Reshje intensive shiu, ere e forte, temperatua ne ulje dhe bore ne zonat e thella. Keshtu ndryhson tabloja e motit, duke u kthyer edhe njehere ne dimer tipik.
IGJEUM ben me dije se sot priten reshje në të gjithë territorin, që në qarqet Shkodër, Kukës, Vlorë dhe Gjirokastër do të jenë shumë intensive.
Në pjesën tjetër të qarqeve do të jenë mesatare ose intensive, por lokalisht deri shumë intensive.
Për shkak të intensitetit të lartë të reshjeve mund të krijohen probleme në zonat urbane, kjo në varësi të gjendjes së kanalizimeve.
Në qarqet Shkodër, Kukës, Dibër, Vlorë dhe Gjirokastër për shkak të intensitetit të reshjeve mund të shfaqen rrëshqitje të tokës. Reshjet do të jenë në formën e dëborës 1200 meter mbi nivelin e detit.
TEMPERATURAT
(e shtunë, dt.03) temperaturat minimale dhe maksimale të ajrit pritet të arrijnë:
në bregdet: 12 / 16
në vendet e ulëta: 11 / 15
në vendet malore: 4 / 9 °C.
ERA
(e shtunë, dt.03) era pritet të fryjë mesatare, ndërsa në bregdet deri e fortë
Vila e Ilir Metës në Gjirin e Lalzit ka një shpenzim prrallor. 2000 m2 oborr me ullinj dhe palma gjigande që u sollën me helikopter nga madhësia si dhe brenda në vilë ndodhne 11 WC. Mobilimi kushton mbi 400 mijë euro.
Kjo është thjesht vila për fundjava sepse ata jetojnë në një palalt 5 katësh ku 4 kate janë banesa e tyre në qendër të Tiranës në zonën e bllokut.
Kjo është një foto e bërë gjatë një interviste të dhënë për mediat nga bashkëshortja e kreut të LSI, Kryemadhi, e cila është edhe deputete. Sipas Monikës edhe macja ka tualetin e veçantë për të kryer nevojat personale.
Bëhet fjalë për shtëpinë në Gjirin e Lalzit të Metës. Disa ditë më parë pamë festën faraonike të Metës për ditëlindjen e tij në këtë zonë turistike, shpenzimet e së cilës kanë kaluar 500 mijë eurot. Tani, po shihni se si është arreduar nga brenda kjo vilë luksoze ku vetëm kolltuqet “skavolini” kushtojnë 32.000 euro.
Njeri, Andi Toma, besoj s’ka nevojë per prezantim, llogaritari i Qeverise Berisha 1, e pastaj qeverisë Berisha-Meta, e tjetri, Dashamir Xhika i qeverisë Rama-Meta….
Shkruan Artan Hoxha
Eh si e solli carku,….pune llogaritaresh… po ankoheshim se u ekstradua per ne Itali “llogaritari” i Habilajve, por….
Por shkon ky prokurori i ri i Elbasanit, edhe te kap dy “llogaritar” njeheresh, e cfare llogaritaresh se?!!!!
Jo si ai i Babices qe i bente hesapet e hashashit me kalem te veshi, por llogaritar me kostum kashmiri qe i benin llogarite me teknologjine e fjales se fundit….
Njeri, Andi Toma, besoj s’ka nevoje per prezantim, llogaritari i Qeverise Berisha 1, e pastaj qeverise Berisha-Meta, e tjetri, Dashamir Xhika i qeverise Rama-Meta….
Po ti “shtrydhin” mire keta llogaritaret qe kane bere kerdine ne tenderat e rrugeve, do marrim vesh se te cilet peshkaqene, blu a te kuq, kane shkuar qindra milione euro te rrugeve te pambaruara kurre, te Shqiperise….
Tani kur te dale Monika me Lulin te thone: Ku shkoi llogaritari i Tahirit…
Do dale “I Gjati” te thote: Rrini urte se kam kapur edhe “llogaritarin” e rruges Durres-Kukes te Lulit, edhe “llogaritarin” e rruges Tirane-Elbasan te Monikes….
Eh c’vete kjo pune, fiks si thote populli: Ti fusin te dyja kembet ne nje kepuce(ne fakt ne rastin e Monikes shkon, ne nje cizme)…
Prandaj ju “llogaritare” qe nuk u kane trokitur akoma te dera, merrni masa sa nuk eshte vone. O futjani vrapit jashte shtetit nga syte kembet, ose dorezoni kalema, deftere e makina llogaritese se u be keq puna…
Pas “Portokallisë” aktorja Rudina Dembacaj ka nisur një tjetër projekt në një tjetër televizion.
E ftuar në PopCulture aktorja foli për projektet e saj të ardhshme ndërkohë që e pyetur nëse përveç aktrimit dhe moderimit ka dëshirë të provojë muzikën ajo u përgjigj: “Jo kurrë. Unë këndoj si derr”.
Ndërkohë aktorja ka zbuluar edhe disa detaje nga jeta e saj personale dhe lidhjet e saj të mëparshme: “U ndava nga i dashuri i fundit sepse nuk kishim përputhje së bashku dhe unë kisha nevojë për një mashkull më bujar dhe xhentëllmen. Bashkëshorti im ndryshon shumë nga ish partnerët e mi.”
Por Rudina ka folur edhe për marrëdhënien e saj më bashkëshortin, duke theksuar se lidhja e tyre nuk nisi si diçka serioze: “Prej një viti e gjysëm isha kliente tek servisi i bashkëshortit tim. E telefonoja shpesh për shkak të defekteve të makinës. Telefonatat me të më pëlqyen. Pimë kafe dhe duke qenë se na shijoi vendosa ta ftoj në shtëpi. Pasi erdhi në shtëpinë time vendosëm të martoheshim pasi që nga ajo ditë nuk u ndamë më. Nuk e doja këtë lidhje dhe i thashë mos të më telefononte më, gjë e cila nuk ndodhi. Tashmë kemi edhe një fëmijë së bashku”. /Top Channel
Pas shpalljes mbret të Ahmet Zogut në 1928, vendi filloi të merrte një tjetër zhvillim, për shkak edhe të fondeve dhe huave italiane si dhe lidhjes së ngushtë me këtë shtet.
Me fillimin e viteve ’30 filloi të zhvillohej ekonomia, dhe një ndër qytetet që po merrte hov në këtë fushë ishte Durrësi. Qyteti bregdetar përveçse u pajis me hotele, restorante, kinema me filma të huaj etj., do të kishte edhe shtëpi publike legale dhe ilegale.
Profesor Xhevdet Beja ose Xhoda sot 85 vjec, durrsak i hershëm, ka rrëfyer me hollësi Durrësin e atyre e viteve.
Sipas tij, në ato vite edhe mentaliteti i durrsakëve u europianizua dhe kjo falë shkëmbimeve ekonomike dhe kulturore me vendet e huaja kryesisht me Italinë.
Të rinjtë që studionin në Itali por edhe filmat e huaj ndikonin në mënyrën e sjelljes së rinisë të asaj kohe.
Xhevdet Beja ka treguar për Shqiptarja.com:
Unë në atë kohë kam qenë fare i ri, djalë 15 apo 16 vjeç, por i ruaj të freskëta kujtimet e kohës së Italisë që solli një zhvillim të madh ekonomik ,social dhe kulturor. Shkoja pothuajse çdo pas dite në kinema dhe shikoja me shokët e mij jo vetëm yjet e kinematografisë italiane, por edhe ato të Hollivudit. Të rinjtë e Durrësit nisën të visheshin e të kriheshin sipas modës së asaj kohe. Me kostume dopio pet me shami ne xhep dhe me borsalino në kokë.Të tjerë nisën të mbanin mustaqe spic dhe të lyenin flokët me brilantinë që sot rinia e quan xhel.
Shtëpitë publike të hapura në këto vite ishin padyshim një civilizim të madh për kohën. Imagjinoni ndryshimin, nga gratë me perce te shtëpitë publike që kishin një frekuentim të madh. Ligji i Zogut i lejonte.. U ngritën tri bordello apo shtëpi publike me dokumenta të rregullta, pronarët e të cilave paguanin detyrimet tatimore dhe respektonin të gjitha rregullat higjeno-sanitare ku padyshim më i rëndësishëm ishte vizita mjekësore e vajzave që shërbenin në këtë sektor. Ndërkohë në Durrës funksiononin edhe katër shtëpi të tjera ilegale. Pronarët e tyre kishin marrë licencat për hotele dhe restorante dhe fshehtazi kishin punësuar edhe vajza. Në fillim kishte paragjykime. .
Prindërit mundoheshin që të pengonin djemtë e tyre që të mos i frekuentonin shtëpitë publike se ky ishte turp. Ndërsa gratë që kishin burra sarhoshë apo qeflinj, që pinin raki,luanin bixhoz dhe ju pëlqente një jetë e tillë, përpiqeshin që ti bindnin ata që të mos hynin në gjynah e të shkonin me ato zuskat.
Por kjo zgjati për pak kohë pasi shtëpitë publike funksionuan jo vetëm në vitet ’30 por edhe gjatë luftës. Frekuentimi ishte i padiskutueshëm. Vetëm pas përfundimit të luftës dhe pushtetin e morën komunistët,shtëpitë publike pushuan së ekzistuari pasi nuk përputheshin gjoja me moralin e tyre.
Njëra prej shtëpive publike u krijua nga Flora Samuel. Ajo ishte një zonjë hijerëndë që erdhi në Durrës nga jashtë vendit. Në vitin 1934, Flora hapi një pension- tavernë e që pas pak vitesh mori edhe licencë për shtëpi publike.
Flora Samuel kishte në dispozicion të shtëpisë publike pesë vajza me kombësi italiane dhe greke. Kishte edhe një shqiptare që ishte më e bukura .Atë e quanin Lefteri. Ajo kur ecte rrugës ishte e veshur shumë bukur dhe përdridhej dhe bënte naze. Djemtë e rinj çmendeshin pas saj. I patën bërë edhe një këngë që edhe sot interpretohet nëpër dasma,kryesisht në Shqipërinë e Mesme.
Lefteria kishte edhe cmimin më të lartë ndër të gjitha vajzat. Për të vinin nga Tirana dhe Kavaja pasi bukuria e saj kishte marrë nam. Gjithashtu në Durrës funksiononte shtëpia publike “Flora”.
Ajo ishte një ndërtesë 2 katëshe që ndodhej në krahun e djathtë të rrugës që të shpie në Spitallë. Kjo shtëpi publike ishte në pronësi të Dik Cërloit, qytetar durrsak. Shtëpinë e mbaj mend si një vend të qetë, pa zhurmë dhe pa muzikë. Ajo frekuentohej kryesisht pas dite.
Tjetër shtëpi publike ishte ajo në që ndodhej në Rrugën “ Monun”. Ajo ishte në pronësi të italianit Augusto Canova. Menaxhere e kësaj shtëpie ishte malazezja Zoica. Ajo kishte një trup të madh dhe ishte tepër e rreptë. Vajzat që ushtronin profesionin në këto shtëpi kontrolloheshin në mënyrë sistematike nga mjekët.
Ndërkohë biznesmenë të tjerë,ndërtuan hotele dhe restorante në zonën e plazhit dhe morën masa dhe futën në punë edhe vajzat. Plazhi nisi të frekuentohej shumë në ato vite.
Shtëpitë publike njohën frekuentim të madh në atë kohë. Ishin kryesisht djem të rinj, jo vetëm nga Durrësi, por edhe nga Tirana,Kavaja etj.qytete si dhe shtetas të huaj me punë në vendin tonë,ata që frekuentonin shtëpitë publike.
Këngëtarja dhe moderatorja e njohur Eneda Tarifa ka rrëfyer një histori prekëse në rrjetin e saj social Instagram.
Historia bën fjalë për një vajzë së cilës i fillon emri me S. e cila rrëfen lidhjen e saj dhe vështirësitë pasi mbeti shtatzënë.
Eneda Tarifa shkruan në fund të postimit se kjo është një nga historitë që e ka lexuar në koncertin e bamirësisë “Ende ka jetë”.
Statusi i Eneda Tarifës në Instagram
Unë jam S.
Në fillim ishim të lumtur. U njohëm në Greqi dhe gjithçka mes nesh shkonte për mrekulli. Pastaj, kur mbeta shtatzënë e kur mendoja se do të përjetoja emocionet më të bukura, në pritje të fëmijës së parë, jeta ime u përmbys e u nxi e gjitha.
Ai u bë i dhunshëm dhe shumë i rrezikshëm. Më gjuante, më ofendonte dhe më shfrytëzonte ndërkohë që isha shtatzënë.
Për vite me rradhë jetuam kështu, me dhunë.
Edhe kur erdhi fëmija i dytë, i tretë… asgjë nuk ndryshoi, përkundrazi ai nisi t’i keqtrajtojë edhe ata.
Sillej keq, nuk na donte e na linte edhe pa bukë.
Unë punoja por lekët mi merrte gjithmonë ai.
Kisha frikë dhe nuk kisha mbështetje askënd deri në momentin kur dikush më zgjati dorën dhe më ofroi mbrojtje, mua dhe fëmijëve.
Tani jam këtu, e ndihmuar nga organizata që më riktheu në jetë, ndërsa ai është aty ku e meriton, në burg!
Tani ndjehem e sigurtë. Çfarëdo që të ndodhë, nuk do të dorëzohem më, asnjëherë.
Nje nga historite qe lexova ne koncertin e bamiresise “Ende ka jete”
Tenton të korruptojë punonjësin e policisë, arrestohet në flagrancë !
Më datë 01.02.2018, në PKK të Portit Vlorë, shtetasi Robert Gjeçi, 38 vjeç, banues në Lubofshë, Fier i ka paraqitur punonjësit të policisë pasaportën biometrike me 100 Euro në brendësi.
Nga verifikimi i kryer në sistem ndaj këtij shtetasi ka rezultuar se shtetasi Robert Gjeci i ka konsumuar ditët e qëndrimit në zonën Schengen.
Prej policisë është kryer arrestimi në flagrancë i shtetasit të lartpërmendur për veprën penale ”Korrupsion aktiv i punonjësit që ushtron funksion publik”, të parashikuar nga neni 244 i Kodit Penal.
Zyra e Kryeministrit Ramush Haradinaj nuk ka për të shtuar ose komentuar as edhe një fjalë për ofendimin që ia bëri lideri shqiptar, Edi Rama, kur nuk i kurseu t’i krahasojë udhëheqësit kosovarë me lopët. Nga Qeveria vetëm thonë se nuk i komentojnë deklaratat e të tjerëve.
Kryeministri i Shqipërisë, Edi Rama, i cili njihet për fjalorin agresiv ndaj kujtdo, kësaj radhe, nuk i ka lënë anash as politikanët kosovarë.
Kur foli për Gjykatën Speciale dhe gjithë skenarin që u zhvillua së fundmi, Rama, zgjodhi lopën, përmes së cilës ta shpreh atë që sipas tij kanë dashur ta bëjnë Hashim Thaçi, Kadri Veseli e Ramush Haradinaj.
“Krijimi i një problemi të tillë është sikurse lopa kur e mbush kovën e vet, pastaj ia fut shkelm dhe nuk dihet më se çka vjen mbrapa”, ka thënë Rama për tentativën e tre liderëve kosovarë për ta shfuqizuar Speciale në “Talk Show” të Vizion Plus.
Por, Halil Matoshi, këshilltar politik i Ramush Haradinajt, shkurtimisht tha për Gazetën Express se Qeveria nuk i komenton deklaratat mediatike të kryeministrit shqiptar.
“Qeveria e Kosovës nuk i komenton deklaratat mediatike të Kryeministrit shqiptar Edi Rama”, ka theksuar ai.
Sidoqoftë, shfuqizimin e Speciales, Rama e ka quajtur gabim, i cili do të sillte pasoja fatale për Kosovën, dhe se një përpjekje e tillë është tradhti ndaj aleatëve që e kanë ndihmuar Kosovën në krijimin e shtetësisë.
Rama ka thënë se Kosova nuk duhet të krijojë probleme tjera që e paralizojnë si shtet, por të fokusohet ta zgjidhë problemin me Serbinë, përmes dialogut.
Megjithëkëtë, fillimisht kur i pari u tërhoq nga kjo nismë ishte Kadri Veseli, rrugës së të cilit iu bashkuan edhe Ramush Haradinaj, dhe dje edhe Presidenti Thaçi.
“Gjykata nuk mund dhe nuk do të zhbëhet”, tha Thaçi, dje para gazetarëve
