Aurora

I mituri nën mbikqyrje elektronike, me frikën e burgut dhe varfërisë .

[sgmb id=”1″]

Xhozefi është 16 vjeç, por thotë se jeta është treguar aq dorështrënguar me të, sa edhe fëmijërinë ia ka kursyer.

I braktisur nga i ati, ndonëse gjykata e urdhëroi t’u paguajë fëmijëve  pensionin ushqimor, ai u rrit në kushte të vështira nga e ëma, e cila po lufton prej vitesh në gjykatë, mes çështjeve civile dhe së fundmi dhe penale. 

Për dy vjet, fëmija u shkëput nga  shkolla për shkak të një ndërhyrjeje në zemër. Tashmë në klasën e tetë, Xhozefi rrezikon sërish vijimin e shkollimit, pasi 3 muaj më parë gjykata urdhëroi mbikqyrjen elektronike. I dyshuar për vjedhje, Xhozefi këmbëngul se nuk ka kryer asnjë vepër. 

“Këto kohë kam lexuar Kodin Penal. Ma vendosi edhe mami si rregull, që ta lexoj dhe ti di më mirë gjërat, për në të ardhmen. Më kanë bërë shumë të padrejta. Unë as nuk kam vra, as nuk kam pre, as nuk kam grabitur, asnjë gjë. Thjesht kam kaluar murin, është trembur ajo, jam trembur unë. I kam kërkuar falje dhe kam ndenjur aty e kam pritur që të sqaroj situatën, duke i kërkuar falje”, shprehet Xhozef Sokoli. 

Aktualisht nën mbikqyrje elektronike ndodhen 100 persona, që janë në pritje të vendimeve nga gjykatat.

“Pa dashur të dukem polemizues, kemi rrethin gjyqësor Lushnjë apo Përmet, apo Pukë, që nuk e kanë vlerësuar asnjëherë të volitshme që të mund të aplikojnë këtë lloj mase sigurie. Kuptohet që kjo është me impakt të jashtëzakonshëm, shoqëror mbi të gjitha, pasi ne të gjithë e kemi shumë të qartë se ka një numër shumë të madh personash që nuk kanë pse të presin procesin penal, në ambientet e paraburgimit dhe kuptohet, janë edhe efektet financiare që përballon buxheti i shtetit”, u shpreh Ilir Qafa, Drejtor i përgjithshëm i Shërbimit të Provës. 

Por, për Xhozefin, burgu dhe humbja e shkollës, janë dy frikërat e tij më të mëdha.

“Kam frikën e pajisjes, të cilës duhet t’i rri gati. Ja, e shikoj pajisjen se mos fiket, e karikoj, kam vënë edhe telefonin në alarm”, thotë Xhozefi./ TCH

I mituri nën mbikqyrje elektronike, me frikën e burgut dhe varfërisë . Read More »

Grimi i lehtë preferohet në këto ditë të nxehta.

[sgmb id=”1″]

Një lëkurë e kuruar mirë dhe me një grim të lehtë është ajo çka këshillohet këtë sezon të verës

Sfilatat e modës këtë vit për stinën e verës, të gjitha kanë pasur modele me grim të thjeshtë dhe me ngjyra të ndezura.

Ajo çka preferohet këto ditë kur temperaturat janë mjaft të larta, është një fytyrë me shkëlqim natyral, buzë me ngjyra të lehta.

Gjithmonë duke mbrojtur fytyrën e juaj me krem kundër rrezeve të dëmshme diellore, ekspertët thonë që sa më pak të ngarkoni fytyrën tuaj me grim aq më mirë dhe aq më të rinj do dukemi.

Largohuni nga ngjyrat e errëta dhe pudrat e rënda, dhe mirëpritni ngjyrat e lehta, kapakët e syve me nuanca verore dhe shkëlqimin natyral nga rrezet e diellit.

Grimi i lehtë preferohet në këto ditë të nxehta. Read More »

Ja arsyeja pse duhet të bëni not!

[sgmb id=”1″]

Nëse jeni si shumica e njerëzve gjatë kësaj vere, me siguri se keni menduar sa shumë kalori ju digjen kur shkoni në pishinë.

Noti, pa pikë dyshimi, është mënyrë efektive për t’i djegur kaloritë e tepërta. Veç kësaj, noti është sport ku aktivizohen të gjithë muskujt e trupit, prandaj edhe lëndimet janë më pak të mundshme sepse nuk e mundoni vetëm një muskul gjatë tërë kohës.

Sidoqoftë, sajti Nutristrategy, përmes disa të dhënave, ka përpiluar një listë me atë se sa kalori i djegin personat e peshave të ndryshme me një orë not:

– Një person që peshon 60 kilogramë i djegë 590 kalori brenda një orenëse është duke notuar shpejt, dhe 413 kalori nëse është duke notuar ngadalë.

– Një person që peshon 70 kilogramë i djegë 704 kalori brenda një orenëse është duke notuar shpejt, dhe 493 kalori nëse është duke notuar ngadalë.

– Një person që peshon 80 kilogramë i djegë 817 kalori brenda një orenëse është duke notuar shpejt, dhe 572 kalori nëse është duke notuar ngadalë.

– Një person që peshon 90 kilogramë i djegë 931 kalori brenda një orenëse është duke notuar shpejt, dhe 651 kalori nëse është duke notuar ngadalë.

Ja arsyeja pse duhet të bëni not! Read More »

Testi që po ”çmend” njerëzit, kafsha e parë që shihni në foto zbulon të fshehtat e karakterit tuaj.

[sgmb id=”1″]

Besojmë se shumë prej jush ju ka ndodhur të shihni në rrjete sociale foto, quize dhe teste të ndryshme psikologjike, të cila ju ftojnë të zgjidhni enigma ose thjesht të luani për pak minuta

Shumë prej tyre janë vërtetë argëtuese dhe ju tundojnë të provoni njohuritë që keni, prandaj përse të mos sfidoni veten. Në qoftë se ju mungon një lojë e tillë, Living ju fton të shihni me vëmendje foton e mësipërme (e cila po thyen rrjetin kohët e fundit) dhe të na tregoni se cila është kafsha e parë që dalloni në të.

Përgjigja mund të zbërthejë disa elementë interesantë të karakterit dhe perceptimit tuaj.

1.Një pëllumb: Pëllumbi është simbol i paqes, i shpresës dhe i dëlirësisë. Përpiqeni të gjeni pozitivitet në gjithçka që ju rrethon, për këtë arsye shpeshherë konsideroheni edhe si model frymëzues për të tjerët. Nuk ju intereson aspak bota materiale pasi gjeni prehje tek ndjenjat dhe shpirti.2.Një flutur: Flutura përfqasëon bukurinë dhe kënaqësinë. Jeni të ndërgjegjshëm që jeta është shumë e shkurtër dhe përpiqeni të shijoni çdo moment të saj. Jeni paska naivë, aq sa ju duket sikur bota është një fushë e mbuluar me lule, të cilat janë të destinuara për ju, por miqtë e vlerësojnë edhe këtë tipar tuajin3. Një shqiponjë: Shqiponja është e lirë. Ju pëlqejnë avneturat dhe dëshironi të provoni eksperienca të reja. Jeni egoist dhe doni të fluturoni më lartë se të gjithë, krenarë dhe të fortë jeni në gjendje të shihni gjërat që të tjerët nuk mund të dallojnë. Kjo lloj pavarësie është tunduese, por edhe mund t’i trembë të tjerët në të njëjtën kohë.4. Një qen: Qeni është i lidhur drejtpërdrejt me besnikërinë dhe familjen. Jeni vetëmohues kur bëhet fjalë për nevojat dhe dëshirat e atyre që doni. Njerëzit ndihen gjithmone të sigurt në shoqërinë tuaj dhe ju vlerësojnë si mik, mikeshë shumë të mirë.5.Një ujk: Mos u trmebni nga ujku pasi në këtë rast nuk nënkupton egërsinë, por privatësinë. Edhe pse kjo kafshë është e lidhur fort me vetminë, por kjo nuk vlen për ju…thjesht do të thotë që preferoni një rreth të kufizuar shoqëror. Jeni të qetë dhe shumë dëgjues të mirë. Keni shumë të zhvilluar instiktin mbrojtës dhe atë të mbijetesës.

Testi që po ”çmend” njerëzit, kafsha e parë që shihni në foto zbulon të fshehtat e karakterit tuaj. Read More »

Ju kanë gënjyer! Eni Çobani tregon gjithë të vërtetat.

[sgmb id=”1″]

Ndërmjetësimi ishte një praktikë e panjohur në Shqipëri, derisa Eni Çobani së bashku me Ardit Gjebrean e sollën si një rubrikë të veçantë në “E diela shqiptare”.

Juristja e njohur prej pesë sezonesh shfaqet në TV Klan, ndërsa gjatë ditëve të fundit përflitet se ajo do të largohet për t’iu përkushtuar një karriere të re, në politikë.

Por sa ka të vërtetë në të gjithë këtë histori? Eni Çobani është rrëfyer në një intervistë për “GSH”, ku është shprehur se “Misioni vazhdon”.

“Sa e befasuar jeni ju, jam edhe unë nga këto deklarata. Dhe më vjen habi që këto deklarata vihen në gojën e një njeriu si unë, që e njoh mirë se ç’është media, se ç’është rëndësia e një fjale kur hidhet në publik, dhe që normalisht janë totalisht të pavërteta. Unë kam thënë vetëm opinionin tim se çfarë po ndodh në Shqipëri, të drejtë që e ka çdo qytetar në Republikën e Shqipërisë, dhe nuk kam aluduar për asnjë moment fakte për të cilat janë hedhur së fundmi në publik. Shpreh keqardhjen time të thellë për sa u përket fjalëve të cilat dikush mund t’i mendojë dhe i vë në gojën e Eni Çobanit. Eni u përgjigjet vetë të gjitha pyetjeve që mund të ketë dikush dhe mund t’ia bëjë dhe drejtpërdrejt”, ka thënë Eni Çobani.

Më tej, juristja e njohur ka treguar se nuk ka në plan të largohet nga ekrani dhe puna e saj si ndërmjetëse.

“Misioni vazhdon! Javë pas jave do të jemi atje me zotin Gjebrea, të vazhdojmë këtë mision të madh jo vetëm tonin, por është misioni i shqiptarëve që duan drejtësi. Dhe Eni Çobani e ka zgjedhur prej pesë vitesh edhe vendin e saj, është motivi im, dhe do të vazhdojë në ndihmë të shqiptarëve”, tregoi ajo.

Sipas Eni Çobanit, “Njerëzit, nga dëshira për të pasur njerëz të rinj në politikë, dëshirojnë që të marrin edhe njerëz nga shoqëria civile dhe t’i implementojnë brenda politikës, pa kuptuar që këto janë zgjedhje individuale, personale, dhe jo të formuara nga dëshirat e njerëzve. Pra Eni Çobani nëse këto zgjedhje do t’i kish bërë, do t’i bënte me kohë dhe do t’ia kishte vënë publikut përballë zgjedhjet e saj, por ju më keni parë që unë e kam bërë zgjedhjen time; unë jam pjesë e sistemit të drejtësisë, jam e nderuar dhe e privilegjuar nga një bashkëpunim siç është ai me zotin Gjebrea dhe me televizionin “Klan”, dhe që nuk e kam menduar për asnjë moment largimin apo ndarjen e këtij misioni timin shpirtëror, tanimë dhe profesional, nga fusha e ndërmjetësimit”.

Përfundimisht, juristja tregon se do të vazhdojë ndërmjetësimin me shqiptarët, për t’iu thënë edhe politikës, edhe opinionit, që pa vënë drejtësi në këtë vend nuk do të ketë kurrë qetësi.

Ju kanë gënjyer! Eni Çobani tregon gjithë të vërtetat. Read More »

Këto janë këngëtaret që guxuan shumë me “look”-un në klipet e tyre.

[sgmb id=”1″]

Edhe pse ndonjëherë të “frikshme”, këto janë këngëtaret që të gjithë ju i doni…

Të jesh një këngëtare e suksesshme në ditët e sotme, nuk do të thotë vetëm të kesh zë shumë të mirë, por duhet kujdes i veçantë për pamjen dhe stilin në veshje.

Këngëtaret femra janë ato të cilat i duhet të kujdesen më së shumti për të qenë në koherencë me modën dhe tendencat më të fundit.

Por disa nga këngëtaret shqiptare janë më të guximshme dhe gjithmonë eksperimentojnë me ‘look’-un e tyre. Videoklipet e tyre pëlqehen shumë dhe kjo pasi ato nuk dinë të jenë njësoj gjithmonë por ato dinë se çfarë do publiku dhe kështu kanë bërë.

Duke ekperimentuar ato kanë guxuar shumë dhe kanë ardhur në videoklipet e tyre ndryshe dhe paksa me një look ‘crazy’.

Emisioni “Fun Day” me moderatore Fatma Methasani në INTv foli për këto 5 këngëtare shqiptare që guxuan shumë në klipet e tyre.

1) Aurela Gace dhe MC.Kresha-Cash

2) Dafina Zeqiri ft Ledri Vula – Pom Pëlqen

3) Nora Istrefi – Nora nuk o njësoj

4) Tuna – I Asaj

5) Ronela Hajati -Mos ik

Këto janë këngëtaret që guxuan shumë me “look”-un në klipet e tyre. Read More »

Regjimi komunist i shpalli kriminele ! Ja lista me emrat e te gjalleve dhe te vdekurve !

[sgmb id=”1″]

Me dekretin nr.3005, datë 23.11.1959 të Presidiumit të Kuvendit Popullor regjimi komunist pat shpallur një amnisti për të arratisurit politike, prej së cilës u amnistuan 7.003 persona dhe u cilësuan “kriminelë lufte” 208 të tjerë. Nga kjo amnisti u riatdhesuan në Shqipëri vetëm 60 persona, një pjesë e të cilëve edhe u burgosën pas një farë kohe.

Por, sikurse e përmenda, kjo listë përbëhej nga të vdekur e të gjallë, duke e paraqitur kështu si një listë qesharake. Listë nuk pati fuqi. Të arratisurit u amnistuan me nenin 2 të ligjit nr.7514, datë 30.9.1991 “Për pafajësinë, amnistinë dhe rehabilitimin e ish të dënuarve dhe të përndjekurve politikë”.

Lista e “kriminelëve të luftës” e datës 4.9.1991

1-Leka Zogu

2-Azem Mustafa Shehu

3-Avdul (Aqif) Emin Kadiu

4-Alo Muke Luarasi

5-Asllan Zenel Cenaj

6-Ajdin Qazim Mete

7-Abulla MuratKaloshi

8-Ali Kajmak Tubova

9-Ago Sherif Agaj

10-Asim Shefqet Jakova

11-Abaz Fejzo Ermenji

12-Bajrush Azem Kosova

13-Bardhok Shkurt Markaj

14-Dodë Bardhok Gjini

15-Ditar Ibrahim Kurtesi

16-Dilaver HasanKacuqi (u dogj dhjetor 1951)

17-Dilaver Dino Begu

18-Dhimitër Miho Maksakuli

19-Enver Mehmet Shaska

20-Enver Selman Dangëllia

21-Eqrem Hysen Peshkëpia

22-Enver Halim Peshkëpia

23-Eqrem Mahmet Telhaj

24-Ndue Frrok Dushi

25-Gjon Mark Jaku

26-Gjon Marka Çupi

27-Gjon GjetoVokrri

28-Gjon Marka Ndou

29-Hysen Osman Vërçani

30-Hetem HamitXhera

31-Haki Shefik Shehu

32-Hafuz Selman Hasa

33-Hiqmet Elmaz Meçe

34-Hasan Elmaz Dosti (kishte vdekur)

35-Ishan AbdiToptani

36-Isuf Maksut Baruti

37-Islam Sali Dobra

38-Isa Haziz Manastirliu

39-Isuf Mehmet Luzaj

40-Jorgji Refael Ruço

41-Jonuz HysenNdreu

42-Kujtim Bektash Cakrani

43-Kadri Hysen Morina

44-Kolë Ndue Frroku

45-Kolë PrendëDoda

46-Kajo Maksut Tresova

47-Kosta Harallamb Karajani

48-Kalem Ibrahim Xhepaxhiu (u dogj i gjallë dhjetor 1951 në Rrajcë)

49-Limoz Vehip Runa

50-Llesh Marka Doda

51-Miftar Zenel Spahiu

52-Meto Fetah Kalliri

53-Mubereq MuratToptani

54-Mark FranoTraboini

55-Mark Pash Pëllumbaj

56-Mehmet HasanXherahi

57-Mustafa Ismail Doko

58-Mark Bib Vokrri

59-Mark Tunxh Myftari

60-Mark ZefNdreca

61-Musa RexhHasani

62-Mato Murat Myftaraj

63-Ndue Mark Lala

64-Nikoll DodPrenga

65-Ndue Jak Zefi

66-Ndue Jak Bajraktari

67-Ndue Lush Martini (Prela, Miraka)

68-Ndrec NdueTuçi

69-Nikoll Mark Gjon Markaj

70-Ndue Gjon Markaj

71-Nesti JosifKopali

72-Pal Mark Lala

73-Prend NdueKaziu

74-Qemal Mustafa Siqeca

75-Qazim Azem Çakërri

76-Qazim Neki Libohova

77-Qani Emin Lesko

78-Reis SheroAgaj

79-Ramiz Faslli Gjilani

80-Ramiz MehmetKoçaj

81-Ramadan Ismail Koçaj

82-Rexhep Musli Krasniqi

83-Ruhi Veip Runa

84-Reshat Dervishi Biçaku

85-Rexhep Refat Beqiri (Dervish Rexhep)

86-Skënder Muço Metohu

87-Sulo Banush Pipa

88-Syrja Shefik Shehu

89-Sabaudin Shefqet Haxhiu

90-Sait QazimDemneri

91-Selaudin Hysen Sula

92-Selman BanushZhurka

93-Sami Ali Çaushaj

94-Stavro KristoKokali

95-Subi IdrizTopulli (ishte vrarë në vitin 1944)

96-Seit beg Kryeziu

97-Sadik FeçorPremtaj (kishte vdekur)

98-Shaban Fetah Peshtani

99-Shyqyri Dervish Biçaku

100-Tajar Mehmet Shaska

101-Tahir Hajdar Vata

102-Turan Vesel Aliko

103-Teki Isuf Xhindi

104-Tahir Avdulla Hoxha

105-Theodhor Refail Ruço

106-Vasil KolëAndoni

107-Vasil Dhimitër Alarupi

108-Vehbi Mehdi Frashëri (kishte vdekur më 1988)

109-Xhemil Hysen Dino (kishte vdekur më 1972)

110-Xhafer Zenel Meçe

111-Ymer Jakup Çakallozi

112-Zef Zog Zogu

113-Zef Marka Gjoka

114-Zeqir Jashar Hoshi

115-Zyber Mahmut Musaraj

116-Zef Marka Çupi

117-Zef Preng Gjoka

118-Zenel Sali Kellolli

Regjimi komunist i shpalli kriminele ! Ja lista me emrat e te gjalleve dhe te vdekurve ! Read More »

Enver Hoxha homoseksual?! Dëshmia e përkthyesit të telegrameve të diktatorit.

[sgmb id=”1″]

30 vjet më parë, arratisja e një përkthyesi të ATSH-së tronditi sistemin komunist dhe kupolën e lartë të Partisë së Punës.

Ajo që bëri bujë nuk ishte arratisja e tij, pasi arratisje ndodhnin thuajse çdo vit e çdo muaj, në të katër anët e vendit, por më shumë bënë bujë deklaratat e të arratisurit, që mbushi shtypin grek fillimisht, dhe më pas atë italian, deklarata që kishin të bënin me jetën private të ish – diktatorit: “Udhëheqësi shqiptar Enver Hoxha ishte një homoseksual, një paranojak dhe vrasës…”

Shtypi grek u mbush me këto deklarata në fillim të muajit nëntor 1987.

Njëra pas tjetrës gazetat greke “Akropolis”, e datës 14 nëntor 1987, “Vradhini”, e 15 nëntorit 1987, etj. dhe më pas ato italiane “Il Mesaxhero”, “La Stampa”, “Corriere della sera”, “La Republika” etj. shqetësuan seriozisht Tiranën.

Ja si qëndronte ngjarja:

Ilir Bulka, punonjës në ATSH, përkthyes i telegrameve e agjencive të huaja, që i dedikoheshin personalisht Enver Hoxhës, ishte arratisur nga Shqipëria më 26 shtator 1987, kur po shoqëronte ekipin e “Vllaznisë”, në rolin e përkthyesit.

Me 26 shtator ai po udhëtonte me ekipin e futbollit “Vllaznia” nga Tirana për në Maltë, ku do të zhvillohej ndeshja me ekipin vendas.

Në kthim, aeroplani u ul në Athinë dhe ekipi u vendos në hotel “Albatros”.

Mbasdite, përkthyesi 38-vjeçar që e fliste anglishten dhe frëngjishten në mënyrë të shkëlqyer, iku me kujdes nga hoteli, u fut në një taksi dhe u drejtua në polici ku kërkoi strehim politik.

Gjatë nëntorit 1987 Ilir Bulka, me një guxim të admirueshëm, do të zbërthente figurën e Enver Hoxhës, ashtu siç e konceptonte ai, në disa artikuj që janë botuar në Greqi dhe Itali.

Ministria e Punëve të Jashtme të Shqipërisë si dhe Komiteti Qendror i PPSH-së kanë qenë të alarmuar nga informacionet që vinin nga përfaqësuesit e tyre.

Ngaqë nuk kishin çfarë t’i bënin Ilirit, u mendua të internonin familjen e Ilir Bulkës në Tiranë.

“Kisha 10 vjet që planifikoja të ikja, por nuk gjeja rastin.

Thashë të pres sa të vdesë Hoxha e të shoh se mos ndryshon situata, por e pashë se nuk ekziston as edhe një fije lirie.

Ekonomia është në gjendje shumë të keqe. Në treg mungojnë të gjitha. Në janar – vjet – pashë se nuk ka asnjë shprese dhe mora vendimin që të arratisem.

Hoxha ishte homoseksual. Këtë e dinë mirë njerëzit e oborrit të tij, por edhe shumë të tjerë që e patën njohur qysh kur ishte për studime në Paris.

Është sikur të kemi dalë nga burgu.

Preferojmë më mirë të vrasim veten se sa të kthehemi mbrapsht. Ju lutemi të na jepni strehim politik në Greqi”, kishte deklaruar Bulka.

Pak e shumë ishin tënjëjtat deklarata që kishte bërë Bulka dhe që gazetat i kishin marrë e rimarrë.

Botimet italiane ju referoheshin atyre greke. Ja për çfarë e akuzonte Bulka diktatorin Hoxha. Për lexuesin paraqesim vetëm një pjesë nga shkrimi i gazetës  “Il Mesaxhero”,  e datës 11.11.1987.

Gazeta boton një artikull me titull: “Zbulimet/ Enver Hoxha ishte homoseksual, paranojak dhe vrasës’” dhe me nëntitull: “Ish-sekretari personal i udhëheqësit të ndjerë të Tiranës, i arratisur në Athinë, akuzon: i vrau vetë ministrat – dashnorë të tij’”, pa emër autori.

Athinë – Udhëheqësi i ndjerë shqiptar, Enver Hoxha, ishte një homoseksua1 që i fshihte prirjet e tij, dhe për këtë arsye u bë paranojak dhe vrasës; ai vrau me duart e tij shumë nga viktimat e tij.

Këtë e pohoi dje, në një intervistë dhënë agjencisë amerikane UPI, Ilir Bulka, 38 vjeç, i cili për shumë vjet ishte bashkëpunëtor i Hoxhës, për të cilin çdo ditë përgatiste një përmbledhje të lajmeve kryesore nga bota. Bulka kërkoi strehim politik në Athinë, në shtator të këtij viti, ndërkohë që po kalonte tranzit në aeroportin e Athinës bashkë me një skuadër shqiptare futbolli që do të zhvillonte një ndeshje jashtë shtetit.

Duke folur për Hoxhën, Bulka tha se paranoja e tij u shtua sa më shumë që ai plakej dhe e çoi atë deri aty sa te ndalonte këngët e dashurisë, poezitë popullore dhe kërcimet e balerinëve meshkuj e femra në televizionin shqiptar. Bulka pohoi me pas se “homoseksualiteti i Hoxhës, për të cilin e shoqja ishte në dijeni, ishte një sekret që e dinin zyrtarët më të lartë komunistë të vendit. Të kundërshtoje marrëdhëniet me Hoxhën ishte njëlloj si të dënoheshe me vdekje. Paranoja e tij u shtua me moshën bashkë, duke bërë që ai të vriste shumë nga dashnorët e tij pasi i kishte detyruar të hynte në marrëdhënie seksuale me ta”.

Bulka pohoi pastaj se Hoxha insistonte personalisht që të njihej me të gjithë shkrimtarët, poetet dhe kompozitorët e rinj shqiptarë meshkuj në apartamentin e tij luksoz në Tiranë. Dëshironte që të bisedonte me të gjithë intelektualët e rinj meshkuj shqiptarë për t’u siguruar se ata nuk përbenin kërcënim ndaj autoritetit të tij, por edhe sepse kërkonte dashnorë.

Në intervistë, Bulka i bëri elozhe me pas udhëheqjes së tanishme komuniste shqiptare, duke thënë se udhëheqësi i ri Ramiz Alia “po kërkon të pakësojë me ngadalë influencën e pasueseve të Hoxhës në vend, por, ashtu si udhëheqësi sovjetik Gorbaçov, ka shumë armiq të rrezikshëm”.

Enver Hoxha vdiq në prill 1985 në moshën 76-vjeçare, pasi kishte udhëhequr për 40 vjet vendin më të varfër e më të izoluar te Evropës me metoda të ashpra staliniste dhe duke e mbajtur atë rreptësisht të izoluar. Sipas Bulkës, “vrasjet e miqve të tij në qeveri, që i kryente me gjakftohtësi, dhe spastrimet e tmerrshme vinin për shkak te grindjeve midis dashnorëve me huqe ose ishin krime ne bazë të të cilëve ishte pasioni”. Hoxha bënte rregullisht spastrime në gjirin e udhëheqjes komuniste shqiptare dhe “vrau vetë Ministrin e Mbrojtjes Beqir Balluku dhe kryeministrin e tij Mehmet Shehun, përfundoi Bulka.

***

Deklaratat se Nexhmija ishte në dijeni të homoseksualitetit të Enver Hoxhës dhe se ky ‘ves’ i këtij të fundit kishte ndikuar në të gjitha zhvillimet e vendit, u hodhën edhe më vonë, pas vitit 1991. Por askush nuk provoi apo solli ndonjë dëshmi. Nuk dihet se çfarë ndodhi me këtë emigrant, i cili, pas vitit 1991, kur ra sistemi komunist,  nuk u “bë i gjallë, as në media e as me ndonjë libër për të vërtetuar akuzat e tij. Thjesht kjo ka ngelur një ngjarje e largët, e 30 viteve më parë, por që tronditi seriozisht sistemin komunist.

Enver Hoxha homoseksual?! Dëshmia e përkthyesit të telegrameve të diktatorit. Read More »