Aurora

Fuqia kurative e nenexhikut të egër dhe roli i fortë në organizëm

Shendetesi / /

Nenexhiku i egër është një nga erëzat më të preferuara, jo vetëm për vlerat mjekësore, por edhe për shijen dhe aromën që përcjell.

Gjethet e nenexhikut të egër janë përdorur që në lashtësi dhe aroma e tyre gjithnjë ka simbolizuar mikpritjen në shumë kultura.

Kërkimet shkencore të kohëve moderne vazhdojnë të provojnë atë që tashmë dihet në mbarë botën: nenexhiku i egër është një nga kurat bimore më të çmura të natyrës.

Ndryshimi kryesor mes nenexhikut të egër dhe atij të kultivuar qëndron në faktin se ndryshe nga nenexhiku i butë i vazove apo oborreve, nenexhiku i egër gjendet i rritur në natyrë duke i mbijetuar vetë kushteve atmosferike dhe elementëve natyrorë.

Shqipëria është një nga vendet e bekuara me këtë bimë mjekësore dhe nenexhiku i egër gjendet shpesh nëpër pyje dhe kullota.

Çaji i nenexhikut të egër përgatitet njëlloj siçdo çaj tjetër bimor. Mjaftojnë dy lugë kafeje me nenexhik të thatë në një gotë ujë të valuar. Kullojeni dhe ëmbëlsojeni sipas dëshirës.

Pesë vlerat shëndetësore të çajit të nenexhikut të egër

1. Largon stresin

Çaji i nenexhikut të egër është aleat shumë i fuqishëm kundër stresit dhe ankthit.

Mentoli që gjendet në këtë barishte, qetëson muskujt, një aspekt fizik që përkthehet në një trup dhe mendje të qetë dhe pa ankth.

2. Sjell gjumin e munguar

Nëse pini çaj nenexhiku përpara se të shkoni në shtrat, atëherë do të bëni një gjumë të qetë. E gjithë kjo aftësi e këtij çaji, vjen nga përmbajtja e mentolit tek nenexhiku.

Jo vetëm që ai qetëson muskujt, por edhe ju ndihmon të keni ëndrra të bukura. Përpiquni të lexoni një libër teksa pini çaj nenexhiku.

3. Rrit përqendrimin

Keni vështirësi të përqendroheni? Zgjidhja qëndron tek çaji i nenexhikut të egër i cili rrit përqendrimin dhe vigjilencën.

Hidhni gjethet e nenexhikut në një enë me ujë të valuar dhe mbulojeni me kapak deri sa të ziejë. Mbajeni çajnikun në dhomën e ndenjes dhe lëreni aromën të pushtojë shtëpinë tuaj. Do të ndieni ndryshimin menjëherë.

4. Kuron sinozitin

Konsumi i lëngjeve të ngrohta si çaji me mjaltë mund të ndihmojë me zhbllokimet në rrugët e frymëmarrjes, por çaji i nenexhikut të egër është më special.

Lëngu i ngrohtë i nenexhikut gjithashtu kuron fytin e lënduar, një nga simptomat më frekuente të virozave dhe të ftohtit.

5. Zgjidh problemet me stomakun

Çaji i nenexhikut është një kurë natyrale për disa probleme me stomakun, siç janë fryrjet, gazrat dhe konstipacioni.

Ditët e sotme vaji i nenexhikut përdoret nga ekspertët për të kuruar problemet me stomakun dhe zorrët.

Çaji i nenexhikut lehtëson kalimin e gazrave në organizëm, largon të vjellat, zgjidh problemet me diarenë dhe konstipacionin.

Pavarësisht këtyre vlerave të mira, nuk duhet harruar që çaji i nenexhikut të egër mund të ketë disa efekte anësore. Disa njerëz janë alergjikë ndaj mentolit, ndaj duhet pasur kujdes. Femrat shtatzënë duhet të dinë gjithashtu që çaji i nenexhikut relakson uterusin dhe mund të rrisë rreziqet e abortit./AgroWeb.org

Fuqia kurative e nenexhikut të egër dhe roli i fortë në organizëm Read More »

“Tradita Libohovite”, festohet në një Libohovë të transformuar

Aktualitet, Art-Kulture / /

Në festën e përvitshme ”Tradita Libohovite”, bashkia Libohovë vlerësoi me titullin ‘Qytetar Nderi’ Sotir Çonin dhe George Andrews, ndërtuesit dhe investitorët e fabrikës së ujit, me motivacion, “për kontribut të shquar në zhvillimin ekonomiko-social dhe human të krahinës së Zagorisë”.

Gjithashtu u vlerësua me këtë titull edhe Stefan Kagjini, një ndër veteranët e aviacionit ushtarak, me motivacion, “për vlera dhe kontribute të veçanta në fushën e Aviacionit Ushtarak Shqiptar”. Inxhinier i talentuar dhe novator, me efektivitet të lartë shkencor, për dekada të tëra shërbeu me devotshmëri duke pasuruar më tej traditat në sektorët ushtarakë të aviacionit”.

Në festën e Libohovës ishin të pranishëm banorë, miq dhe të ftuar të shumtë, e cila kësaj here u zhvillua në një Libohovë të transformuar.

Kjo ishte mënyra më e mirë për ta inauguruar qendrën e re me këngë e valle që bënë bashkë libohovitët, ata që jetojnë këtu, të tjerët nëpër Shqipëri dhe sigurisht ata jashtë shtetit. /atsh

“Tradita Libohovite”, festohet në një Libohovë të transformuar Read More »

Industria e turizmit, mundësi për punësimin e të rinjve

Aktualitet, Turizem / /

Rritja e turizmit në Shqipëri është një mundësi e shkëlqyer për punësimin e të rinjve në këtë sektor.

Përfaqësues të agjencive, guidave dhe udhërrëfyesve turistikë, ishin përballë të rinjve të “Smile Albania” në kampin e Jalit, aty ku të rinjtë trajnohen duke punuar për turizmin dhe mjedisin.

“Në qoftë se ka një gjë që mund të bëni lekë dhe të jetoni bukur, është turizmi. Ka aq shumë mundësi punësimi. Është zanat. Rroga mesatare e një guide është 50 euro në ditë”, tha Vladimir Dedë Ndrea, drejtues i “Albania Adventure”.

Përfaqësuesit e guidave thanë se certifikimi i guidave nga Ministria e Turizmit dhe Mjedisit ka nxitur profesionalizmin në këtë fushë.

“Më pëlqen që Ministria e ka bërë tani me certifikime. Bëj trajnim dhe Ministria të licencon nëse e meriton”, tha Ndrea.

Në një bashkëbisedim të hapur, guidat rrëfyen përvojën e tyre në turizëm, duke ndarë me të rinjtë fillesat, përgatitjet por edhe vështirësitë e këtij profesioni.

“Nëse punën e bën me dëshirë e pasion, lodhja konsiderohet zero”, tha Paola një tjetër guidë e pranishme në takimin me të rinjtë e “Smile”.

Në fund të takimit të rinjtë e “Smile Albania” dhe përfaqësuesit e guidave dhe operatorëve turistikë, zhvilluan një ndeshje volejbolli në kampin më të madh të buzëqeshjes, në Jal./ atsh

Industria e turizmit, mundësi për punësimin e të rinjve Read More »

Bursa studimi në Itali, dokumentacioni që kërkohet për të aplikuar

Arsim / /

Të gjithë të interesuarit që dëshirojnë të vazhdojnë studimet në Itali, tashmë mund të aplikojnë për bursa deri më 12 nëntor të këtij viti.

Falë bashkëpunimit të ngushtë me Universitetin e Studimeve të Tuscia në Itali në programin “Erasmus + KA1”, rreth 12 studentë nga Universiteti i Tiranës do të kryejnë një semestër të plotë në këtë universitet në Viterbo të Italisë për vitin akademik 2018-2019.

Thirrja do të qëndrojë e hapur deri më datën 2 nëntor për të gjithë studentët e interesuar, ndërsa bursat e studimit do të përfshijnë nivelin “Bachelor” dhe “Master”, nga një semestër secili.

Lidhur me dokumentacionin e nevojshëm për të aplikuar në nivel “Bachelor” dhe “Master”, këto të fundit përfshijnë: CV (në gjuhën angleze/italiane në vartësi të programit të studimit), kopjen e pasaportës, vërtetim studenti, listë notash e nivelit “Master” (të përkthyer zyrtarisht në gjuhën angleze/italiane në vartësi të programit të studimit), listë notash dhe diplomë e nivelit “Bachelor” (të përkthyer zyrtarisht në gjuhën angleze/italiane në vartësi të programit të studimit), letër motivimi në gjuhën angleze/italiane në vartësi të programit të studimit;

– Certifikatë e gjuhës së huaj (Anglisht B1/Italisht B1), Learning Agreement (kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës).

Dokumentacioni duhet dorëzuar fizikisht në Rektoratin e Universitetit të Tiranës, Drejtoria e Komunikimit, Sektori i Marrëdhënieve me Jashtë si dhe të skanuara në formatin PDF në adresën [email protected] . /atsh

Bursa studimi në Itali, dokumentacioni që kërkohet për të aplikuar Read More »

Gjirokastër, Drejtoria Rajonale e Punësimit shpall 710 vende të lira pune

Aktualitet / /

Drejtoria Rajonale e Punësimit në Gjirokastër në vetëm 6 muaj ka ndërmjetësuar 583 punëkërkues në sipërmarrjen private ndërsa në sistem janë 710 vende të lira pune.

Nga të dhënat e bëra publike, për periudhën janar – korrik 2018 rezulton se janë ndërmjetësuar 583 punëkërkues në sipërmarjen private, 70 nga ish-Ndihma Ekonomike, 23 nga Ndihma Ekonomike, 17 nga grupet e veçanta (romë/egjiptianë), 2 persona me aftësi të kufizuar (PAK).

Po kështu, sipas të dhënave të kësaj Drejtorie, 26 persona janë punësuar pas përfundimit të formimit profesional ndërsa rezultojnë 366 punëkërkues të regjistruar në kurset e Formimit Profesional. Në sistem janë 710 vende të lira të shpallura, ndërsa janë kryer
1047 takime me punëdhënësit./atsh

Gjirokastër, Drejtoria Rajonale e Punësimit shpall 710 vende të lira pune Read More »

Rama-Meta, po bëjnë gati Uzinën, do prodhojnë floririn që del nga bakri, pazar me koncesionarin turk, ja dokumenti

Aktualitet, Politike / /

Minierat dhe fabrikat e bakrit shqiptar, u dhanë më 2001 nga Ilir Meta për 30 vjet, Rama e zgjati në 45 vjet më 2017.

Me prapanicat e futura në det dhe duke u shtirur sikur janë në armiqësi me bosët e LSI, bosët e pushtetit të “rilindjes”, mendojnë, sajojnë, firmosin e vulosin koncesine dhe tendera të përbashkët afro gjysëm shekullorë, me vlerë miliarda lekë, për të shtuar pasuritë e tyre, të familjarëve ndër breza, të miqve, klientëve, shokëve e dashnoreve.

Këto hajdutëri, fillimisht i promovojnë si “shërbim në interes të qytetarëve e banorëve të zonave”, ku ata hapin themele dhe ngrenë biznese, duke investuar taksat publike dhe borxhet e shumta që marrin nëpër botë, por që paguhen nga shqiptarët.

Më datë 13 gusht 2018, megjithëse banda qeveritare është me pushime nëpër plazhe, resorte e male, nga zyrat e saj ka dalë njoftimi, për shpalljen e një tenderi me vlerë 806 milionë lekë, ose afro 1 miliardë lekë, me objekt “Rehabilitim i Uzinës së Rafinimit të Bakrit në Rubik” e cila siç dihet, ka qenë uzina e pasurimit (prodhimit) të 1500 kg. flori shqiptar i derdhur në linkota, që nxirrej nga minerali bakrit.

Ky rehabilitim, sipas informacioneve që ka siguruar “PAMFLETI”, fsheh skemën e një biznesi-koncesionar familjar Rama-Meta, në industrinë e nxjerrje-pasurimit (prodhimit) të floririt, mbasi projekti rehabilitues, parashikon rivendosjen në punë, vetëm të impiantit të pasurimit (larjes së bakrit), duke percipituar floririn në vaskat e shllamit dhe repartin e elektrolizës së argjendit, ku veçohen këto dy metale me vlerë.

Lënda e parë minerali i bakrit, do të çohet në Uzinën e Rubikut, nga minierat e Munellë-Lak Roshit-Fushë-Arrëzit, që nxirret nga firma konesionare turke “Ber Orner”, me administrator hebreun me shtetësi truke Erol Kohen, i cili i ka marrë me koncesion minierat e bakrit në Shqipëri, qysh 17 vite më parë, me vendim qeverie të Ilir Metës-kryeministër, datë 18. 01. 2001, miratuar brenda 15 ditësh në parlament, me Ligjin Nr. 8761, datë 02. 04. 2001.

Duke parë ndërhyrjen e përshpejtuar, për rehabilitimin e uzinës së bakrit në Rubik, që sipas njoftimit të qeverisë “Rama-2”, duhet të rehabilitohet për 6 muaj e 15 ditë (25 mars 2019), del sekreti i vendimit të Qeverisë “Rama-1”, për miratimin urgjent e në fshehtësi, të Ligjit nr. 73/2017, datë 27. 04.2017, hartuar nga Edi Rama Kryeministër dhe Ilir Meta Kryetar Kuvendi, për lejimin e ndryshimit të emrit të firmës turke, nga “Ber Orner” në “Nesco Metal” dhe shtimin e afatit të koncesionit të bakrit, nga 30 vjet që ishte, në 45 vjet, ose deri në vitin 2046.

Këtë bindje, ta përforcon edhe fakti absurd, që qeveria po financon rehabilitimin e Uzinës së Rubikut, të cilën sipas kontratës koncesionare 45-vjeçare, e ka në administrim dhe detyrim për rehabilitim teknologjik e rivënie në punë, firma turke “Ber Orner” (Nesco Metal) e cila deri në vitin 2046, ka në zotërim zonat minerare të bakrit dhe 9 qendra industriale, konkretisht Uzinën e Shkrirje-Rafinerisë së Bakrit Rubik, Impiantin e Skorjeve të Bakrit në Shëngjin, minierat e bakrit në Munellë, Lak-Rosh, Karmë, Vlahnë, Perollaj, fabrikën Fushë-Arrëz, Mjedë dhe Krumë.

Atëherë përse qeveria, financon 1 miliardë lekë taska publike, për biznesin e koncesionarit privat të bakrit, i cili ka 15 vite që nuk po i shlyen shtetit shqiptar, 118 milionë USD detyrime taksa vendore qendrore, rent minerare, energji elektrike, ujë e sigurime shoqërore-shëndetësore të punonjësve?!

A ka lidhje ky investim i përshpejtuar në Uzinën e Bakrit në Rubik, me një pazar-biznes familjar Rama-Meta, për nxjerjen dhe pasurimin (prodhimin) e floririt shqiptar?

Në vijim, “PAMFLETI” do të publikojë, fakte e dokumente, që zbardhin këtë pazar të (ar)miqve “të egër” Rama-Meta, për të futur në “kthetra” edhe industrinë e bakër, flori, argjendit./Pamfleti

NJOFTIMI/MINISTRIA E INFRASTRUKTURËS DHE ENERGJISË

Rama-Meta, po bëjnë gati Uzinën, do prodhojnë floririn që del nga bakri, pazar me koncesionarin turk, ja dokumenti Read More »

“Lojë hilanjose”, ish ministri drejtësisë për banorët e Kakomesë: Ju nuk jeni as pronarë, shteti ia shiti gjirin…

Aktualitet / /

Një protestë absurde e ka cilësuar ish-ministri i Drejtësisë, Ylli Manjani, atë që po bëjnë banorët e Nivicës për Gjirin e Kakomesë. Sipas tij ata as nuk janë pronarë të ligjshëm të pronës aty. Manjani ndërkohë akuzon edhe ndërtuesit dhe shtetin, për gjendjen në të cilën ndodhet ajo zonë.

Reagimi i Manjanit
U bë rutinë kjo përplasja me policinë e banorëve të Nivicës. Në fakt e gjithë kjo përplasje është një lojë hilanjose krejt e pa sinqertë dhe me kosto për publikun. Banorët-investorët-(pu)shteti janë të tre palët që luajnë me hilé! 1.Banorët e Nivicës nuk kanë qenë asnjëherë në shekullin që shkoi pronar të atij vendi që quhet Gjiri i Kakomesë. Qeveria e Zogut ju dha në PËRDORIM, pra jo në pronësi, pyjet dhe kullotat e asaj zone. Vetëm kaq!

Asnjë dokument nuk provon pronësinë mbi tokën të asnjë banori atje. Autoritetet dhe gjykatat shqiptare e kanë theksuar në mënyrë të përsëritur këtë gjë. Ndaj pretendimi se po ju marrin tokat e të parëve është me hilé. I pabazuar askund! Banorët e Nivicës kanë të drejtë, pa dyshim, të përdorin plazhin njësoj si çdo qytetar tjetër nga Saranda, Tirana, Kukesi etj. 2.Investitorët/ndërtuesit, pra parellinjtë gënjyen shtetin për kaq vite që aty do ndërtonin nje resort turistik.

Madje ky resort do kishte dhe emra të mëdhenj si Club Mediterranea. Por hiç! Mbi këtë gënjeshtër ata përfituan tokë me kontratë afat-gjatë qeraje, si fillim. Në vijim, pas një ligji të zi dhe të zbatuar për faqe të zezë, fituan dhe pronësinë mbi tokën me çmim ALUIZNI. Pra me hilé e kishin dhe parallinjtë! Asgjë nga ato që premtuan të bënin, kur morën tokën publike, nuk bënë! Ca pllaka betoni të shpifura dhe një rrugë janë asgjë në raport me ç’premtuan dhe ç’përfituan! Ndërkohë ata nuk janë pronarët e gjithë gjirit. Plazhi dhe aksesi në të janë publike! Ata nuk mund të vënë tra/portë hekuri në mes të rrugës e as në mes të detit. Maksimumi mund të rrethojnë pronën e tyre që kanë fituar me çmimin e ALUIZNIT. Kaq!

Nuk mund të ndalojnë dot aksesin e njerëzve as nga toka e as nga deti për në plazh. 3.(Pu)Shteti është pa dyshim hilanjosi më i madh. Dha një tokë publike për një qëllim të madh dhe nuk bëri asgjë për ta mbrojtur pronën kur “qëllimi i madh” nuk u realizua. Mori letrash, kontratash, lejesh me afate të tej-tejzgjatura u prodhuan, por asnjë rrjesht nuk ndaloi grabitjen e pronës publike.

Me hile e dha atë tokë me qera dhe po me hilé e shiti një pjesë të saj tek parallinjtë /investitorë. Me hilé (pu)shteti pranoi transaksione parallinjsh megjithse investimi i premtuar dhe me emra të mëdhenj, që të gjithë do ishim dakort, NUK U BË! Dhe po me hilé (pu)shteti çon policë për të mos lejuar aksesin në plazh. Kulmi! Shteti na e ka të gjithëve me hilé, sepse nuk mbron pronën publike, por e shet e tjetërson si mall pa zot.

Pra të gjithë ja kanë me hilé njëri-tjetrit. Puna është se një ditë të bukur, parallinjtë do hedhin (pu)shtetin në gjyq, sepse ky i fundit nuk garanton dot “investimin” nga kërcënimet e banorëve dhe gjykatat vendosin dëmshpërblim!. Këtë të fundit e paguajmë TË GJITHË NE! Kështu hileté e Kakomesë bëhen të hidhura për të gjithë! Se as resorti do behet, as plazhi do përdoret, as banorët nuk do kullosin dot delet, por vetëm publiku do PAGUAJË!

“Lojë hilanjose”, ish ministri drejtësisë për banorët e Kakomesë: Ju nuk jeni as pronarë, shteti ia shiti gjirin… Read More »

Aleatët mesazh të qartë Bashës: Në shtator merren vendimet, kundër braktisjes së Kuvendit, ke dy zgjidhje, dil…

Opinione, Politike / /

Shtatori po afron dhe së bashku me të edhe sesioni i ri parlamentar. Por aleatët e opozitës janë në kohë me kërkesat e tyre për kryetarin e PD Lulzim Basha. Pa humbur kohë ata e bëjnë të qartë rolin e tyre në stinën e re pralamentare që nis në shtator, duke dalë kundër tezës së bojkotit të Kuvendit. Në një intervistë për In News kreu i LZHK Dashamir Shehi thotë se kjo nuk është rruga e duhur për opozitës, ndërsa lajmëron se ky vendim do të merret në nisje të sesionit të ri kuvendor.

“Jemi jo për djegien e mandateve. Nuk ka kuptim fare në këto momente që të djegien mandatet. Por në shtator e pas do të merren vendimet:, deklaron kreu i LZHK. Por Shehi jep dhe arsyet se përse është kundër bojkotit të Kuvendit, ndryshe nga demokratët. “Nuk është kjo më e rëndësishme, sepse një ushtari të mirë i duhet edhe shpata, i duhet dhe mburoja dhe ushta. Ti heqësh një nga armët kjo nuk ka asnjë vlerë”, deklaron ai.

Por nëse opozita vendos bojkotin e Kuvendit për kreun e LZHK-së Dashamir Shehin ka vetëm dy rrugë. “Kur do të abandonësh parlament duhet të mendosh o të shkosh në zgjedhje o të dalësh në rrugë të mbash një revolucion demokratik”, përfundon Shehi.

Aleatët mesazh të qartë Bashës: Në shtator merren vendimet, kundër braktisjes së Kuvendit, ke dy zgjidhje, dil… Read More »