Aurora

Rubini i kuq:Bima mjekesore e sherimit

Leave a Comment / Kulinari, Shendetesi / /

Rubini i kuq është një bimë mjekësore që është përdorur në alternativat popullore të shërimit prej shekujsh.

Rubini i kuq pjesë e familjes botanike Hibiscus sabdariffa është përdorur si laksativ, por edhe për të trajtuar sëmundjet nervore dhe ato kardiake.

Rrubini i kuq shitet në paketime të vogla dhe të mëdha si të lëngjeve të frutave.

Çaji i rubinit të kuq,  është përdorur si çaj mbrëmjeje në Egjipt dhe në Lindjen e Afërt prej shekujsh.

Pjesët e ngrënshme të kësaj bime, që ngjajnë si sytha të kuq e të tharë, përdoren për përgatitjen e çajit.

Ato janë të pasura me kalcium, niacinë, riboflavinë, vitaminë C dhe hekur. Pija e rubinit të kuq nuk përmban kafeinë.

Sipas ekspertëve pija e rubinit të kuq arrin të:

Shuan etjen

Çaji i rubinit te kuq mund të pihet i ngrohtë ose i ftohtë. Kur është i ftohtë arrin të shuajë etjen në mënyrë efikase. Rekomandohet si një alternativë e shëndetshme e pijeve për atletët dhe sportistët.

Çaji i rubinit të kuq ka aftësinë të qetësojë dhe freskojë trupin, duke përshpejtuar nxjerrjen e sekrecioneve dhe lëngjeve të tepërta nga organizmi ndaj është përdorur gjithnjë në dieta dhe në mjekësinë popullore.

Ul tensionin e lartë të gjakut

Çaj i rubinit të kuq ka aftësi të ulë tensionin të gjakut. Kjo u zbulua gjatë një studimi që përfshiu 70 njerëz që vuanin nga tensioni i lartë.

Gjysma e pjesëmarrësve pinin çaj rubini një herë në ditë, ndërsa gjysma pinin ilaçe kundër tensionit dy herë në ditë.

Pas një muaji, 79% e atyre që kishin pirë çaj panë se tensioni i gjakut ishte ulur me 10 pikë. 84% e atyre që kishin pirë ilaçe vunë re të njëjtën gjë.

Rubini i kuq është një antioksidant dhe parandalon oksidimin e lipo-proteinave, që rriten përtej normales dhe shkaktojnë tensionin e lartë të gjakut.

Ndihmon me humbjen në peshë

Disa njerëz e pinë çajin e rubinit të kuq për të rënë në peshë. Trupi prodhon një enzimë e njohur si amylase që shpërbën sheqernat komplekse në ushqim.

Kur dikush konsumon ushqime të pasura me karbohidrate, atëherë gjasat për shtimin në peshë janë të larta.

Rubini i kuq përmban një substancë që parandalon prodhimin e enzimës së lartpërmendur.

Nëse dikush konsumon rregullisht çaj rubini atëherë parandalon përthithjen e tepërt të karbohidrateve dhe rrjedhimisht nuk shton në peshë.

Kundër kollës dhe të ftohtit

Sipas ekspertëve, lulet e freskëta të rubinit të kuq përmbajnë 6.7 mg acid askorbik, një formë e vitaminës C që është një nga ushqyesit më të nevojshëm të organizmit.

Rubini i kuq njihet që lufton inflamacionin dhe bakteret, madje shpesh përdoret kundër të ftohtit dhe kollës.

Duke qenë se ka efekt qetësues, çaji i rubinit të kuq është efikas në uljen e problemeve të shkaktuara nga temperatura e lartë.

Ushqyesit

Përveç sasisë domethënëse të acidit askorbik, rubini i kuq përmban disa substanca ushqyese si: 1.145 g proteina, 2.61 g yndyrna, 12.0 g fibër, 1,263 mg kalcium, 273.2 mg fosfor, 8.98 mg hekur, 0.029 karoten, 0.117 mg thiaminë, 0.277 mg riboflavinë dhe 3.765 m niacinë.

Rubini i kuq shërben si një suplement i shkëlqyer ushqimor që i vjen në ndihmë sistemit imunitar.

Rubini i kuq:Bima mjekesore e sherimit Read More »

Romaneska:Perimja e fermave Shqiptare

Leave a Comment / Kulinari, Kuriozitete / /

Romaneska është një nga perimet me interesante që mund të gjesh në treg.

Ajo bie menjëherë në sy për shkak të formës dhe kurorës krejt jashtë të zakonshmes, e megjithatë ka shumë konsumatorë që hezitojnë ta përfshijnë në ushqimet e tyre të përditshme.

Romaneska i përngjan shumë brokolit dhe lulelakrës, por ngjan me një lule të mirëfilltë.

Kjo perime gjendet kryesisht në Itali, por së fundmi ka zbarkuar edhe në tregjet e Shqipërisë. Në treg, Romaneska ka një çmim mesatar prej 400 lekë për kilogram.

Ajo është një nga perimet më të shijshme por edhe me paraqitjen më të veçantë që do të gjeni ndonjëherë.

Disa ferma me numër të konsiderueshëm hektarësh në vend po e kultivojnë me sukses duke lëvruar kryesisht tregun e huaj me këtë prodhim.

Me shtimin e kultivimit dhe prodhimit, shumë shpejt do të gjeni edhe në tregun tuaj Romaneskën Shqiptare.

Më poshtë do të gjeni disa prej vlerave të saj të renditura me poshte.

Përmirëson qarkullimin e gjakut – Romaneska është një perime e pasur me hekur, një mineral që rrit prodhimin e qelizave të kuqe të gjakut.

Kjo nënkupton se organizmi furnizohet me më shumë oksigjen dhe ushqyes.

Përmirëson funksionet e trurit – Rritja e qarkullimit të gjakut është thelbësore për funksionet e trurit.

Sa më shumë oksigjen dhe ushqyes të shkojnë në tru, aq më të shëndetshme dhe më të shpejta do të jenë funksionet e tij.

Lufton infeksionet – Antioksidantët, vitaminat dhe mineralet tek kjo perime ndihmojnë oganizmin të luftojë infeksionet dhe sëmundjet.

Përmirëson tretjen – Në të njëjtën mënyrë si brokoli dhe lulelakra, edhe perimja Romaneska është e mbushur me fibra të dobishme që përmirësojnë tretjen.

Ul kolesterolin dhe sheqernat – Falë pranisë së fibrave, Romaneska arrin të ulë nivelin e kolesterolit dhe mban sheqernat nën kontroll.

Forcon zemrën – Falë hekurit, vitaminës K, acideve yndyrore Omega 3 dhe vitaminave të kompleksit B, zemra do të jetë e fortë dhe shëndetplotë.

Largon radikalet e lira – Fibra dhe antioksidantët në këtë perime shërbejnë si mburojë kundër radikaleve të lira, të cilat shkaktojnë probleme të rënda shëndetësore.

Si ta gatuani Romaneskën

Kjo perime është shumëpërdorimëshe si brokoli dhe lulelakra.

Disa nga sugjerimet e panumërta për gatimin e Romaneskës.

Atë mund ta kavërdisni thjesht me pak vaj ulliri, hudhër, ose gjalpë. Ky i fundit i jep tufave të Romaneskës një shije fantastike, ndërsa hudhra e plotëson në çdo detaj.

Mund ta gatuani me avull dhe ta spërkatni me pak uthull dhe vaj ulliri. Mund ta përzieni me brokolin dhe lulelakrën në gatimet me djathë, makarona, pulë ose çdo gatim tjetër.

Mund të jini më krijues dhe ta kombinoni me spinaqin, lakrën dhe perime të tjera.

Romaneska:Perimja e fermave Shqiptare Read More »

E shijshme plot shendet:Supe krem me kungulleshka

Leave a Comment / Kulinari / /

Kungulleshkat janë ndër perimet më fantastike të pasura me vlera ushqyese, të cilat padyshim janë të shijshme në të gjitha mënyrat e gatimit.

Kjo perime është e pasur me antioksidantë, vitaminë A dhe C si dhe ka pak kalori. Kungulleshkat janë një zëvëndësues i mirë për ushqimet e pasura me kalori. Për më tepër, kombinimi i fibrës dhe ujit (95%) që gjenden tek kungujt e njomë mbajnë nën kontroll oreksin tuaj, ju ndihmojnë të digjni kalori dhe ju japin shumë energji.

Të njoma dhe të freskëta kungulleshkat janë një mrekulli për shijen e gjithashtu për shëndetin sidomos kur përgatiten në formën e supës.

Një recetë e vjetër, e përgatitur nga nënat dhe gjyshet shqiptare për një vakt të lehtë dreke apo edhe darke.

Supa me kungulleshka përgatitet krejt lehtë dhe është fantastike për t’u shoqëruar me sallata të freskëta të stinës, bukë të thekur, e sidomos me byrekë të ndryshëm shtëpie.

Më poshtë një recetë fantastike të përgatitur nga amvisat shqiptare mbi supën krem me kungulleshka, një mënyrë fantastike për të servirur për familjen një vakt të shijshëm e të shëndetshëm gjithashtu.

Përgatitja e Supës Krem me Kungulleshka

Përbërësit

(Përbërësit më poshtë janë për 4-5 persona)

4 kungulleshka

1 kokërr patate

1 karrotë

Lëng pule ose lëng perimesh

Vaj Ulliri    

Kripë

Piper

Dy thelpinj hudhra

Përgatitja

Si fillim kungulleshkat pastrohen me ujë të rrjedhshëm. U hiqet bishti dhe pjesa e kokës dhe priten në kubikë të vegjël.

Qerohet patatja dhe karrota dhe priten gjithashtu në kubikë të vegjël.

Në një tenxhere shtojmë vajin e ullirit.

Hedhim karrotat dhe patatet, i kavërdisim disa sekonda dhe më pas shtojmë edhe kungulleshkat, vijojmë i kavërdisim për pak dhe më pas shtojmë kripën dhe lëngun e pulës ose lëngun e perimeve.

Pasi kanë zjerë të gjitha bashkë i heqim nga zjarri, i kalojmë në mikser derisa masa të bëhet kremoze.

Kur shërbehet sipër i shtohen hudhra të shtypura, piper i zi dhe sipas preferencës supa krem mund të spërkatet edhe më një lugë kos sipër.

E shijshme plot shendet:Supe krem me kungulleshka Read More »

Kura qe duhet ta keni ne shtepi:Vaj ulliri me hudhra

Leave a Comment / Kulinari / /

Hudhra është përdorur prej shekujsh kundër shumë sëmundjeve.

Ajo shërben si një antioksidant dhe një shtysë e rëndësishme për  sistemin imunitar.

Siç e dimë, hudhra prodhon një lëndë kimike të quajtur alicinë, e cila çlirohet në momentin që hudhra pritet ose grihet.

Alicina është ajo që mban të gjithë peshën e fuqisë së madhe pastruese të hudhrës.

Vaji i ullirit ka vlera të pakundërshtueshme shëndetsore.

Disa ekspertë thonë se ai përbën kurën ideale të jetëgjatësisë.

Studimet kanë treguar se konsumi i vajit të ullirit së brendshmi por edhe aplikimi në lëkurë ka vlera dhe përfitime të mëdha.

Kombinimi i këtyre dy përbërësve të rëndësishme është i famshëm për vlerat shëndetsore që përcjell.

Tretja e hudhrës në vaj ulliri i shumëfishon vlerat e të dy përbërësve.

Një pikë nga vaji i ullirit ku keni tretur hudhrën është shumë i mirë për shijen e ushqimit por edhe kundër infeksioneve, rritjes së flokëve dhe kundër zbokthit.

Një nga mënyrat e ndërthurjes së hudhrës në vaj ulliri është nëpërmjet uthullës, një tjetër përbërës i rëndësishëm dhe i pasur në vlera.

Më poshtë do të gjeni tre alternativa të përgatitjes së kësaj kure të rëndësishme që nuk duhet të mungojë në shtëpitë tuaja.

Metoda e parë – në një enë të mbyllur

Mënyra më e mirë për të kombinuar vajin e ullirit me hudhrën është që t’i bashkoni të dyja në një enë qelqi të mbyllur mirë.

Në këtë mënyrë do të përfitoni një lëng ideal për aplikime në lëkurë. Por nëse vajin në fjalë dëshironi ta konsumoni atëherë hudhrat e grira duhen tharë në diell për 3-4 ditë për të hequr çdo gjurmë lagështie.

Më pas hudhrat mund të shtohen tek vaji i ullirit duke u siguruar që enët dhe duart tuaja të jenë të thata.

Përbërësit:

Një filxhan me vaj ulliri

1-2 dy hudhra të qëruara dhe të grira

Udhëzimet

Pas qërimit, grijini hudhrat hollë dhe vendosini në një enë qelqi.

Hidhni sipër tyre vajin e ullirit dhe përziejini së bashku.

Mbylleni kapakun fort dhe kavanozin lëreni në dritare ose parmak për 3-4 ditë.

Gjatë këtij harku kohor vlerat e hudhrës dhe vajit të ullirit ndërthuren plotësisht për të ofruar përfitime maksimale.

Pasi e keni hequr kavanozin, kullojeni vajin dhe largoni të gjitha hudhrat. Vajin e mbledhur ruajeni në frigorifer në një enë qelqi të mbyllur mirë.

Me këtë sasi hudhrash dhe vaji do të prodhoni një lëng të cilin mund ta përdorni deri në 2 muaj.

Metoda e dytë – në një tenxhere

Këtë ndërthurje të shëndetshme mund ta përgatisni edhe duke i gatuar së bashku në një tenxhere.

Procesi zgjat 10 minuta dhe lëngu i përftuar është për konsum të përgjithshëm dhe aplikim në lëkurë.

Përbërësit:

2 filxhanë me vaj ulliri

1-2 hudhra të qëruara dhe grira hollë

Përgatitja

Hidhni vajin në një tenxhere dhe sapo të ngrohet shtoni hudhrën.

Me nxehjen e vajit do të vëreni që hudhrat do të lëshojnë bulëza.

Përziejini rregullisht që të shmangni djegien.

Temperatura duhet të jetë e ulët dhe përzierja duhet të vazhdojë nga 4 deri në 5 minuta ose deri sa hudhra të marrë një nuancë të artë.

Hiqeni tenxheren nga zjarri dhe lëreni të ftohet. Më pas kullojeni dhe hidhni hudhrat.

Vajin aromatik ruajeni në një enë qelqi në frigorifer dhe përdoreni brenda javës në gatime.

Hudhër e tretur në uthull

Një tjetër mënyrë për të përfituar nga vlerat e hudhrës është që ta tresni atë në uthull.

Kjo e fundit është përdorur në mjekësinë kineze prej shekujsh.

Uthulla me hudhër përdoret jo vetëm në kuzhinë por është ideale kundër të ftohurës, për rritjen e rezistencës, kundër dhimbjeve të kraharorit dhe inflamacionit.

Përbërësit:

1 filxhan me uthull të bardhë

1-2 hudhra të qëruara dhe grira hollë

1 lugë çaji me kripë deti.

Përgatitja:

Kombinojini përbërësit në një kavanoz qelqi dhe më pas vendoseni në një vend të freskët për tre javë.

Tundeni kavanozin herë pas here që të përshpejtoni tretjen dhe lëshimin e aromave.

Do të vëreni se hudhra do të marrë nuanca blu ose jeshile, një gjë krejt normale që vjen si pasojë e ndërveprimit të sulfurit te hudhra me bakrin tek uthulla.

Pas tre javësh, kullojeni lëngun dhe ruajeni në një enë qelqi.

  • Konsumojeni për gjashtë muaj. Mund ta kosnumoni në gatime të ndryshme ose nga një lugë në ditë.

Kura qe duhet ta keni ne shtepi:Vaj ulliri me hudhra Read More »

Kanadaja po ‘vuan’ nga mungesa punëtorëve, jep lajmin e mirë për shqiptarët që duan vizë

Leave a Comment / Aktualitet / /

Kanadaja në fillim të vitit të ardhshëm do të lëshojë viza ekspres të cilat pritet të zgjidhin problemin e këtij shteti sa i përket mungesës së fuqisë punëtore të kualifikuar.

Kjo në të vërtetë paraqet ndryshim të politikës së emigracionit për të cilën Kanadaja ka punuar gjatë 18 muajve të fundit, gjegjësisht sistemi i Expression of Interest zëvendësohet me një vizë të shpejtë e cila paraqet mënyrën më të shpejt që Kanadaja të bëj selektimin e emigrantëve të cilët posedojnë shkathtësi dhe njohuri për ekonominë e vendit.

Sistemi duhet të funksionojë në atë mënyrë që kandidatët para se të vijnë në Kanada të tregojnë interes për punën që duan të punojnë. Pastaj shteti i teston ata me disa pyetje në bazë të të cilave më pas bëhet vlerësimi i profilit të emigrantit dhe të njëjtin ta ofrojë në treg.

Kanadaja po ‘vuan’ nga mungesa punëtorëve, jep lajmin e mirë për shqiptarët që duan vizë Read More »

Ju tregoj pse shqiptarët rrinë në kafene:Befason ish-ambasodori amerikan

Leave a Comment / Opinione / /

Shumë herë është folur për qëndrimin e shqiptarëve, sidomos të rinjve, nëpër kafene. Analiza të shumta janë marrë duke shpjeguar këtë fenomen që ndodh në Shqipëri.
Këto analiza kanë treguar padobishmërinë e kafeneve dhe qëndrimin e kot të shqiptarëve në to.

Mirëpo, ish ambasadori amerikan Xhon Uidhers ka shpjeguar në një letër dërguar Departamentit të Shtetit në atë kohë se pse shqiptarët qëndronin në kafene.

Xhon Uidhers shkruante:

Institucioni që punon më mirë në Shqipëri është i vetmi vend publik që mund të gjesh: Kafeneja”.
Më tej ai thoshte:

Shqiptarët i diskutojnë problemet e tyre në kafene, përfshirë këtu politikanë që diskutojë iniciativa publike, zyrtarë që diskutojnë politika të ndryshme dhe studentë që diskutojnë provimet ose modën”.
Këto janë zbuluar në disa kabllograme të dërguara mes shkurtit dhe marsit 2008 të zbuluara nga Wikileaks, ku Ambasada Amerikane i ka kushtuar vëmendje mënyrës së jetesës në Shqipëri.

Diplomati shton në të njëjtin kabllogram se mes shqiptarëve dinamika e marrëdhënieve personale është shumë e fortë.

Uidhers shkruante:

Që gjatë periudhës komuniste, ku ti ishe gjithmonë në kërkim të një miku që të të gjente pak më shumë mish apo qumësht, dinamika e marrëdhënieve personale është shumë e fortë dhe kërkon shumë kohë e energji. Ato ndikojnë në vendimet e njerëzve.Në këtë mënyrë kafenetë janë institucioni ku mund të ankohesh, të zgjidhësh problemet apo të argëtohesh në Shqipëri.Pra, kur të shihni shqiptarë të ulur në kafene, mos mendoni se është humbje kohe. Është një institucion social multifunksional për një vend në tranzicion”.

Ju tregoj pse shqiptarët rrinë në kafene:Befason ish-ambasodori amerikan Read More »

Zbuloni shifrat alarmante të divorceve në Shqipëri.Më shumë po ndahen se martohen

Leave a Comment / Aktualitet, Problematika / /

Divorci ka filluar të jetë një fenomen mjaft i përhapur në shoqërinë tonë.

Ndarja e një çifti në fillim të viteve 1990 mund të komentohej në opinion si një ngjarje e rëndë, por në ditët e sotme, divorci maksimumi mbetet një problem midis palëve në ngjarje, teksa shoqërisë i mbetet vetëm të përballojë pasojat dhe kostot që krijohen. Në 25 vjet, divorcet janë shtuar ndjeshëm. Sipas të dhënave të INSTAT, në vitet 1990 kishte 9 divorce për 100 martesa, ndërsa në vitin 2016, ishin 24.7 divorce për 100 martesa, nivel rekord.
Paradoksalisht numri i më i ulët i divorceve në 26 vitet e tranzicionit ka qenë në 1997-n, ku u regjistruan vetëm 5.9 divorce për 100 martesa. Siç duket, për shkak të krizës së madhe që krijoi falimenti i firmave piramidale, familjet shqiptare ruajtën kompaktin për t’i bërë ballë situatës që gati degradoi në konflikt civil. Prevalenca e divorceve shihet të ketë shënuar rritje të shpejtë pas viteve 2000, por ritmet e ndarjes së çifteve u përshpejtuan fort në periudhën 2014-2016, ku divorcet arritën përkatësisht 17.8, 21 dhe 24.7 për 100 martesa. Por, gjithsesi, Shqipëria e ka treguesin e divorceve më të ulët se vendet e BE-së, por më të lartë se vendet e rajonit.

Të dhënat e fundit demografike tregojnë se numri i martesave për 1 000 persona ka rënë brenda BE-28 në dekadat e fundit, ndërsa numri i divorceve është rritur. Sipas të dhënave të Eurostat, në BE, në vitin 2013 pati rreth 2.1 milionë martesa dhe 943 mijë divorce. Këto shifra mund të shprehen si 4.1 martesa për çdo 1 000 persona dhe 1.9 shkurorëzime për çdo 1 000 persona.

Avokate Denisa Daka tregon për “Monitor” se divorcet në Shqipëri kanë një kosto të konsiderueshme, jo vetëm për partnerët që kërkojnë zgjidhjen e martesës, por edhe për shtetin. Faktori kryesor për këtë, në shumicën e rasteve, është paaftësia ekonomike e bashkëshortëve që të paguajnë pensionin e caktuar për fëmijët dhe kjo bën që gratë, në këtë rast, t’i drejtohen shtetit për ndihmë. Një tjetër faktor që lidh drejtpërdrejt divorcin me ekonominë e shtetit është rritja e numrit të të papunëve. Në rastin konkret, pas divorcit, gruaja në shumicën e rasteve, duke u cilësuar e papunë, u drejtohet zyrave të shtetit për ndihmë.

Zbuloni shifrat alarmante të divorceve në Shqipëri.Më shumë po ndahen se martohen Read More »

Regjizori i ‘Portokallisë’ shpërthen kundër Ramës: ‘Eshtë dështim’, dhe ka një mesazh të fortë

Leave a Comment / Aktualitet, Opinione / /

Altin Basha vjen në “Arkapia” të gazetares Elsa Demo në një rrëfim total për krijimtarinë e tij në teatër dhe politikat në sistemin teatror që qeveria ka ndjekur në këtë 4-vjeçar.

Basha shpërthen ndaj kryeministrit duke pranuar se është zhgënjyer sepse arti dhe kultura janë jashtë vëmendjes së tij.

Regjisori shpërthen dhe ndaj ministres se kulturës Mirela Kumbaro.

Altin Basha: “Është i pafalshëm dështimi i plotë i kalendarit kulturor në Kosovë. I pafalshëm mungesa e komunikimit me produktin kulturor në Maqedoni. Është e gjitha pluhur mediatik. Nuk ekziston një marrëdhënie kulturore me Kosovën. E gjitha e dështuar, jo produktive.

Mendoj se ekzistojnë resurset, mundësitë, mekanizmat që këto të bëhen efektive. Në këtë kuptim mendoj se gjithçka ka prekur zonja Kumbaro e ka thyer. Prandaj e quaj një elefant në dyqanin e qelqurinave. Mbyllja e festivalit të të rinjve i nxorri jashtë sistemit teatror të rinjtë.

Është e pabesueshme që në momentin kur Shqipëria ka në krye të qeverisë një artist Shqipëria të ketë situatën më të keqe.

Nuk dua të dal në tezat që kryeministri nuk është i informuar për gjërat, nuk i di realetet. Çështja është se arti dhe kultura janë jashtë vëmendjes së tij dhe ky është një zhgënjim shumë i madh, jo vetëm për rëndësinë që ka arti e kultura por edhe për faktin që kryeministri është artist.

Qendra e artit që zonja Kumbaro e mbylli është ideuar në kohën e Ramës ministër, dhe për fat të keq, Rama ministër me Ramën e sotme kanë shumë ndryshim. Në atë kohë ishte shumë më tepër artist e më pak politikan, sot është më shumë politikan e më pak artist në kuptimin e sjelljes ndaj politikave teatrore.

Teatri kombëtar nuk është në kushtet e konkurencës. Teatri kombëtar i merr të gjithë në skenën e tij. Ky është një gabim edhe më i rëndë. Ky është elefanti. Elementët e parë krijues i absorbon dhe i vë emrin Teatri Kombëtar.

Regjizori i ‘Portokallisë’ shpërthen kundër Ramës: ‘Eshtë dështim’, dhe ka një mesazh të fortë Read More »