Nga dt 22 Shkurt ora 19.00 ne Teatrin ‘Petro Marko’ starton premiera me e re ‘Ka nje masazh per ty’
Nje shfaqe ku interpretojne nje kast i mrekullueshem aktor,kengetar,balerin.
#ejaneteater
‘Ka nje masazh per ty’ nga dt 22 Shkurt ora 19.00 ne Teatrin ‘Petro Marko’ Read More »
Gjatë historisë shumë perandori dhe shtete kanë rënë, kombet janë zhdukur apo transformuar dhe ky proces nuk ka mbaruar. Analistët politikë shpjegojnë se nocioni i një kombi apo një shteti nuk zgjat, dhe sigurisht nuk është i përjetshëm.
Megjithëse vendet shpesh zhdukën duke u kapur dhe ndarë në mes të armiqve, duket se vendet në të ardhmen do të kenë disa probleme të tjera që do t’i ndajnë apo shkatërrojnë, transmeton gazetametro.net
Nga kërcënimet si ngritja e nivelit të detit, ndarjet kulturore dhe etnike brenda shoqërisë, pyetja është nëse këto 10 vende do të mbijetojnë në 100 vitet e ardhshme.
Holanda
Efektet e ndryshimeve klimatike të shkaktuara nga ngrohja globale janë shkatërruese për ishujt tropikal, por është e vështirë të imagjinohet se ato mund të dëmtojnë vendet evropiane. Pjesa më e madhe e territorit të këtij vendi është ose në nivelin e detit ose vetëm një metër më lart. Është pikërisht për shkak të këtij fakti që ngrohja globale është një çështje e mbijetesës për Holandën. Për vite ata kanë luftuar me detin i cili është në rritje duke ngritur argjinat e tyre dhe duke i zgjeruar ato. Përkundër kësaj, përmbytjet janë të shpeshta.
Koreja e Veriut
Meqenëse ky vend është nën udhëheqjen e dinastisë Kim që nga vitet 1940, duket se është vetëm një çështje kohe që kurioziteti brenda shoqërisë po kulmon dhe po shpërthen. Ka thashetheme të ndryshme rreth përpjekjeve të disa grushteve ushtarake që fshihen nga mediat. Analistë të shumtë besojnë se kolapsi i sistemit do të vijë gjithashtu për shkak të pakënaqësisë brenda topit politik.
Lajm i mirë për shtetin është sigurisht fakti se pas rënies së dinastisë Kim, Koreja e Jugut është e gatshme të investojë në riparimin e dëmeve dhe bashkimit të kombit.
Belgjika
Edhe pse ky vend është shtëpia e Kombeve të Bashkuara, vetë Belgjika mund të mos jetë aq e bashkuar për 100 vite. Është e ndarë në konfrontimin e çështjes etnike të ndarjes në Flemings dhe Valons. Meqenëse nuk kanë të njëjtën gjuhë dhe kanë shumë ndryshime të tjera kulturore, pritet që valonasit të kenë sukses në përpjekjet e tyre për të krijuar një lloj aleance me Francën ose për të arritur pavarësinë e tyre, si dhe Flemingsët të cilët nuk duan ta lejojnë atë, por synojnë pavarësinë absolute të shtetit të përbashkët.
Për shkak të tensioneve në rritje, shumë analistë spekulojnë se ndarja e vendit do të vijë në 20 vitet e ardhshme.
Maldivet
Për të gjithë ata që nuk besojnë në konceptin e ngrohjes globale, Maldivet është një shembull i vërtetë për t’i kushtuar vëmendje. Ky komb ishull, i vendosur në mes të Indisë dhe Afrikës, po përballet me një rrezik serioz të fundosjes. Kërcënimi është bërë aq i madh sa ish-presidenti i shtetit e ka konsideruar mundësinë e blerjes së një vendi në Azinë Jugore, ku ai do të lëvizte të gjithë kombin nëse niveli duhet të vazhdojë të rritet.
Sipas parashikimeve, Maldivet janë vendi i parë që do të zhduket për shkak të ngrohjes globale dhe kjo mund të ndodhë rreth vitit 2085.
Mbretëria e Bashkuar
Meqenëse është një bashkim i vendeve të ndryshme në të cilat ka aspirata të forta për pavarësinë, është e mundur që shpërbërja gjithashtu do të dëmtojë këtë fuqi botërore. Skocia ka pasur një lëvizje të pasuksesshme për pavarësinë në vitin 2014.
Pasi Britania e Madhe vendosi vitin e kaluar të largohet nga Bashkimi Evropian dhe kjo procedurë nuk u miratua në mënyrë të barabartë nga të gjitha pjesët e vendit, kjo do të bëhej një pikë pengese. Besohet se disa vende do të largohen nga Mbretëria e Bashkuar dhe do të bashkohen me BE-në si të pavarur dhe ky proces do të zgjidhet në 20 vitet e ardhshme.
Iraku
Në një gjendje lufte që nga viti 2011, ky vend është një shembull i vërtetë i ndarjes ditore. Pas kapjes dhe ekzekutimit të Saddam Hussein, i cili mbajti tokën së bashku, popullsia sot ndahet ashpër. Rritja e popullaritetit të shtetit islam ka tërhequr vëmendjen ndaj kësaj ndarjeje dhe është mjaft e qartë se vendi po mbrohet artificialisht me disponime të pakta.
Iraku është i ndarë në tri grupe: Sunitët, Kurdët dhe Shiitët, të cilat nuk kanë gjasa të bashkohen dhe pritet që vendi të bjerë në tre besime më të vogla në proces.
Kiribati
Deri në vitin 1979, ky komb ishull në pjesën qendrore të Oqeanit Paqësor ishte një koloni britanike, që përbëhej nga tre grupe krejtësisht të ndara të ishujve të shpërndara nëpër Oqeanin Paqësor, Gilbert, Phoenix dhe Line. Konsiderohet të jetë epitomi i një parajse tropikale, por kushdo që dëshiron ta përjetojë atë duhet të bëjë sa më shpejt që të jetë e mundur, sepse niveli i ngritur i detit ka përmbytur tashmë dy ishujt. Nëse ky trend vazhdon, një pjesë e madhe e shtetit mund të bëhet një det, dhe pjesa tjetër nuk do të jetë më në gjendje të ofrojë kushte themelore të jetesës dhe pret që vendi të shembet në tre struktura më të vogla në proces.
Presidenti ka kërkuar tashmë ndihmë nga Zelanda e Re dhe Fixhi për të filluar pranimin e njerëzve nga Kiribati si refugjat të përhershëm.
Spanja
Kur kriza ekonomike goditi Spanjën në vitin 2008, ajo shkaktoi shumë dëme që e solli vendin në prag të shpërbërjes dhe ende nuk e ka marrë vetën.
Papunësia ishte 24% në vitin 2015, dhe deri më sot, kjo gjendje nuk është përmirësuar. Sikur kjo të mos mjaftonte, ka një ndarje të thellë në mesin e popullatës.
SHBA
Duke pasur parasysh historinë, fakti që popullsia amerikane është e ndarë nga dallimet e thella kulturore dhe qëndrimet politike midis Veriut dhe Jugut që nga Lufta Civile. Në vitin 2012, të 50 vendet morën mijëra letra nga qytetarët e tyre që kërkonin dalje nga bashkimi.
Më shumë gjasa, Alaska dhe Teksasi do të jenë të parët që do të ndahen.
Kinë
Përkundër faktit se Kina ka një nga ekonomitë më të mëdha në botë dhe një ushtri të fortë, kjo nuk do të thotë se është e mbrojtur nga kolapsi në 100 vitet e ardhshme. Kina gjithashtu ka një problem të madh të ndotjes së mjedisit që po kërcënon aq shumë sa që 250,000 kinezë vdesin para kohe çdo vit.
Sondazhet e vetë qeverisë kineze tregojnë se vendi mund të mbetet pa ujë të pijshëm deri në vitin 2030 dhe ka një shans të madh që shteti të mos përjetojë formën e tanishme në vitin 2050.
Lexo më shumë në: http://www.gazetaexpress.com/lajme/parashikimi-i-eksperteve-do-t-ju-shokoje-keto-10-vende-te-botes-do-te-zhduken-brenda-100-viteve-501969/?utm_source=referral&utm_medium=web&utm_campaign=copyright
[youtube https://www.youtube.com/watch?v=FROpXT76HXk]
https://youtu.be/FROpXT76HXk
Tragjedia e familjes Gjergji nga Shkodra ka tronditur gjithë Shqipërinë. Dom Vlashi nga Katedralja e Shën Shtjefnit në Shkodër, i cili ka vizituar të afërmit e familjes që janëprekur nga tragjedia, i ka bërë lutje publike qytetarëve të luten për shpëtimin e jetës së Noemit të vogël, që po lufton me vdekjen, “si dashnia e vetme e mbetun e nanës’.
Ja mesazhi drithërues i Dom Vlashit:
Shumë të dashtun e të nderum miq,
Sapo u ktheva nga Velipoja që kurrë nuk e pash ma ngusht, ma në zi e ma të plagosun.
Kërkoj lutjen Tuaj për jetën e Noemit 10 vjeç, që humbi baben, vëllain e vogël e motren, n’dashtë Zoti ta ruajë në jetë si dashninë e vetme të mbetun të nanës. Lutjen tuaj…, për gjithë atë popull të përlotun, të gjunjëzumë dhe në zemer të plagosun.
Kryqi i kësaj ngjarje peshon ma shumë se mund të mbajnë familjarët… Le të shpresojnë edhe njëhere se bijtë e saj, engjëjt e pafajshëm, nuk mund të treten në errësinë apo në asgja… por shpirti i tyne kjoftë i perqafumë nga krahët e mëshirshëm dhe të mirë të Zotit.
Kurrë nuk do të dyshoj se Dashnia gjithmonë do të ngadhenjejë mbi vdekjen!
Dom Vlashi
Katedralja e Shën Shtjefnit – Shkodër
Ndonjëherë natyra i jep një personi dhuratën e një pamje perfekte dhe të hijshme.
Por mos u mashtroni, nuk është e gjitha rozë. Shpesh kjo “dhuratë” bëhet një barrë e rëndë për ata fatlumë që e kanë marrë atë.
Dhe protagoniste e historisë sonë është një nga këto “fatlumet”: Me të, natyra ka qenë më shumë se bujare: Ajo i ka dhënë asaj bukurinë e një kukulle dhe trupin e ëndërruar … Por këto “dhurata” rrezikojnë të prishin jetën e saj.
Emri i vajzës është Angelica Kenova dhe ajo jeton në Rusi. Që kur ishte fëmijë ajo ishte shumë e bukur, por askush nuk mund të imagjinonte transformimin e saj me kalimin e viteve.
Pasi ajo arriti adoleshencën, Angelica u bë një grua e rë shumë e bukur, shumë e ngjashme me kukullën e famshme Barbie.
Dhe prindërit e saj, të shqetësuar për të, e kishin ndaluar të largohej nga shtëpia. Dhe, ju duhet ta dini se bukuria dhe ngjashmëria e saj me kukullën e famshme Barbie nuk janë produkt i kirurgjisë: Angelica është e bukur falë natyrës dhe jo kirurgëve plastikë.
Por duket se bukuria tashmë është një barrë për të renë ruse, sepse Angelica ka thënë se është lodhur duke jetuar në “kafazin e artë” që prindërit e saj ndërtuan për të. Edhe pse ajo është tani 26 vjeçe, ajo ende ka nevojë për nënën e saj për tu veshur: Me të, ajo shkon nëpër dyqane duke kërkuar veshjen e përsosur. Mami kurrë nuk e lë atë vetëm dhe kur prindërit e saj nuk mund ta shoqërojnë, ka truprojat e saj.
Kjo ndodh sepse prindërit e shohin atë thjesht si një bukuri të pashembullt dhe prandaj kanë vendosur ta mbrojnë vajzën e tyre në këtë mënyrë.
Nëse e shikoni nga afër Angelica-n, ju mund të shihni Barbie-n. Por ajo është e pakënaqur dhe thotë: “Prindërit e mi më mbanin si një princeshë, duke mos lejuar që unë të largohesha nga shtëpia ose të komunikoj me fëmijët e tjerë. Si rezultat, unë nuk jam në gjendje të përballoj jetën reale, jam si një kukull e gjallë. Kur isha fëmijë, prindërit e mi më thërrisnin Barbie”.
Vajza thotë se kurrë nuk i është nënshtruar operacionit të një kirurgu plastik për të ndryshuar pamjen e saj.
Gjithçka që ka është dhurata e natyrës.
Prindërit e lenë të praktikojë shumë sporte për të mbajtur trupin e saj në formë.
Në moshën 26-vjeçare, Angelica ëndërron të largohet nga shtëpia e prindërve të saj për të hequr qafe këtë kontroll të padukshëm por shtypës.
“Prindërit e mi më kanë mbyllur gjithë jetën në një pallat të kristaltë dhe dua të largohem”, thotë vajza.
Kështu, padashur, Angelica Kenova u pengua në bukuria e saj.
Por pa dyshim, faji i prindërve është i konsiderueshëm.
Nuk mund të sillesh kështu me një djalë apo një bijë.
Ajo është një qenie e gjallë, jo lodër ose skllave, ajo është një grua e lirë që ka të drejtën të jetojë jetën e saj kur e sheh të arsyeshme.
[youtube https://www.youtube.com/watch?v=Nw7jV6Vs6v0]
Këtë 26-vjeçare nuk e lënë të dalë nga shtëpia, historia e saj do t’ju befasojë! Read More »
Ajo njihet jo vetëm për zërin e mrekullueshëm që ka, por edhe si një person që është gjithmonë në ndihmë të personave që kanë nevojë. Qofshin këta të fundit të njohur apo të panjohur të saj.
Po flasim për këngëtaren Aurela Gaçe.
Gaçe këtë here ka shprehur gadishmërinë t’i vijë në ndihmë një gruaje të moshuar nga Vlora. Rastin e të cilës e ka mësuar në mediat online.
Ja postimi i Aurelës në Facebook, ku ka dhe një apel për gazetarët:
“Nje lutje per çdo gazetar ose portal qe i ben kronikat e dhimbshme.
Faleminderit qe na informoni , por here tjeter ju lutemi bashke me lajme te tilla, jepni edhe nje mundesi se si mund te ndihmohet ky “dikush” qe ju publikoni.
Nuk eshte hera e pare qe ndodh. Lexon, njihesh me dhimbjen e dikujt dhe ne brendesi nuk ka asnje mundesi se si mund te ndihmohet ky njeri, asnje numer telefoni.
Nese vertete doni te ndihmoni dike, ju lutemi ta çoni deri ne fund misionin tuaj. Me e pakta numer telefoni. A i lexoni komentet e lexuesve qe duan te kene nje mundesi veprimi?
Keshtu me kete rast , edhe ju e merrni “klikimin tuaj te artë” e ne te njejten kohe I jepni mundesi lexuesit tuaj t’i vije ne ndihme dikujt me ate çfare mundet. Faleminderit”, shkruan Aurela në rrjetin social.
Aurela pikëllohet nga nëna e sëmurë me tumor, ka një kërkesë për ta ndihmuar Read More »
Aktori Robert Ndrenika, i cili me fjalimin e tij të para dy javëve sensibilizoi gjithë opinionin publik për rrezikun që i kanosej ndërtesës së Teatrit Kombëtar, ka shprehur pëlqimin e tij për projektin e një godine të re, prezantuar nga kryetari i Bashkisë së Tiranës, Erion Veliaj. E me sa duket, godina ekzistuese do të rrafshohet.
Ditën e premte, kreu i Bashkisë së Tiranës, Veliaj, ka zhvilluar disa takime, veç e veç me disa artistë, madje mund të themi, me disa nga më të angazhuarit për çështjen e teatrit. Janë konfirmuar takimet me aktoren dhe pedagogen Ema Andrea, me aktorin e pedagogun Genci Fuga, të dy kandidatë të deklaruar, për postin e drejtorit të Teatrit Kombëtar.
Përmes një statusi në faqen e vet në “Facebook”, edhe aktori Robert Ndrenika ka konfirmuar takimin e tij me Veliajn. Dy të parët, Andrea dhe Fuga kanë deklaruar se e kanë pëlqyer projektin e prezantuar nga Veliaj. Mendimit të tyre i bashkohet edhe Ndrenika.
KOMENTI
Pas përhapjes së lajmit se Veliaj ka takuar disa artistë, mes të cilëve edhe aktorin e madh Robert Ndrenika, sigurisht që komentet që e shoqëruan ishin nga më të ndryshmet. Ky takim u komentua si përçarja e radhës pas takimit të një grupi tjetër artistësh në zyrën e ministres së Kulturës, Mirela Kumbaro, në një kohë që shumica e prisnin atë në sallën e Teatrit Kombëtar. Me sa duket këto komente, të cilat shoqëruan lajmin që qarkulloi nëpër portale dhe rrjete sociale, nuk i kanë pëlqyer kolosit të skenës, i cili ka shkruar disa radhë në faqen e tij në FB, ku gjente miratimin e gjithë ndjekësve të tij.
Përveçse ka shprehur pëlqimin e tij për projektin, sipas tij modern, Ndrenika shkruan se i ka kërkuar kryetarit të bashkisë që më parë të konsultohet me komunitetin e artistëve. Po ashtu, ai nuk e ka fshehur zemërimin me mediat, duke thënë ndër të tjera se ka të drejtë që nuk dëshiron të ketë të bëjë me gazetarët.
Duke iu referuar takimit të së premtes paradite, Ndrenika shkruan: “I zgjedhuri me vota të fshehta nga populli i Tiranës si kryebashkiak (z. Erion Veliaj), më gostiti në zyrën e tij me një machiato dhe gjysmë gote ujë… ndërkohë që më tregoi një projekt teatri modern, që nuk e mohoj se më pëlqeu shumë… Ndërkohë që i thashë, se duhet konsultuar me komunitetin teatror… Si konkluzion unë nxjerr (në këtë orë të darkës) se paskam pasur shumë të drejtë, që nuk dua të kem të bëj me gazetarë!!!”.
FJALIMI
Gati dy javë më parë (8 shkurt), gjatë një takimi të Sindikatës së Artistëve të Skenës dhe Ekranit për çështjen e zhvendosjes së trupës së Teatrit Kombëtar në teatrin “Turbina”, shembjes së godinës aktuale e projektin ri, si dhe projektligjin “për disa ndryshime në Ligjin Për Artin dhe Kulturën”, Robert Ndrenika do të bashkohej me aktorët e “rebeluar”, do të merrte mikrofonin dhe do të shprehte edhe ai mendimin e tij për çështjet në fjalë.
Ndër të tjera, Ndrenika do të shprehej: “E kam thënë dhe e them, që të gjitha kryeqytetet e Ballkanit, që i kam parë, kanë teatro kombëtare, godina dhe infrastrukturë të mrekullueshme. Teatri ndërtohet një herë në 500 vjet. Brezi juaj dhe i imi, mund të mos dimë të interpretojmë, mund të dalë ndonjë e të thotë: Hë mo, ç’janë këta, por nuk mendohet që Shqipëria të rrijë pa aktorë. Godinat e teatrit të Beogradit, Bukureshtit, janë 500-600 vjeçare, janë monumente kulture. Këtu po ndërtohen xhamira e kisha dhe s’po ngrihet një teatër. Ia thashë dikujt dhe më tha që atë xhami po e ndërton Erdogani. Epo aq më mirë sepse kisha dhe xhamia e shqiptarit është teatri dhe i takon shtetit shqiptar të ndërtojë një teatër, që të jetojë 500-600, pse jo dhe 1000 vjet. Prandaj, këtë ne duhet ta kërkojmë nga shteti shqiptar. Atë “Turbinën” e pashë me miq, ajo është qesharake. Për teatër ajo nuk bën. Ajo është vetëm për ndonjë fushatë elektorale, përmbledhëse, prandaj ajo fjala që i thashë ministreshës, që do shtrihem para teatrit dhe që më ironizoi duke më thënë të vijë të shtrihet, të interpretojë te “Turbina”, paska qenë me vend. Ne nuk duhet të lejojmë të prishet ai teatër, pa marrë vesh se çfarë do të bëhet në të. Opera të mos guxojë të qaset.”
Fjalimi i Ndrenikës do të bëhej “viral” (po huazoj një ‘term’ të portaleve on line) në rrjetet sociale dhe janë të gjitha gjasat që nëse nuk do të kishte folur Ndrenika, “kryengritja” e artistëve nuk do të kishte pasur atë ndjeshmëri që pati nga opinioni publik.
Fjalimi i Ndrenikës u pasua me një letër të hapur të ministres së Kulturës, Mirela Kumbaro, botuar së pari në gazetën “Panorama” e më pas nga një përgjigje e aktorit të madh, po te “Panorama”. Tetë ditë pas mbledhjes së SASE-s, Ndrenika takoi kryetarin e Bashkisë së Tiranës, Erion Veliaj, duke deklaruar pëlqimin e tij ndaj projektit që kryebashkiaku i ka prezantuar.
Është kjo një tërheqje e Ndrenikës nga ai akti sublim i shtrirjes para godinës së TK, që ajo të mos prishet apo interesimi i një aktori që ka i ka dhënë jetën skenës dhe një qytetari të Tiranës, për fatin e hapësirës ku sot ngrihet teatri, i cili rrezikon të kthehet në truall kullash?!
ANDREA: AJO QË M’U PREZANTUA, MË PËLQEU
Aktorja dhe pedagogia pranë Universitetit të Arteve, Ema Andrea, po ashtu ka qenë në një takim me kryetarin e Bashkisë, Erion Veliaj dhe ka pranuar se i ka pëlqyer projekti që i ka prezantuar kryebashkiaku. “Unë në takim me Veliajn kam qenë vetëm, m’u premtua që projekti do të bëhet transparent e publik! Ajo që m’u prezantua, më pëlqeu! Po!”, ka pranuar Andrea në faqen e saj në “Facebook”.
Fuga: Ishte intrigues, kishte një simbolikë të gjetur
Aktori dhe pedagogu Genci Fuga ka pranuar të ketë takuar kryetarin e Bashkisë së Tiranës, Erion Veliaj, për çështjen e godinës së Teatrit Kombëtar. I kontaktuar nga gazeta “Panorama”, Fuga u shpreh: “Nëse është folur për ‘blerje’, mund të them se ka qenë ‘blerje mendjesh’, pra, një takim-test për të marrë mendime mbi këtë projekt. Veliaj më paraqiti një projekt-fasadë dhe normalisht jam interesuar për detaje në lidhje me këtë projekt dhe mbi të gjitha i kam kërkuar që ai të diskutohet me komunitetin”, tha Fuga. “A është i bukur, a ia vlen, unë them se po. Më pëlqeu, ishte intrigues, kishte një simbolikë të gjetur”, tha ai.
Sipas shkencëtarëve, prirja për të shkruar me dorën e djathtë vjen nga funksionimi i mirë i hemisferës së majtë të trurit.
Studimet e ndryshme kanë vërtetuar se tek pjesa më e madhe e njerëzve, hemisfera e majtë e trurit sundon mendjen, trupin e njeriut dhe gjuhën e folur.
Detyrat kryesore të njeriut kryesisht kontrollohen nga aktiviteti i trurit në hemisferën e majtë, por ndodh që nga hemisfera e majtë e trurit të kontrollohet ana e djathtë e trupit të njeriut, ku përfshihet syri, krahu dhe këmba.
Kjo është arsyeja se përse njerëzit zakonisht me dorën që shkruajnë, kanë tendencën të bëjnë gjithçka tjetër po me atë dorë, si për shembull të ushqehen me të djathtën, të mbajnë objekte me të djathtën, etj.
Kështu, fakti se hemisfera e majtë funksionon më mirë se e djathta, ndikon edhe në kontrollin dhe tendencën për të kryer një pjesë të aktiviteteve me krahun e djathtë të trupit.
E megjithatë, tashmë shkenca e ka vërtetuar katërçipërisht se të jesh mëngjarash, nga pikëpamja neurologjike, ka një numër të madh avantazhesh: kreativitet, mendim i shpejtë dhe një predispozitë më e madhe për të zgjidhur probleme të ndryshme.
Por a e dini se sa për qind e njerëzve janë mëngjarashë? Ja disa fakte që duhet të dini për ta.
1- Mëngjarashët përbëjnë 11 për qind të njerëzve në të gjithë botën.
2- Përgjithësisht të gjitha gjërat janë të dizenjuara për njerëzit që përdorin dorën e djathtë
3- Dhënia e dorës së majtë është një shenjë mosrespekti.
4- Unazat e martesës të veshur në gishtin e tretë të dorës së majtë dolën nga grekët dhe romakët, të cilët i mbanin ata për të mbrojtur të keqen e lidhur me dorën e majtë.
5- Përdorin më shumë anën e djathtë të trurit
6- Nëse jeni mëngjarash mund të merrni në konsideratë kandidimin për president. Presidentët e mëparshëm amerikan si Barack Obama, George H.E Bush, Bill Clinton etj kanë qenë mëngjarashë.
7- Studimet kanë treguar se njerëzit me dorën e majtë shpesh janë më të mirë në zgjidhjen e problemeve të matematikës. Një studim i kohëve të fundit tregoi se nxënësit që shkruajnë me dorën e majtë shënojnë midis 5 dhe 10% më shumë se shokët e tyre që shkruajnë me dorën e djathtë në testet e matematikës komplekse. Mëngjarashët, mendohet të jenë zgjidhës të mëdhenj të problemeve, sepse ata zakonisht përdorin anën e djathtë të trurit, e cila është e lidhur me mendimet abstrakte dhe arsyetimin hapësinor, sesa ata që shkruajnë me dorën e djathtë.
8- Një nga njerëzit më të pasur të Amerikës, bën pjesë në grupin e mëngjarashëve. Në fakt, filantropisti dhe gjiganti i Microsoft është një ndër të paktët biznesmenë amerikanë që përdor dorën e majtë, përfshi Henri Ford, Xhon Rokefeller dhe ish-kreun e IBM-së, Lou Gerstner. Kërkimet tregojnë se mëngjarashët janë të prirur të fitojnë më shumë se sa kolegët e tyre që përdorin dorën e djathtë, por nuk ndodh e njëjta gjë me gratë. Një studim i bërë nga Byroja Kombëtare e Kërkimeve Ekonomike (NBER) përcolli idenë se mëngjarashët kanë mënyrë të menduari më të dallueshme, sidomos për sa i përket kreativitetit.
9- Sipas legjendës, Napoleoni kundërshtonte praktikën ushtarake të marshimit në krahun e majtë të rrugës me armët e në duart e djathta. Mëngjarashët si puna e tij, ai i vendosi në një disavantazh strategjik. Perandori francez – edhe gruaja e të cilit, Jozefina, ishte mëngjarashe – urdhëroi ushtrinë e tij të ndërronin krahët e përdorimit të armëve. Edhe qytetarët e vendeve që ai pushtonte duhet të bënin të njëjtën gjë. Kjo është arsyeja se pse britanikët (të cilët e mundën Napoleonin) akoma i ngasin makinat në krahun e majtë.
10- Leonardo da Vinçi, një nga njerëzit më brilantë të historisë, shkruante nga e djathta në të majtë. Historianët kanë një numër të madh teorish kreative që shpjegojnë të ashtu-quajturin “shkrim i pasqyruar” (quhej kështu sepse të nevojitej një xham për ta lexuar atë lloj shkrimi). Një tjetër argument shpjegues është më i çuditshëm por më i logjikshëm: Të shkruante nga krahu i majtë në të djathin ishte më e vështirë për një mëngjarash si Leonardo. Historianët thonë se shkrimi në këtë mënyrë i Da Vinçit, është pjesë e gjenialitetit të tij që e bënte të mendonte në formë tjetër. Tjetër artist që shkruante me dorën e majtë ishte dhe Mikelanxhelo.
Pse shkruajmë me dorën e djathtë dhe 10 fakte që duhet të dini për mëngjarashët Read More »
Shkencëtarët kanë arritur një metodë të re diagnostifikimi për autizmin. Sipas tyre realizimi i një testi urine dhe gjaku e lehtëson kapjen herët të kësaj sindrome. Në studimin e tyre u analizuan fëmijë të prekur dhe të shëndetshëm, ku u konstatua se fëmijët autik kishin nivele më të larta të dëmtimit të proteinave se fëmijët e tjerë, shkruan CNN.
Studiuesit thanë se testet mund të çojnë përfundimisht në zbulimin e hershëm të sëmundjes, gjë që mund të jetë e vështirë sot për t’u diagnostikuar heret. Por ekspertët shprehen se një test i tillë është ende larg.
Autizmi prek sjelljen dhe veçanërisht ndërveprimin social, por është e vështirë të vihet në dukje dhe zakonisht nuk diagnostikohet para moshës dy vjeçare dhe shpesh shumë më vonë.
Aktualisht, nuk ekzistojnë analiza biologjike që mund të dallojnë gjendjen, e cila diagnostikohet nëpërmjet vlerësimeve të sjelljes nga ana e mjekëve.
Shkencëtarët zbulojnë një metodë të re diagnostifikimi për autizmin Read More »
