Aurora

“Ju kam dhj*rë mu në shqiponjën që bëni me kryqëzimin e duarve”

Aktualitet, Opinione, Problematika / /

Nga Mentor Kikia

Dashuria për Shqipërinë nuk tregohet duke bërë shqiponjën me duar Edi Rama lëshoi dy batuta, të shtunën në Vlorë, ndërsa fliste për turizmin, të cilat unë dua ti risjell:

“Në drejtim të pastërtisë, kemi bërë përparime. Nga shumë pis, tani jemi pis”. “Ju që e doni këtë vend, mos e tregoni dashurinë vetëm kur luan kombëtarja, por duke mos e ndotur atë”.

Qeveria e Ramës do të ikë duke mbajtur të njëjtat përgjegjësi dhe të njëjtat dështime në gjetjen e një zgjidhjeje për problemin e mbetjeve.

Por sot dua të merrem me njerëzit. Këto foto i bëra këtë të dielë në Dajt. Shumë njerëz i frekuentojnë lëndinat e parkut. Kaq shumë kishte sa çdo ngastër hapësirë dukej si një mjedis feste. Tymi i zgarave dhe aroma e mishit të pjekur shpërndaheshin ngado.

Por pisllëku ishte i pranishëm, po ashtu, ngado, në çdo cep. Ishin mbetje të vjetra, të një viti më parë ndoshta, e të javëve të fundit.

U largova pa pritur fundin e gostisë, pasi nuk do të doja ti shikoja shfrytëzuesit e natyrës të largoheshin njëri pas tjetrit duke lënë aty kanaçet e birrave, qeset e qymyrit, letrat, bidonat e ujit e pampersat e fëmijëve.

Pikërisht! Ju kam dhj… mu në shqiponjën që bëni me kryqëzimin e duarve.

Mu në britmat nacionaliste më flamuj kuqezi e në nervin atdhetar që ju preket kur ju shajnë edhe një futbollist shqiptar në Zvicër.

Tregojeni dashurinë për këtë vend, duke e respektuar atë, duke e ruajtur e mbajtur pastër. Askujt nuk i kushton asgjë, që mbeturinat që prodhon ti fusë në një qese e ti zbresë në qytet me makinë. Ja me sa pak bëhesh atdhetar!

“Ju kam dhj*rë mu në shqiponjën që bëni me kryqëzimin e duarve” Read More »

Opozita shpall platformën për 10 ditë. Ja çfarë do ndodhë deri atëherë

Politike / /

Opozita do të dalë me një platformë të përbashkët brenda 10 ditëve. Kështu është vendosur në mbledhjen e sotme të opozitës së bashkuar.

Brenda këtyre 10 ditëve do të diskutohet nga lidershipi PD-LSI dhe do të shpallet platforma e përbashkët opozitare për aksionin politik ‘të çlirimit të qeverisë nga krimi’.

Po kështu mësohet se derisa të merren vendimet, nuk do të ketë pjesëmarrje normale në komisione dhe parlament.

Për ndërtimin e një platforme kreu i PD-së Lulzim Basha informoi gjatë fjalës për gazetarët duke e lidhur me situatën e rendit dhe krimit në vend.

Opozita shpall platformën për 10 ditë. Ja çfarë do ndodhë deri atëherë Read More »

Punësimet, tenderat dhe gota e rakisë, sollën shkarkimin e Çukos

Aktualitet / /

Përplasjet e shumta për çështjen e punësimeve në administratën e burgjeve, tenderat, gota e rakisë dhe emërimet e drejtorëve në I.E.V.P-të, kanë sjellë një konflikt të gjatë dhe stresues mes ministres së Drejtësisë Etilda Gjonaj.

Kjo e fundit ditën e sotme në mënyrë të beftë ka njoftuar Drejtorin e Përgjithshëm të Burgjeve Arben Çuko se nuk ishte më në krye të kësaj drejtorie, pasi ishte vendosur tashmë, që vendin e tij, do e drejtojë Stefan Çipa, një tjetër personazh i njohur në Partinë Socialiste.

Çuko në disa mbledhje pune me ministren Gjonaj mësohet të jetë paraqitur i dehur.

Në një komunikim telefonik Çuko tha se urdhëri i shkarkimit ka qënë i shpejtë dhe se nuk ka asnjë motivacion. “Thjesht shkarkohesh, dhe nuk ka asnjë motivacion apo arsye se pse jam shkarkuar”-deklaroi Çuko.

Prej disa kohësh mes Çukos dhe Gjonaj, kishte lindur një konflikt mes tyre, ku fillimisht sebepi i sherit janë bërë listat emërore për punësime pa kriter në administratën e burgjeve, punësime këto që Gjonaj nuk ka pranuar ti miratojë, madje madje, dhe i ka shkarkuar sapo ka mësuar praktikën e paligjshme të punësimit të tyre.

Konflikti ka pasuar më pas në procedurat e bërjes së tenderave të ushqimeve në burgje, duke vijuar më tej me listat emërore të punësimit të drejtorëve të burgjeve,lista këto që kanë qënë mjaft të kontestuara nga ministrja e Drejtësisë Gjonaj.

Konflikti i nisur mes tyre, më së fundi solli dhe krisjen përfundimtare mes dy zyrtarëve të lartë të Partisë Socialiste,ku tashmë Ramës do ti duhet që ti rigjejë dhe një vend pune në tepsinë e tij qeverisëse, mikut të tij, Arben Çuko./Pamfleti

Punësimet, tenderat dhe gota e rakisë, sollën shkarkimin e Çukos Read More »

E dini se cilat janë nëntë gjërat që gratë nuk ua thonë kurrë burrave

Kuriozitete / /

Burrë e grua mish e thua por ja që ka disa gjëra që gratë nuk ua thonë kurrë burrave.
1. Shikojnë profilin e partnerit – Asnjë grua nuk do të pranojë të ketë parë profilin në rrjetet sociale të partnerit të tyre, duke arritur deri tek gjërat e para që ai ka postuar. Natyrisht, do të shikojnë gjithashtu edhe llogaritë në rrjetet sociale, të grave më të pranishme në fotot dhe postimet, të cilat gjithmonë do të jenë të këqija, të pakëndshme dhe mashtruese.

2. Mikja më i mirë di gjithçka – Askush nuk duhet të besojë një grua kur ajo premton të mos i tregojë asgjë, askujt. Në fakt, shoqja më i mirë gjithmonë do të dijë çdo gjë, që nga puthja e parë deri tek detajet më intime të marrëdhënieve, fotot e nxehta dhe bisedat private.

3. Gjithmonë shpenzojnë shumë për blerje – Burrat, pavarësisht se sa të mirëkuptueshëm mund të jenë, kurrë nuk do të jenë në gjendje të kuptojnë se çfarë ndodh me gratë gjatë blerjeve. Është një mënyrë për t’u çlodhur dhe kënaqur. Shpenzimi i shumë është një mënyrë për të arritur qetësinë, edhe pse është më mirë të fshehin faturat.

4. Duan fundin e lumtur – Çdo grua shpreson që njeriu i fundit që ka takuar më në fund mund të jetë ai i duhuri. Përkundër kësaj, ato kurrë nuk do ta pranojnë, përveç se kur është partneri i radhës ai që çbilancohet i pari. Deri atëherë, megjithatë, ata do të mbeten agresive dhe me mendjen e tyre.

5. Ato duan të ndryshojnë partnerin – Është e panevojshme të thuhet, gratë duan të “shpëtojnë” partnerin e tyre, duke korrigjuar të gjitha gabimet e tyre. Megjithëse duket se transformimi është i rastësishëm, realiteti është se çdo gjë iska qenëhte projektuar që nga momenti i parë. Gratë mund të jenë shumë këmbëngulëse, kur duan të arrijnë një rezultat.

6. Gjithmonë do të bëjnë gjërat në mënyrën e tyre – Edhe kur burrat përpiqen të ndihmojnë partneren e tyre në shtëpi, më pas gratë gjithmonë do të ndryshojnë rendin e gjërave, gjithmonë duke bërë sipas mënyrës së tyre. Pavarësisht kësaj, nuk e thonë sepse nuk duan të duken si mosmirënjohëse.

7. Ato nuk e dinë sa kohë u duhet për t’u përgatitur – Burrat nuk do ta kuptojnë kurrë përgatitjen e kujdesshme prapa çdo takimi. Duhet të zgjedhin pamjen e duhur, make-up dhe stilin e flokëve dhe shumicën e kohësprovojnë një mijë opsione, para se të dalin. Pikërisht për këtë arsye ne gjithmonë përfundojnë me vonesë, prandaj është e kotë të përpiqemi ta përshpejtojmë këtë proces, rezultati do të jetë gjithmonë i njëjtë.

8. Takat janë të parehatshme – Asnjë grua nuk do të pranojë se janë të parehatshme dhe se në fund të ditës do të kenë këmbët copë. Për të qenë sexy, ky është çmimi më i ulët për t’u paguar.

9. Janë të tmerruara nga braktisja – Çdo grua ka frikë se do të braktiset, edhe nëse ajo kurrë nuk do ta pranojë se kjo është frika e saj e madhe. Arsyeja? Ato nuk duan t’u japin burrave kënaqësinë që të kenë pushtetin në një marrëdhënie.

E dini se cilat janë nëntë gjërat që gratë nuk ua thonë kurrë burrave Read More »

Librat falas, Rama: Në fund të mandatit përfiton gjithë arsimi i detyruar

Aktualitet, Arsim / /

190 mijë fëmijë nga klasa e parë në të katërtën do të marrin librat falas këtë vit, falë reformave dhe progresit të bërë.

Kështu deklaroi sot Kryeministri Edi Rama në një takim me mësues në sallën e hartave në Kryeministri, ku informoi mbi “këtë mundësi të re për të kursyer miliona euro shpenzime të familjeve të nxënësve nga klasa e parë tek e katërta”.

“Reformat dhe progresi i bërë na ka dhënë disa hapësira të reja për të bërë më shumë investime dhe në disa drejtime ku kemi dashur edhe më parë të bëjmë më shumë, por na është dashur të shlyejmë borxhe të rënda dhe të çelim kantiere reformash”, – tha Rama.

Kryeministri premtoi se “vitin tjetër librat do të jenë falas edhe për klasën e V”.

Ndërkohë ai theksoi ambicien që “në fund të mandatit, synojmë mundësinë që për të gjithë nxënësit në arsimin e detyruar librat shkollore të jenë falas”. /atsh

 

Librat falas, Rama: Në fund të mandatit përfiton gjithë arsimi i detyruar Read More »

Ish Drejtori i Policisë Shkodër: Krimi jashtë kontrollit në këtë qytet

Opinione / /

Ish drejtori i policisë së shtetit Mit’hat Havari i ftuar në Fax News foli për situatën kriminale në vend. Havari u shpreh se krimi në Shkodër po gëlon dhe është i pakontrolluar. Ndër të tjera Havari tha se policia e shtetit ndër vite është e politizuar dhe sipas tij nga ky politizim do të ketë gjithmonë probleme me rendin.

“Angazhimet e ministrave kanë qenë të shtrira në kohë. Problemi është se ministrat e politikës shqiptare të majtë dhe të djathë që kanë qenë në kohë, duhet të kenë një strategji të qarta për vendosjen e rendit dhe qetësisë publike, nëpërmjet strukturave të Drejtorisë së Përgjithshme të Policisë së Shtetit.

Tani unë Shkodrën e njoh se kam qenë drejtues i atij rrethi vite më parë dhe më vjen shumë keq të them, që Shkodra nuk ka ndryshuar dhe atje ka probleme të thella me strukturën. Struktura e policisë në Shkodër lë për të dëshiruar ndër vite.

Nuk mendoj se ngjarjet kriminale në Shkodër kanë lidhje me njëra- tjetrën, por mund të them se krimi në Shkodër gëlon dhe është i pakontrolluar. Për mua qeveria shqiptare në kushtet ku është sot duhet të hartojë një plan pilot.

Ka ardhur koha që për Shkodrën dhe Vlorën që kanë një veprimtari kriminale të egër sidomos për krimin, të zëvendësojë strukturat e policisë.

Ne kemi faj që nuk kemi ndryshuar gjendjen, pasi akoma në Shkodër vazhdon dhuna në Komisariate. Nëpërmjet medias në Korçë kam informacion se vazhdon të ushtrohet dhunë në komisariate. Drejtorët duhet të kërkojnë ultimatum që mos të ushtrohet dhunë. Nuk mund të zbulosh një krim duke ushtruar dhunë. Policia shqiptare prej vitesh është politizuar. 90 përqind janë të emëruar nga qeveria e majtë.

Nga politizimi i policisë së shteti në Shqipëri do të ketë gjithmonë probleme me rendin. Nëse këta bëjnë diferenca. Struktura dhe strategji këta duhet të zhvishen politikisht.”

Ish Drejtori i Policisë Shkodër: Krimi jashtë kontrollit në këtë qytet Read More »

Vlorë, nis projekti për rikonstruksionin e poliklinikës qendrore

Aktualitet, Shendetesi / /

Poliklina qendrore e qytetit të Vlorës do të zhvendoset për t’i hapur rrugë rikonstruksionit të saj, që do ta kthejë atë në një qendër moderne mjekësore.

Drejtoria e Spitalit Rajonal Vlorë, bën të ditur se “për shkak të nisjes së punimeve, Poliklinika do të zhvendoset në godinën përballë Spitalit Rajonal në krah të Pediatrisë,në katin e dytë, mbi Bar “Frenkun”.

Ndërsa Urgjenca e Poliklinikës dhe Mikrokirurgjia do të zhvendosen në mjediset e Spitalit Rajonal të Vlorës, për t’i krijuar terrenin e nevojshëm procesit të rikonstruksionit.
Drejtoria e Spitalit Rajonal Vlorë garanton qytetarët se ky spostim i Poliklinikës, deri në përfundim të rikonstruksionit të saj, nuk do të cënojë aspak cilësinë e shërbimeve mjekësore.

Projekti i rikonstruksionit total të godinës së Poliklinikës Qendrore, ka për qëllim ofrimin e kushteve sa më bashkëkohore, brenda standardeve të duhura. Në fokus të investimit janë pacienti,marrja e shërbimeve mjekësore në kohë reale dhe në kushtet e duhura infrastrukturore.

Dy ditë më parë ministrja e Shëndetësisë dhe Mbrotjes Sociale, Ogerta Manastirliu vizitoi poliklinkën e Vlorës, ku bëri të ditur se “kjo poliklinikë kishte kaq shumë nevojë për ndërhyrje për të ofruar kushte më të mira pune për stafin mjekësor, por mbi të gjitha për të ofruar një standard të ri shërbimi për qytetarët”.

Poliklinika e qytetit të Vlorës do të transformohet brenda vitit 2019 në një qendër moderne mjekësore jo vetëm sa i takon infrastrukturës, por edhe pajisjeve mjekësore./atsh

Vlorë, nis projekti për rikonstruksionin e poliklinikës qendrore Read More »

Ja mendimi i Ramës për Bllokun: Më duket kot para Lungomares në Vlorë

Aktualitet / /

Kryeministri Edi Rama duket se po e shijon në maksimum Lungomaren në Vlorë.

Ai e krahëson atë me Bllokun në Tiranë.

“Lungomarja e Vlorës, ka nisur të bëhet vija më e gjatë e lokaleve dizajn në Shqipëri – mua Blloku në krahasim me të, më duket si Ligue1 ne krahasim me Premier League”, shprehet Rama.

Lungomare është një nga veprat e tij më të rëndësishme në Vlorë, ku është edhe deputet.

Ja mendimi i Ramës për Bllokun: Më duket kot para Lungomares në Vlorë Read More »