Nëse Ilir Meta, humbi gjysmën e peshës së tij përmes dietës Dunkan, ai sot ka humbur edhe gjysmën tjetër përmes ‘dietës’ Freedom House.
Jo pak, por Amerika e ka quajtur si njëriu më i korruptuar në Shqipëri. Ilir Meta duket se e ka zënë tavani i Presidencës dhe e ka palosur poshtë.
Askush nuk flet. Madje edhe te LSI ka rënë një qetësi funebre. Tik Llalla, nuk ka më në dorë si ta mbrojë Ilir Metën.
Ilir Meta është në prag të arrestimit. Ajo që bie në sy, është pse ai nuk jep dorëheqjen si President dhe të hetohet si një qytetar i thjeshtë?
Dihet se Ilir Meta është zullumi i politikës shqiptare.
Jo pak, por shumë dosje korruptive me miliona euro bien mbi supet e peshëngritësit Ilir.
Iliri që ‘rrahu’ Jozefina Topallin duket se nuk i ka punët aspak mirë.
Iliri i floririt të Shqipërisë, ku e vodhi me mushka arin e popullit të tij, është vënë me shpatulla pas murit nga Amerika e cila e këkron ‘kokën’ e tij me çdo kusht.
Presidenca ka rënë në zijë, ashtu edhe LSI-ja.
Iliri i minierave të arit në Afrikë, nuk ka gojë që flasë dhe po fshihet prapa zyrës së tij.
Iliri që vrau katër qytetarë në mes të bulevardit bashkë me Sali Berishën, nuk po gjen derman.
Prokuroria duhet me doemos të nisë hetimet kundër tij dhe të arrestojë kreun e shtetit shqiptar.
Në këto kushte, do të bëhet rrëzimi i familjes më korruptive në Shqipëri.
Me Ilir Metën prapa hekurave, do të thotë edhe shkatërrimi i LSI. Kjo do të ishte një hap i madh i Shqipërisë drejt Brukselit. Siç e tha edhe Amerika, Shqipëria ka ecur mbrapa me vendosjen e Ilir Metës si President… A do hedhë valle tani, ashtu siç bënte në takimet me strukturat e LSI apo në dasmat luksoze?Pamfleti.com
Një nga përbërësit më të dëmshëm që konsumojmë rregullisht, pa qenë të vetëdijshëm që e konsumojmë dhe për efektet e tij është sodium glutamate (E621), një shtues i zakonshëm që gjendet thuajse në të gjithë ushqimet e përpunuar. Për më tepër, vështirë se të gjenden restorante që nuk e përdorin këtë përmirësues të shijes.
Sodium glutamate E621 është në formën e pluhurit kristalor të bardhë dhe është shumë i ngjashëm me kripën apo sheqerin. Ai mund të gjendet edhe në formë të lëngshme. Ka shijen e supës së mishit dhe mund të shtohet në çdo ushqim për të përmirësuar shijen. Marrja e këtij përbërësi shkakton ndjenjë urie dhe çon në mbingrënie dhe obozitet.
Stimulon qelizat e trurit në të njëjtën mënyrë si drogërat, të cilat krijojnë një ndjenjë varësie. Përthithet lehtësisht në gjak dhe në trup duke shkaktuar ndryshime në gjene dhe në sensin e shijes.
Siç e përmendëm, ky shtues ushqimor përdoret në shumë ushqime popullore, duke përfshirë salsiçet, hot dogët, patatinat, supat e parapërgatitura, ushqimet e konservuar, birrat e kështu me rradhë. Doza e lejuar ditore për të rriturit është 1.5 gramë dhe për fëmijët më pak se gjysmë grami.
Një fakt që ia vlen të përmendet është se mbi 200 tonë të këtij shtuesi ushqimor përdoren çdo vit në botë. Simptomat e zakonshme të overdozës së E621 përfshijnë marramendje, migrenën, shqetësimet vizuale, imbalancë hormonale, ndjesi të vjelli, dobësi, dhimbje kraharori etj. Është gjithashtu e njohur si sindroma e restorantit kinez.
Është zbuluar së pari në vitin 1907 në Japoni nga shkencëtari Ikeda Kikunae, i cili zbuloi se substanca përmirëson veçanërisht shijen dhe aromën e ushqimit të konservuar, të shpejtë dhe të ngrirë.
Ky shtues ushqimor i zakonshëm ka fituar shumë popullaritet gjatë viteve dhe sot ka shitje shumë të mira në vende si Amerika.
Edhe pse përmirëson shijen dhe aromën e produkteve ushqimore, sodium glutamate ka edhe një sërë efektesh anësore. Ai ndikon receptorët e gjuhës duke e bërë ushqimin më të shijshëm se sa është. Kjo është arsyeja pse njerëzit krijojnë varësi ndaj ushqimeve të përpunuara, si: patatinat, ëmbëlsirat, ushqimet gjysmë të gatshme etj.
Në një studim, minjve që iu dha sodium glutamate në ushqim humbën shikimin.
Është e rëndësishme të theksohet se E621 është jashtëzakonisht me përfitim për ushqimet e përpunuar sepse jo vetëm pakëson koston e prodhimit, por rrit edhe shitjet e produktit.
Kështu, herën tjetër kur të blini ushqim, kontrolloni përbërësit dhe mënjanoni ato produkte që përmbajnë E621.
Erëzat natyrale janë një alternativë shumë më e mirë dhe më e shëndetshme se ky shtues ushqimor.
Hervin Çuli do të jetë edhe për katër vite të tjera drejtori i Teatrit Kombëtar.
Kandidatura e tij është miratuar në mbledhjen e sotme të qeverisë.
Në garën për të drejtuar Teatrin Kombëtar, ai kishte si rivalë Ema Andrean, Genc Fugën dhe Laert Vasilin.
Ky emërim në postin e drejtorit të Teatrit Kombëtar vjen në kohë debatesh mes aktorëve dhe regjizorëve të këtij institucioni me Ministrinë e Kulturës, për shembjen e godinës së teatrit, si dhe për projektligjin e ri për artin dhe kulturën.
Manteli i zonjës, bima që forcon mitrën dhe shmang abortin, ideale për të mbetur shtatzanë. Terapia me Konopicë për të lindur fëmijë, jep efekt brenda 3-18 muaj
Dy bimë shpallen “gjinekologet” më të mira.
Dhe fatmirësisht, ndodhen që të dyja në Shqipëri.
Bëhet fjalë për Mantelin e Zonjës dhe Konopicën, të dyja këto bimë të studiuara tashmë shkencërisht që kanë shanse reale që, nëse i konsumoni, rrisni në maksimum shanset për të mbetur shtatzanë.
Le të njihemi me secilën prej tyre…
MANTELI I ZONJËS
Shkencëtarët e kanë zbuluar para disa muajsh këtë bimë ideale tejet të mirë për përmirësimin e problemeve gjinekologjike.
Manteli i Zonjës (Alchemilla vulgaris), ka veti të përsosura shëndetësore, e veçanërisht në lidhje me shëndetin gjinekologjik.
Sipas Johan Kincora, mjek alternativ i famshëm zvicerian, i cili merret me studimin e bimëve, thotë se 30 për qind e problemeve gjenekologjike mund të shmangen vetëm duke konsumuar çajin e Mantelit të Zonjës.
Kjo bimë gjendet edhe në Shqipëri (ngjan me kolzën), ndaj pyesni herbalistët e zonës ku banoni, për t’ju ndihmuar që ta gjeni atë, ose mund ta blini të gatshme.
Është me gjethe të rrumbullakëta me ngjyrë jeshile të errët, ndërsa lulet i ka shumë të shpeshta dhe fort të vogla, në ngjyrë të verdhë.
Për qëllime mjekësore, ju duhet t’i mblidhni gjethet dhe lulet.
Gjethet mund të kultivohen gjatë pranverës dhe më e mira është të korren në periudhën korrik-gusht.
Gjethet mund të mblidhen gjithashtu pas shpërthimit, por në këtë rast humbasin disa prej vetive të tyre shëruese.
Manteli i Zonjës përmban flavonoide, acid organik, tannina, acid salycik dhe një thesar të vërtetë të vitaminës C.
Kjo përbërje ka një shije biter-i, për shkak të përmbajtjes së taninës.
Taninat, gjithashtu vlerësohen edhe për fuqi të mëdha anti-inflamatore dhe anti-bakteriale.
Është një përbërje ideale për gratë shtatzëna.
Gjithsesi një sasi e madhe e vetive të saj shëruese nuk janë zbuluar akoma.
KURË PËR FERTILITETIN:
Manteli i Zonjës është ilaçi më i mirë për trajtimin e infertilitetit.
Ajo vepron si një rregullator i shkëlqyer i hormoneve.
Progresteroni stimulon rritjen dhe rregullimin e ciklit menstrual, që është jashtëzakonisht i rëndësishëm gjatë përpjekjes për të mbetur shtatzënë.
Manteli i Zonjës forcon muret e mitrës dhe kështu të mbron nga dështimi (aborti i pavullnetshëm) dhe ndihmon për mbajtjen e vezoreve polycistike dhe për largimin e cisteve të padëshiruara.
Eshtë gjithashtu e vlefshme për gratë që sapo kanë lindur, duke përfshirë edhe ato gra që po rikuperojnë trupin nga lindja e vështirë dhe ato që ndjejnë “boshllëqe” në stomak.
Ndihmon gjithashtu me PMS *sindromi premenstrual) dhe menopauzën.
Në shtesë të përfitimeve të mësipërme, Manteli i Zonjës mund të ndihmojë për fibroidet, cistet, endometriozën dhe lehtësimin e simptomave menstruale dhe ato të menopauzës.
Ky çaj është me shumë përfitime për gratë që kanë menstruacione të rënda dhe të dhimbshme, pasi bima që e prodhon është e bollshme në taninë dhe astrigentë, të cilët normalizojnë rrjedhjet e gjakut.
Kur kombinohet me bimën e Qeses së Bariut (anglisht: Shepherd’s Purse plant, latinisht: Capsella bursa-pastoris, Family: N.O. Cruciferae), Manteli i Zonjës bëhet një nga ilaçet më të fuqishme për të gjitha sëmundjet gjinekologjike.
Theksojmë këtu, se edhe bima e Qeses së Bariut është jashtëzakonisht e gjendshme në Shqipëri, në çdo cep të saj.
Bëhet fjalë për një barishte që ne e kemi konsideruar gjithnjë “të keqe”, është e hollë dhe paksa e gjatë, me lule të vockla të bardha, ndërsa mund ta identifikoni lehtë për shkak të gjetheve të vogla në formë zemre.
Ashtu si Manteli i Zonjës, edhe kjo bimë zakonisht është shkulur nga arrat ose lëndinat, si bimë të këqija, kur në fakt vlerat curative të tyre janë të jashtëzakonshme.
PËRDORIMI I MANTELIT TË ZONJËS:
Larja me Mantelin e Zonjës shplarja e vaginës dhe tamponët mund të trajtojnë me efektivitet erën e keqe, kruarjet, sekrecionet vaginale, vaginitetin bakterial dhe infeksione të tjera vaginale.
Thjesht zhyteni tamponin në lëngun e Mantelit të Zonjës dhe përdoreni si dizifektues rreth vaginës dhe nga brenda.
Referuar studimeve më të fundit, Manteli i Zonjës vepron kundër bakteries së stafilokokut, i cili është shumë i rezistueshëm ndaj antibiotikut.
Shkencëtarët japonezë kanë zbuluar që agrimonin, një substancë e gjetur në bimë, mund gjithashtu të mbrojë nga kanceri i gjoksit.
Ekspertët e shëndetit sugjerojnë që kjo bimë ka fuqi potente anti-virale, gjithashtu.
Këto përfshijnë edhe virusin njerëzor papilloma (HPV).
Manteli i Zonjës ka një fushë të gjerë përdorimi në përfitim të shëndetit, përveç atyre që përmendëm më sipër.
Këto përfshijnë rrjedhjet e gjakut, pickimet e insekteve, të përzierat (sakëlldimi) dhe të vjellat, ekzemat dhe dermatitet, dhimbjet e fytit, diarretë e lehta, veçanërisht tek fëmijët e vegjël, çerma dhe reumatizma, hemorroidet, ulçera, etj.
PËR FORCIM MITRE, PARANDALIM ABORTI:
Futni një lugë çaji nga bima e grimcuar e Mantelit të Zonjës në një filxhan me ujë të nxehtë dhe lëreni aty për 5-10 minuta.
Gjithmonë pijeni me gllënjka dhe pini minimumi 2 filxhanë në ditë.
SHPËLARJA VAGINALE:
Shtoni 30-50 gr bimë të tharë (pa rrënjë) në 1 litër ujë.
Përdoreni këtë çaj për të shpëlarë vaginën (dush vaginal) ose si një klizmë, nëse ju keni probleme të brendshme.
BANJË MANTELIN E ZONJËS:
Zijini 200 gram me Mantelin e Zonjës, të tharë, ose të freskët në 3 litra ujë dhe hidheni në një vaskë të mbushur me ujë.
Qëndroni në ujë për 10–20 minuta.
TERAPIA ME KONOPICË
Quhet Vitex agnus -castus L., e cila në shqip njihet me emrin Konopica.
Kjo është një shkurre 3-4 metra e lartë, që lulet i çel në ngjyrë vjollcë, rritet në shtretërit e lumenjve e buzë tyre dhe në ligatina detare të zonave ku toka mban ujë.
Ndryshe quhet si “bima e femrave”, pasi përdoret kundër infertilitetit, kundër çrregullimeve të ciklit menstrual, por edhe për qetësimin e dhimbjeve të kokës, të syrit, trajtimin e lëkurës në raste plagësh apo pickime, etj.
Konopica konsiderohet si afrodiziak, për shkak të nivelit të lartë të progresteronit që përmban.
Në Europë dhe Azi është shumë e rrallë, aq sa vetëm Shqipëria dhe Maroku e kanë me shumicë.
Në shtetet e tjera gjendet shumë rrallë, ose edhe nuk gjendet fare.
PËR TË MBETUR SHTATZANË:
Kjo bimë është përdorur me mijëra vite për të përmirësuar sistemin riprodhues të femrës, por gjithashtu edhe të meshkujve.
Sot përdorimi i kësaj bime është i lidhur ngushtë me përmirësimin e Fertilitetit apo aftësisë së femrës për të mbetur shtatzënë.
Konopica apo Vitexi është vërtetuar shkencërisht për këtë aftësi në pjellori.
Madje, në Gjermani është kryer një studim masiv me mijëra gra të moshave të ndryshme dhe rezultatet kanë qenë befasuese, të cilat kanë dëshmuar aftësinë e mrekullueshme të kësaj bime në përmirësimin e hormoneve, për fertilitetin e femrës.
Por ajo çfarë është më interesante, është se në fakt kjo bimë nuk përmban fare hormone, por ndihmon organizmin në prodhimin e hormonit “lutenize hormon”, që është përgjegjës për ovulimin e femrës, i cili më tej ndihmon prodhimin e hormonit të njohur si Progresteron.
Shkencërisht është vërtetuar se Konopica/Vitexi përmirëson ciklin e çrregulluar, parandalon dukshëm dështimet spontane (abortet), duke stimuluar prodhimin e progresteronit (shumica e aborteve ndodhin për shkak të nivelit të ulët të progresteronit).
Duke qenë se stabilizon ciklin menstrual pas përfundimit të tabletave kontraceptive, përdoret për të parandaluar edhe cistet e vezoreve etj.
Duke patur parasysh që nuk përmban hormone natyrale, duhet të përdoret për një kohë më të gjatë dhe efektet e saj vërehen më së miri pas 3 muajve të përdorimit.
Për të arritur efektin maksimal të rritjes së fertilitetit, mund të përdoret prej 3 deri në 18 muaj.
Pini çaj nga lulet apo farat e kësaj bime, lahuni me ujin ku më parë keni vluar gjethe apo lule të saj, kombinoni me ushqimet e duhura dhe kështu ju i keni rikthyer vetes me 80 përqind shanset për të mbetur shtatzanë.
Soda e bukës vepron si një acid ose bazë. Në këtë mënyrë soda e bukës mund të ndihmojë në neutralizimin e pH të lëkurës e cila është një nga shkaqet kryesore e shfaqjes së akneve.Soda e bukës pikërisht ndihmon në eliminimin e yndyrës së tepërt ku kjo e fundit shkakton pikat e zeza në fytyrën tuaj. Soda e bukës ka dhe veti antiflamatore dhe antiseptike të cilat ndihmojnë në zvogëlimin e pikave të zeza.
Kur soda e bukës përzihet me ujë krijohet një pastë e hollë e cila ndihmon për të pastruar fytyrën, eliminuar yndyrën dhe rrëzuar qelizat e vdekura të lëkurës së fytyrës.
Megjithatë duhet pasur kujdes nëse keni një lëkurë të fytyrës të ndjeshme e cila mund të acarohet pas aplikimit në të me sodën e bukës.
Këshillohet që përpara se këtë mase ta aplikoni ne lëkurën e fytyrës, ta aplikoni me pare në një pjesë të vogël te këmbës suaj dhe nëse shikoni qe nuk keni asnjë efekt anësor mund të vazhdoni të aplikoni në lëkurën e fytyrës.
Trajtimi me sode buke
Përzieni dy luge sode buke me dy lugë ujë për të formuar një pastë homogjene. Pastro dhe thaj fytyrën dhe më pas aplikoni pastën e përgatitur më sipër mbi pikat e zeza. Nëse njëra nga pikat e zeza është hapur mund të ndjeni pak djegie. Lere trajtimin të veprojë për 15 minuta me pas shpëlaje. Disa persona e lënë që soda e bukës të veprojë gjatë gjithë natës por kjo mund të shkaktojë tharje të lëkurës suaj.
Pastroni dhe thani lëkurën e më pas aplikoni maskën me sodë në fytyrë. Mund të ndieni pak djegie. Lëreni qe maska të veprorë për 10 deri në 15 minuta, me pas shpëlajeni më ujë të ngrohtë. Lëkura juaj mund të skuqet pak megjithatë mos u shqetësoni sepse kjo skuqje e lehte kalon shpejt.
Soda e bukës si pastrues për lëkurën tuaj 1.Përzieni 2 luge sode me 2 lugë ujë dhe një majë luge lëng limoni. Acidi nitrik që përmban limoni vepron si esfoliant dhe ndihmon në tharjen e akneve. 2. Lageni fytyrën tuaj me ujë të ngrohtë dhe aplikoni pastën mbi lëkurë. Masazhojeni pastën në lëkurën tuaj me kujdes në mënyrë rrethore. Evitoni masazhimin me forcë ne lëkurën tuaj. 3.Hiqeni maskën me ujë të ngrohtë dhe nje peshqir të butë. Më pas do të shikoni që fytyra juaj do të shkëlqeje. Pas kësaj aplikoni dhe një krem hidratues mbi lëkurën e fytyrës suaj.
Banjë me sodë buke
Në qoftë se keni AKNE dhe mbi shpatulla apo në pjesën e gjoksit mund të aplikoni banjën me sodë buke. 1.Hidhni gjysmë tasi me sodë buke në vaskën tuaj të mbushur me ujë (mos përdorni asnjë lloj tjetër shkume) dhe me pas përzieni me dorë për të krijuar një masë homogjene 2.Futuni në vaskën tuaj pas bërjes së dushit dhe qëndroni aty për 10-15 minuta. Shpëlahuni në dush pas banjës. Soda e bukës do ndihmojë në ndalimin e krijimit të akneve duke minimizuar në këtë mënyrë dhe pikat e zeza në shpatulla, gjoks apo në çdo pjese tjetër të trupit që mund të rrezikohet nga aknet.
Kishin paralajmëruar se nuk do të kthehen jo në Kuvend por as në zyrat e partisë, por do të derdhen vetëm rrugëve.
Lulzim Basha dhe Monika Kryemadhi nuk lanë ekran dhe podium pa folur ditë pas dite, duke tentuar të krijojnë idenë se tashmë në Shqipëri ka filluar mosbindja civile.
Liderët e opozitës deklaruan se do të vihen në krye të protestave për taksën e Rrugës së Kombit, për rritjen e taksave në të gjithë elementët jetësore nga qeveria Rama dhe se do të jetë pranvera e rrëzimit të kësaj qeverie. E cila sipas Bashës dhe Kryemadhit ka futur në kthetrat e saj tërë jetën ekonomikë, sociale dhe politike të vendit.
Teksa dëgjoheshin deklarimet e liderëve të opozitës, të krijohej një përshtypje e thellë se punët po ecnin mbarë për opozitën, çështja e rrëzimit të kryeministrit Edi Rama ishte punë ditësh. Por nuk ndodhi kështu.
Pikërisht sot, pas një takimi kokë më kokë mes tyre në selinë e PD, Lulzim Basha dhe Monika Kryemadhi kanë vendosur braktisjen e mosbindjes civile dhe futjen e opozitës në Kuvend. Për “të degjeneruar Ramën” sikurse thuhej në mbledhjet e grupeve parlamentare respektive. Duke u kthyer në këtë mënyrë “të dhjerë por krenarë” në Kuvend. Dhe ku dihet se Edi Rama, për fatin e keq të opozitës dhe të shqiptarëve tallet dhe as që e llogarit as Bashën dhe as Monikën.
Kështu që mosbindja civile “vdiq”, bashkë dhe me opozitën. Një “vdekje” të tillë “Pamfleti” e ka paralajmëruar javë më parë. Kur ka shkruajtur se kryeministri Rama i “dhuron” Lulzim Bashës pallatet 17 katëshe për ti ndërtuar tek “Liqeni artificial” në Tiranë.
Janë një kompleks pallatesh që me vendim të Gjykatës përfundimisht u lejuan që të vijojnë ndërtimin.
Biznesmeni i familjes Berisha-Basha, Bashkim Ulaj i ka dhuratë nga Lulzim Basha kur ishte kryebashkiak në Tiranë. Basha heq dorë për pallatet nga mosbindja civile.
“Pamfleti” e paralajmëroi dhe sërish na vjen keq që profecia funksionoi dhe këtë radhë.
Basha ka dhënë prova që për pallate jep dhe pushtet dhe nuk pyet. E bëri dhe para zgjedhjeve të 25 qershorit, ku pasi mori 13.3 milionë eurot e pallatit të shembur të vjehrrit në Vlorë, doli nga çadra. Madje hyri në qeveri me Ramën, mori 7 ministritë kryesore dhe 7 drejtoritë me lekë. Mori dhe rezultatin më të ulët në tërë historinë e PD më 25 qershor të vitit të kaluar.
Por dhe Kryemadhi ka nisur ti bëjë “fresk” kryebashkiakut aktual të Tiranës Erion Veliaj. Ndërkohë që dy liderët e opozitës Lulzim Basha dhe Monika Kryemadhi pas takimit që zgjati një orë në selinë blu, vendosën që nesër të jenë në Parlament duke hequr dorë kështu nga qendrimi i ditëve më parë ku bënin thirrje për mosbindje civile e valë protestash, fillon ironia.
Këtë vendim e ironizon Agim Xhafka, gazetari që prodhoi lajmin e bujshëm javë më parë kur Berisha në një kafe i rrëfeu se Basha duhet të largohet nga drejtimi i PD dhe të larguarit duhet të kthehen.
“PISHINA. Vajtja e PD-së nesër në parlament si vajtja e Nestit në pishinë, ku nga uji i ndotur atje ngordhi menjëherë një bretkocë që hodhën si provë. Vërtet notoi Nesti gjysëm ore, por ka dy vjet që nuk po largon dot ekzemat nga lëkura. Kujdes Bashë, se do lulëzosh nga myku…”, shkruan Xhafka.
Basha ka treguar se pallatet e tundojnë.Pamfleti.com
Rruga për tek Kisha Shën Athanasi Selenicë.
Investim i Bashkisë Selenicë me iniciativën personale të kryetarit të Bashkisë Z.Përparim Shametaj.Një premtim për banorët e komunitetit Ortodoks,por edhe për të gjithë Selenicarët,tashmë ishte një realitet në këtë Pashkë të 2018-ës.Ky investim me standarte,rrugë,ndriçim,trotuare,kanalizime,është në sinkron të plotë me arkitekturën e kësaj lagjeje dhe të Kishës.
Vlen për t’u theksuar bashkëpunimi brilant me banorët e lagjes,ku një pjesë e tyre ishin subjekt shpronësimi në funksion të ndërtimit të rrugës.Mirënjohje për këta banorë që nuk n’a sollën asnjë pengesë gjatë kryerjes së punimeve.I pa kursyer ka qenë dhe kontributi moral,bashkëpunues i priftit të kësaj kishe At Spiro Bulika në komunikimin me banorët dhe Bashkinë.
Kjo rrugë është multifunksionale, e cila ka bërë më të lehtë komunikimin e banorëve me shtepitë,pronat e tyre si dhe Kishën.Banorëve ju është ofruar një shërbim i kulturuar nga ana e Bashkisë.
Në ditët që do të vijnë investime të tjera do të prekin banorët në Selenicë dhe në Njesitë Administrative të kësaj Bashkie.
Besoj se kushdo do ta ketë dëgjuar atë historinë e mbretit lakuriq. Mbretit, që më shumë nga injoranca dhe trendy, kërkoi ti qepeshin një palë rroba transparente dhe të veçanta që të mos i kish njeri jo vetëm në mbretërinë e tij por as nga mbretëritë e tjera. I desh të tejdukshme si ajri, si qelqi, si uji…pra transparente.
Ishte i dashuruar, i madhi mbret, me këtë fjalë sa s’gjente derman pa e praktikuar më parë tek vetja, të veçantën dhe pastërtinë e transparencës… Dhe historia pastaj vazhdoj siç ju dhe unë e dimë…që mbretit, bënë sikur i qepën një palë rroba transparente dhe bënë sikur ja veshën duke e lënë transparent…pra gollomesh.
Ështe e hatashme fjala transparencë edhe sot, megjithëse përdoret për kuptime të tjera por ama kur përdoret vetvetiu mendja të vete tek historia e mbretit. Si pakuptuar sapo e dëgjojmë këtë fjalë të artikuluar bukur dhe prerë nga burrat apo gratë e sotme te shtetit dhe politikës, imagjinata jonë fillon dhe vërtitet rreth historisë së mbretit. E imagjinojmë përshembull, kryetarin e opozitës, kur transparencën kërkon, njëlloj si mbretin e përalles… lakuriq mbi foltore duke u tundur i gjithi plot nerv…Po kështu e imagjinojmë edhe kryeministrin duke na “sfiluar”para nesh jo vetëm transparencën e tij por edhe të qeverisë me ministra dhe ministre gjithë nur. Ja vlen të humbasësh pak kohë më tepër para ekranit e të shikosh me sytë e mendjes “tejdukshmërinë” HD të lakuriqësisë së pastër të vipave të politikës. Ja vlen për të gjithë, dhe të mahnisin me perfeksionin e linjave dhe pandotësine e tyre. Dhe kjo, falë vetëm transparencës dhe imagjinatës njerëzore. Janë vënë në garë dhe pothuajse është kthyer në modë nga i gjithë shteti, qënia transparent para popullit. U është bërë fiksim të gjithëve se duke qenë lakuriq, pra transparent, je i pastër, i ndershëm dhe me moral të lartë, para atyre që të kanë zgjedhur…ne rast të kundërt je i papastër, i pandershëm dhe i padenjë…!
…Eh çtë bënë transparenca…por më shumë se ajo, fajin na e ka imagjinata jonë dhe historia e mbretit lakuriq.
%2BFor%2BHealth%2B(2).jpg)
