Aurora

Është zbardhur marrëveshje me Shqipërisë dhe Greqisë për njohjen e lejeve të drejtimit të automjeteve. Sipas njoftimit të Drejtorisë së Përgjithshme të Shërbimeve të Transportit Rrugor, Shqiptarët mund të përdorin këtë dokument edhe në territorin grek nëse plotësojnë disa kushte të thjeshta.

Shqiptarët që zotërojnë këtë leje drejtimi, model i lëshuar nga 1 korriku i vitit 2005, ose ata që janë të pajisur me formatin që ka nisur të shpërndahet nga  24 janari i vitit 2017,  mund të drejtojnë automjetin e tyre edhe në territorin grek. Drejtoria e Përgjithshme e Shërbimeve të Transportit Rrugor ka zbardhur marrëveshjen e nënshkruar mes Shqipërisë dhe Greqisë, mbi njohjen e ndërsjelltë të lejeve të drejtimit.

Sipas kësaj marrëveshje shqiptarët mund të përdorin patentën e marrë në vendin tonë për aq kohë sa nuk kanë vendosur rezidencën normale në shtetin fqinj. Në momentin që nisin jetesën në Greqi ata mund të konvertojnë lejen e drejtimit nga shqiptarë në grekë duke zbatuar një procedurë të thjeshtë.

Mjafton të paraqesin një kërkesë pranë Drejtorive të Transportit dhe Komunikimit të Rajoneve në shtetin Grek. Një procedurë që bëhet pas kryerjes së kontrolleve që vërtetojnë se personi është fizikisht i aftë të drejtojë një mjet motorik ose një kombinim të mjeteve të kategorisë specifike.

Për të shmangur testet teorike dhe praktike mjafton përkthimi zyrtar i lejes së drejtimit të marrë në Shqipëri në gjuhën greke. Të njëjtat rregulla marrëveshja i parashikon edhe për grekët që udhëtojnë  në vendin tonë. Tashmë ky dokument ka hyrë në fuqi dhe vlefshmëria e tij ka afat të papërcaktuar. /abcneës

U aludua se ngjarja lidhet me detyrën e të vëllait të gazetares, Rexhepit, i cili ka punuar prej 4 vjetësh si specialist në burgun e Fushë-Krujës dhe prej 3 javësh si jurist në burgun e Krujës. Por, për familjarët e saj ky variant nuk qëndron.

Antoneta Lala, motra e Klodianës, thotë: “Ky sulm nuk ka lidhje me babain apo me mua. Mendoj se ka lidhje me motrën sepse nuk është hera e parë që ndodh. Ka pasur edhe kërcënime të tjera”.

“Nuk e di se çfarë aludojnë mediat, por im vëlla nuk ka pasur probleme kurrë”, thotë Antoneta.

Ngjarja ndodhi rreth orës 03:00 të mëngjesit të së enjtes. Po atë natë, shumë afër familjes Lala zhvillohej edhe një dasmë dhe të shtënat u mendua se vinin prej andej.

“Babai doli jashtë për të parë, por është errësirë këtu. Më vonë babai ka parë gëzhojat”, tregon motra e gazetares.

Antoneta tregon se në shtëpi kishte shumë njerëz atë natë: “Dy vajzat e Klodianës, babai, nëna dhe dy mysafirë. Nuk mendoj se kanë dashur të vrasin njeri, pasi po të donin, do të kishin vrarë”.

Familja Lala ka 20 vjet që jeton në Laknas: “Nuk kemi frikë, nuk i kemi kujt borxh, kështu që nuk do të largohemi këtu. Vetëm u kërkoj që të mos krijojnë terror te fëmijët”.

Kryeministri Edi Rama ka publikuar një video në Instastory nga Stadiumi ‘Arena Kombëtare’.

Rama ka bërë një inspektim të punimeve, ku shihet se stadiumi po merr formë.

Ai ka bërë një shëtitje mes shkallëve të stadiumit dikur “Qemal Stafa” që do të vijë së shpejti me një pamje krejtësisht të re.

Pas majës së Jezercës, Presidenti Ilir Meta është ngjitur në Tropojë duke vijuari turin e tij në të gjithë vendin duke vizituar bukuritë natyrore. Ai është takuar me banorë duke ngritur një dolli për popullin e Tropojës, ndërsa ishte i shoqëruar edhe nga ambasadori i Shqipërisë në Kosovë, Qemal Minxhozi.

“Ambasadorit Minxhozi i kërkoj të marrë përgjegjësitë për këtë shëndet, për popullin e mrekullueshëm të Valbonës dhe Tropojës, që i mikpret të gjithë dhe është kaq i përkushtuar për të treguar këto bukuri të jashtëzakonshme të Bjeshkëve të Nemuna e Alpeve tona”, thotë Meta në dollinë e tij. Presidenti Ilir Meta vizitoi dje Alpet Shqiptare. Kreu i shtetit u ngjit në pikën më të lartë të Alpeve tona dhe më të vështirën në të gjithë Ballkanin, Majën e Jezercës 2696 metra.

Fotot dhe videot e kësaj aventure sportive dhe turistike janë duke bërë xhiron rrjeteve sociale dhe mediave online. Në fund të ngjitjes në Jezercë, Ilir Meta ka shkruar këtë mesazh në librin e përshtypjeve, në të cilin gjithë alpinistët dhe udhëtarët që arrijnë në Majë të Jezercës (që realisht janë të rrallë) shkruajnë për përvojën dhe emocionet e udhëtimit jo të zakonshëm.

“Mrekulli të ngjitesha këtu në kryemajën e alpeve tona, Jezercë. Falenderim të veçantë Fatos Kotollozit dhe Mentor Bojku të “Outdoor Kosova”, Dardanit e Julianit nga Valbona dhe Bashkim Kuliçit nga Tropoja“,- shkruan Presidenti.

Në kuadër të mbarëvajtjes së sezonit turistik dhe angazhimit të shtabit të Emergjencave Civile, për parandalimin dhe menaxhimin e rasteve të zjarreve, Prefekti i Qarkut Vlorë ben me dije se për cdo vatër zjarri do të bëhet hetim serioz nga organet kompetente për gjetjen e autorëve të cilët kanë shkaktuar zjarrvënie me ose pa dashje.

Për të minimizuar rastet e zjarreve ligjërisht nuk lejohet të bëhet më ‘zjarrvënie e kontrolluar’. Të gjithë ata persona të cilët kanë kullota ose parcela toke, nuk mund ti vënë zjarrin parcelës që disponojnë. Të gjitha materialet e mbledhura nga toka duhet të grumbullohen dhe të transportohen në pika grumbullimi.

Institucionet po bashkëpunojnë për vendosjen e saksioneve ekstra për co person që tenton dhe shkakton zjarr, duke vënë në funksion gjithë kompetencat në mbrojtje të natyrës, mjedisit dhe jetës së qytetarëve.

Për cdo rast zjarri, forca e ligjit do të veprojë në mënyrë të menjëhershme me qëllim vënien para drejtësisë për cdo person që shkakton zjarrvënie me ose pa dashje.

Prefekti i Qarkut Vlorë