipëri. IHÇK përdoret për monitorimin e lëvizjes së çmimeve me pakicë në vendet Evropiane, duke krahasuar përqindjen e inflacionit ndërmjet vendeve. Shporta e IÇK përmban 331 produkte, ndërsa ajo e IHÇK përmban 329 produkte. /atsh

Fotografia i ka fillimet te shpikja e Dagerrotipit (Daguerreotype), një proces fotografik i zhvilluar nga Joseph Nicephore Niepce dhe Louis Daguerre në vitin 1837, që më vonë u patentua nga qeveria franceze dhe shpikja u prezantua si “dhuratë për botën”, më 19 gusht të 1839, ndaj kjo ditë sot njihet si Dita Botërore e Fotografisë.

Me kalimin e viteve dhe me ndihmën e jashtëzakonshme të teknologjisë, fotografia ka evoluar shumë dhe sot pothuajse të gjithë janë të pajisur me një kamerë përmes të cilës mund t’i ‘ngrijnë’ momentet.Në historinë e fotografisë shqiptare vlen të përmendet fototeka “Marubi”, e cila përfshinë fotografi të vjetra 150 vjet, e të cilat ruhen në Shkodër./KosovaPress