Irina

Gjermania me ‘dorë të hekurt’ ndaj emigrantëve, ja rregullorja e re për punëtorët nga Shqipëria

Aktualitet, Bota, Lajmi i fundit / /

Ndërsa Gjermania duhet të bëhet më tërheqëse për imigrimin e punëtorëve të kualifikuar, do të bëhet më e vështirë dhënia e azilit. Cilat rregulla priten?

Më shumë punëtorë të kualifikuar

Që nga 18 tetori, në Gjermani ka hyrë në fuqi një ligj që lehtëson imigrimin epunëtorëve të huaj. Elementi më i rëndësishëm i ligjit të ri do të jetë Karta e Mundësive (Chancenkarte), e cila bazohet në një sistem ardhje në Gjermani varësisht nga pikët. Kjo pjesë e ligjit futet në fuqi në qershor, dhe parashikon një leje qëndrimi njëvjeçare me mundësi zgjatjeje. Gjatë kësaj kohe, mbajtësit e kartës mund të kërkojnë një punë. Kushtet për marrjen e tij janë: niveli akademik, diplomat, njohja e gjuhës gjermane ose angleze, përvojë pune dhe lidhje personale me Gjermaninë.

Nga tetori është futur në fuqi pjesa e ligjit për Kartën Blu, sipas së cilës punëtorët e huaj të kualifikuar do të duhet të kenë një pagë bruto minimale prej rreth 43,800 euro në vit (deri tani 58,400 euro) për të marrë ate.

Azilkërkuesit që kanë hyrë në vend para datës 29 mars 2023 dhe kanë kualifikime dhe një ofertë pune – do të mund të aplikojnë për leje qëndrimi si punëtor i kualifikuar, nëse tërheqin kërkesën e tyre për azil. Deri më tani ata fillimisht duhej të largoheshin nga vendi dhe më pas të aplikonin për vizë pune nga jashtë.

Kushdo që vjen në Gjermani si profesionist i kualifikuar nga një vend jashtë BE-së mund të sjellë bashkëshortin, fëmijët dhe prindërit e tij. Megjithatë, parakusht është që të sigurohet ekzistenca e familjes. Prindërit nuk mund të aplikojnë për ndihmë sociale.

Karta Blu dhe Rregullorja për Ballkanin Perëndimor

Rregullorja ekzistuese për punëtorët e kualifikuar me arsim të lartë, siç është Karta blu e BE-së është lehtësuar për marrjen. Lista sipas së cilës mund të merret Karta blu është zgjeruar. Ndërsa më parë ishin në këtë listë pak a shumë vetëm profesionet nga matematika, shkenca kompjuterike, profesionet e inxhinierisë dhe mjekësia, tani ajo vlen edhe për farmacistët, edukatorët, kujdestarët dhe shumë profesione të tjera.

Nëse punëdhënësit në Gjermani dhe kandidatët nga vendet jashtë BE-së hyjnë në një të ashtuquajtur kontrata për njohjen e kualifikimeve, punëtorët e huaj do të mund të vijnë dhe të punojnë në Gjermani nga marsi i vitit 2024, ndërkohë që procesi i njohjes së kualifikimeve vazhdon. Pra mund të vijnë pa njohjen e diplomave, ndërsa këtë duhet ta bëjnë pas ardhjes.

Nëse duan të sjellin bashkëshortët ose fëmijët e mitur, punëtorët e kualifikuar duhet të dëshmojnë se mund t’i mbështesin vetë, por nuk duhet të dëshmojnë më se kanë hapësirë të caktuar për strehim.

Ndërsa Rregullorja për punëtorët nga Ballkani Perëndimor, për punësimin e punëtorëve nga Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia do të ndryshojë në qershor. Ajo nuk do të ketë më afat të caktuar vlefshmërie. Nga qershori 2024, kuota vjetore do të dyfishohet në 50.000 punëtorë.

Më shumë dëbime

Në të ardhmen, dëbimet nuk do të njoftohen më paraprakisht dhe kohëzgjatja maksimale e ndalimit për personat që dëbohen do të zgjatet nga dhjetë në 28 ditë. Policisë do t’i jepen kompetenca më të gjera kur të kontrollojë shtëpitë erefugjatëve.

Parashikohen dënime më të rrepta për kontrabandistët, mundësia e kontrollit të telefonit të azilkërkuesit dhe mundësia e dëbimit të të dyshuarve për anëtarësim në një organizatë kriminale edhe nëse nuk kanë kryer ndonjë krim. Ligji për këto rregulla pritet të votothet në janar ndëra në fuqi mund të hyjë në fund të prillit 2024.

Largimi i migrantëve

Gjeorgjia, Moldavia, Kenia, Kolumbia, Uzbekistani dhe Kirgistani – këto janë gjashtë vendet me të cilat po negociohet marrëveshja për kthimin e emigrantëve. Kontrata e parë me Gjeorgjinë u nënshkrua në mes të dhjetorit. Përveç kësaj, më shumë vende duhet të klasifikohen si vende të sigurta të origjinës, siç u bë me Gjeorgjinë dhe Moldavinë në nëntor. Më pas është më e lehtë të kthehen personat të cilëve u është refuzuar kërkesa për azil. Qeveria gjithashtu dëshiron të riaktivizojë marrëveshjen BE-Turqi për ripranimin e refugjatëve. Shumica e refugjatëve që vijnë në Gjermani janë nga Siria, Afganistani dhe Turqia.

Vendime më të shpejta për azilin

Procedurat e aplikimit për azil në gjykatat administrative në Gjermani zgjasin mesatarisht 26.6 muaj. Në të ardhmen, kjo duhet të përshpejtohet ndjeshëm. Procedurat për shtetasit e vendeve me një normë njohjeje më të vogël se pesë për qind duhet të përfundojnë brenda tre muajsh. Në të gjitha rastet e tjera – maksimumi duhet të jetë gjashtë muaj.

Përfitime më të vogla sociale

Deri më tani, azilkërkuesit kishin të drejtën e një kompensimi të veçantë për refugjatët, dhe pas 18 muajsh të drejtën e ndihmës sociale, që është një shumë më e lartë. Në të ardhmen edhe këto rregulla do të ndryshojnë dhe afatet do të shkurtohen. Përveç kësaj, në vend të pagesës së mëparshme të kompensimit në të holla, do të futen të ashtuquajturat “Socialcard” – kartë pagese me të cilën azilkërkuesit mund të blejnë vetëm ushqime dhe gjëra të tjera të nevojshme ditore. Qëllimi i kësaj mase është të kufizojë mundësinë e dërgimit të parave tek të afërmit në vendlindje./DW

Gjermania me ‘dorë të hekurt’ ndaj emigrantëve, ja rregullorja e re për punëtorët nga Shqipëria Read More »

Avokati i babait shqiptar që vrau kunatin flet mes lotësh: Edhe unë kam fëmijë…

Lajmi i fundit / /

Avokatët e Fatmir Talellarit, babait 50-vjeçar që ekzekutoi kunatin, pasi i përdhunoi vajzën, në një deklaratë për mediat, janë shprehur se ndihen të lumtur për vendimin e gjykatës, ku e la atë përkohësisht në arrest shtëpiak në banesën e vajzës së tij, deri në momentin që këshilli gjyqësor të vendosë për gjykimin ndaj tij.

Avokati i njohur Alexis Kougias, tha se ndihet mirë për vendimin që është marrë për 50-vjeçarin, po ashtu edhe shoqëria greke është e lumtur

Në fund të deklaratave të tij, Kougias “u përkul”, teksa deklaroi se është vetë baba dhe ka fëmije

Dy familje po vuajnë, kushëriri rrëfen se si u prit lajmi për lirimin e Fatmir Tarellarit

U lirua nga gjykata, zbardhet dëshmia e 50-vjeçarit shqiptar në Greqi që vrau kuantin: Buzëqeshi dhe po tallej me mua
Në fund të deklaratave të tij, Kougias “u përkul”, teksa deklaroi se është vetë baba dhe ka fëmijë.

“Së bashku me kolegun tim të nderuar, një nga avokatët kryesorë, z.Michalis Vasilikos, kemi ndërmarrë një detyrë të vështirë. Duhet të tregojmë para drejtësisë greke rrethanat reale që i kanë paraprirë, rrethanat në momentin e shkrepjes së armës, të tregojnë personalitetin e vërtetë të autorit, të tregojnë se ky person nuk është një kriminel që ka vendosur të marrë ligjin në dorë, por për të treguar se për momentin në këtë familje ka një dramë të madhe, e cila për fat të keq nëse nëna e vajzave nuk do të kishte humbur jetën dhe klienti ynë nuk do të kishte bërë këtë martesë të re, asgjë nuk do të kishte ndodhur.

Para se të vija këtu, u morën në pyetje mësuesja dhe psikologu, të cilëve vajza e vogël u kishte besuar dramën që po vazhdonte prej nëntë vitesh. Rast i vështirë sepse nga pikëpamja e qasjes kriminale, akuza më e rëndë është marrja e jetës së njeriut. Kërcënohet me burgim të përjetshëm. Ajo që shumica e njerëzve nuk e dinë është se ligjvënësi ka vendosur një dënim minimal prej 2 vjetësh.

Unë kam qenë avokat shumë vite përpara këtij njeriu fatkeq që kishte një fëmijë 12-vjeçar të përdhunuar në Argos. Ne duhet të ndihmojmë drejtësinë! Duhet të respektojmë kujtimin e viktimës, por tani duhet të themi të vërtetën”, ka thënë Alexis Kougias.

Avokati i babait shqiptar që vrau kunatin flet mes lotësh: Edhe unë kam fëmijë… Read More »

Sa vlerë ka jeta në Shqipëri? Sa vlerë i japim jetës ne shqiptarët?

Opinione / /

Nga Pranvera Borakaj

Sa vlerë ka jeta në Shqipëri? Sa vlerë i japim jetës ne shqiptarët? Këto janë pyetjet me të zakonshme në ditët e para të 2024 , ku vrasjet, vetëvrasjet, atentatet, dhuna, ishin dhe janë refren i përditshëm duke mbytur keqazi entuziazmin e një viti të ri.

Vëllai vrau vëllanë për pronë, gruaja vrau veten sepse dhunohej nga i shoqi, vritet një 22-vjeçar me snajper duke pirë cigare në ballkon, keto e sa e sa të tjera kanë bërë që Shqipëria të lahet në gjak e të kryesojë top listat e Evropës për kriminalitetin, e nëse e krahasojmë edhe me numrin e popullsisë, situata bëhet edhe më serioze. Po si shpjegohet kjo gjendje ? Është çështje kulture, edukimi, arsimimi, tolerance, ekonomike, apo edhe politike.

Nga struktura më e vogël që është familia dhe deri në nivelin më të lartë që është parlamenti, dhuna është tog fjalëshi që dominon. Ne na mungon kultura e dialogut, e negociatave, e bisedimit. Brezi i lindur dhe i rritur në diktaturë nuk ka arritur ende në nivel makro ta tejkalojë historinë, të dalë mbi kujtesën dhe të sillen si qenie humane, ku i japin vlerë jetës.

Nëse i shtojmë këtu edhe nivelin e kriminalitetit, korrupsionit, abuzimeve, parave të pista, varfërisë që mbizotëron në Shqipëri, shifrat bëjnë sens. Ne jemi shoqëri e dhunshme, aq sa duket se vuajmë nga sindroma e Stokholmit.

Ne bëhemi gjithmonë me më të fortin, deri sa e shikojmë të vdekur viktimën, e qajmë dy ditë online, e harrojmë e më pas të etur për krim presim të radhës.

Ne nga çështjet e ashensorit, parkimit, trafikut, e deri te niveli i ligjeve, e politikberjen duam që zgjidhjet t’i japim si të fortë.

Ne kemi frikë të jemi të dobët, të kulturuar, të sjellshëm, sepse në xhunglën që po jetojmë kjo merret si dobësi dhe shfrytëzohet.

Kur ka qenë hera e fundit që keni marrë pjesë në një debat intelektual, mbi arsimin p.sh., mbi kurikulat, mbi të ardhmen e shoqërisë… nuk bëhen këto diskutime, sepse ne jemi të zënë duke u marrë me asgjënë, duke kaluar kohën me zbrastinë e duke u vrarë për hiçmosgjë.

Ne flasim për forcimin e gruas, kur në fakt duhet të flasim për normalizimin e shoqërisë.

Ne kërkojmë që të mbyllet TikToku, por në fakt duhet të flasim për edukim. Sepse injoranca vret shumë më tepër. Ne jemi një popullsi në shumicë dermuese militante ndërkohë që në politikë nuk ka demokraci, ka autokrat ata që janë në pushtet dhe të shtypur ata që janë në opozitë, gati kështu ka qenë gjithmonë.

Edhe me gjasa do vazhdojë. Ne kemi media që bëjnë një punë, tmerrësisht të keqe për edukim.

Promovojnë antivlera, bëjnë lajme për çdo aksident, plagosje, sherr, bëjnë opinione, por shumë pak analiza reale për atë që ka vërtet rëndësi.

Që censurojnë të vërtetën dhe ripërsërisin një tekst në mos të stisur, shpesh të manipuluar.

Për ne, vrasjet janë thjesht statistikë dhe burim klikimesh, ndërhyjmë pa mëshirë në intimitetet familjare, sepse e dimë që lotët dhe dhimbja e dikujt na shërbejnë shumë.

Ne kemi policinë, drejtësinë, agjencitë, që nëse do zgjidhnin mes një të forti me lekë dhe një të varfri të nëpërkëmbur, s’do kishin dilema kujt t’i shërbenin.

Ne këta jemi. Dhe fatkeqësisht në kohën e rrjeteve sociale, ne i japim zë mosdijes tonë. Sa gjatë do ecim përpara në këtë rrugë? Këtë vështirë ta themi, vetëm se një gjë është e sigurt. Sado të sprovuar të jemi, e të mbijetojmë këtij kaosi, nëse nuk reagojmë sot, herët a vonë, në autostradën e viktimave sociale do biem edhe vetë.

/Vizionplus.tv/

Sa vlerë ka jeta në Shqipëri? Sa vlerë i japim jetës ne shqiptarët? Read More »

Kontrolli i cilësisë së vajit të ullirit, miratohen kriteret për analizat që duhet të kryejnë prodhuesit dhe ambalazhuesit

Kulinari / /

Tregtimi i vajit të ullirit në vend vijon të mbetet problematik për shkak të informalitetit të lartë, ku pjesa më e lartë e tij tregtohet nga fermerët në bidona plastikë.

Qeveria ka miratuar udhëzimin për metodat e analizimit të treguesve të vajit të ullirit që duhet të zbatohen nga prodhuesit dhe ambalazhuesit me qëllim kontrollin e cilësisë.

Kryerja e analizave sipas metodave të përcaktuara në udhëzim si për vajin e ullirit që prodhohet dhe tregtohet për konsum dhe për vajin e bërsive të ullirit ka si qëllim kontrollin e përputhshmërisë së cilësisë me kriteret e përcaktuara në ligjin “Për kategorizimin e prodhimit, emërtimin dhe tregtimin e vajit të ullirit dhe vajit të bërsisë së ullirit”.

Udhëzimi i hartuar nga Ministria e Bujqësisë dhe Zhvillimit Rural i botuar në Fletoren Zyrtare përcakton në mënyrë të detajuar të gjitha rregullat për kryerjen e analizave të vajit të ullirit nga operatorët prodhues. Më pas rezultatet e analizave të kryera do të krahasohen me normat e legjislacionit në fuqi.

Tregtimi i vajit të ullirit në vend vijon të mbetet problematik për shkak të informalitetit të lartë, ku pjesa më e lartë e tij tregtohet nga fermerët në bidona plastikë.

Sipas ligjit për kategorizimin e prodhimit dhe tregtimit, vaji i ullirit kategorizohet në: vaj ulliri i virgjër, vaj ulliri i rafinuar dhe vaj ulliri. Vaji i ullirit i virgjër i përshtatshëm për konsum ndahet në: a) vaj ulliri ekstra i virgjër është vaji i ullirit i virgjër, i cili ka aciditet të lirë, të shprehur si acid oleik, jo më shumë se 0,8 gram për 100 gramë dhe karakteristika të tjera, të përcaktuara sipas pikës 1 të nenit 6 të këtij ligji; b) vaj ulliri i virgjër është vaji i ullirit i virgjër, i cili ka aciditet të lirë, të shprehur si acid oleik, jo më shumë se 2 gramë për 100 gramë dhe karakteristika të tjera, të përcaktuara sipas pikës 1 të nenit 6 të këtij ligji; c) vaj ulliri i virgjër i zakonshëm është vaji i ullirit, i cili ka aciditet të lirë, të shprehur si acid oleik, jo më shumë se 3,3 gramë për 100 gramë dhe karakteristika të tjera, të përcaktuara sipas pikës 1 të nenit 6 të këtij ligji.

Për qëllim të verifikimit të normave të përcaktuar në legjislacion duke përfshirë aciditetin, vlerën e peroksideve, etj kur rezultatet e analizave kontestohen nga operatori, ai ka të drejtë të bëjë rianalizimim, për rastin e vajit të ullirit të ambalazhuar ai ka të drejtë të kryejë përpara datës së skadencës. Në rastin kur mostra e vajit të ullirit është marrë në depozita, rianalizimi kryhet brenda 6 muajve nga marrja e mostrës.

Për verifikimin e karakteristikave të tjera nga ato të përmendura në pikën 8 (vlera e peroksideve dhe aciditetit), rianalizimi kryhet pa afat kohor, pasi nuk ndikon në rezultatin e analizës. Në rastin e vajit të ullirit të ambalazhuar, me përjashtim të rasteve kur mostra është marrë më pak se 2 muaj para datës së skadencës, nëse rezultatet e analizave nuk përputhen me karakteristikat e kategorisë së deklaruar, operatori nga i cili është marrë mostra duhet të njoftohet jo më vonë se 1 muaj përpara datës së skadencës së vajit.

Ligji “Për kategorizimin e prodhimit, emërtimin dhe tregtimin e vajit të ullirit dhe vajit të bërsisë së ullirit” sakaq parashikon sanksione me gjobë nga 100 mijë deri 200 mijë lekë nëse prodhuesit përdorin ose reklamojnë karakteristika organo-shqisore të vajit të ullirit të virgjër, të cilat nuk janë përcaktuar në ligj.

Për vitin 2021 sipas të dhënave të Ministrisë së Bujqësisë u prodhuan 25,882 ton vaj ulliri. Për vitin 2022 prodhimi i vajit të ullirit ishte 29,230 ton (rritja 13%). Për vitin 2023 sipas prodhuesve sasia e vajit të ullirit të prodhuar sipas zonave është 30 deri 60% më pak se 2022./Monitor

Kontrolli i cilësisë së vajit të ullirit, miratohen kriteret për analizat që duhet të kryejnë prodhuesit dhe ambalazhuesit Read More »

Cfarë po ndodh? 10 të vetëvrarë vetëm në Lushnjë!

Lajmi i fundit / /

Shifrat sipas autoriteteve kanë qenë në rritje në të gjithë qarkun, ndërsa asnjë prej rasteve nuk është zbardhur nga ana e autoriteteve.
10 persona u vetëvranë vetëm në Lushnjë për vitin 2023.

Shifrat sipas autoriteteve kanë qenë në rritje në të gjithë qarkun, ndërsa asnjë prej rasteve nuk është zbardhur nga ana e autoriteteve.

Rritja e numrit të vetëvrasjeve në qarkun e Fierit është kthyer në një shqetësim. Por edhe pse shifrat janë tejet të larta për këtë fenomen, asnjë rast nuk është zbardhur nga ana e autoriteteve.

Vetëvrasjet më të shumta ndërmerren nga moshat e reja. Jorjeta Sinjari, psikologe ne bashkinë e Lushnjës shprehet se pavarësisht fushatave sensibilizuese që janë ndërmarrë shifrat vijojnë të jenë në rritje.

“Në moshën e adoleshencës e shohim që të rinjtë në ditë e sotme e shohin si një zgjidhje më të lehtë për të shkuar drejt kësaj rruge. Janë një kompleks arsyesh, probleme psikologjike që janë të rëndësishme, ekonomike ose sociale”, tha Jorjeta Sinjari.

Vetëm në Lushnjë u bënë 10 vetëvrasje gjatë vitit 2023.

Cfarë po ndodh? 10 të vetëvrarë vetëm në Lushnjë! Read More »

50-vjeçari që vrau kunatin lihet i lirë/ Vajzat ‘shpërthejnë’ në lot, e presin me përqafime

Lajmi i fundit / /

50-vjeçari shqiptar, Fation Tarellari u la i lirë nga gjykata e Volosit në Greqi.

Ai vrau kunatin e tij Erion Pelivani, pasi kishte mësuar se ai abuzonte seksualisht me vajzën e tij nga martesa e parë dhe e kishte kërcënuar atë me foto dhe video në këmbim të parave.

Trupa gjykuese e pa të drejtë lirimin e tij nga qelia dhe i vendosi masën arrest shtëpie.Vajzat e Tarellarit ndodheshin në gjykatë, ndërsa bashkëshortja e tij nuk ishte prezente.

Sapo vajzat mësuan për masën e sigurisë, ata “shpërthyen” në lot gëzimi.

Në momentin që babai i tyre ka dalë nga gjykata vajzat e kanë pritur me përqafime.

50-vjeçari që vrau kunatin lihet i lirë/ Vajzat ‘shpërthejnë’ në lot, e presin me përqafime Read More »

I gjithë sherri se kush do ta mbajë nënën 87 vjeçe! Vajza rr eh nënën e moshuar, vëllai motrën e kunatin

Lajmi i fundit / /

Bujari i kërkon bashkëshortes së tij, Haxhiresë që mos ta mbajnë më në shtëpi nënën e saj 87-vjeçare. Ai ankohet në “Shihemi në Gjyq se prej 23 vitesh ka jetuar me vjehërrit dhe mendon se e ka tejkaluar detyrën e tij si dhëndër.

Hajria, vjehrra e tij e moshuar ndodhet e pranishme në studion e së “Dielës Shqiptare” në Tv Klan dhe dëgjon debatin mes çiftit. Haxhireja nuk pranon kurrsesi ta lërë të vetme nënën e saj, e cila ka sjellë në jetë 4 fëmijë, 3 vajza dhe një djalë. Djali, Gëzimi ka vite që nuk e sheh nënën e madje ka arritur që të dhunojë motrën dhe kunatin.

Haxhire: 23 vjet janë që rri tek unë, 23 vjet! Dhe pas vdekjes së babit, prapë ai, unë i them maskara nuk e quaj vëlla atë fare sepse ka arritur t’i vërë dorë motrës 60 vjeçe…

Bujar: Ja ku i kemi procedurat.

Haxhire: I kam bërë paditë dhe nuk i kam ndjekur sepse prapë kam menduar nuk dua ta shkatërroj vëllain nga familja.

Bujar: Për të mos lënduar zemrën e asaj zonjës atje. Dhe duhet të qëndroj akoma.

Në letrat që Bujari i dorëzon Eni Çobanit është denoncimi që ka kryer ndaj kunatit të tij, Gëzimit. Ngjarja ka ndodhur në 4 maj 2023, rreth orës 10 të mbrëmjes dhe Bujari ka deklaruar se kunati e ka dhunuar fizikisht në shtëpinë e vjehrrës në Durrës.

Haxhire: Na vdiq motra, nëna ishte te unë në Itali. Na çoi mesazh, na thirri, i ka çuar mesazh edhe fëmijëve të mi, “nise nënën të vijë”. Por ajo nënë 87 vjeçe nuk do ikte vetëm, “nisuni”. Dhe unë me gjithë atë, se edhe ajo motra tjetër i ka vënë dorë asaj nëne 87 vjeçe, e ka rrahur dhe më kanë thirrur komshinjtë “hajde merre nënën tënde se po vuan për një pikë ujë, s’ka kush t’ia blejë një pikë ujë”. Dhe unë tani si mund ta lë atë nënë prapë në atë gjendje? Kam faj unë në këtë mes? Ajo është nënë për mua se më ka bërë!

Eni Çobani: Është nëna jote, ajo nënë është për mua, por për ju është nëna juaj zonjë!

Haxhire: Shkuam dhe ai na nxori përjashta. Tha “kjo nënë le të rrijë”, nëna s’i kishte bërë asgjë, “kjo le të rrijë se është pleqëri, ju dilni përjashta!” I thashë unë të dal përjashta? Unë jam zonjë shtëpie, jam gocë shtëpie, këtë shtëpi ta kam ndërtuar unë dhe burri im dhe aty filluan debatet. Shkova të nesërmen mora pensionin e nënës për t’ia çuar nënës që mos të rrinte pa lekë se mendova se nëna do rrinte 40 ditë siç e kemi ne zakonin, shkova të nesërmen bashkë me burrin dhe i thashë, sa kemi hyrë në pallat ai më tha “ti futu dhe burri yt të dalë përjashta”. Jo i thashë, në asnjë mënyrë, burri i nuk del përjashta sepse burri im është ai që po të mban nënën tënde!

Bujar: Atëherë çfarë kërkon nga unë zonjë? Çfarë kërkon nga unë të lutem shumë? Përderisa gjendja arriti deri aty ku s’mban, unë nuk e dua më nënën tënde! Unë nuk e dua!

Haxhire: Atëherë unë do jetoj me nënën time, unë do jetoj me atë, edhe këto ditë që i kanë mbetur asaj, unë nuk e lë dot vetëm!

Bujar: Do jetoj me djalin, të shohë dashurinë e nënës se s’ia ka parë prej vitesh.

Eni Çobani: Unë dua të kuptoj kallëzimin që keni bërë i nderuar, më trego pak si ndodhi ngjarja se është shumë e rëndë. Pra ju jeni goditur nga vëllai i zonjës dhe nga djali i zonjës Hajrie, kunati juaj. Të lutem, çfarë ka ndodhur?

Bujar: Ata kanë qenë 3 persona bashkë, ai me nusen dhe nipçja, djali i motrës së kësaj që ka vdekur unë e kam bërë, e kam birësuar.

Haxhire: E kemi rritur, e kemi birësuar, i ka dhënë mbiemrin e vet.

Bujar: E kam birësuar, i kam dhënë mbiemrin, i dhashë shkollën, brodhi botën, arriti i vuri dorë dhe asaj. Vëllai i kësaj, bënë një kurth 3 veta, isha i papërgatitur dhe tentuan. Erdhën ata të dy thanë do t’i rrahim.

Eni Çobani: Po raport mjekësor ke marrë?

Bujar: Raport nuk mora sepse mendova mos të lëndoja atë zonjën./tvklan.al

I gjithë sherri se kush do ta mbajë nënën 87 vjeçe! Vajza rr eh nënën e moshuar, vëllai motrën e kunatin Read More »

‘Mirupafshim e ta gëzosh’! Haxhireja zgjedh nënën, Bujari lë studion dhe ikën

Lajmi i fundit / /

Martesa 40-vjeçare e Bujarit dhe Haxhiresë ka pësuar një tronditje të fortë. I lodhur nga 23 vite bashkëjetesë me prindërit e saj, Bujari i kërkon që ta lërë tani nënën 87-vjeçare. Në konfliktin e tyre rëndon edhe refuzimi i vëllait të Haxhiresë, Gëzimit që gjatë telefonatës në “Shihemi në Gjyq” nuk pranoi të merrte përsipër kujdesin e nënës.

Edhe pse mes një situate të vështirë, Haxhireja është shprehur në çdo moment se nuk ka ndërmend ta lërë të vetme nënën 87-vjeçare. Ajo është e vendosur deri në fund dhe vendimi i saj bën që Bujari t’i japë dorën Eni Çobanit dhe Ardit Gjebreas e të largohet nga studioja e së “Dielës Shqiptare” në Tv Klan.

Eni Çobani: Do ta mbani zonjën Hajrie?

Bujar: Absolutisht jo! Unë absolutisht jo! Kam thënë njëherëjo dhe jo! Unë të mbaj nënën e atij, me atë llumin, atë palaçon?!

Eni Çobani: Po ju e mbani për veten tuaj, nuk e mbani për Gëzimin.

Bujar: Unë nuk e mbaj, absolutisht jo!

Haxhire: Zonja Eni, unë do rri me nënën time, ajo nënë nesër do sëmuret, do spitalet, kush i kontribuon këtë gjëra mi zonja Eni? Ajo nënë edhe ato lekë që i ka harxhuar në spital, atje tani është pa rezidencë.

Eni Çobani: Po, pra ato para janë të vërteta që i ke marrë? 10 mijë euro i ke marrë?

Haxhire: Unë paguaj çdo gjë, ka ndenjur me oksigjen në shtëpi, kam paguar kujdestaren se unë jam në punë zonja Eni, i ka bërë llogari ai?

Eni Çobani: Atëherë Haxhire do rrish me Bujarin apo me nënën?

Haxhire: Unë do mbaj nënën zonja Eni!

Bujar: Mbaje nënën, mbaje nënën!

Haxhire: Unë do mbaj nënën, më vjen keq!

Bujar: Mirupafshim e ta gëzosh nënën! Mirupafshim zoti Ardit, gjithë të mirat!

Haxhire: Më vjen keq, unë nuk e hedh dot poshtë!/tvklan.al

‘Mirupafshim e ta gëzosh’! Haxhireja zgjedh nënën, Bujari lë studion dhe ikën Read More »

WP2Social Auto Publish Powered By : XYZScripts.com