Irina

Europa duhet të veprojë dhe t’i japë dritën e gjelbër Maqedonisë së Veriut dhe Shqipërisë për të çelur negociatat e pranimit”, ka deklaruar sot nga Luksemburgu, ministri Federal i Austrisë, Alexander Schallenberg.

“Me këtë deklaratë, Ministri Federal Schallenberg nisi sot ditën e dytë në Luksemburg, ku aktualisht po mbahet Këshilli i Përgjithshëm. Më tej do të flitet edhe për Brexit si dhe përgatitjen e samitit të BE-së i cili do të mbahet të enjten dhe të premte në Bruksel”, shprehet ambasada Austriake në Tiranë./atsh

Fuqizimi i rolit të grave dhe vajzave, do të thotë fuqizim i familjes, komunitetit dhe i gjithë ekonomisë së vendit.

Presidenti i Republikës, Ilir Meta, me rastin e Ditës Ndërkombëtare të Grave të Zonave Rurale, apeloi sot nevojën e domosdoshme për mbështetjen, promovimin dhe fuqizimin e tyre ekonomik, si një mundësi dhe kontribut real i shtuar për luftën kundër varfërisë, zhvillimit ekonomik dhe për një familje të begatë e të shëndetshme.

“Fuqizimi i rolit të grave dhe vajzave, energjisë së pashtershme, fuqisë dhe motorit të emancipimit të shoqërisë sonë, do të thotë fuqizim i familjes, komunitetit dhe i gjithë ekonomisë së vendit”, theksoi Meta

“Të rrëzojmë të gjitha barrierat që pengojnë aktivizimin, promovimin dhe përkrahjen e grave dhe vajzave në jetën ekonomike, politike dhe sociale të vendit, si një objektiv i përbashkët për progres të metejshëm shoqëror”, u shpreh kreu i Shtetit, Ilir Meta./atsh

Ministri në detyrë për Europën dhe Punët e Jashtme, Gent Cakaj është shprehur se sot BE përballet me një zgjedhje historike

Sipas tij, vendimi i sotëm do të jetë një provë e aftësisë për të realizuar premtimet e saj dhe për të parë të ardhmen.

“Sot BE përballet me një zgjedhje historike. Vendimi i sotëm do të jetë një provë e aftësisë për të realizuar premtimet e tij dhe për të parë të ardhmen’, është shprehur Cakaj.

“Shqipëria ka ndërmarrë reforma gjyqësore ambicioze dhe të guximshme duke u shndërruar në udhërrëfyes në rajon. Tani është koha për të hapur bisedimet e pranimit”, ka theksuar ai.

Cakaj ka shtuar se, “Një vonesë tjetër mund të ngadalësojë / ndërpresë progresin dhe reformat, të minojë besueshmërinë dhe rrezikojë forcimin e rivalëve strategjikë në Ballkanin Perëndimor”.

Kjo, ka theksuar Cakaj, “është ora e Europës. Ne nuk kemi nevojë për një BE të kufizuar, izoluese, jo të interesuar dhe të paangazhuar, por union që është i hapur, i drejtë dhe një rreze shprese në periudha të trazuara”.

Ministrat e BE-së për Punë të Jashtme dhe Europiane takohen sot në Luksemburg, për të vazhduar përgatitjet për Këshillin Europian të Tetorit, ku do të diskutojnë hapjen e bisedimeve të anëtarësimit në lidhje me Shqipërinë dhe Republikën e Maqedonisë së Veriut./atsh

Qeveria shqiptare vijon angazhimin e saj në kuadër të paketës “Shqipëria solidare”, ku përmes një vendimi të fundit të saj mbështet disa kategorive punonjësish të shtetit dhe rrit pensionin suplementar për 1500 ish-ushtarakë.

Ministrja e Financave dhe Ekonomisë, Anila Denaj theksoi se vendimi për përcaktimin e plotë të masës së pensionit të parakohshëm për vjetërsi shërbimi të disa kategorive punonjësish të shtetit dhe rritja e pensionit suplementar për 1500 ish-ushtarakë me problematika të mbartura ndër vite është një detyrim për rikthim të dinjitetit dhe vazhdimësi e paketës tonë solidare.

Këshilli i Ministrave miratoi në mbledhjen e radhës disa ndryshime në ligjin për sigurimin shoqëror suplementar të ushtarakëve të Forcave të Armatosura, të punonjësve të Policisë së Shtetit, të Gardës së Republikës, të Shërbimit Informativ të Shtetit, të Agjencisë së Inteligjencës dhe Sigurisë së Mbrojtjes, të Policisë së Burgjeve, të Policisë së Mbrojtjes nga Zjarri dhe të Shpëtimit e të punonjësve të Shërbimit të Kontrollit të Brendshëm në Republikën e Shqipërisë/atsh

Temperatura të larta dhe diell.

Për ditën e nesërme dhe deri të premten nuk pritet të ketë reshje shiu.

Shërbimi Meteorologjik Ushtarak ka bërë parashikimin për ditët në vazhdim.

Parashikimi i motit:

Sapo u mbyll java me një ditë të bukur vjeshte.

E njëjta situatë, do të jetë prezente gjatë pesë ditëve të ardhshme.

Përgjithësisht, moti do të jetë me diell e vranësira kalimtare.

Ashtu si dhe në këto ditë që kaluam, karakteristike në orët e vona të mbrëmjes dhe në mëngjes do të jetë mjegulla e dendur përgjatë luginave të lumenjve dhe në bregdet.

Era, do të fryjë e lehtë e mesatare në bregdet nga juglindja e veriperëndimi.

Në vlerat termike, parashikohen rënie të lehta graduale, si në tabelë.