Një pjesë e konsiderueshme e njerëzimit dhe gjithçka që e rrethon atë, nuk është material “autokton” i galaksisë sonë, por i mbërritur miliarda e miliarda vite më parë nga hapësira.
Në këtë përfundim ka mbërritur studimi i fundit i kryer duke shfrytëzuar simulimin kompjuterik të atyre që njihen si “transferta ekstragalaktike”.
Këto të fundit janë një zbulim relativisht i ri për shkencëtarët, që thonë se bëhet fjalë për erëra të forta në hapësirë që transportojnë me vete materiale nga njëra galaksi në tjetrën.
E në bazë të këtij simulimi, thotë astrofizikani udhëheqës i studimit, Daniel Anglés-Alcázar, mund të themi se me gjasa njerëzimi dhe një pjesë e konsiderueshme e materies, jo vetëm në sistemin tonë diellor, por në gjithë “Rrugën e Qumështit” është “emigrante” nga galaksi të tjera.
“Duke pasur parasysh sesa shumë materie e ekstragalakstike mund të ndodhet në galaksinë tonë, mund ta quajmë veten pa asnjë frikë si emigrantë ndërgalaktikë”, thotë ai.
Gazetari Artan Hoxha ka reaguar në lidhje me lëvizjet e shumta në prokurori por edhe me daljet në publik të prokurorëve që kanë shprehur pakënaqësitë e tyre.
Me anë të një statusi në rrjetin e tij social Facebbok, Hoxha shkruan se prokurorët duhet të flasin dhe mirë bëjnë por jo vetëm kur u rrezikohet karrigia ku janë ulur.
Sipas Hoxhës, prokurorët duhet të flasin për dosjet e peshkaqenëve si dhe ato për ato hetime të “nxehta” që kanë preferuar të heshtin prej kohësh.
Statusi i Artan Hoxhës:
Kisha degjuar qe prokuroret flasin me vendim ne emer te Republikes…
Kisha degjuar qe prokuroret kur u intereson flasin me “burime”, pa u identifikuar me emer ne media…
Kisha degjuar qe prokuroret heshtin sepse nuk i lejon etika, edhe kur duhet te flasin…
Nuk i kisha degjuar prokuroret te flasin publikisht, nuk e dija cfare dreq zeri kishin…
Por ia mberritem dites,
prokuroret i lane menjane vendimet,
vendosen ti thajne “burimet”,
prokuroret me ne fund po flasin,
po e degjojme zerin e tyre edhe pse te dridhur…
Mire beni djema qe flisni, duhet te kishit folur me kohe, pa u bere kosi llalle madje.
Por pasha zotin flisni per dosjet e “nxehta” qe keni hetuar(nese ka patur te tilla, se nuk kemi pare gje),
ose flisni per dosjet e peshkaqeneve qe nuk u kane lene te hetoni,
me mire flisni tani sesa te mos flisni kurre,
por mos u kujtoni te flisni vetem per karrigen qe po u leviz poshte menderes tuaj…
Ilir Meta është shfaqur mbrëmë në versionin Muammar Gaddafi. I cili vetëm pak ditë para se të bombardohej Libia nga forcat ndërkombëtare për të mbrojtur lëvizjen demokratike në këtë vend nga represioni i Gedafit deklaroi se nuk kishte asnjë fuqi mbi tokë, në tokë dhe nëntokë që ta rrëzonte atë nga pushteti dhe ta eleminonte politikisht. Pavarësisht se e ndjente se pushteti kishte ikur për të. Kështu dhe Ilir Meta, teksa po sheh derën e qelisë t’ia bëjë me “sy”, është bërë paranojak në masën maksimale. Meta sheh në çdo pyetje, deklaratë apo lëvizje të partnerëve ndërkombëtarë apo të mazhorancës dhe sidomos Ramës një paralajmërim për burg. Këtu ka të drejtë. Pasi me zullumet që ka bërë në tërë këto vite, ai e di se nëse ka një politikan apo njeri që e ka hak burgun, ai është vetë Ilir Meta. Me sa duket është i bindur dhe vetë se e ka hak burgun, ndaj shfaq këtë paranojë të tmerrshme por dhe të rrezikshme, pasi është kreu i shtetit. Dhe njeriu nën paranojë nuk ka limite, nuk e di se çfarë mund të bëjë.
Kështu dhe në një intervistë të dhënë mbrëmë në një media, teksa ishte ftuar në emision, Ilir Meta deklaroi se as Perëndia se çon para drejtësisë, jo më kryeministri Edi Rama. Kreu i shtetit theksoi se nuk ka fuqi tokësore dhe jashtëtokësore që ta tremb me drejtësi apo padrejtësi. Meta u pyet thjesht nga gazetari nëse ka frikë nga drejtësia, një pyetje që gazetarët ua kanë bërë të gjithë politikanëvë pas deklaratës së Donald Lu, dhe ai iu përgjigj se as Perëndia nuk më çon para drejtësisë.
“Me vjen keq të jap përgjigje për një lojë mediatike. Rama e di mirë këtë gjë dhe unë mendoj se nuk e ka pasur për mua. Nuk ka fuqi tokësore dhe jashtëtokësore që të më tremb mua me drejtësi apo padrejtësi. Unë jam një politikan të cilit i janë shkelur të drejtat, i cili ka kërkuar vetë të hetohet. Unë i bindem vetëm drejtësisë së popullit shqiptar. Jam këtu ku jam dhe do të qëndroj”, deklaroi fjalë për fjalë Meta. Pavarësisht se gazetari as e personalizoi pyetjen, as përmendi Ramën, i cili dhe ai është pyetur në emisione nëse ka frikë nga drejtësia dhe ka dhënë përgjigjen e tij. Ndërkohë që Meta kalon menjëherë në kundërsulm pas kësaj pyetje, bën të fortin dhe tregon se është i bindur që prangat tringëllijnë për të. Ndaj reagon në këtë mënuyrë. Njëherësh Meta është shumë shpresëplotë se reforma në drejtësi do të bllokohet. Madje ka punuar fort për këtë, por fajin e hedh tek shumica. Që sipas tij nuk kërkon konsensus për asgjë.
I pyetur nëse zgjedhja e kryeprokurores vetëm me votat e maxhorancës, do ta ngadalësojë Reformën në Drejtësi, Meta tha se “duket sikur situata është kthyer përpara korrikut të 2016, ku kishte përpjekje për të bërë një reformë jo me konsensus e sipas rekomandimeve të Venecias, por për të dështuar një reformë dhe faturuar fajin diku tjetër”. Duke shpresuar. Por tashmë, me mbështetjen e partnerëve tanë ndërkombëtarë asgjë nuk kalon në “kalendat greke”. Prangat janë gati për “peshqit e mëdhenj”. Të paktën të shpresojmë. Politika po ndërgjegjësohet, i pari Meta që është bindur se e ka hak burgun. Pavarësisht se deklarohet si udhëheqësi libibian, Gaddafi. Por dihet fundi i tij.
Vetëm dy ditë më parë, programi “C’est la vie” në televizionin ‘Klan” uli siparin me një mbrëmje finale spektakolare, ku fitues u shpall dyshja Kristi Karkanaqe dhe Lind Islami.
Por nëse menduat se do t’ju merrte malli për prezencën e moderatores Marina Vjollca në ekran, atëherë nuk duhet të shqetësoheni.
Burime për “Xing.al” kanë bërë me dije se Vjollca për pak muaj do t’i rikththet sërish moderimit, në një emision që po pritet me padurim.
Bëhet fjalë për emisionin “Ferma”, që siç është bërë e ditur më parë, pritet ët fillojë këtë vit në ekranin e televizionit “Klan”.
Në emisionin në fjalë që do të jetë në formën e reality shoë-t, personazhe VIP do të jetojnë në një femrë dhe në përdishmërinë e tyre, do të kujdesen për kafshët dhe do të bëjnë të gjitha punët që bëjnë femrerët.
Pak muaj më parë Open Data Albania ka publikuar formularin e vetëdeklarimit të Haki Çakos, në atë kohë Drejtor i Përgjithshëm të Policisë së Shtetit.
Ndonëse nuk vihet re ndonjë pasuri në shifra marramendëse siç jemi mësuar tek deputetët apo politikanët, ajo që bie në sy është shuma 37 mijë euro që ish-numri një i policisë mbante CASH në shtëpi.
Në statusin në “Facebook” Open Data Albania ngriti në atë kohë dyshime për një shkelje të mundshme ligji nga ana e Çakos duke cituar edhe nenin që rregullon çështje të deklarimit dhe kontrollit të Pasurisë së Zyrtarëve të Lartë.
Por që prej asaj periudhe dhe deri më sot, askush nuk u mor me çështjen se nga buronin këto para që mbante në shtëpi Haki Çako, kjo dilemë vazhdon edhe sot që ai nuk është më Drejtor i Përgjitshëm i Policisë, raporton.
Djali i Enver Hoxhës, Sokol Hoxha ka rrëfyer detaje të reja për diktatorin dhe sidomos për castet e tij të fundit.
Ai thekson se Enveri ishte i kthjellët deri në fund dhe sipas tij, në dukje ruajtja e etikës për anën shëndetësore të liderit ishte e domosdoshme, çka ishte e përkryer edhe brenda në familje.
“Fakt është që kur kemi parë filmimet në vitet ’90, jemi traumatizuar, se vetë ne nuk e njihnim babanë në atë gjendje, prej protokollit të etikës e jo më të filmuar e shpërndarë në të gjithë botën. Përveç këtyre momenteve faktike, dua të theksoj faktin që unë e njoh babanë të kthjellët deri në fund të jetës duke e takuar çdo ditë, natyrisht në momente të posaçme kur na kërkonte ai, sepse dy muajt e fundit të jetës si i paralizuar dhe me kujdesin për të mos folur edhe para nesh prej vështirësisë, komunikonte vetëm me mamanë, e cila na i transmetonte ne.
Pas ’90 e shoh të filmuar nga Sulo Gradeci duke u transportuar në karrige me rrota nga bashkëshortja dhe Ramiz Alia për në mbledhje të Komitetit Qendror, e për më tepër në momente jo të rregullta mendore, siç unë nuk e kisha parë ndonjëherë. Shfrytëzuar këto çaste sigurisht të izoluara, kjo përbën një qëllim të poshtër, jo vetëm ndaj imazhit të tij, por ndaj Shqipërisë për t’u maskuar pas alibisë që është ky njeri kaq monstruoz “për pushtet vetjak” që na ka qeverisur”- thotë ai.
Të shumtë janë njerëzit që vuajnë nga migrena. Të paktën një herë në muaj, kanë dhimbje koke aq të tmerrshme, problem ndijore dhe periudha të përhershme të të vjellave.
Sulmet në fjalë mund të zgjasin dy javë ose më shumë. Migrena ka një ndikim të madh në çdo aspekt të jetës, prandaj pritet që US Food dhe Administrata e barërave të botës, të lejojë një ilaç të ri në 2018, për të mundësuar parandalimin e këtyre sulmeve.
Edhe pse migrena ndikon tek rreth 15 përqind e popullsisë së botës-më shumë se diabeti, epilepsia dhe astma-përparimet në trajtim kanë qenë të ngadalta, për të thënë aspak.
E fundit ka ndodhur 30 vjet më parë, në zhvillimin e ‘triptans’.
Përgjatë migrenës, enët e gjakut në tru zgjerohen dhe shtypen në mbaresa nervore, duke shkaktuar dhimbje të tmerrshme.
Triptans, është lloj i ilaçit i ili zhvillua për të ngushtuar enët e gjakut dhe kështu të lehtësojë dhimbjet.
Studimet njerëzore gjithashtu tregojnë se njerëzit që vuajnë nga migrenet janë më të ndjeshëm ndaj niveleve të CGRP, dhe CGRP lartë shkakton dhimbje koke të migrenës brenda disa orësh. Kjo bëri që hetimi të bllokojë CGRP si një terapi të re të migrenës.
Disa kompani tashmë kanë ilaçet monoklonale të antitrupave dhe janë duke konkurruar për të marrë produktet e tyre në raftet e para.
Bashkëpunëtorët Novartis dhe Amgen shpresojnë se FDA do të miratojë erenumabin në fillim të vitit 2018.
Këto janë firma farmaceutike izraelite ‘Teva’ dhe Eli Lilly. Të dyja firmat synojnë të kenë miratimin e FDA-së.
Njerëzit që vuajnë nga migrena kanë thënë se ky është një lajm i mirë dhe një shpresë për të gjithë ata që nuk gjetën dot ende ilaçin për ndalimin e dhimbjes.
Dhimbja e shpinës është shumë e rëndë për t’u përballuar, e cila prek më shumë se gjysmën tonë, kanë treguar studimet e reja.
Një studim me mbi 2000 mijë qytetarë amerikanë të udhëhequr nga Samuel Hubbard, ka gjetur se 52 për qind e tyre vuajnë nga dhimbja e shpinës.
Kështu ekspertët kanë sqaruar se mënyra se si ju i bëni gjëra apo aktivitetet e përditshme ndikojnë çdo ditë në shpinën tuaj.
Kështu, më poshtë gjeni disa nga këto aktivitete të cilat jua shtojnë dhimbjen e shpinës.
Jon Bongcaëel, një fizioterapisë, ka ndarë për Mail Online aktivitetet të cilat duhet t’i bëni ndryshe në mënyrë që të evitoni më shpejt dhimbjen, transmeton Indeksonline.
Përdorimi i pajisjeve mobile
Nëse jemi duke qëndruar ulur, shumica prej nesh mban atë në prehër ose aq poshtë sa duhet të përkul shumë qafën, gjë e cila na bën që të shikojmë poshtë dhe në këtë mënyrë edhe do ndikojë në muskujt e qafës dhe të shpinës.
Gjithmonë mbani pajisjen lartë sa niveli i krahëve, kështu do të jetë një nivel më i drejt me sytë, dhe juve nuk ju bie të qëndroni shtrembër.
Larja e dhëmbëve dhe enëve
Kryerja e këtyre detyrave do të thotë përkuljen në lavaman- dhe rreziqet e njëjta kanosen edhe kur hekuros.
Rreziku është që ju jeni vazhdimisht e përkulur dhe në këtë mënyrë edhe mund të shkaktojë dëme në shpinë, qafë dhe shpatull.
Në vend të kësaj përdorni një shkallë të vogël, në të cilën mund ta mbështesni njërën këmbë. Në këtë mënyrë juve ju ndalon të përkuleni në mënyrë të shtrembër dhe ju detyron të përshtatni sjelljen tuaj.
Pastrimi me fshesë elektrike
Nëse lëvizni gjithë trupin tuaj duke u përkulur përgjatë pastrimit të shtëpisë me fshesë eklektike mund të dëmtojë pjesën e sipërme dhe të poshtme të shpinës. Në mënyrë të ngjashme, fshesa e rëndë mund të shkojë në shpatullat tuaja dhe kapja e fshesë për periudha të gjata është një lajm i keq për bërrylat tuaj.
Qëndroni më drejt dhe lëvizni krahët, jo shpinën tuaj. Bëni pushime gjatë kohës që jeni duke pastrua, ose ndani punët me dikë tjetër.
Siguroheni që fshesa nuk është shumë e rëndë përpara se ta blini.
Vendosja dhe heqja e enëve në pjatalarëse
Qëndrimi shtrembër gjatë kohës që qëndroni ngarkoni ose shkarkoni makinën e enëve është diçka që duhet pasur kujdes, sidomos me gjërat e rënda.
Ato mund të ndikojnë në tendosjen e shpinës në pjesën e poshtme të shpinë.
Qëndroni drejt dhe kërrusuni në gjunjë. Ngarkoni artikujt më të rëndë në pjesën e përparme të pjatalarëses.
Vendosja e fëmijëve në vendin e tyre brenda makinës
Përdredhja dhe përkulja përpara gjatë mbajtjes së fëmijës mund të dëmtojë shpinën dhe shpatullat tuaja.
Mbajeni foshnjën afër trupit tuaj, përkuluni me gjunjë dhe lëvizni këmbët mos e ktheni shpinën.
Bartja e gjërave të ndryshme lartë dhe poshtë nëpër shkallë dhe pajisjet e dollapëve
Mbingarkesa e trupit gjatë ngjitjes së shkallëve dëmtojnë pjesën e pasme të shpinës, pjesën e sipërme të shpinës dhe shpatullat, ndërsa në mënyrë të përsëritur heqja dhe mbajtja e ngarkesave të rënda mund të shkaktojë lëndime të përsëritura në gjunjë.
Mbajeni sendet afër trupit tuaj dhe mbajeni shpinë drejt. Lëvizni duke lakuar vetëm këmbët, jo edhe shpinën dhe shpatullat tuaja.
Ndryshe në gjërat shumë të rënda merrni dikë që t’ju ndihmojë.
Larja e dritareve
Përdredhja dhe përdorimi i një ane të trupit më shumë se tjera, nuk është e mirë për shpinën dhe shpatullat tuaja të sipërme dhe të poshtme, ndërkohë që qëndroni për një periudhë të gjatë dhe lëvizjet tilla të përsëritur a mund të shkaktojnë plagë edhe në bërryl.
Shmangni përdorimin e një ane të trupit më shumë se tjera duke alternuar duart ose duke përdorur një dorë tjetër për të pastruar çdo dritare.
Mbani trupin drejt dhe lajini dritaret në drejtim të fytyrës. Përdorni shkallë për dritare të larta dhe pushoni herë pas here që është nevoja.
Rregullimi i shtratit
Edhe mënyra se si e rregulloni shtratin mund të ndikojë keq në shpinën tuaj. Pra keni kujdes të mos bëni përdredhje të mëdha. Është mirë të uleni në gjunjë përderisa jeni në një anë të krevatit dhe të mos zgjateni për ta arritur shtratin edhe në skajin tjetër.
Shikimi i televizionit
Është e rëndësishme se si qëndroni përderisa shikoni televizion, sidomos nëse qëndroni me orë para tij.
Nëse qëndroni shumë ulur duke pasur këmbët e kërrusura është mirë të bëni pushim çdo 20 minuta duke u çuar dhe çlironi këmbët. Sigurohuni që qëndroni drejt përballë televizionit dhe jo në një këndë tjetër.
