Aurora

U mendua se ishte një deklaratë e kryeministrit për të tërhequr vëmendjen por jo.

Tashmë pijet alkoolike dhe ato energjike nuk do të lejohen ligjërisht të konsumohen nga të miturit. Kuvendi i Republikë së Shqipërisë ka sjellë madje disa ndryshime në ligjin nr 9518 “Për mbrojtjen e të miturve nga përdorimi i alkoolit” ku theksohet se përveç pijeve alkoolike do të ndalohet edhe përdorimi i pijeve energjike dhe atyre të gazuara që përmbajnë sheqer të shtuar.

Masat dhe gjobat
Në ligj bëhet me dije se ndalohet ofrimi i pijeve alkoolike dhe energjike të miturve nga personi madhor që e shoqëron atë në vende publike. “Ofrimi i pijeve alkoolike dhe pijeve energjike nga personat madhorë që shoqërojnë të miturit në njësi tregtare, përbën kundërvajtje administrative dhe dënohet me gjobë nga 10 mijë deri në 20 mijë lekë. Ofrimi i pijeve alkoolike dhe pijeve energjike nga personat madhorë që shoqërojnë të miturit në baret, restorantet, kinematë apo klubet e natës përbën kundërvajtje administrative dhe dënohet me gjobë nga 20 mijë deri në 30 mijë lekë.”,-theksohet në ligj.

Gjithashtu, në këtë të fundit bëhet me dije se shitja e alkoolit dhe pijeve energjike te personat nën 18 vjeç ndalohet rreptësishtë nga të gjitha dyqanet, marketet apo njësitë e tjera të shitjes. Të gjithë personat e dyshuar si minorenë do të kontrollohen nëpërmjet mjetit të identifikimit për të ndaluar përdorimin e lëndëve të sipërpërmendura.

Gjithashtu, do të ndalohet çdo lloj reklamimi i pijeve të gazuara që përmbajnë sheqer të shtuar në institucionet arsimore për të mitur. “Ndalohet transmetimi i publicitetit për pijet alkoolike, pijet energjike dhe pijet e gazuara që përmbajnë sheqer të shtuar në brendësi të këtij programi drejtuar të miturve, si dhe 60 minuta para dhe pas këtij programi”,-thuhet në ligj. Ndërkohë, radiotelevizionet, mediat e shkruara publike ose private, si edhe agjencitë publicitare, brenda 6 muajve nga hyrja në fuqi e këtij ligji, duhet të miratojnë rregulla për përmbajtjen e mesazheve publicitare që kanë të bëjnë me pijet energjike dhe pijet e gazuara që përmbajnë sheqer të shtuar.

Synimi
“Ky ligj ka si qëllim parandalimin e pasojave shëndetësore nga konsumi i alkoolit, pijeve energjike dhe pijeve të gazuara që përmbajnë sheqer të shtuar nëpërmjet përdorimit të tyre nga të miturit”,-theksohet në ligj. Në këtë të fundit bëhet me dije se “pije energjike” konsiderohen ato pije joalkoolike, në të cilat përmbajtja totale e kafeinës tejkalon sasinë 150 mg/l dhe që në përbërje të tyre kanë të paktën një ose më shumë substanca stimuluese ose tonike, të tilla si: taurinë, D-glukuronon y-lakton, guaranë, maltodekstrin, xhensen, karnitinë, kreatinë dhe gingko biloba. Ndërkohë, “pije të gazuara që përmbajnë sheqer të shtuar” konsiderohen ato pije joalkoolike, të gazuara, që përmbajnë sheqer, agjentë të tjerë ëmbëlsues apo aromatizues, natyral apo artificial, si dhe acid ushqimor, përjashto ujin mineral dhe ujërat e gazuara, lëngjet e frutave dhe pijet e bëra me qumësht ose produktet e qumështit.

Çfarë ndalon ligji, masat administrative
Ndalohet ofrimi i pijeve alkoolike dhe energjike të miturve nga personi madhor që e shoqëron atë në vende publike.

Ofrimi i pijeve alkoolike dhe pijeve energjike nga personat madhorë që shoqërojnë të miturit në njësi tregtare, përbën kundërvajtje administrative dhe dënohet me gjobë nga 10 mijë deri në 20 mijë lek?. -Ofrimi i pijeve alkoolike dhe pijeve energjike nga personat madhorë që shoqërojnë të miturit në baret, restorantet, kinematë apo klubet e natës përbën kundërvajtje administrative dhe dënohet me gjobë nga 20 mijë deri në 30 mijë lekë

Shitja e alkoolit dhe pijeve energjike te personat nën 18 vjeç ndalohet rreptësishtë nga të gjitha dyqanet, marketet apo njësitë e tjera të shitjes.

Të gjithë personat e dyshuar si minorenë do të kontrollohen nëpërmjet mjetit të identifikimit për të ndaluar përdorimin e lëndëve të sipërpërmendura.

Do të ndalohet çdo lloj reklamimi i pijeve të gazuara që përmbajnë sheqer të shtuar në institucionet arsimore për të mitur.

Ndalohet transmetimi i publicitetit për pijet alkoolike, pijet energjike dhe pijet e gazuara që përmbajnë sheqer të shtuar në brendësi të këtij programi drejtuar të miturve, si dhe 60 minuta para dhe pas këtij programi

Radiotelevizionet, mediat e shkruara publike ose private, si edhe agjencitë publicitare, brenda 6 muajve nga hyrja në fuqi e këtij ligji, duhet të miratojnë rregulla për përmbajtjen e mesazheve publicitare që kanë të bëjnë me pijet energjike dhe pijet e gazuara që përmbajnë sheqer të shtuar. /GSH/

Horoskopi sjell parashikimin e yjeve për për ditën e sotme.

Dashi
Sot do të ndiheni shumë të lumtur. Do të keni energji mjaftueshëm për t’u argëtuar në mbrëmje me miqtë. Nëse dikush iu jep një ide të çmendur rreth diçkaje, mendojeni mirë dhe mos e refuzoni. Ecni përpara dhe ndiqni instinktet tuaja.

Demi
Nëse bëheni subjekt i kritikave nga miqtë dhe familjarët për veprimet tuaja të fundit rreth një divorci të mundshëm apo nisjen e një marrëdhënieje të re romantike, mos u përpiq të argumentosh. Ata janë të bindur për mendimin e tyre, megjithatë mos u shqetësoni dhe merrini me sportivitet komentet e tyre.

Binjakët
Disa persona të kësaj shenje mund të jetë të trishtuar sot sa i përket lidhjes së tyre romantike. Personi që keni pranuar në jetën tuaj mund t’ju zhgënjejë. Përpiquni të angazhoheni me diçka tjetër, në mënyrë që kjo gjë të mos ju prishë ditën.

Gaforrja
Nëse dëshironi të kaloni një ditë të qetë me familjen, duhet të rregulloni patjetër axhendën. Do ta ndjeni të nevojshme të shpreheni me familjarët tuaj. Mos u shqetësoni nëse refuzoni ftesën e dikujt. Fillimisht duhet të mendoni për veten tuaj.

Luani
Do të përballeni me një sfidë shumë të rëndësishme sot. Ndoshta mund t’i vërtetoni diçka dikujt. Duhet të jeni krenarë për suksesin tuaj. Relaksohuni dhe shijoni mbrëmjen.

Virgjëresha
Sot ka gjasa t’ju jepet një mundësi për t’u rritur profesionalisht. Të ardhurat ekonomike do t’ju rriten, por përpiquni të mos shpenzoni më shumë se buxheti juaj. Në mbrëmje mund të përjetoni një situatë të çuditshme dhe do ta keni pak të vështirë të dilni prej saj.

Peshorja
Mos humbisni kohë duke dhënë argumente në shtëpi. Nëse dikush ju kritikon, mos u shqetësoni dhe kthejeni këtë situatë në shaka. Do ta kuptoni që kjo mënyrë do të funksionojë më së miri. Në punë duhet të tregoheni shumë seriozë, përndryshe gjërat nuk do të funksionojnë.

Akrepi
Gjatë ditës së sotme do të ndiheni shumë optimist. Gjithçka do t’ju shkojë mirë si në jetën personale, ashtu edhe në atë profesionale. Nëse jeni të martuar, do të argëtoheni me partnerin/partneren tuaj.

Shigjetari
Nëse nuk keni besim te vetja, përpiquni ta fshihni këtë sepse mund të ndiheni më mirë. Në këtë mënyrë nuk do ta vënë re as të tjerët, çfarë do t’ju bëjë ju ta harroni. Nëse do të veproni kështu, do t’ia dilni mbanë gjatë disa negociatave në punë.

Bricjapi
Një ëndërr që e keni pasur që në fëmijëri mund të jetë drejt realizimit. Mund ta arrini këtë qëllim, por duhet të kuptoni se tashmë jeni rritur dhe nuk do t’ju falë të njëjtën kënaqësi që mendonit në fëmijëri. Do të ishte mirë të planifikonit diçka për t’u argëtuar në fundjavë.

Ujori
Do të qëndroni gjatë në punë për një projekt të rëndësishëm. Do të jepni maksimumin për të realizuar atë çfarë dëshironi. Kushtojani mbrëmjen familjes suaj. Nëse një mik ju fton për një mbrëmje shumë të veçantë, mos e refuzoni.

Peshqit
Do ta kaloni ditën duke menduar rreth një plani të këndshëm për fundjavën. Dikush do të përpiqet t’ju afrohet, pasi ka ndjenja të veçanta për ju. Vlerësojeni situatën në mënyrë objektive dhe më pas vendosni.