Aurora

Dita Europiane e Përkujtimit të Viktimave të Sistemeve Totalitare do të nderohet në Tepelenë, më 23 gusht,

Të mbijetuar, përfaqësues nga institucione të ndryshme dhe shoqëria civile, dhe artistë shqiptarë do të përkujtojnë këtë ditë me disa aktivitete të organizuara në nder të kësaj dite. Ambasada amerikane në Tiranë ka bërë të ditur se kjo ditë do të vijë e organizuar me ekspozitë, nderim të të mbijetuarve si dhe muzikë.

Ndërkaq, dokumente arkivore të dhjetëra dosjeve që dokumentojnë përndjekjen e ish-Sigurimit të Shtetit në zonën e Tepelenës, ato të kryengritjes së Zhapokikës, përndjekjes së klerit, dosjet e Sigurimit të ish-kampit të Bënçës, indekset alfabetike të përndjekjes në Tepelenë, dosja e Trifon Xhagjikës, Neim Pashës, Zenel Shehut, Selahudin Totos dhe dhjetëra të tjera, do të jenë pjesë e ekspozitës që do të zhvillohet në Tepelenë.

Aktivitetet:

Në orën 12:00 në Pallatin e Kulturës në Tepelenë do të jetë simpozium, ekspozitë dokumentare “Përndjekja komuniste në Tepelenë”, puna e detyruar në diktaturë.

Ceremoni: ora 18:00, ish kampi i internimit. Nderimi i të mbijetuarve nga presidenti Ilir Meta

19:30 “Art”, edhe muret kanë veshë

21:00 muzikë me tre musketierët( Elton Deda, Aleksandër Gjoka, Redon Makashi) “Asgjë sikur dielli”. /atsh

https://www.facebook.com/MemoAlbania/videos/481330225669433/?t=0

Qindra banorë të fshatit Brataj në Vlorë kanë dalë sot në protestë kundër ndërtimit të hec-it të Gjormit.

Vendimi për ndërtimin e një Hec-i në fshatin Gjormë dhe bllokimi i rrjedhës së lumit Shushicë për t’u shfrytëzuar nga Hec-i ka ngritur banoret sot në protestë.

Banorët shprehen për gazetaren e Fax News Afrovita Hysaj: Qindra familje të Bratit jetojne me bujqesi dhe blektori, pa ujin e lumit fshati ska më jetë. Tokat mbahen me ujin e lumit. Ura shekullore e Bratit monument i mbrojtur, del jashtë funksionit.

Banorët po mbledhin firma për të ndaluar ndërtimin e hec-it. Do të shkojmë në gjykatë nëse nuk ndërpresin ndërtimin./faxweb

https://youtu.be/fbczb7tX03M

Ekrani i madh në “Open Cinema” në Lungomare Vlorë, jo vetëm po përcjell filma të regjisorëve të njohur shqiptarë, por dhe atyre të huaj. Ky projekt ka nisur dhe në qytete të tjera dhe sipas organizatorëve ka bërë bashkë dhe kineastë dhe aktorë të njohur, që janë pjesëmarrës gjatë shfaqjes së filmave.

Në një kohë kur në Shqipëri pothuajse kinematë nuk funksionojnë në rrethe të ndryshme përmes këtij projekti me “Open Cinema” filmi po prezantohet për publikun.

Gjatë fundjavës për publikun artdashës u shfaqën dy kinomeditë “Ëndërr për një karrige”, me aktorin Luftar Paja ,ndërsa mbrëmja e së dielës solli aktorin Birçe Hasko, këtë herë në një tjetër kinokomedi atë me titull “Zëvendësi i grave”.

Të dy kinokomeditë mbajnë emrin e regjisorit Fehmi Hoshafi. Nga data 13 -21 gusht në Lungomare Vlorë, filma të realizuara para viteve ’90, premierat e fundit të kinemasë shqiptare dhe asaj të huaj shohin dritën e projektimit në ekranin e madh aq të munguar edhe për Vlorën.

Emra të njohur të skenës dhe ekranit shqiptar si Mevlan Shanaj, Natasha Lako, Edmond Budina, Bujar Asqeriu, etj, nuk kanë munguar gjatë këtyre mbrëmjeve.

Ky aktivitet mjaft atrakativ dhe edukues dhe për brezin e ri që gjatë pushimeve të shijojnë dhe magjinë ekranit të madh do të vazhdojë deri më datë 21 gusht me magjinë e filmave shqiptar ndër vite./ATA

Janë dhënë çertifikatat e para të pronësisë për fshatin Dhërmi.

Lajmin e ka bërë të ditur ministrja e Drejtësisë, Etilda Gjonaj, e cila është shprehur në një postim në Facebook se, “rreth dy javë më parë, gjatë hapjes të zyrës së re të ZRPP në bashkinë Himarë, ju premtuam banorëve të fshatit Dhërmi, së bashku me kolegun Gjiknuri, se brenda muajit gusht procesi i regjistrimit fillestar i pronave të tyre do të kishte përfunduar si një premtim i bërë më herët”.

“Procesi i regjistrimit fillestar për fshatin Dhërmi ose ndryshe Zona Kadastrale 1481, e përbërë nga 815 pasuri me një sipërfaqe rreth 30,708 m2, ka filluar që në vitin 2015 por vetëm falë punës me intensitet të kryer muajt e fundit ky proces përfundoi duke përfshirë të gjitha fazat e projektit. Printimi i certifikatave të pronësisë do të vijojë edhe me pjesën tjetër të banorëve, deri në certifikimin e plotë të fshatit Dhërmi”, thekson Gjonaj.

“Tashmë edhe me hapjen e zyres së re të ZRPP në Himarë banorët e kësaj zone nuk kanë më nevojë që këtë shërbim t’a marrin në Vlorë, pasi do tju bëhet e mundur pajisja me certifikaten e pronësisë pranë zyrës së Himarës. Do të vijojmë procesin për të realizuar objektivin për regjistrimin fillestar të të gjitha pasurive si një proces i rëndësishëm në reformën e pronës”, shprehet Gjonaj.atsh

Zhvillohet ne Brataj protesta kunder ndertimit te HEC….

Askush nuk duhet ta shesi te ardhmen, ai eshte vendi ku natyra ka shtepizen e vet, vendi ku bukuria i ka rrenjet shekullore.

Kunder uzurpimit te natyres, te lumit, te ures, te frymarrjes…