Aurora

Vritet dikush sa herë luhen ndeshje futbolli, si planifikohen eliminimet në Shqipëri?

Opinione / /

Mbrëmjen e së martës së 6 nëntorit vëmendja ishte përqendruar në ekranet e TV-ve në shumicën e lokaleve apo bareve. Luhej Inter – Barcelona në fazën e grupeve të Champions League dhe një sfidë e tillë nuk mund të të bënte indiferent edhe nëse nuk je tifoz i këtyre dy skuadrave.

Por ky ate.ntat i vënë në zbatim gjatë kohës që luhej një ndeshje e rëndësishme futbolli duket se nuk është dhe aq rastësi. Nëse bën një vëzhgim në të kaluarën gjen mjaft raste kur krime të rënda kanë ndodhur kur në TV luheshin sfida të rëndësishme që kishin marrë vëmendjen e miliona njerëzve në botë.

ARSYET

Pyetja që ngrihet normalisht është: “Pse ka vr.asje të rënda gjatë kohës që luhen ndeshje të rëndësishme të futbollit?” “Lapsi” pyeti specialistë të kri.minalistikës të cilët shpjeguan se kjo lidhet me 2 arsye. Së pari vrasjet lidhen me konflikte të çastit për shkak të grumbullimeve të shumta në bare, lokale dhe vende të tjera publike. Duke shtuar edhe konsumimin e alkoolit apo drogërave të ndryshme edhe konflikte banale kthehen në raste të përgjakshme.

Së dyti, grupet ma.fioze zgjedhin pikërisht këto ditë për të kryer kr.ime për disa arsye. Objektivi i tyre në rast të ndeshjeve të futbollit ka një arsye për të dalë nga shtëpia dhe gjendet lehtësisht në ambiente publike. Mbipopullimi i rrugëve është një mundësi e mirë për të humbur gjurmët.

Në të tilla mbrëmje edhe vëmendja e policisë është e shpërqendruar për shkak të grumbullimeve të shumta në ambiente publike, ose edhe vetë forcat e rendit e ulin nivelin e gatishmërisë gjatë kohës së ndeshjeve të futbollit. Edhe gazetarët që mbulojnë ngjarjet e aktualitetit konfirmojnë se kriminelët hidhen në aksion, kur “yjet” e futbollit zbresin në fushë.

Disa nga rastet më të bujshme të ndodhura në mbrëmje ndeshjesh futbolli janë paraqitur në galerinë e mëposhtme.

Por një grup i vogël, pikërisht në ato momente ishin duke realizuar një atentat tipik maf.ioz. Shënjestra ishte Edison Harizaj, një emër i njohur i botës së nëndheshme të krimit në Vlorë, por edhe më gjerë. 39 vjeçari u qëllua për vde.kje rreth orës 22.10 në vendin që njihet si Rruga e kanalit në Durrës në një atentat të mirëorganizuar. Pak orë më pas ndërroi jetë në spital edhe miku iu tij Genci Caca.

Me 9 mars 2003, persona të paidentifikuar hapën zjarr në një lokal në Lundër, në Periferi të Tiranës duke vr.arë Fatmir Ramën, Kristaq Camin, kamerierin Julian Duriçi si dhe duke pla.gosur Ylli Kelmendin. Ngjarja ndodhi kur personat po shihnin ndeshjen e futbollit Shqipëri- Rusi që përfundoi me rezultatin 3-1. Për këtë ngjarje u arrestua dhe u dënua i dyshuar si autor Lavdërim Tufa.

16 mars 2016. E mërkurë. Shumica e njerëzve ishin të përqendruar për të ndjekur ndeshjet e Ligës së Kampioneve, Barcelona Arsenal apo dhe Bajern Juventus. Në qendër të Tiranës në zonën e ish bllokut u eli.minua ish polici Ajet Zeqaj. 35 vjeçari dyshohet se u el.iminua si pjesë e përplasjeve të grupit të Elton Ciçës. Vra.sësi i tij që dyshohet se ishte një person i paguar nuk është zbuluar ende.

14 shkurt 2018. Sërish në qendër të Tiranës u v.ra në mbrëmje biznesmeni Memli Begalla. Për vr.asjen e tij janë arrestuar ish polici Ardian Serezi dhe Denis Demiri. Atë mbrëmje luheshin supersfidat e Champions League ku vëmendja ishte të Real Madrid PSG që u mbyll 3 me 1.

Më 25 prill të vitit 2013, në Fushë Krujë, Florind Kadiu 19 vjeçar, u që.llua me thi.kë, gjatë ndeshjes së Ligës së Kampioneve Real Madrid Borusia Dortmund. Për ngjarjen u arrestua si i dyshuar Durim Xaka. Lista e këtyre vra.sjeve është e gjatë dhe këto janë vetëm një pjesë e vogël e tyre./korrieri

Vritet dikush sa herë luhen ndeshje futbolli, si planifikohen eliminimet në Shqipëri? Read More »

‘Aplikoni duke filluar nga 30 Nëntori’, Rama ka një ftesë për shqiptarët

Aktualitet / /

Kryeministri Rama e ka nisur diten me nje ftese per gjithe shqiptaret e interesuar qe duan te perfitojne nga programet mbështetëse në bujqësi.

Me nje video informuese, postuar ne faqen e tij ne Facebook, Rama fton te interesuarit te aplikojne filluar nga 30 Nëntori me projektet tuaja për zhvillimin e fermës e të ekonomisë në fshat.

Mesazhi i Rames

MIRËMËNGJES 😃

Dhe me këtë ftesë për të përfituar nga programet mbështetëse në bujqësi dhe të aplikoni duke filluar nga 30 Nëntori me projektet tuaja për zhvillimin e fermës e të ekonomisë në fshat, ju uroj një ditë të mbarë 🌽🍅🌾

‘Aplikoni duke filluar nga 30 Nëntori’, Rama ka një ftesë për shqiptarët Read More »

Hani sa më shumë kikirika, ndihmojnë në largimin dhe ruajtjen e organizmit nga kjo sëmundje!

Shendetesi / /

Duke ngrënë 5 grushte arra, kikirikë ose lajthia në javë, shkurtohet norma e vdekjes për 34%, thanë hulumtuesit.
Por, hulumtuesit thonë se nuk ka dëshmi nëse ngrënia e tyre ulë rrezikun e zhvillimit të sëmundjes.

Rezultatet erdhën nga një studim i madh mbi efektet e dietave të pasura me kikirikë, arra dhe lajthia në kancerin e prostatës.

Në studimin e publikuar në Gazetën Britanike të Kancerit, ekspertët nga Shkolla e Mjekësisë ‘Harvard’ në Boston, gjetën se kikirikët, arrat dhe lajthitë (duke përfshirë edhe nuts të tjerë) shkurtojnë rrezikun e vdekjes nga kanceri i prostatës.

Hani sa më shumë kikirika, ndihmojnë në largimin dhe ruajtjen e organizmit nga kjo sëmundje! Read More »

Rrëfimi i shqiptares: U largua mes varfërisë nga vendlindja, por ia doli të punojë në Kryeministrinë britanike (video)

Aktualitet / /

Nuk janë të paktë shqiptarët të cilët janë larguar të dëshpëruar nga vendi i tyre, por t’u integruar më pas në vendet e huaja duke u kthyer në një model suksesi.

I tillë është rasti i Sindi Selmanit, e cila ishte vetëm 7 vjeç kur iu desh të largohej nga Vlora, duke lënë lojërat e fëmijërisë.

“Ana e ekonomisë ka qenë shumë e dobët. Kështu prindërit e mi vendosën të emigronin në Londër së bashku me vëllanë tim Donaldin. Kemi emigruar në vitin 1991, unë isha 7 vjeçe dhe vëllai im i vogël ishte 3 vjeç. I kujtoj vitet e para në Londër me shumë tmerr, kisha një mall të paparë për atdheun tim. Më mungonte familja, më mungonte shoqëria, më mungonte ushqimi shqiptar, më mungonte ambienti”, rrëfen ajo.

Ndoshta nuk do ta kishte menduar kurrë se një ditë ajo do të punonte në kryeministri, në “10 Downing street”, ku do të përgatiste fjalimet e ministrave britanikë.

Selmani shërben sot si këshilltare ligjore në Home Office. Ajo po shërben si një ambasadore e vërtetë e Shqipërisë dhe thotë se një ditë dëshiron të kthehet në Vlorë, për t’i shërbyer vendit të saj të zemrës.

https://www.facebook.com/ThealbanianLondon/videos/10156389182103488/?t=0

Rrëfimi i shqiptares: U largua mes varfërisë nga vendlindja, por ia doli të punojë në Kryeministrinë britanike (video) Read More »

Nuk duhet harruar Camëria Shqiptare !

Opinione / /

PSE “HARROHET” ÇAMËRIA SHQIPTARE

Duke ju përulur LYPSARIT DINAK GREK??!

Krahina e ÇAMËRISË SHQIPTARE, si Krahina më Jugore e Trojeve Etnike Shqiptare, është komanduar nga Mbretër e Kapedanë Trima( ose më Qartë VËLLEZËR KURAJOZË, siç I ka Falenderuar PRONJATËT dhe ÇAPARENJTË ish Udhëheqësi grek Kryengritjes më 1821)

Që nga lashtësia Pirro-Burri I Epirit Iliro-Shqiptar( po ashtu Aleksandri I Madh -I biri i Nanes Molose-Çame), e pasardhësi Legjendar Gj.Kastrioti -Skenderbe qe quante vehten me Krenari edhe Princ I Epirit; vazhduar me Kapedanët Pronjatë, Boçarenjë, Çaparenjë e në Mesjetë e Rilindje (Jo ashtu siç e quan vehten sot paria Tiranës);luftuan jo vetëm për mbrojtjen e Trojeve Shqiptare ; por edhe për mbrojtjen e Europes

Kur Kongresi I Berlinit me 1878 filimisht pranoi pjesa me e madhe e Trojeve Shqiptare të lejoheshin për tu zaptuar nga greket e serbet, Shqiptaret u Bashkuan ne Lidhjen e Prizrenit e te Prevezes duke treguar Krenarine dhe Forcen per te mos leshuar asnje pellembe te tokave Shqiptare

Në këto rrethana qarqet atdhetare përparimtare e radikale shqiptare vendosën ta kërkonin shpëtimin e tërësisë territoriale të atdheut jo te lufta kundër shovinistëve ballkanikë, as te qëndrimi pritës, por tek organizimi i kryengritjes së armatosur çlirimtare kundërosmane që do të çonte në shpalljen e pavarësisë së Shqipërisë. Me këtë veprim edhe diplomacia evropiane do të vihej para një fakti të kryer.

Abedin Pasha Dino, Kyetar i Komitetit të Stambollit dhe delegat i Toskërisë (i vilajetit të Janinës). Duke mbrojtur platformën atdhetare të lëvizjes kombëtare, ai i ftoi të gjitha krahinat shqiptare që të bashkoheshin si një trup i vetëm për të mbrojtur mbarë atdheun nga rreziku i asgjësimit. Abdyli ndër të tjera tha: “Qëllimi i Kuvendit është që t’ua presim hovin armiqve të pashpirt, duke lidhur besën shqiptare dhe duke u betuar që t’i mbrojmë me gjak trojet që na kanë lënë gjyshërit dhe stërgjyshërit tanë”

Shqipëria siguronte tërësinë territoriale, duke përfshirë në kufijtë e saj edhe vilajetin e Janinës (Epirin), ndërsa Greqia hiqte dorë nga Epiri, por do të aneksonte pa luftë Thesalinë

Po të vijme dhe me afer kohe se sotme, po I kujtoj “parisë antishqiptare” te sotme qe me 3 Shkurt 1943 u formua Çeta Cameria me djemte e vajzat trime Came per te luftuar pushtuesit nazifashiste. Kjo brigate luftoi 56 dite ne gusht-shtator 1943(lufta e vetme frontale e UNÇ) duke mos I lene forcat gjermane te pushtojne Shqiperine nga ana e Çamerise se pushtuar nga Greqia

Ne ato kohera qeveria kuislinge e Greqise krijoi Battalionet e Sigurimit me ne krye Gjeneralin gjakatar famekeq N. Zerven per mbeshtetur forcat gjermane . Ishte po ky Zerve qe filloi masakrat, vrasjet tembi 2000 njerezve te pafajshem te moshuar dhe femije dhe debimin me dhune te mbi 40.000 Shqiptareve te Camerise qe nga 27 Qershori 1944 e deri me shkurt te 1945.

N.Zerva I shkruan më 1953, një miku dhe ish bashkepuntori të tijë në masakrat:

“I dashur Jani Dani, Bëjua të qartë njerëzve se ne e kryem detyrën që na ishte ngarkuar për spastrimin e atdheut nga çamët musulmanë, të cilët qëndruan 500 vjetë mbi qafë të helenizmoit, duke ja bërë të mundur malësorëve të zbresin në fushat pjellore e ti gëzojnë ato. Për këtë ta ndjejmë vehten krenarë

“Vdes i qetë se bëra ate që doja. Pas lashë rrëke gjaku, tym, blozë, gërmadha; ulurima fëmijësh, nuse dhe gra nudo, që futeshin në furrat e ndezura, që të mos pillnin më shqiptarë… burra të varur, shpuar me bajonetë, gjuha shqipe nuk do të flitet më në tokën helene. Kjo më kënaq mua, ashtu siç kënaq tërë shpirtrat helenë !”.

(S.Muselimi-Istoriko peripato ana tis Thesprotias”).

Po shkruaj pake se do ju mjafoi te “kuptoni” se Problemi I Çamerise Shqiptare nuk eshte per tu “mbajtur mend” por TE HAPET E TE DISKUTOHET PER TU ZGJIDHUR KONFORME LEGJISLACIONEVE NDERKOMBETARE TE DREJTAVE TE NJERIUT.

MOS VAZHDONI TE SHISNI DETIN, TOKËN DHE NDERIN E SHQIPERISE!1

Historia nuk do ju fale dhe as keni per ti gezuar pronat e shitura te Shqiptareve!

Sali Bollati -Shqiptar Çam.
Nje nga të paktët e mbijetuar te Genocidit të Shqiptareve të Çamësë

Nuk duhet harruar Camëria Shqiptare ! Read More »

Theodoros Pangalos: Grekët, shqiptarët, shkupjanët, ‘Una faccia, una razza’

Opinione / /

Theodoros Pangalos, ish drejtues i Lëvizjes Socialiste Panhelenike (PASOK). Ai ka qenë zëvendëskryeministër i Greqisë, përgjegjës për koordinimin e Këshillit të Qeverisë për Punët e jashtme dhe ato të Mbrojtjes (KYSEA) dhe Komitetit të ri të Politikave Ekonomike dhe Sociale nga viti 2009, deri në vitin 2012.

Ai u bë anëtar i Partisë Komuniste të Greqisë, duke u rritur në Komitetin Qendror, përpara se t’i bashkohej përfundimisht partisë socialiste PASOK gjatë Metapolitefsi-t. Ai u zgjodh për herë të parë si anëtar parlamenti në vitin 1981 në zgjedhjet e përgjithshme me partinë PASOK dhe është rizgjedhur vazhdimisht që atëherë.

Në vitin 1996 ai u emërua si Ministër i Punëve të Jashtme dhe e mbajti këtë post deri në vitin 1999 kur dha dorëheqjen, si pasojë e skandalit në të cilin u përfshi lideri kombëtar Kurd Abdullah Öcalan: i ndihmuar prej anëtarëve individualë të agjencive të inteligjencës Greke Öcalan hyri në Greqi ilegalisht e më pas u dëbua për në Kenia, ku u kap prej agjentëve Turq, pasi u largua nga ambasada greke e Nairobit.

Intervista

“Shkova në Shqipëri, me ndihmën e Kryepeshkopit Anastas të Tiranës, dhe bëmë një shfaqje me muzikë greke dhe shqiptare. Pati sukses të madh. Atje takova njerëz të ndryshëm, takova për shembull dhe Presidentin, i cili më kishte ftuar. Takova dhe kryeministrin dhe folëm kokë më kokë për shumë kohë. U mundua të më mbushte mendjen për sinqeritetin e tij, për dashurinë e tij ndaj Greqisë dhe për nevojën që ai shihte për një afrim të mëtejshëm midis dy vendeve.

Kam përshtypjen se nuk kemi bërë atë që duhet të bënim për Shqipërinë! Nuk ekzistojnë pengesa me Shqipërinë, nuk është si çështja e Shkupit, të cilën ne nuk mund as ta përmendim. Mund të bisedojmë me shqiptarët dhe të përgatisim një paketë më gjërat që kërkon Rama dhe ta shohim këtë çështje të marrëdhënies me Shqipërinë. Nuk mendoj se populli shqiptar në këto çaste do të mbështeste çfarëdo plani, megjithëse të çmendur ekzistojnë sigurisht në çdo vend, diçka që të kishte të bënte më Shqipërinë e Madhe që përfshin Epirin dhe Thesalinë siç thonë disa. Natyrisht ka dhe njerëz të tillë por ata janë krejtësisht të veçuar. Pjesa më e madhe kërkon marrëdhënie të mira me Greqinë në të cilën shkojnë e vijnë. Mos harroni se në Greqi jetojnë pothuaj 800 mijë shqiptarë dhe në dy vitet e fundit janë kurorëzuar rreth 50 mijë martesa të përziera.

Unë kërkoj që ne të luajmë njëfarë roli, dhe këtë rol duhet ta luajë qeveria.

Duhet fillimisht të çlirohemi nga këndvështrimet e mitet e vjetra, siç është vëllazëria jonë me serbët. Serbët nuk janë as vëllezërit tanë as hiçgjë, janë njerëz të zakonshëm që kanë një shtet. Ky shtet herë bën gjëra të mira herë të gabuara. Kanë bërë dhe kanë projektuar gjakderdhje. Gjithnjë kanë dashur Kavallën, që ishte një pretekst për të justifikuar daljen e tyre në Mesdhe. Pra të mos kemi të ide të tilla. Mirë është të kemi marrëdhënie të mira dhe me serbët, dhe të luajmë dhe me Crvena Zvezdën tani që morëm dhe kampionatin, Olympiakos domethënë, por vetëm kaq!

Se përndryshe ç’kuptim ka të shmangesh nga njohja e Kosovës? Diçka për punën e njohjes së Kosovës: Kosova ka 80% shqiptarë dhe 20% serbë! Është e natyrshme që nuk mund të qeverisin serbët!!! Do të qeverisin shqiptarët! Ky është vullneti i popullit dhe na pëlqen apo jo neve, nuk ka asnjë rëndësi. Nga ana tjetër shqiptarët e kanë zgjidhur këtë çështje dhe me anëtarësimin në NATO. Prandaj dhe ne duhet të bëjmë njohjen e Kosovës, ashtu siç është dhe paralelisht të të merremi vesh me shqiptarët për të gjithë çështjet e tjera sepse kjo vërtet që është një teme madhore. Dhe në qoftë se ecim në këtë drejtim dhe sllavofolësit e Republikës së Shkupit do të kuptojnë që nuk është e drejtë të merren me punë emrash si Aleksandri i Madh apo Bucefail. Dhe në qoftë se i referohemi asaj historie, me shumë mundësi flasim për një kohë në të cilën nuk ekzistonin as grekë, as shqiptarë dhe aq më pak sllavë dhe gjithë ky muhabet është pa kuptim! Dhe nëse dikush mund të ketë pretendime për prejardhjen e Aleksandrit të Madh, këta janë shqiptarët sepse e ëma, Olimpia ishte ilire! Prej andej i njihte dhe ilaçet e helmet. Dhe kur Filipi bëri fëmijë me një vajzë të re dhe kërcënonte kësisoj trashëgiminë e Aleksandrit, Olimpia e hoqi qafe të shoqin”.

Intervistuesi: Ajo që ne grekët shpeshherë nuk e mbajmë parasysh, është se sa të lidhur jemi me zhvillimet ballkanike, e kemi pak të shtrembëruar perspektivën.

Thedoros Pangalos: Po po absolutisht. Mendoj se është çështje kompleksi…themi për shembull “una faccia, una razza” për italianët me të cilët nuk kemi absolutisht asnjë lidhje, as prejardhje të përbashkët, as lidhje qytetërimi! “Una faccia, una razza” ne jemi me shqiptarët, me shkupjanet, me këta!

Intervistuesi: Se nuk na pëlqen kjo, se duam të jemi evropianë.

Theodoros Pangalos: Nuk na pëlqen por…dhe e kemi këtë lidhje dhe me turqit! Janë miliona vajzat greke që kanë humbur identitetin dhe fenë sepse turqit i rrëmbenin me dhunë. Dhe njëra nga sulltaneshat më të mëdha të Turqisë ishte nga Qefalonia, mendoj…

Theodoros Pangalos: Grekët, shqiptarët, shkupjanët, ‘Una faccia, una razza’ Read More »

Hoxha: Agimi i Artë po kërkon emrat e oficerëve të RENEA-s

Aktualitet, Opinione / /

Gazetari Artan Hoxha, të enjten, deklaroi se Agimi i Artë dhe grupet ultranacionaliste greke po kërkojnë emrat e skuadrës së RENEA-s që ekzekutuan Kostandin Kacifas në Bularat.

Hoxha u shpreh në studion e emisionit ‘Opinion’ se shteti shqiptar nuk duhet t’i zbulojë emrat e policëve që kryen detyrën, pasi mund të ndodhë ndonjë hakmarrje.

Hoxha: Po kërkojnë të identifikojnë emrat e skuadrës tonë të RENEA-s që kanë marrë pjesë në aksionin e eleminimit të Kostandin Kacifas. Do jetë një nga gabimet më të pafalshme të autoriteteve shqiptare dhe Prokurorisë nëse zbulohen emrat. Nëse ne do zbulojmë emrat e skuadrës që ishte në Bularat, ne do t’i ekspozojmë emrat e tyre përballë një hakmarrje.

Hoxha: Agimi i Artë po kërkon emrat e oficerëve të RENEA-s Read More »

“Provokatorë varresh që jetojnë si hiena e këndojnë si korba!”, Rama reagon ashpër ndaj grekëve

Aktualitet / /

Pas ngjarjeve të sotme në Bularat, ku mbi 2 mijë grekë morën pjesë në varrim, por edhe thurën thirrje raciste ndaj shqiptarëve, ka reaguar më në fund edhe kryeministri Edi Rama.

Ai ka zgjedhur t’i përgjigjet njërit nga komentuesve të tij, duke i cilësuar si provokatorë varresh.

Rama u shpreh se “ata jetojnë si hiena e këndojnë si korba!”, duke thënë se nuk përfaqësojnë komunitetin në Bularat.

Fjalët e komentuesit ishin:

Nderhy zoti Rama Te lutem sepse u flliqem si shtet,vjen greku na provokon, tregoja vendin dhe tregoja vlerat tona si komb.
Rama i përgjigjet:

Vlera jone sot? Pikerisht ajo qe disave ketu u duket gabimisht si dobesi. Shteti yne s’lufton as me arkmorte dhe as me provokatore varrimesh. Kush erdhi per te provokuar, hyri, turperoi veten e flamurin e tij dhe iku. Patriotizmi nuk eshte te urresh tjetrin e gjuhen e tij, po te duash vendin e gjuhen tende. Dhe zotrote
mos e perdor termin “greku”, se eshte po kaq e neveritshme sa kur te pagdhendurit ne anen tjeter, thone “shqiptari”! Minoriteti grek, njerezit e mire te minoritetit e te Bularatit, nuk jane “greku”, po jane qytetare te respektuar e te pazevendesueshem te Shqiperise. E ti qe as emrin s’merret vesh si e ke, rri pa merak se Shqiperia nuk “flliqet” nga ca te pagdhendur, qe jetojne si hiena e kendojne si korba! Jane qenie te mjera qe perdhosin te vdekurin qe medemek respektojne dhe ulin dinjitetin e flamurit te kombit te tyre – nje komb qe i ka dhene shume njerezimit; nje popull qe s’ka qene e s’mund te jete kurre armiku yne; nje vend ku shqiptaret kane gjetur strehe, njesoj siç kane gjetur greket strehe tek ne dhe qe edhe ai, si çdo vend, ka taksiratin te kete derrat e gomeret e vet.

“Provokatorë varresh që jetojnë si hiena e këndojnë si korba!”, Rama reagon ashpër ndaj grekëve Read More »