Mario Ademaj ishte vetëm 17 vjeç kur mori vendimin për profesionin e jetës së tij. Ai nuk e kishte menduar se do të kthehej në Shqipëri për të bërë profesionin e mjekut, ardhur si dëshirë, pas sëmundjes së rëndë të të atit, nga nevoja që ai kishte, prej së cilës arritën të fitonin vetëm 7 vite më shumë jetë. Mario jeton në Kaliforninë e largët së bashku me familjen dhe së fundmi bashkëshorten e tij, Artën.
Ai është shpërngulur rreth 20 vite më parë në Amerikë, si shumë shqiptarë me llotarinë amerikane. Por, sot, teksa shumë prej tyre kanë krijuar jetën stabilitetin dhe janë përshtatur me ëndrrën e madhe, Mario ka një amanet për të përmbushur. Të jetë mjek dhe të ndihmojë njerëzit në nevojë. Ai ka vendosur ta bëjë këtë gjë në Shqipëri. Për 4 vite rresht ai vjen në atdhe dhe viziton njerëzit falas, duke u bërë një shembull konkret i asaj që thotë.
Isha në shkollën e mesme kur fillova mjekësinë për herë të parë dhe në atë moment babi im u sëmur me kancer pankreasi e për familjen tonë, që po jetonim ëndrrën amerikane atje në Amerikë ishte një gjë që na vuri shumë ne siklet. U gjendëm në një pozicion shumë të vështirë. Patëm një komunitet shqiptaro amerikan që na dha pak ndihmë për të krijuar dhe lidhje me spitalet dhe ishte ai moment që më tregoi se duhej ta bëja si qëllim të jetës time të punoja me popullsinë si punuan ata njerëz me mua kur isha në nevojë.
Kosova është rikthyer edhe një herë tjetër në vëmendjen e opinionit publik pas deklarimit të presidentit Hashim Thaçi për korrigjim kufijsh. Ky zhvillim ka bërë që Zylfie Haklaj motra e katër vëllezërve Haklaj të vrarë të risjellë në vëmendje të shqiptarëve rolin e tropojanëvë dhe të familjes Haklaj në luftën për liri të Kosovës.
Ekskluzivisht për “Shqiptarja.com” Zylfie Haklaj rrëfen se çfarë ajo di për vrasjen e një njeriu të rëndësishëm për UÇK siç ishte Ilir Konushevci, Hero i Kosovës, i njohur me emrin “Mërgimi”, si dhe për vrasjen e mjekut Hazir Malaj. Zylfie Haklaj ngre disa pikëpyetje për rolin e Sali Berishës gjatë luftës së Kosovës.
Ilir Konushevci dhe Hazir Malaj
Ajo akuzon ish-presidentin e asaj kohe se ka punuar kundër luftës çlirimtare të kosovarëve. Gjithashtu Zylfie Haklaj jep arsyet se përse sipas saj u vra i vëllai Shkëlqim Haklaj.
Në këtë rrëfim të ri për “Shqiptarja.com” Zylfie Haklaj tregon një ngjarje që lidhet me Suedinë ku ajo jeton. Zylfia tregon se vetë Sali Berisha përmes njerëzve të tij njoftoi shtetin suedez se ajo kishte lidhje me një “kriminel lufte” i cili ishte Ramush Haradinaj.
Haklajt, Berisha dhe Kosova
Në fillim të këtij rrëfimi të ri, Zylfie Haklaj thotë se “në të gjitha kohërat, Shqipëria ka patur figura te ndritura, po ashtu edhe në demokraci, siç është Alfred Moisiu, Rexhep Meidani dhe shumë figura të tjera të cilët ja rrisin nderin dhe vlerat kombit shqiptarë”.
Por fatkeqësisht pohon ajo, disa politikanë të vetëshpallur si personalitete kombëtare, siç është tradhtari i kombit Sali Berisha, janë krimi dhe turpi i kombit, i cili na quajti ne të lidhur me serbin dhe me Bin Laden, por koha e vërtetoi të kundërtën, se në të vërtetë është vetë Saliu vegël dhe shërbëtor i qarqeve më të rrezikshme e kriminale me përmasa botërore.
Më tej Zylfie Haklja tregon për rrolin e familjes së saj para dhe gjatë luftës në Kosovë. Ajo thotë: Familja Haklaj nuk ka bërë kurrë pazare në kurriz të çështjes kombëtare, por përkundrazi familja jonë ka dhënë ndihmën, mbështetjen dhe përkrahjen e saj gjatë të gjitha kohëve për sa i përket çështjes shqiptare të Kosovës.
Këtë Zylfie Haklaj e ilustron me disa të dhëna që lidhen me të vëllain.
“Halili, vëllai ynë ka dhënë kontributin e tij që përpara 1990, i cili ka patur lidhje me Grupin e Rezistencës, ku bënte pjesë edhe Mentor Kaci, i cili është nga Gjakova dhe një nga anëtarët e grupit të rezistencës. Grupi i rezistencës u dekonspirua dhe të gjithë anëtarët e saj u arrestuan nga shteti serb dhe njëkohësisht edhe vëllai ynë Halili u dënua në mungesë në gjykatën e Pejës, nga shteti serb me 8 vite burg.”
Sipas saj ka një kontrast shumë të thellë mes familjes Haklaj dhe vetë Sali Berishës për të cilin thotë: “Saliu, një antikombëtar i vërtetuar, i cili përçau dhe nxitësi i vëllavrasjes, ja se si shprehet përpara tropojanëve në mitingun e 22 qershorit 1997.
”Do të shfarosim komunizmin, do të çrrënjosim komunizmin, farën e serbit, farën e përçarjes, farën e ndasive kombëtare”. Ata që duan të marrin vota me serbin, do ta paguajnë shumë shtrenjtë votën e serbit. Vëllezër, unë kam besim të madh te ju, asnjë votë serbit, asnjë votë serbit, votat demokracisë, votat Shqipërisë. “Nisi njerëzit që tani, se ajo është kategorike. Nuk dal nga Tropoja pa e marrë me vete atë unë” (Urdhëron serish eskortën e tij Berisha. Gjatë kësaj kohe për Shkëlqim Haklajn.”
Zylfija tregon se në qershorin e vitit 1997 deri në janarin e vitit 1998, Fatmiri, vëllai saj ka qenë kryetar i Komitetit të Shpëtimit në Bajram Curri, dhe gjatë kësaj kohe ndryshe nga pjesa tjetër e Shqipërisë ku ishte përfshirë nga kaosi dhe terrori nuk pati asnjë vrasje, dhe Fatmiri në prag Krishtlindjeve dhe të Vitit të Ri 1998, i uron popullit tropojanë një vite sa më me pak dhimbje ku ju kërkon ndihmë dhe mbështetje të gjitha forcave politike pikërisht me këto fjalë.
”Me këtë rast kërkojë nga të gjitha forcat politike, nga të gjithë qytetarët e rrethit të Tropojës, nga shoqatat që të na ndihmojnë në vendosjen e rendit dhe të qetësisë publike”. Ky ishte mesazhi Fatmirit.
Vrasja e Shkëlqim Haklajt
Por Saliut i interesonte pikërisht destabilizimi i kësaj pjese të Shqipërisë, thotë Zylfija ndaj ai organizoi atëherë vrasjen e Shkëlqimit, më 5 janar 1998, në mënyrë që të largonte Fatmirin si drejtues komisariati dhe duke nxitur vëllavrasjen destabilizoi edhe Tropojën. Në këndvështimin e Zylfie Haklajt këto veprime të Saliut ishin direkt në ndihmë të shtetit serb dhe kundër interesave kombëtare. Gjatë kohës së regjimit të Saliut kanë ndodhur shumë arrestime thotë ajo dhe fatkeqësisht edhe vrasje të personaliteteve shqiptare të Kosovës në Shqipëri.
Për këto vrasje ajo thotë: “Vrasja e këtyre personaliteteve me përmasa kombëtare të cilët janë vrarë në tokën mëmë, Saliu nuk ka bërë asnjëherë ndonjë akuzë apo ndonjë denoncim ndaj politikës ose personave të veçantë. Por cila është arsyeja që Saliu ka arrestuar edhe personalitete shqiptare të Kosovës me përmasa kombëtare dhe pse ai nuk është prononcuar ndonjëherë për krime të kryera në tokën mëmë kundër këtyre personaliteteve?”
Vrasja e Ilir Konushevcit
Në fillimin e majit të vitit 1998, kur gjërat që lidheshin me forcimin e strukturave të ushtrisë Çlirimtare të Kosovës, ishin në pikun e vlimit, rrugës për në Tropojë, në një pritë të mirë-organizuar, u vranë dy nga drejtuesit kryesorë të strukturave të logjistikës, Ilir Konushevci, Hero i Kosovës, i njohur me emrin “Mërgimi”, si dhe mjeku Hazir Malaj, burrë i shquar, i vënë krejtësisht në shërbimin e luftës për lirinë e Kosovës. Zylfie Haklaj rikujton me detaje ditën kur ndodhi kjo vrasje.
“Në maj të vitit 1998, në Miliska të rrethit të Pukës ka ndodhur një vrasje e dyfishtë, ku janë vrarë Ilir Konushevci, i cili ka qenë një ndër themeluesit e UÇK dhe të logjistikës së saj dhe mjeku tropojan Hazir Mala, i cili po i shoqëronte autoritetet e UÇK për në Kosovë. Kjo çështje nuk është zbardhur edhe sot e kësaj dite. Kush fshihet pas kësaj vrasjeje dhe cilat janë arsyet e mos zbardhjes së saj? Kjo vrasje është një njollë e zezë për tokën mëmë dhe një tradhti ndaj çështjes kombëtare, ndaj kërkojmë me forcë që kjo çështje me përmasa kombëtare të hetohet me profesionalizëm dhe të ndëshkohen autorët e ngjarjes, sepse ky është edhe një detyrim ligjor e moral ndaj çështjes shqiptare të Kosovës. Nëqoftëse çështja është e komplikuar, mund të kërkohen ekspert të huaj për të ndihmuar në zbardhjen e kësaj vrasjeje misterioze, por edhe shumë të përfolur. Kjo vrasje nuk duhet të jetë pa autor, sepse nëna nuk vret bijtë e saj”.
Akuzat e Berishës për Ramush Haradinaj
Zylfie flet edhe për kohën kur mbërriti në Suedi dhe tentativat e shtetit shqiptarë për ta ekstraduar. Se çfarë ndodhi ato vite ajo thotë: “Kur u ndalova në shtetin suedez për llogari të Saliut, më pyeten se ku kisha qëndruar deri atëherë kur u paraqita këtu, dhe kush më kishte mbajtur mua, dhe veç kësaj autoritetet suedeze më pyetën nëse e njihja Ramush Haradinaj dhe çfarë lidhjesh kisha unë me të. Ku ata me vendosën në tavolinë një letër me emrin e Ramushit, duke me thënë që ne kishim lidhje me kriminelet e luftës.
Unë pohova se nuk e njihja personalisht Ramushin, por në mënyrë indirekte, sepse ne njiheshim me shumë njerëz nga Kosova që ne i kishim strehuar dhe ndihmuar në mënyrë humanitare edhe bashkëluftëtarë dhe bashkëpunëtorë të Ramushit. Ju pohova që Ramushi është Hero i Luftës ku më datën tre prill 2008, ai kishte marrë pafajësinë, në Gjykatën e Hagës. Ja deri ku kishin arritur mashtrimet e denoncimet e pa baza e të paskrupullta të Saliut, i cili i quante heronjtë e çështjes kosovare, kriminel lufte dhe mua bashkëpunëtore të kriminelëve.
Unë e di që Ramush Haradinaj dhe Luan Haradinaj kanë qenë një ndër figurat më të njohura të luftës së Kosovës, por siç duket Saliu nuk e di këtë, ndaj e quan Ramush Haradinajn kriminel lufte ashtu siç pretendojnë serbët. Ju lutem që të dy shteteve shqiptare që të kërkojnë dokumentet që Saliu i ka dërguar shtetit suedez për ekstradimin tim, ku veç shpifjeve, mashtrimeve e manipulimeve për mua ai ka shpifur edhe për autoritete shqiptare me përmasa kombëtare, të cilët i kanë dhënë gjak dhe ditë nga ditët e tyre çështjes shqiptare të Kosovës.
Kjo tregon se Saliu jo vetëm, vret, mashtron e manipulon prova e fakte, por ai bënë edhe punën e armikut dhe vihet në shërbim të tij duke i quajtur të mirëqena ato që thotë Serbia”./korrieri
Prej 54 muajsh në detyrë, nuk po çon në prokurori “dosjen e zezë” të ortakut të tij në biznese, Ardian Fullanit
Gentjan Sejko, Guvernator i Bankës s Shtetit Shqiptar, pasuria:
1) Pronar me 100% i një ap.banimi me sip. 104 m2 në Tiranë, blerë nga prindërit më 11.07.2007 për 5 500 000 lekë, për të cilën deklaron se është përfituar me trashëgimi nga prindërit dhe justifikohet me një kontratë dhurimi më 08.04.2010. 2) Pronar me 100% i një ap.banimi me sip. 65 m2 në Tiranë, blerë nga prindërit më 11.07.2007 për 3 000 000 lekë, për të cilën deklaron se është përfituar me trashëgimi nga prindërit dhe justifikohet me një kontratë dhurimi më 08.04.2010. 3) Pronar me 100% i një ap.banimi me sip. 70.2 m2 në Tiranë, përfituar nga prindërit me privatizim të vitit 1993 dhe vlerësohej për 56 242 lekë, për të cilën deklaron se është përfituar me trashëgimi nga prindërit dhe justifikohet me një kontratë dhurimi më 08.04.2010.
4) Bashkëpronar me 50% i një ap.banimi me sip. 136.86 m2 në Durrës, blerë më 28.08.2013 për 103 000 euro, pjesë e regjimit martesor. 5) Pronar i truallit me sip. 238.7 m2 në Durrës, mbi të cilën është ndërtuar ap.banimit me sip. 136.86 m2, 442 375 lekë. 6) Bashkëshortja, bashkëpronare me 25% e një ap.banimi me sip. 69 m2, përfituar me blerje më 16.12.1996, 1 700 000 lekë.
7) Bashkëshortja, bashkëpronare me 25% e një trualli me sip. 4 420 m2 në Sarandë, trashëguar nga familja e babait. 8)Pronar me 100% i një depozite bankare me afat 12-mujor, 260 000 euro, pjesë e regjimit martesor. 9) Bashkëpronar me 50% së bashku me nënën i një depozite bankare me afat 12-mujor, 75 000 dollar. 10) Pronar me 100% i një depozitë elastike, 37 532 euro. 11) Pronar me 100% i një llogarie bankare, 145 438 lekë. 12) Kredi bankare së bashku me bashkëshorten marrë më 21.09.2006 me principal 80 000 euro, afat shlyerje 15 vjet, interes 5.6% dhe këst mujor 341 euro.
13) Kredi bankare së bashku me bashkëshorten marrë më 17.09.2008 me principal 52 000 euro, afat shlyerje 18 vjet, interes 2.06% dhe këst mujor 280 euro. 14) Kartë krediti e papërdorur me limit 4 000 euro. 15) Kartë krediti së bashku me bashkëshorten e papërdorur me limit 325 425 lekë. 16) Bashkëshortja, pronare me 100% e një llogarie bankare, 2 000 euro.
17) Bashkëshortja, pronare me 100% e një llogarie kursimi, 1 168 euro. 18) Bashkëshortja, pronare me 100% e një veture tip Renault Clio, blerë në vitin 2005, 4 000 euro. 19) Të ardhura nga paga si Guvernator i BSH, 5 487 032 lekë. 20) Të ardhura nga dieta për udhëtime e qëndrime jashtë vendit nga Banka e Shqipërisë, 7 790 euro. 21) Të ardhura nga dieta nga misioni në FMN, 1 000 dollarë.
22) Të ardhura interesa nga depozitë bankare dyemërore (Gent dhe Lutfije Sejko), 2 811 euro. 23) Të ardhura interesa nga depozitë bankare dyemërore (Gent dhe Lutfije Sejko), 1 022 dollar. 24) Të ardhura nga honorare si Anëtar i Këshillit Mbikëqyrës së Bankës Shqipërisë, 2 482 881 lekë. 25) Bashkëshortja, të ardhura nga paga dhe shpërblime pranë Tirana Bank, 4 105 405 lekë. 26) Gjendje depozitë bankare dyemërore Gent dhe Lutfije Sejko, shtuar me 2 811 Euro ku burimi i shtesës është interesi bankar nga depozita me deklarim fillestar 260 000 Euro .
27) Gjendje depozitë bankare dyemërore Gent dhe Lutfije Sejko shtuar me 55 052 dollar ku burimi I shtesës është paga vjetore, një pjesë e llogarisë rrjedhëse dhe interes bankarë vjetor . 28) Gjendje llogari bankare, shtuar me 15 565 euro. 29) Gjendje depozitë bankare elastike, pakësuar me 39 395 dollar të kaluar tek depozita dyemërore në Usd. 30) Gjendje llogari bankare ku kalon paga, shtuar me 480 983 lekë. 31) Kontratë sipërmarrje për blerje ap. banimi me sip. 209 m2 në Tiranë, për të cilën është paguar kësti i parë prej 87 780 euro përmes kredisë së marrë dhe janë ende pa paguar 204 820 euro, pjesë e regjimit martesor.
32) Bashkëshortja gjendje e llogarisë bankare shtuar me 5 035,80 Euro 33) Bashkëshortja, gjendje llogarisë bankare, pakësuar me 5 038 euro. 34) Bashkëshortja, gjendje llogarisë bankare, pakësuar me 400 022 lekë. 35) Bashkëshortja, gjendje llogarisë bankare, shtuar me 466 441 lekë.
36) Shlyer tërësisht një kredi në banke të nivelit të dytë me vlerën 80 000 euro me afat 15 vjeçar e filluar në datën 21.09.2016 me interes 5.6% me këst mujor 341 euro për të cilën në vitin 2016 është shlyer e gjithë pjesa e mbetur prej 21 253,46 euro ku 20 097, 95 euro është principali i shlyer dhe 976,25 euro është interesi. 37) Shlyer gjatë vitit 2016 shuma 3 871 euro për një kredi me vlerë 52 000 euro me afat 18 vjet, filluar në shtator 2008 me interes 2.06% dhe këst mujor 280 euro e ku detyrimi I mbetur në datën
31 dhjetor 2016 është 28 475 euro. 38) kredi e marrë nga Banka e Shqipërisë për blerje apartamenti me shumë 11 400 000 lekë e afat 30 vjeçar e disbursuar në datën 20.07. 2016 dhe me datë për fillim pagese më 20.08.2018 ku interesat në 30 vjet janë 818 985 lek. 39) Shlyer shumën 91 171,99 lekë një kartë kreditit VISA Card në emër të të dy bashkëshortëve me limit përdorimi në shumën 325 425 lekë. 40) Detyrim për ti paguar shoqërisë ndërtuese vlerën e apartamentit të pronotuar sipas kontratës së sipërmarrjes së datës 30.06.2016 ku vlera totale e detyrimit 204 820 euro./Pamfleti
Shefi i Rendit në Delvinë është filmuar në një situatë aspak të këndshme i veshur me uniformën e Policisë së Shtetit. Ai ndodhet bashkë me disa persona të tjerë dhe ndërsa mban një shkop në dorë po udhëheq valle tradicionale të zonës. Videoja , e cila disponohet edhe nga ABC Neës, shfaq në disa momente të siklitshme të gjithë efektivët.
Me një shkop druri në dorë ai udhëheq vallen tradicionale të zonës, bashkë me disa nga vartësit e tij. Ndoshta është një gëzim familjar ose shefi ndodhet jashtë orarit të punës, por për një drejtues policie është e papranueshme të ndodhet në një gjendje të tillë kur është i veshur me uniformen e Policisë së Shtetit “Policët që duam” duhet të jenë pa bark të fryrë. Shefi e plotëson këtë kriter. Por paska ca dëshira të tjera.
Folklori, vallja e me to bashkë edhe pak raki. Ja, ky qengj largohet nga valleja e ahengut të improvizuar. Me siguri do t’i bashkohet më vonë tryezës, por i shkuar në hell. Prandaj dhe shfaqet për disa sekonda e vetmja femër. Këto skena i kemi parë te filmi, “Përrallë nga e kaluara” bazuar në veprën e Çajupit.
Megjithëse një shekull më parë, tradita ruhet. I njëjti version i komedisë shfaqet edhe në ditët e sotme. Këtë herë, me njerëz realë dhe me drejtues të policisë vendore të Delvinës. Si punonjës policie do dhe rregull. Nuk i pëlqen dridhja e vitheve të kolegut, prandaj një përkëdhelje me shkop e bind se valleja do ecë sipas ritmit dhe zakonit.
Shefi i “detyron” nën kërcënimin e shkopit të gjithë vallëtarët të ulen përtokë. Njëri del nga rrjeshti dhe shkopi për këtë punë është. Por tani është tepër vonë, vallja ka kaluar në “Kala Dibrançe”. Fundja pse jo?! Edhe ajo e traditës është.
Nëse ju vjen një njoftim nga kjo lojë e quajtur “Momo” dhe me fotografinë e kësaj kukulle, refuzojeni!
Teksa ska kaluar shumë kohë kur loja e rrezikshme “balena blu” që përfundonte me vetëvrasje, u popullarizua së tepërmi dhe autorët synonin adoleshentët si targetgrup, një tjetër lojë virtuale e ngjashme po qarkullon së fundmi.
Një karakter kukull, i quajtur “Momo”, i përdorur në këtë lojë të re, synon fëmijët. Por si funksionon kjo lojë? “Momo” është një sfidë që inkurajon fëmijët të shtojnë një kontakt në Whatsapp. Ky kontakt i ri do t’u dërgojë vazhdimisht imazhe të dhunshme dhe hapi i fundit i lojës përfundon me vetëvrasje. Kjo lojë u krijua pas një fotografie të një skulpture femër që qarkullonte në internet.
Skulptura, me karakteristika groteske, u krijua nga një artist japonez i kukullave, Midori Hayashi. Kukulla “Momo” ka sy të mëdhenj, një karakteristikë kjo e dukshme. Pavarësisht krijimit të kësaj kukulle, artisti Midori nuk ka lidhje me këtë lojë të rrezikshme që qarkullon. Kjo sfidë që ka futur në “rrjetën e saj” tashmë fëmijë në SHBA, Argjentinë, Francë, Meksikë e Gjermani, mund të lidhet me vdekjen e një 12-vjeçareje nga Argjentina. Autoritetet e Buenos Aires po hetojnë lidhjen mes vdekjes së vajzës dhe kësaj loje të quajtur “Momo”.
Sipas mediave botërore, thuhet se 12-vjeçarja kishte postuar selfie duke bërë disa sfida përpara aktit të vetëvrasjes. Autoritetet e shteteve të tjera janë të shqetësuara për dëmet që mund të shkaktojë kjo lojë e re e rrezikshme, pasi vazhdon të qarkullojë në mediat sociale, si Whatsapp. Prindërit këshillohen që të kontrollojnë vazhdimisht telefonin dhe rrjetet sociale të fëmijëve të tyre.
Pak ditë më parë, meningokoku ishte virusi vdekjeprurës i Meningitit i cili i mori jetën një vajze 17 vjeçare. E pas ketij rasti, mjeket bejne apel si të mbrohemi nga kjo sëmundje dhe tregojne janë shenjat e para të saj.
Ndaj sëmundjes së Meningjitit shkaktuar nga virusi i menigokokut bëhet shumë pak pasi sëmundja nuk lë kohë për të vepruar. Kjo ishte edhe një nga arsyet përse një 17 vjeçare humbi jetën vetëm pak ditë më parë. Në një intervistë për Report Tv mjeku infeksionist Pëllumb Pipero thotë se të gjithë janë të ekspozuar nga meningjiti, i cili për fat të mirë është më i thjeshtë për tu menaxhuar se sa meningokoku.
“Ka shumë njerëz që e kanë dhe e mbartin meningokun, në hundë kryesisht dhe gjatë tështimës prekjes me duar mund të na japin neve. Ndërkohë personi që e ka nuk zhvillon asnjëherë sëmundje, tek ne, që mund të mos kemi mbrojtje imunitare zhvillohet meningiti”.
Mjeku thotë se duhet të kemi kujdes për kushtet higjenike. Por cilat janë shenjat e meningitit?
“Është shumë e vështirë që një qytetar apo edhe mjeku i familjes ta identifikojë këtë sëmundje, është shumë e shpejtë. Shenjat e para janë dobësia e përgjithshme, temperatura e lartë, dhimbja e kokës dhe errësimi i ndërgjegjes dhe krahas kësaj disa njolla në lëkurë”.
Mjeku Pipero bën me dije se meningiti konsiderohet emergjent dhe nëse pacientët shohin të tilla shenja duhet të paraiteten menjëherë te mjeku.
Mund të duket çudi, por ka ndodhur para 3 ditësh, që brenda 2 njoftimeve për tendera, të bëra nga Fondi i Sigurimit të Detyrueshëm të Kujdesit Shëndetësor (FSDKSH), të ketë dy skandale të rënda, që lidhen me falsitetin e datave reale të zhvilimit të tenderëve dhe përdorimin për blerje mobilje zyrash e makinash, të fondeve të ilaçeve të listës së rimbursushme.
Drejtori i FSDKSH Eduard Ahmeti, ish drejtor i Agjencisë së Prokurimeve Publike (kontrollit të tenderëve), ka fimosur dy tendera me vlerë totale 299 milionë lekë, për blerje mobiljesh zyre dhe blerje automjetesh, ndërkohë që ky fond është i paracaktuar nga Ahmetaj i ministrisë së financave, për ilaçet e listës së rimbursimit.
Në tenderin e parë, drejtori FSDKSH ka hequr 96 milionë lekë nga fondi i ilaçeve dhe i ka akorduar për blerje mobiljesh zyre, ndërsa në tenderin e dytë, ka hequr mbi 200 milionë lekë, për blerje automjetesh.
Por skandali nuk përfundon me kaq, mbasi sipas njoftimit zyrtar të FSDKSH, 2 tenderët janë shpallur në Buletinin e APP të datës 6 gusht 2018, për t’u zhvilluar në datën 31 korrik 2018 dhe në fakt, shefat e FSDKSH i kanë hapur ofertat e paraqitura, në datën 31 korrik ora 10.00 për tenderin e blerjes së mobiljeve dhe në orën 12.00, për tenderin e blerjes së makinave
Por, cili është ai “ekspert”, që mund ta sqaroj këtë histori pazaresh e falsitetesh të shefave të FSDKSH, të emëruar “me “konkurs e CV anti-korrupsion” nga kryeministri, që për një tender të zhvilluar 1 javë më parë, njoftimin për ta zhvilluar e bëjnë… 1 javë prapa!
Njoftimi për blerje automjetesh
Emri dhe adresa e autoritetit kontraktor: Fondi i Sigurimit të Detyrueshëm të Kujdesit Shëndetësor (FSDKSH), Adresa Rruga “Sami Frashëri”, Nr. 8, Tiranë Personi i kontaktit për këtë procedurë prokurimi është: Elkonis Buhaljoti, e-mail: [email protected]3.Numri i referencës së procedurës/lotit: REF-81476-07-31-2018
Objekti i kontratës/marrëveshjes kuadër: “Blerje Automjetesh”Fondi limit: 16,792,000 (gjashtëmbëdhjetë milion e shtatëqind e nëntëdhjetë e dy mijë) lekë pa tvsh Kohëzgjatja e kontratës për ekzekutimin: 3 (tre muaj nga lidhja e kontratës) Afati kohor për dorëzimin e oferta-kërkesave për pjesëmarrje: 31/08/2018, ora: 12:00 Njoftimi për blerje mobiljesh
Emri dhe adresa e autoritetit kontraktor: Fondi i Sigurimit të Detyrueshëm të Kujdesit Shëndetësor (FSDKSH), Adresa Rruga “Sami Frashëri”, Nr. 8, Tiranë Personi i kontaktit për këtë procedurë prokurimi është: Elkonis Buhaljoti, e-mail: [email protected]3.Numri i referencës së procedurës/lotit: REF-81425-07-31-2018
Objekti i kontratës/marrëveshjes kuadër: “Shpenzime për pajisje zyre” Fondi limit: 8,014,201.2 (tetë milion e katërmbëdhjetë mijë e dyqind e një pikë 2) lekë pa TVSH Kohëzgjatja e kontratës ose afati kohor për ekzekutimin: për një periudhë prej 2 muajsh duke filluar nga lidhja e kontratës Afati kohor për dorëzimin e oferta-kërkesave për pjesëmarrje: 31/08/2018 ora 10:00/korrieri
Vlora sonte kthehet në një vend feste. Mbrëmjen e sotme, Lungomare do të kthehet në një skenë madhështore argëtimi dhe mikëpritje për vizitorët e shumtë që po kalojnë pushimet verore atje.
Kryetari i Bashkisë së Vlorës, Dritan Leli, në një prononcim për mediat ka dhënë disa detaje për festën ku është shprehur se ,” eventi do të mbahet në në Lungomare, me një tavolinë të madhe të shtruar përgjatë gjithë Lungomares duke filluar nga ora 21:00 e mbrëmjes. Gjithashtu, në këtë festë do të performojë dhe këngëtari Alban Skënderaj, i cili është i ftuar special i kësaj mbrëmje. Kjo mbrëmje do t’i tregoi të gjithë pjesëmarrësve dhe mirëpritjen vlonjate”.
Leli shtoi se ”aktivitete do të ketë dhe në zonën e plazhit dhe do të jetë një super event dhe fal bashkëpunëtorëve dhe sponsorëve të shumtë. Sot është dita që unë të ftoj të gjithë qytetarët e Vlorës të bëhen pjesë e këtij eventi, të argëtohemi të gjithë së bashku deri në orët e para të mëngjesit duke shijuar ritmet e muzikës”.
Në fund, Leli tha se,”kjo festë është gjithashtu është një iniciativë e bashkisë së Vlorës për të promovuar bizneset. Të gjithë bizneset janë pjesë e kësaj feste. Turizmi nuk është vetëm plazh, diell dhe restorante të mira, por është dhe argëtim. Mbrëmja e sotme, do të promovojë një vlerë të shtuar të argëtimit për të gjithë ata që vizitojnë Vlorën këtë sezon”, përfundoi ai./atsh
