Ambsadori italian Alberto Cutillio ka deklaruar se se porocesi që po zhvillohet në shtetin fqinj për grupin Habilaj nuk është i lidhur direkt për ish-ministrin Tahiri.
“Di që në Katania është një proces që po ecën përpara, që nuk është direkt për ministrin Tahiri, por di atë që dini ju”, u shpreh ambasadori Cutillio nga qyteti i Shkodrës , ku mori pjesë në festën e Italisë, në konsullatën e nderit të këtij qyteti.
Cutilloi u shpreh i shqetësuar në lidhje me ngërçin e krijuar me gjykatën kushtetuese, por e quan çmim që duhet paguar për një reformë të thellë si ajo e drejtësisë që po bën Shqipëria, e që nuk ka patur precedent më herët në vendet Europiane.
“Besoj se reforma e drejtësisë që po bën Shqipëria nuk ka precedent në historinë Europiane, ndoshta s’ka askund. Eshtë reforme e thelle dhe vendimtare, por që has në vështirësi në fazën aktuale fillestare. Më shqetëson më shumë fakti i akuzave se mazhoranca po kontrollon drejtësinë, që nuk me rezulton se i përket realitetit, por ajo që më shqeteson është fakti i mos-kompletimit të gjykatës kushtetuese, që janë të paralizuar për një periudhe kohe deri në zgjedhjen e kandidateve të ri, që kalojnë në vetting. Por natyrshëm ky është cmim që duhet paguar për një reformë kaq të thellë”, tha ambasadori.
Kryetarja e Lëvizjes Socialiste për Integrim, Monika Kryemadhi, e ftuar në “Tonight Ilva Tare”, duke folur për zgjedhjet e ardhshme lokale, tha se në Tiranë diskutohen edhe emrat e dy ministrave si kandidatë, pa dhënë emra.
Kryemadhi: Duam apo s’duam, sot kandidat për kryetar bashkie në zgjedhjet e ardhshme nuk do të jetë figura më intelektuale dhe më gjithëpërfshirëse e qytetit. Sot kandidat për kryetar bashkie, do të jetë një figurë me pesë emra. Mundësisht një njeri me 5 emrat, që është dënuar.
Tare: Thatë pak më herët që janë në staf administror që po bëhen gati? Kush janë ato?
Kryemadhi: Janë nja dy ministra..
Tare: Që po përgatiten…për kryetar bashkie për Tiranën?
Kryemadhi: Do ta them pas emisionit..nuk po bëj diversione. Shkoni pyesni shefat e kabinetit të disa ministreve që keni në kabinete. Njëra është zonjë.
Pamfleti më herët ka shkruar se në koridoret e kryeministrisë flitet dhe për emrin e ri që pritet të kandidojë në zgjedhjet e qershorit të vitit të ardhshëm për postin e kryetarit të Bashkisë së Tiranës. Emri që do të jetë në garë në emër të PS pritet të jetë ministrja aktuale e Shëndetësisë Ogerta Manastirliu.
Pavarësisht se nuk ka ndonjë lidhje me PS, Manastirliu është një “axhami” që ka punuar në bashki dhe është “rritur” politikisht nga Edi Rama, ish kryetar bashkie.
Kështu Ogerta Manastirliu, pasi shkatërroi QSUT “Nënë Tereza”, duke e shkundur nga të gjitha anët, financiarisht dhe profesionalisht, shkatërroi dhe shëndetësinë shqiptare, tashmë pritet të marrë në dorë bashkinë e kryeqytetit, duke zhvendosur Erion Veliajn.
Edi Rama njihet si njeriu që ka fobi ndaj njerzve që rriten përmes punës dhe që i hedh në rrugë bashkëpunëtorët e tij.
Presidenti i Republikës, Ilir Meta prej shtatë muajsh mban peng dekretimin e kreut të ri të Shërbimit Informativ Shtetëror, Helidon Bendo. Me dorëheqjen e Visho Ajazi Likës në tetor të vitit 2017, kryeministri Edi Rama nuk vonoi t’i propozonte Metës si kandidaturë për zëvendësimin e tij emrin e Helidon Bendos.
Por edhe pse kanë kaluar shtatë muaj, situata vazhdon të jetë e njëjtë. Kreu i shtetit po e zvarrit pafundësisht dekretimin e propozimit të Edi Ramës, ndërsa sa herë pyetet nga mediat, ai shprehet se nuk ka asnjë urgjencë për këtë çështje dhe se do ta studiojë mirë kandidaturën. Ndërkohë që një veprim i tillë po shkakton përplasje mes Presidencës dhe Qeverisë, deputetët e Partisë Socialiste e shohin këtë gjë si një lëvizje të mirëmenduar nga Ilir Meta.
Përfaqësuesi i PS në qarkun e Fierit, Bujar Çela deklaroi gjatë një prononcimi për gazetën “SOT” se Helidon Bendo po mbetet peng i pazareve të presidentit. Sipas Çelës, Presidenti po e ruan dekretimin si një gurë rezervë për një moment ku të kërkojë diçka në interes të tij.
“Zvarritja do zgjatet akoma sepse Meta e ka të qartë një gjë: Presidentit kjo kandidaturë nuk i shërben. Por nga ana tjetër, ai nuk ka çfarë t’i bëjë. Helidon Bendo mund të rrijë nënkryetar me detyrën e kryetarit sa të dojë kryeministri. Kështu që ai thotë, unë po bëj atë që kam në dorë. Mos ta quaj kryetar, por ai detyrën e kryetarit e bën. Meta e bën këtë lojë i macja me miun për të thënë që kam në dorë këtë. Ai e mban si një gur rezervë për të thënë që kur të më kërkosh X-person, do të kem në dorë Helidonin. Do të vijë një moment kur ai do të ketë nevoja, sepse Meta është i zhytur në nevoja. Meta ka nevoja më shumë se kushdo tjetër sepse ka përballë reformën në drejtësi, por bën të fortin me atë që nuk i prish punë as kryeministrit Edi Rama, as qeverisjes dhe askujt”, tha deputeti i PS.
Prapaskenat
Sakaq, sipas informacioneve të gazetës, janë pikërisht dy çështje për të cilat Ilir Meta po e ruan dekretin e Bendos: Kontrolli i Lartë i Shtetit dhe Banka e Shqipërisë. Kryetari i KLSH pritet që të ndryshohet shumë shpejt, ndërsa për Guvernatorin e Bankës së Shqipërisë, Gent Sejko ka debate nëse duhet të vijojë më tej detyrën me mandat të plotë ose jo sepse ai mori postin e lënë përgjysmë nga Ardian Fullani. Pikërisht këto dy institucione Meta po përpiqet t’i “kapë” sepse në momentin që do të kryhen ndryshimet, ai ka ndërmend të propozojë emrat e tij për drejtues. Në këtë mënyrë, kreu i shtetit duket se po planifikon t’i bëjë “presion” kryeministrit Edi Rama se: Helidon Bendon e dekreton vetëm nëse lideri i qeverisë i pranon propozimet për drejtues në KLSH dhe Bankën e Shqipërisë.
Bllokimi i punës
Nga ana tjetër, socialistët theksuan se pavarësisht zvarritjes së dekretimit nga ana e Metës, një gjë e tillë nuk ndikon aspak në punën e Helidon Bendos. “Mos-dekretimi i Metës nuk ka asnjë ndikim. Helidon Bendo i ushtron të gjitha kompetencat që i jep Kushtetuta, por thjesht nuk mban dot titullin e kryetarit. Normale një situatë e tillë nuk është, por Meta ka në dorë vetëm një gjë: ta dekretojë, të mos e dekretojë”, tha Bujar Çela. Në të njëjtën linjë me të ishte edhe kolegu i tij, deputeti Sadri Abazi. “Meta e vonon, por zoti Helidon vazhdon detyrën. Është kompetencë e kryeministrit se kush do të jetë në krye të SHISH, nuk është kompetencë e Presidentit. Ai e vazhdon detyrën e tij si i komanduar. Problem është për zotin Meta, nuk është për institucionin e SHISH dhe Helidon Bendon”, u shpreh ai./Pamfleti
Komisioni i Pavarur i Kualifikimit ka gati të dhënat e pastërtisë së figurës dhe të aftësive profesionale për të gjithë gjyqtarët dhe prokurorët që ishin pjesë e listës prioritare.
Ajo që bie në sy është se në listën e gjyqtarëve dhe prokurorëve për të cilët ka mbaruar Vettingu, janë një sërë emrash të njohur, pasi ata kanë shqyrtuar mjaft dosje “të bujshme”, që nga aferat e rrugës Durrës-Kukës, te “Gërdeci”, “ 21 Janari”, apo një sërë padish të bëra ndaj ish –ministrave të Sali Berishës.
Nëse analizojmë të shkuarën e emrave, disa janë të njohur sepse kanë shqyrtuar dosje të rëndësishme. 4 ndër emrat janë që kanë pasur në dorë rastin e 21 Janarit. I pari është Artan Broci, aktualisht gjyqtar i Gjykatës së Lartë. Por kur ndodhi ngjarja e 21 Janarit ai ishte në Gjykatën e Apelit dhe u mor vendimi për dënimin e disa prej anëtarëve të gardës, por dënime minimale.
Ndërkohë prokuroria dërgoi çështjen në Gjykatën e Lartë dhe ata që vulosën mbylljen e saj ishin Edmond Islamaj, Shkëlzen Selimi, dhe Artan Zeneli. Pas zvarritjes për muaj me rradhë, duke e mbajtur dosjen në dhomë këshillimi, në fund u rrëzua ankimi i Prokurorisë së Përgjithshme dhe të gjithë autorët e vrasjes së 4 protestuesve ja hodhën paq.
Selimi ka shqyrtuar dosjen “Gërdeci”. Një emër tjetër është Tom Ndreca. Ai është anëtar i Gjykatës së Lartë aktualisht, por në vitin 2011 ka qenë pjesë e Kolegjit Zgjedhor, i cili bëri Bashën kryetar Bashkie.
Sa u takon prokurorëve VIP, Arben Kraja është ai që ka shqyrtuar dosjen e aferës CEZ,. Një tjetër emër është Dritan Rrshka, i cili në fillim ka pasur në dorë çështjen CEZ-DIA, bashkë me prokuroren tjetër Antoneta Sevdari. Të dy janë marrë me skandalin dhe deri më tani i vetmi që ka shkuar pas hekurave ka qenë ish-administratoti i DIA, Kastriot Ismailaj. Po ashtu ka emra të tjerë që hetuan edhe rrugën Durrës-Kukës. Për të gjithë mbetet të shihet nëse kanë qenë të ndërshëm, apo jo, shkruan Sot./Pamfleti
Mëngjesin e sotëm kryeministri Edi Rama ka ndarë me ndjekësit e tij në Facebook historinë e mjekes, Bianka Shima që kishte studiuar jashtë dhe ishte kthyer në Shqipëri për të ushtruar profesionin e saj në fushën e Onkologjisë.
Ndër të tjera mjekja thotë se: “Jam kthyer me deshirën e mirë që çdo dije që kam marrë jashtë ta sjellë në vendin tim dhe me shpresën që të ndihmojë sa më shumë njerëzit”.
Të shumta kanë qenë edhe reagimet e komentuesve në drejtim të qytetarëve.
Mesazhi i Ramës
MIRËMËNGJES 😃 dhe me shembullin e doktoreshë Biankës që ka lënë Italinë për të ushtruar shërbimin e saj si profesioniste e specializuar pranë onkologjikut në QSUT, ku me instalimin e akseleratorit të dytë, pacientët trajtohen tanimë me të njëjtin standard dhe efikasitet si në klinikat simotra europiane, ju uroj një ditë të mbarë 🌹
Ambasadori i Shteteve të Bashkuara të Amerikës në Tiranë, Donald Lu dhe stafi i tij kanë nisur përgatitjet për t’u larguar nga Shqipëria. I pari që pritet të largohet është shefi i Zyrës Rajonale të Sigurimit në Ambasadën Amerikane, Jan Hiemstra.
Për këtë arsye, ditën e djeshme ministri i Brendshëm, Fatmir Xhafaj organizoi një ceremoni të veçantë, ku dekoroi oficerin Jan Hiemstra. Gjatë fjalës së tij, ministri Xhafaj vlerësoi bashkëpunimin dhe asistencën e ofruar nga Shtetet e Bashkuara të Amerikës, si një partner shumë i rëndësishëm për agjencitë ligjzbatuese shqiptare.
“Dëshiroj të vlerësoj bashkëpunimin shumë të mirë që ne kemi në fushën e sigurisë ndërmjet vendit tonë dhe Shteteve të Bashkuara të Amerikës, veçanërisht asistencën mjaft të vyer që SHBA japin ndaj agjencive të sigurisë në vend dhe veçanërisht Policisë së Shtetit, në shumë fusha. Ju sot po e përmbyllni këtë detyrë, duke lënë pas një kontribut të spikatur në mbështetje të Policisë së Shtetit në luftën kundër terrorizmit, krimit të organizuar dhe trafiqeve të paligjshme”, nënvizoi ministri Xhafaj.
Ja disa nga emrat e tjerë që do largohen
Paralelisht me shefin e Zyrës Rajonale të Sigurimit në Ambasadën Amerikane, Jan Hiemstra, i cili pritet që të largohet nga Shqipëri janë edhe gati 15 zyrtarë të tjerë të ambasadës që pritet të mbyllin misionin në Tiranë brenda kësaj vere. Kështu, zëvendës ambasadori, David Muniz e mbaron mandatin dhe do të largohet nga Shqipëria në fund të gushtit. Ndërsa shefi i Zyrës së Marrëdhënieve me Publikun, Ryan Roberts do të largohet në fund të muajit korrik.
Po ashtu, shefi i Zyrës së OPDAT, Jon Smibert do të largohet në fund të korrikut, ndërsa shefja e misionit të USAID-it, Catherine Johnson do të largohet gjithashtu brenda verës. Ndërkohë që në fund të muajit korrik largohet edhe ambasadori i SHBA-ve në Tiranë, Donald Lu.
Mirëpo, Shtëpia e Bardhë nuk e ka vendosur ende emrin e pasuesit të zotit Lu, pasi me shumë gjasa emri i ri do të zyrtarizohet në shtator. Kjo do të thotë që gjatë muajit gusht, drejtimin e ambasadës do ta marrë zv/ambasadori i ri, i cili është zgjedhur pak ditë më parë, shkruan “Sot”.
Ambasada nxjerr në ankand disa sende e makina
Interesant është fakti se me largimin e stafit, dje ambasada e SHBA-së në Tiranë ka publikuar një njoftim në faqen zyrtare në Facebook, ku bën me dije se ka hapur një ankand për disa sende dhe makina. Në njoftim ambasada thotë se ka nxjerrë në shitje dy kamionë dhe disa pajisje elektronike në gjendje shumë të mirë pune.
“Ambasada e Shteteve të Bashkuara në Tiranë shet dy kamionë, dy kontenierë transporti, dy strehëza për duhanpirësit, pajisje kompjuterike, mobilje zyrash, mobilje dhe pajisje shtëpiake dhe shumë artikuj të tjerë nëpërmjet ankandit “online” në këtë adresë: https://goo.gl/bVRzHI Menjëherë pas këtij ankandi do të ketë edhe një tjetër që do të përqendrohet kryesisht në shitjen e gjeneratorëve elektrikë dhe disa automjeteve. Lexoni rregullat dhe kushtet e ankandit duke klikuar këtu: https://goo.gl/fk3ReE”, thuhet në njoftimin e ambasadës së SHBA-vë në Tiranë.
Edhe Zvicra po shqyrton mundësinë që azilantëve, përfshirë edhe atyre shqiptarë tu kontrollohen edhe profilet e rrjeteve sociale.
“Detajet që azilkërkuesit publikojnë në rrjete sociale mund të na dërgojnë në përfundime që janë të rëndësishme për procedurat e azilit, duke treguar gjëra për lidhjet familjare dhe të tjera”, kanë thënë për të përditshmen zvicerane NZZ nga zyra për emigrim.
Më herët këtë projektligj e ka miratuar edhe Gjermania. Në këtë formë do të mblidhen më tepër fakte për azilantët dhe të vërtetat e tyre.
Nga PD e ‘90-ës ka mbetur vetëm Saliu me Tritanin, nga KOP i 2005-ës ka mbetur vetëm Luli me 3 “ushtarë”
Janë bërë shumë komente e analiza të shumta në media, po debatohet përditë në mjediset publike e politike, se përse PD e drejtuar zyrtarisht nga Lulzim Basha në këto 5 vite, është katandisur në atë farë derexheje, sa specialistët, inteligjenca dhe qytetarët e thjeshtë, deklarojnë se e kanë për turp të anëtarësohen në këtë parti “çiflik privat”, të uzurpuar dhe përdorur nga një “çetë” indivdësh me lidhje zullumesh në këto 26 vite, me trashëgimi familjare postesh deputeti e partiake, ku të puthin vetëm për vota e protesta, por nuk të përfill askush as kur i përshëndet!
PD-ja është tashmë një parti e 240 mijë anëtarëve dhe mbështtësve që e kanë braktisur në zgjedhjet lokale 2015 dhe zgjedhjet parlamentare 2017, duke firuar çdo ditë e më tepër ky numër, “hemoragji” që e tregoi edhe protesta e 26 majit 2018. PD është parti, që sa merr pushtetin, krijon rrjetën nepotike në administratën publike, duke bushur zyrat me ata që dinë zhavtin e t’u çojnë lekë shefave!
PD është parti, që prej 15 vitesh nuk mbledh dot asnjë qindarkë kuotë anëtarësie, madje as vetë Saliu, Luli, Muli, Salinaji, Balliu e Mziu nuk e paguajnë këtë detyrim statutor. PD është parti, që gazeta e saj “RD” shitet vetëm 70 copë në ditë në gjtihë Shqipërinë, ndërkohë që PD-ja e Lulit ka 25 anëtarë kryesie, 220 anëtarë të Këshillit Kombëtar, 43 deputetë, 24 koordinatorë, 13 shefa departamentesh, 14 kryetar e punonjës bashkie, me qindra këshilltarë në pushtetin lokal dhe 1275 drejtues e të zgjedhur të PD në rrethe, të cilët nuk lexoj as gazetën e partisë së tyre!
PD e Lulit u “vyshk” shumë shpejt si frymë politike, degradoi si program, degjeneroi si lëvizje partiake, u bë komike si opiztë. Shak është uzuprimi dhe monpolizimi i kësaj partie 23 vjet prej familjes “Berisha” dhe prej 5 vitesh falur familjes së Lulit, si trashëgimi vetëm me letra! PD e Saliut dhe e Lulit, degradoi mbasi ajo u krhye në “çiflik” privat të tyre dhe çetave të tyre të bindura, që veprojnë vetëm me urdhëra, kundrejt shpërbilmeve me poste e mandate deputeti!
Në momentin e dorëheqjes së Saliut në qershor 2013, u mendua se PD do të shpëtonte nga “kthetrat” e familjeve komuniste, por nuk ndodhi, mbasi familja komuniste “Berisha”, ia trashëgoi partinë familjes komuniste “Basha”. Për të përligjur aktin e trashëgimisë së PD, Sali shpiku “KOP”-in, duke e futur e bërë Lulin 3 herë ministër, deputetë dhe kryetar bashkie të Tiranës, siç shpiku Ramizi në ’90-ën skemën e “angazhimit të intelektualëve të pavarur nëpër parti”, për të deaantuar Saliun në krye të PD!
Ata që e themeluan PD në dhjetor 1990, u përzunë nga partia me skenar eleminimesh nëpër kongrese, me intriga, presione e dhunë fizike nga “çeta” e Saliut, siç u veprua me Edi Ramën të cilin e masakruan pse shkruante “refleksione” kundër Saliut! Edhe ata që themeluan KOP-in e PD në vitin 2005, u përzunë nga partia me skenarët e kartonit të votave nëpër forume, me kërcënime, intriga, shpërfillje, me emërtime departamntesh e lista deputetësh.
Sot pas 28 vitesh, nga PD e viteve 1990-1991, nga 312 themeluesit ka mbetur vetëm Saliu me Tritanin e prasit të Lushnjës, ndërsa nga 45 themeluesit e “KOP”-it të vitit 2005 ka mbetur vetëm Luli me Florjon Mimën, Albana Vokshin e Fatbardh Kadillin! Sipas ditarit historik, PD quhet partia e idealistëve të 8 Dhjetorit, por u kthye në “bunker” i bijëve të partisë së 8 Nëntorit!/Pamfleti
