Aurora

Mesa duket jeta e Ariela Muratit ka qene nje ferr i vertete nen presionet dhe kercenimet e Aldison Muratajt.

Kusherinjte e saj tregojnë per TCH se Aldisoni e përndiqte vajzën dhe e kërcënonte herë pas here se do t’i vriste motrën nëse ajo nuk i përgjigjej apo nuk i tregonte se ku ndodhej.

“Ky person gjatë një kohe të vazhdueshme i ka shkaktuar vajzës presione nga më të ndryshmet. Ne këtë ja kishim falur. Pas kësaj na kishte thënë se ai do të shikonte punën e tij dhe ne e pranuam dhe e besuan se kishte hequr dorë. Ajo gjë doli se ato ishin thjesht trillime nga presionet që ai i bënte vajzës nga më të ndryshmet”, tregon një nga kushërinjtë e Arjelës.

“E merrte në telefon në mes të natës dhe i thoshte se nëse ti tani nuk vret veten, unë do të vij tani tek ty dhe do të shantazhoj, do të bëj montazhe me kamera. Ai i bënte kërcënime që ajo të mos hapej me familjen e saj”, shprehet kushëriri tjetër i Arjelës.

Ndërsa tezja e Arjelës tregon se sapo kishin marrë telefonatën e parë nga vajzën ishte nisur bashkë me prindërit e mbesës së saj drejt Tiranës, por mbërritën tepër vonë.

“U nisëm të katërt për në Tiranë, duke ikur rrugës vajza na merrte rrugës shpesh herë në telefon dhe thoshte ku jeni, por në një moment babai i Arjelës mori në telefon babain e Aldisonit, edhe i thotë ku i ke djalin, ndërsa ai i përgjigjet se nuk e di. Duke ikur rrugës na merrte policia. Kur mbërritëm në Tiranë, policia na dorëzoi vajzat, por nuk na tha se Arjela kishte vdekur”, tregon tezja, e cila shton se e kuptoi që vajza kishte humbur jetën.

[youtube https://www.youtube.com/watch?v=jDww6MEd7yg]

Ati i Shenjte, Papa Francesku, i ka dërguar nje leter Fondacionit “Papa Klementi XI-Albani”, si pergjigje te letres qe Fondacioni Papa Klementi XI-Albani ia dergoi me rastin e 81 Vjetorit te lindjes dhe festave te fund vitit.

Papa Francesku shprehet me fjale te ngrohta dhe mirenjohese ne letren e derguar, duke i kushtuar nje vemendje e i thelluar në mendime. Ati i Shenjte drejton edhe nje ftesë te ngrohtë për t’iu afruar Perëndisë, që vjen afër nesh për të ndaluar dhe për të parë lindjen e Jezusit. Nëse duam të takojmë Zotin- shkruan Ati i Shenjte-, le te mendojmë thjeshtësinë e sinqerte të një fëmije të vogël, butësinë e qenies së tij, dashurine e tij te brishte qe i lidh te gjithe brezat. Ati i Shenjtë i dha me zemër Bekimin Apostolik Fondacionit, duke shpresuar që Zoti t’i japë të gjithëve force qe të braktisin iluzionin e përjetshëm, për ta bërë jetën tonë më të drejtë dhe me të qetë. Ne emer te Papa Franceskut letra eshte nenshkruar nga Imzot Paolo Borgia, Këshilltar për Çështjet e Përgjithshme të Sekretariatit të Shtetit, numri katër i burokracisë së Vatikanit pas Sekretarit të Shtetit Kardinalit Pietro Parolin, Zevendes Sekretarit Imzot Angelo Becciu dhe Sekretarit te Marrëdhënieve me Shtetet Imzot Paul Richard Gallagher.

Letra e Papa Franceskut eshte nje vlersim dhe inkurajim per Fondacionin Papa Klementi i XI-Albani. Fondacioni Nderkombetar “Papa Klementi XI-Albani” ka si mision informimin dhe transferimin e njohurive me karakter historik, fetar, letrar, kulturor etj. tek komunitetet qytetare, nepermjet publikimeve dhe prodhimit te materialeve me karakter historik, fetar, letrar, artistik etj. Qellimi i Fondacionit eshte promovimi i figures dhe te veprave te Papa Klementi XI-Albani me origjine shqiptare, Papa i 243-te i Selise se Shenjte (1700-1721). Fondacioni duke u angazhuar ne aktivitete te ndryshme mbeshtet dhe promovon Papa Klementin ne Shqiperi dhe jashte vendit. Fondacioni “Papa Klementi XI-Albani” eshte themeluar nga Kavalieri i Klasit te Pare, i Kryqit te Madh te Urdherit Piano Prof. Zef Bushati  dhe nje grup nismetaresh. Per kontributin social, per paqen dhe vlerat njerezore, si dhe per realizimin e miqesise midis popujve, Fondacioni vlereson me titujt: Antar i “ Urdherit te Kryqit te Arte ” te Fondacionit, Antar Nderi, Antar i Komitetit Shkencor dhe Senator Akademik i Fondacionit.

Fondacioni ka organizuar simpoziume ne Tirane me titullin “Papa Klementi dhe Shqiptarizma”, ku jane trajtuar temat nga studiues e historiane, “Papa Klementi XI-Albani frymezues i Kuvendit te Arberit”, “Disa paraardhes shqiptare te Papa Klementit” “Rendesia Kulturore e Gjuhesore e Kuvendit te Arbrit dhe Papa Klementi”, “Ndryshimet ne panoramen fetare te Shqiperise dhe Papa Klementi”, “Papa Klementi dhe Kuvendi i Arbnit”,etj.

Fondacioni ka dhene kontributin ne organizimin e ceremonise se inagurimit te emrit te rruges dhe Qendres Ate Anton Luli dhe e ka nderuar Ate Anton Lulin mbas vdekjes me titullin e larte Antar i “Urdherit te Kryqit te Arte”.

Fondacioni ka organizuar ne Rome ne Kishen e Komunitetit Shqiptar “Shen Giovanni della Malva” ne Trastevere, “Celebrimin Eucaristic me rastin e 284 vjetorit te vdekjes se Papa Klementit”. Fondacioni ka organizuar në Romë, Konferencen me temen: “Objektivi i Ballkanit: Kufinj të rinj për Ndërkombëtarizimin”. Ne Konference moren pjese personalitete te larta te Vatikanit dhe te Italise. Ne perfundim u nderua me titullin Antar i “ Urdherit te Kryqit te Arte ”, Sekretari i Shtetit te Vatikanit si dhe personalitete te tjere. Gjithashtu u nderuan edhe me titullin “Antar Nderi”.

Fondacioni eshte binjakezuar me Shoqaten e Kavaliereve te Shen Silvestrit ne Itali, Akademine Bonifaciana, Norman Academy, Akademia Nderkombetare Mauriziana ne Itali, Urdherin  e Kavaliereve te Shen Mikelit Harketar ne SHBA, Urdherin e Kavaliereve te Shen Palit dhe Shen Pietrit ne Australi,etj, dhe punon per zgjerimin e kontakteve edhe me Fondacione dhe Akademi te tjera ne shtete te ndryshme te Europes dhe Botes.

Ne aktivitete te perbashketa te Fondacionit ne Rome me Akademine Bonifaciana dhe Norman Akademy jane nderuar me tituj personalitete te larta te Kishes Katolike dhe intelektuale, profesore, gjenerale, doktore,etj.

Fondacioni ka 47 Antare te “Urdherit te Kryqit te Arte” midis te cileve Kardinalin Pietro Parolin, Sekretarin e Shtetit te Vatikanit, Kardinalin Agostino Vallini, Kardinalin Paul Poupard, Kardinalin Jose Saraiva Martins, Kardinalin Dario Castrillon Hoyos, Kardinalin Kurt Koch, Kardinalin Edwuin Frederick O’Brien, Mons. Enrico dal Covolo, Mons. Luigi Francesco Casolini Di Sersale,  Mons. Antonio Ciliberti, Mons. Franco Croci, Avv. Jeffrey Lena ne Vatikan, Gjeneral. Prof. Stefano Murace, Prof. Dott. Comm. Giulio Tarro, Gjeneral Dr. Rocco Panunzi, Duca Riccardo Giordani di Willemburg, etj. Fondacioni ka 32 “Antar Nderi”. Fondacioni ka perfaqesuesit e tij ne Itali, Gjermani, Brazil, Angli,etj.

Presidenti i Fondacionit Zef Bushati u shpreh: Faleminderit Ati i Shenjte, faleminderit Papa Francesko, per letren qe Ju na derguat. Ne shqiptaret lutemi per Ju Ati i Shenjte. Zoti ju bekofte.

Ministrja e Drejtësisë, Etilda Gjonaj ka reaguar për ekstradimin e Nezar Seitaj në Itali. Në një reagim në Facebook, Ministrja thotë se ekstradimi është bërë në bazë të ligjeve shqiptare. Ajo shton se përdorimi i kësaj çështje nga opozita është një alarm fals, pasi prokuroria shqiptare mund të vijojë hetimet edhe në Itali.

Deklarata e plotë e ministres së Drejtësisë:

Nezar Seitaj u ekstradua në Itali, në zbatim të vendimeve të gjykatave shqiptare dhe kërkesës për ekstradim nga Ministria e Drejtësise italiane, konform ligjeve dhe akteve ndërkombëtare.

Ai sot është në duart e prokurorisë italiane. Por opozita vijon të konsumojë përditë energji për një alarm fals, duke e trajtuar rastin sikur i pandehuri u arratis apo u la i lirë dhe jo që iu dorezua pikërisht drejtësisë italiane.

Organet e akuzës shqiptare nuk i pengon asgjë, përkundrazi kanë të gjitha mjetet ligjore të parashikuara për të bashkëpunuar me ato italiane me qëllim për të marrë dhe për të përfituar çdo informacion që do t’ju nevojitet për efekt hetimi.

Çdo veprim ndryshe nga ekstradimi do të përkthehej dhe nga shteti italian si mungesë vullneti për të bashkëpunuar në luftën kundër krimit të organizuar.

Jam e bindur se nëse nuk do të ishte ekstraduar, kjo opozitë kaq haptaz e trembur prej reformës në drejtësi, do të thoshte “nuk i’a dorëzuan antimafias italiane, po e mbajnë këtu për ta mbrojtur me duart e kapura të drejtësisë”…

Kështu që në pamundësinë për të gjetur se cila do të ishte zgjidhja me e mirë për një opozitë që tenton të manipulojë edhe atëherë kur nuk ka, ne thjesht na mbetet të shpjegojmë me durim përmes fjalëve dhe tregojmë me këmbëngulje përmes veprave, se ligjshmëria është busulla e vetme që orienton vendimmarrjen tonë.

Në hapjen e një shkolle të mesme shqiptare në Kretë, një djalë është fotografuar me një zyrtar të Tiranës duke veshur një t-shirt me një hartë ku pjesë të Greqisë pretendohen si të Shqipërisë.

Kjo ka bërë që në Greqi të shpërthejnë debate të shumta online.

Sipas faqes së internetit FlashNeës.gr, shkolla u përurua në fshatin Paleochora me pjesëmarrjen e një zyrtari nga Ambasada e Shqipërisë.

Ai vlerësoi iniciativën e autoriteteve greke dhe tha se ishte krenar që fëmijët shqiptarë tani mund të mësonin gjuhën e tyre amtare në mënyrë korrekte.

Megjithatë, një foto e zyrtarit që qëndronte prapa një studenti që mbante një bluzë me një hartë të “Shqipërisë së Madhe” nxiti reagime tek përdoruesit e mediave sociale në Greqi.