Ish-deputeti i PD-së, Klevis Balliu në një deklaratë ka thënë se kryeministri Edi Rama është në ditët e tij të fundit, ndaj edhe po largon orenditë e tij personale nga zyra e kryeministrit.
Balliu i bëri thirrje qytetarëve që të bashkohen për të larguar regjimin e Ramës që ka për qëllim persekutimin e popullit.
“I bëj thirrje të vënë këmbët tek frenat dhe mos persekutojnë qytetaret. Do të marrin përgjegjësi ata që kanë dhunuar banorët e unazës. Na takon ne që njëherë e mirë ti japim fund këtij regjimi që merren me qytetarët ndërkohë që duhet të merreshin me ato shpërthimet që ndodhin në mes të rrugës.
Këta e kanë çuar policinë në funksion të torturës. I bëj thirrje qytetareve që të bashkohemi dhe ta largojmë këtë regjim që ka për mision persekutimin e qytetareve.
Rama është në ditët e fundit dhe kjo është arsyeja pse po largon orenditë e tij personale nga zyra e kryeministrit”, tha Balliu.
Një mesazh të fortë ka përcjellë sot Kreu i Shtetit Ilir Meta. Teksa kujton 78-vjetorin e Konferencës së Pezës, Presidenti Meta i bën thirrje të gjithëve që të bashkohen kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari.
Sipas kreut të Shtetit, Peza është një amanet: Besa-besë për të shpëtuar Shqipërinë! “O sot o kurrë”, shkruan Meta.
“Pezë do të thotë Shqipëria mbi të gjitha! Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar.
Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë.
Peza është një amanet: Besa-besë për të shpëtuar Shqipërinë!
O SOT, O KURRË!”, shkruan Meta në Facebook.
Presidenti Ilir Meta, thotë se koha për të mbrojtur demokracinë është tani, teksa publikon një fotografi duke puthur flamurin.
Ai shkruan se në vitin 1863, Abraham Lincoln e përkufizoi Demokracinë si: “Qeverisje e popullit, nga populli, për popullin”.
Më tej shton se një shekull e gjysmë nga kjo deklaratë dhe tridhjetë vite nga rënia e sistemit më të egër komunist të kontinentit, pyetja që shtrohet sot në Ditën Ndërkombëtare të Demokracisë është: Çfarë lloj regjimi është vendosur sot në Shqipëri?
“A është kjo forma më e lartë e demokracisë dhe a i kanë përmbushur shqiptarët plotësisht aspiratat e tyre demokratike dhe europiane? A është kjo ‘Demokraci’ një qeverisje e popullit, që buron nga populli, që i shërben popullit dhe që e meriton populli? Të fundit në rajon para dyerve të BE-së dhe me rreth 500 mijë shqiptarë të larguar vetëm në vitet e fundit, është përgjigja e dhimbshme!”, shkruan Presidenti.
Kreu i shtetit vijon duke thënë se ndërsa ky regjim i tanishëm po refuzohet nga qytetarët si caku i fundit i demokracisë me braktisje masive të Atdheut, zgjidhja nuk duhet të jetë më largimi, por vetëm zgjimi, bashkimi, reagimi, përballja dhe ndryshimi.
Më tej citon se në fjalimin e marrjes së Nobelit për Paqe, i mbijetuari i Holokaustit, shkrimtari i jashtëzakonshëm Elie Wiesel i la njerëzimit një mësim të vyer: “Jam betuar që kurrë nuk do të hesht ndaj vuajtjeve dhe poshtërimeve që përjeton një qenie njerëzore. Ne gjithmonë duhet të marrim anë. Neutraliteti ndihmon shtypësin, kurrë viktimën. Heshtja inkurajon torturuesin, asnjëherë të torturuarin. E kundërta e dashurisë nuk është urrejtja, është indiferenca”.
Për mirë ose për keq, vjehrra është pjesë e jetës suaj.
Për këtë arsye, duhet të mësoni të keni një marrëdhënie të mirë me të duke anashkaluar këto gabime:
Mos e trajtoni si një bezdi në jetën tuaj: Ju duhet të trajtoni vjehrrën tuaj ashtu si ju do të silleshit me dikë që sapo e keni njohur dhe doni të krijoni një marrëdhënie të mirë. Nuk duhet të bërtisni me një mik apo bashkëpunëtor të ri apo jo?! Kështu që nuk duhet ta bëni këtë me asnjë nga anëtarët e rinj të familjes tuaj derisa të keni krijuar një respekt të vërtetë.
Ndaloni së supozuari që të dyja doni të njëjtat gjëra për marrëdhënien tuaj: Vetëm për shkak se doni të shkoni mirë me vjehrrën tuaj të re nuk do të thotë që të bini dakord për çdo gjë. Lëreni marrëdhënien të zhvillohet duke u njohur gradualisht me njëra-tjetrën, duke ndarë interesat dhe duke ndihmuar.
Asnjëherë mos mendoni se mënyra e saj është mënyra e gabuar: Siç thonë, ka dy anë për çdo histori. Përpiquni të zbuloni pse e sheh situatën ndryshe nga mënyra që e mendoni ju.
Mos i tregoni çdo gabim: Ndoshta të drejtën e keni ju por nuk ka problem, lëreni të mendoj se e ka ajo ndonjëherë. Është një mënyrë e lirë dhe e lehtë për ta bërë atë të ndihet mirë për veten dhe për ju.
Marin Mema
Ky vend ka halle, ka probleme, ka shumë pamundësi, varfëri, padrejtësi, ka mungesa të shumta e shtetarë të çdo krahu që duan ta rrjepin e ndukin, por prapë është vendi ynë, është historia, trashëgimia, kultura, të parët tanë. Ky vend është dhimbja, loti, pasioni, dashuria, fëmijëria, rrudhat, kujtimet, gjyshërit, shokët, malli , emocionet, gjaku ynë…. Ky vend është dashuria e pafundme. Më quani idealist të sëmurë, të tepruar, të pariparueshëm, por për vendin tim do të jem gjithmonë i tillë ! Një përqafim të madh të gjithëve. ❤️🇦🇱
TË KISHIM MAL…Sejmen Gjokoli -Elegji për Prof. Sabit Brokaj- 1. I rëndë plumb, ky lajm i sotëm, Këtë mëngjes, këtë shtator, Na piku thellë kjo ikja jote, I shtrenjti ynë, Profesor. 2. Të kishim shënjt, polar të kishim, Në Labërinë që nxorri yje, Se fjala jote e vepra jote, U bë një copë Shqipërie. 3. Një udhë e gjatë nëpër thepisje, Në ujra deti e me ushtarë, Gjersa u ngjite në bash të vendit, Si profesor e burrë i rrallë. 4. Me erë grykash e malesh rritur, Atje ku honesh rrjedh Shushica, Pikove mjaltë me fjalën hoje, Me syrin feksur, me shtatë drita. 5. Human i lindur, si rrallë tjetër, Me buzën gaz që s’rreshti kurrë, Siç mbeti prerë kjo fjala jote, Kur vendit donin ti hiqnin gurë. 6. Për vendin tënd qëndrove burrë, S’njohe pazare, s’u tunde grimë, I shënjtë Atdheu, e shtrenjtë liria, Si fill i kuq na mbete vijë. 7. Me dhimbje e mall Kosovën deshe, Sa munde bëre për ta e lirinë, Kur flaka e luftës u ndez asaj ane, Ti njësh u bëre me mendje e frymë. 8. Sa shumë na dhëmbi kjo ikja jote, Dhe malet labe nisën jehonë, Të kishim mal, ashtu do mbetesh, Në vendin tënd, në shpirtin tonë. 9. Në Labërinë që shumë e deshe, Me male, gryka, shkëmbenj të sertë, Që kokën ul, po prap ngre ballin, Kur kapedanë i ikin djemtë…
Shpenzimet për mish dhe nënprodukte kanë peshën kryesore në shpenzimet që ne bëjmë për të ushqyer. Rreth 44% e totalit të shpenzimeve që bëjnë familjet shqiptare në këtë drejtim apo 33,400 lekë kanë si qëllim kryesor sigurimin e ushqimeve dhe pijeve jo alkoolike.
Por a e dini se peshën më të madhe për këto shpenzime e zënë sigurimi i mishit dhe i nënprodukteve të tij.
Sipas të dhënave që disponon ‘Monitor’ nga INSTAT, 18.5% apo një e pesta e buxhetit për ushqime, shkon për mishin dhe nënproduktet.
Shpenzimet mesatare mujore për një familje për mish dhe nënprodukte llogariten 6,180 lekë. Në totalin e shpenzimeve të familjeve (jo vetëm e grupit mish dhe nënprodukte), shpenzimet mesatare të familjeve shqiptare për këtë zë llogariten 8.1% e totalit.
Shpenzimet për bulmet, qumësht, nënprodukte dhe vezë, renditen si zëri i dytë për nga pesha në totalin e buxhetit që shkon për ushqimin, ndjekur nga buka dhe drithërat, perimet, frutat, vajrat dhe yndyrat dhe në fund renditet shpenzimet për peshk.
Sipas INSTAT, Nëngrupet që zënë peshën më të madhe në shpenzimet për ushqim janë “mish dhe nënprodukte”, me 18,5 %, “qumësht me nënproduktet e tij dhe vezë” me 16,3 %, “bukë dhe drithëra” me 14,9 % ndjekur nga “perimet” me 13,8 % , “frutat” 8,5 %,“vajra dhe yndyrna” 8,2 % dhe 3,9 % shkon për nëngrupin “peshk”.
Më mishngrënësit në vend…
Mishi dhe nënproduktet e tij janë kryesisht të konsumuara në vendet e ftohta, ku individëve iu nevojitet më shumë energji e konsumuar nëpërmjet ushqimit për të përballuar temperaturat e ulëta. Pra nuk është aspak çudi që Dibra është qarku që mban rekordin për shpenzimet e larta të familjeve për të siguruar mish dhe nënprodukte.
Sipas të dhënave të publikuara nga INSTAT në raportin vjetor rajonal, familjet dibrane shpenzuan 10.8% të buxhetit të tyre për ushqime për këto produkte.
Anketa e Buxhetit të Familjes 2018 u krye nga INSTAT përgjatë gjithë vitit, me një kampion prej 9.384 familjeve. Në përfundim të vrojtimit u intervistuan rreth 7.559 njësive ekonomike familjare të shpërndara në mënyrë uniforme në të gjithë territorin e Shqipërisë.
Në vitin 2018, shpenzimet mesatare mujore për konsum për një njësive ekonomike familjare, e përbërë mesatarisht nga
3,7 persona, janë 75.935 lekë. Vlerësimi i shpenzimeve mesatare mujore për konsum të familjeve në vitin 2018, është 3,5 % më i lartë se në vitin 2017. Totali i shpenzimeve për konsum është 58,67 miliardë lekë në muaj për 772.664 familje.
Me siguri shumica prej jush e ka parë filmin “Mimoza Llastica”, më vajzën çamaroke që nuk donte të luante me shoqet e saj.
Zhaklina Dhimojani është emri i saj i vërtetë, e cila së fundmi ka bërë një gjest human.
Ajo jeton në zvicër, dhe ka dhuruar disa respiratorë për të prekurit me koronavirus.
Dhurimin e ka bërë përmes ambasadës shqiptare.
POSTIMI I PLOTË I AMBASADËS
E larguar nga Shqipëria në vitet 90-të, Zhaklina Dhimojani Blättler, nuk e ka harruar asnjëherë vendin e saj të lindjes. Aktorja e njohur për publikun shqiptar, ka dhuruar sot përmes Ambasadës shqiptare në Bernë, disa respiratorë për Spitalin Universitar “Shefqet Ndroqi” në Tiranë, që do të ndihmojnë më tepër të prekurit nga Covid-19.
Ambasada e RSH në Bernë i shpreh falenderime dhe mirënjohje Z. Blättler, që gjatë këtyre viteve në Zvicër ka dhënë ndihmën e saj në fushën sociale, ka promovuar artin dhe kulturën tonë në Diasporë dhe ka kontribuar me donacione të ndryshme për Bashkinë e qytetit të Himarës, prej nga ajo ka origjinën. /noa.al/
