Një krijesë mjaft e frikshme është zbuluar në bregun e lumit Mersey në Liverpul të Britanisë.
Trupi i ngordhur i një gjallese që ngjante me një peshk të madh u zbulua nga një kalimtar i rastit, ndërsa shkencëtarët kanë thënë që ende nuk e dinë se për çfarë bëhet fjalë.
Sipas ekpertrëve, ai ngjan me një delfin ose ndonjë lloj kërpurdhe, ndërsa mbi kurriz ka gjemba dhe nofullën e ka të pajisur me dhëmbë të mëdhenj.
“Është shumë i çuditshëm”, ka thënë 28 vjeçari i cili pa nga larg gjallesën.
Sakaq hetimet për më shumë informacion kanë vijuar pas dyshimeve se ky trup mund ti përkasë një gjallesë të zhdukur mijëra vite më parë.
Prej kohësh, shkencëtarët kanë paralajmëruar se duhen antibiotikë të rinj, pasi mikrobet po krijojnë rezistencë ndaj atyre aktualë, që në shumicën e rasteve janë përdorur pa asnjë kriter.
Duket se zgjidhja ka ardhur nga një burim shumë i pazakontë, pikërisht hunda e njeriut. Studiuesit e Universitetit “Tubingen” në Gjermani thonë se kanë zbuluar një klasë të re antibiotikësh, duke analizuar luftën bakteriologjike që zhvillohet në flegrat e hundës, raporton telegrafi.
Kërkuesit kanë zbuluar se 70% e njerëzve mbajnë brenda hundës së tyre një mikrob të quajtur Staphylococcus lugdunensis, i cili tani po shërben për krijimin e një antibiotiku të ri, i aftë të luftojë mikrobet më të vështira për t’u zhdukur.
Studimet kanë rezultuar në një ilaç të ri, që njihet me emrin “Lugdunin” dhe që mund të ndalojë ato që njihen si supermikrobe.
Është shumë herët për të thënë nëse “lugdunin” mund të formojë bazën për antibiotikët e rinj dhe të përdoret për luftimin e infeksioneve të ndryshme, megjithatë ka premisa.
Ky zbulim është konsideruar një mrekulli, pasi tani bakteriet vdekjeprurëse, si E.coli apo Salmonella, janë duke u bërë gjithmonë e më të forta, më rezistente ndaj kurave të përdorura deri më tani.
Kështu, shkencëtarët po përgatiten për një revolucion të vërtetë për kërkimin e antibiotikëve të rinj, të cilët nuk do gjenden vetëm në ambientin përreth, por edhe brenda vetë trupit të njeriut.
Nxënësja e Gjimnazit “Ali Demi” Vlorë GERDA CANO u vlerësua me cmimin “Aktorja më e mirë dytësore” në Festivalin Teatror Kombëtar për Shkollat e Mesme “Gjergji Trola” 2018 , me rolin e Deas në dramen “Unë jam Era” me regji të Eduard Ismaili.
Festivali Teatror rinor “Gjergj Trola” 2018, një nga eventet e kthyer në traditë në Kryeqytet prej 16 vitesh, dhe Festivali Teatror Kombëtar per Shkollat e Mesme “Gjergj Trola” 2018 ngriti siparin në datën 16 prill, ora 14.00, në Universitetin e Arteve, Salla Black Box.
Për dhjetë ditë, nga data 16 -27 prill, nga ora 14:00 deri në orën 17:00 aktorët e rinj nga 14 shkolla të kryeqytetit dhe të rinjtë nga gjithe Shqipëria, përfshirë rrethet Korça, Vlora, Berat Shkodër, Sarandë dhe Tiranë sollën për bashkëmoshatarët e tyre, mësuesit dhe artëdashësit vepra të autorëve vendas dhe të huaj që trajtojnë tema të realitetit social në Shqipëri dhe problematika që shqetësojnë të rinjtë sot.
Secila prej veprave erdhi nën një këndvështrim origjinal nën regjinë e regjisorëve të rinj, shumë prej tyre studentë të Universitetit të Arteve, dega regjizurë.
Vlora u perfaqesua nga Gjimnazi “Ali Demi” ,me shfaqen “Une jam Era” , pjese e shkuar nga Ermela Lamcaj dhe Stela Mihaj, me regji te Eduard Ismailit . Dramen “Une jam Era” e sollen me nje loje te mrekullueshme ne te gjitha rolet e caktuara nxenesit: Loris Sinanaj,Gerda Cano,Martin Xhaferi,Grejti Kapllanaj,Graciela Kicaj,Klejvis Sadiku,Serxho Gjoni,Fatjona Serjani,Flavia Aliaj,Jugerta Derraj. Ne rolin kryesor ishte Era e sjelle ne menyre profesionale nga maturantja Loris Sinanaj e cila ishte ne nominim dhe prentendente per Cmimin Aktoria me e mire Kryesore por qe nuk e arriti fitoren , dhe pse u vleresua nga juria si dinjitoze per rolin e marre. Ne kete pjese qe fliste per Bulimin e Bullizmin rolin e secilit prej nesh duke e shtyre Eren ne fundin e saj te hidhur e solli nxenesja Gerda Cano qe pervec vleresimeve te merituara mori dhe Cmimin “Aktorja me e mire dytesore” ne Festivalin Teatror Kombetar per Shkollat e Mesme “Gjergji Trola”2018
Vleresimi u krye nga nje juri e nderuar dhe shume profesioniste ku benin pjese :
Kryetare jurie – “Artistja e Popullit” e “Nderi i Kombit” Tinka Kurti ,
Anetar – Profesori i nderuar Gezim Rudi ,
Anetare – Profesoresha e nderuar Rozi Kostani
Ceremonia e ndarjes së çmimeve, për Festivalin Teatror Kombëtar të shkollave të mesme,u zhvillua në datën 27 prill, ora 16:00, në Universitetin e Arteve, Salla Black Box.
Në ceremonitë e ndarjes së çmimeve morren pjesë edhe përfaqëues të lartë të institucioneve arsimore, kulturore, si Zv.Ministër i Arsimit,Sportit dhe Rinise Z.Ervin Demo, përfaqësues të Bashkisë Tiranë, përfaqësues të UNFPA (Fondit të Kombeve të Bashkuara për Popullsinë), etj.
Festivali ishte nje produkt i angazhimit dhe punës së përbashkët të Shoqatës së Artistëve të Rinj të Skenës (SHARS) dhe Albania Community Assist (ACA), me mbështetjen dhe në bashkëpunim me Bashkinë Tiranë, Fondin e Kombeve të Bashkuara për Popullsinë (UNFPA), Universitetin e Arteve, Teatri Kombëtar Eksperimental “Kujtim Spahivogli, Ministrinë e Arsimit dhe Drejtorinë Arsimore Rajonale Tiranë.
Shqipëria ka marrë pjesë për të katertin vit radhazi në panairin ndërkombëtar Global Expo Seafood. Eventi u zhvillua në Bruksel nga datat 23 deri në 25 prill ku morën pjesë shumë vende të botës me shumëllojshmëri produktesh deti. Kjo është një risi për tregun Europian dhe jam i lumtur që Shqipëria mori një çertifikatë të tillë”, u shpreh Rossi. Përdorimi i ushqimit të duhur dhe kontrolli direkt në të gjitha fazat e prodhimit ka sjellë rezultate të shkëlqyera.
Almarina meriton me të drejtë të jetë krenaria e detit shqiptar. Vlerësimi kësaj here për një kompani nga Orikumi i Vlorës, vjen nga zemra e Europës, Brukseli. Dhe jo pak, por shpallet peshku i vetëm i kultivuar në kontinentin Europian si Antibiotik Free.
E thënë ndryshe, prodhimi që vjen nga gjiri i Vlorës u çertifikua në Expo Seafoodsi i vetmi që përmbush të gjitha kushtet për t’u konsideruar i pa trajtuar me asnjë lloj medikamenti apo substancë tjetër kimike. I gjithë zinxhiri i realizimit të këtij produkti elitë të detit shqiptar nën monitorim e rreptë të enteve çertifikuese si dhe nga gjithë supermarketet më në zë të Europës, furnitor i të cilëve është prej afro një viti. Duke i vënë theksin në rritjen e peshkut të cilësisë dhe sigurisë ushqimore në respekt të plotë të ruajtjes së ambientit kompania është e çertifikuar me Standartet ndërkombëtare të cilësisë IFS,GLOBALG.A.P(The Global Partnership for Good Agricultural Practice) Vlerësimet e klientit europian, auditimet e laboratoreve prestigjioze si dhe kërkimet shkencore të Universitetit të Camerinos në Marche e radhisin kocen dhe levrekun e Orikumit shumë më përpara në vlera se prodhimi i fermave italiane, greke e kroate që kane dhjetra vite në tregun europian.
Shqipëria ka marrë pjesë për të katertin vit radhazi në panairin ndërkombëtar Global Expo Seafood. Eventi u zhvillua në Bruksel nga datat 23 deri në 25 prill ku morën pjesë shumë vende të botës me shumëllojshmëri produktesh deti. Shqipëria u përfaqësua në Expo Food me produktet e Almarina, kompanisë shqiptare të mbështetur fuqishëm nga gjiganti Italian EREDE ROSSI SILVIO. Por risia e këtij viti është çertifikata Antibiotik Free (Mungesë e plotë e antibiotikeve në të gjthë ciklin e plotë të rritjes së kocës dhe levrekut) që iu dorëzua peshkut të Almarinës dhe produktit cilësor që sjell në tregun Europian. Peshku i Orikumit është i pari në Europë që çertifikohet si i tillë.
Niçola Rossi, Presidenti i gjigandit EREDE ROSSI SILVIO ,akuakulturisti më i madh i troftës të salmonuar jo vetëm në Itali por edhe në Europë, është shprehur shumë i kënaqur me vlerësimin që ka marrë Almarina. “Ujërat e gjirit të Vlorës janë vendi ideal për prodhimin pa antibiotik të koceve dhe levrekut. Kjo është një risi për tregun Europian dhe jam i lumtur që Shqipëria mori një çertifikatë të tillë”, u shpreh Rossi. Përdorimi i ushqimit të duhur dhe kontrolli direkt në të gjitha fazat e prodhimit ka sjellë rezultate të shkëlqyera.
Sheme Kondi, administratori shqiptar i Almarina i pranishëm në Expo, theksoi se ky çertifikim është një rezultat që i atribuohet edhe gjigantit Rossi me mbështetjen dhe bashkëpunimin në cdo moment të mbarështimit. “Kjo çertifikatë europiane e nderon Shqipërinë duke bërë që edhe investitorë të tjerë të kthejnë sytë drejt vendit tonë. Kompania me shpejtësi të madhe krijoi të gjitha strukturat e saj dhe sot ne jemi një eksportues shumë i rëndësishëm në supermarketet e Italisë dhe Europës. Kjo në sajë të një pune pasionante te nje stafi profesionistesh te zote që fillon nga Shqipëria e mbaron në kryeqendrën e Europës, në Bruksel”, tha Kondi menjëherë pasi autoritetet organizuese të panairit i dorëzuan çertifikatën vlerësuese. Sipas tij suksesi i kësaj kompanie, relativisht te re bën që vendi ynë të prezantohet disi ndryshe, duke bërë që kompani të shumta të lidhin kontrata të leverdishme me të.
Një tjetër risi e peshkut të Orikumit është sasia e Omega 3, ndërkohë që në vende si Greqia , Kroacia apo Turqia, ky përbërës i rëndësishëm i filetos së peshkut që ndikon direkt tek shëndeti i konsumatorit, Omega 3 nuk e kalon shifrën 9,70, ndërsa peshku i Orikumit arrin maksimalisht në 17,88. Njazi Mustafa, bashkëortak në Almarina, ritheksoi se ky rezultat është një sukses jo vetëm për Almarinën dhe zonën e Orikumit, por është një vlerësim që hap dyert prodhimeve shqiptare për të ndjekur të njëjtën rrugë.
Në Global Expo Seafood u prezantua edhe ferma e peshkut Alb Adriatiko përfaqesuar nga Hysen Jazaj, i cili theksoi se në sajë të bashkëpunimit me Almarina Or dhe Grupo Rossi u bë e mundur hapja e dyerve nga supermarketet evropiane për produktet shqiptare dhe ritheksoi rëndësinë e pjesëmarrjes së Shqipërisë në këtë event që konsiderohet si panairi më masiv dhe kualitativ i peshkut në rang ndërkombëtar./ZgjohuShqiptar.al
Zbardhen të tjera detaje, sa i takon hetimeve të prokurorisë së rrethit Gjyqësorë të Shkodrës në lidhje me kërkesën e kësaj të fundit për nisjen e procedimit penal dhe vendosjen e sekuestros preventive për 25000 m2 tokë pyll në Razëm.
Sipas burimeve të Alpe news pranë prokurorisë së Shkodrës, përfitues i sipërfaqes prej 53902 m2 është një person i vetëm i cili do të shiste më pas tokën ndaj personave të tjerë.
Ndërkohe që priten, urdhër ndalimet për 14 zyrtarë dhe ish zyrtarë të njësive vendore, Zyrës së Regjistrimit të pasurive të paluajtshme dhe Agjencisë së Kthimit dhe kompensimit të pronave të cilët do të jenë pjesë e dëshmitarëve por edhe personave të cilët dyshohet se kanë kryer falsifikimin e dokumenteve duke i dhënë pa të drejtë këtë sipërfaqe toke personave të tjerë.
Ndërkohe në lidhje me këtë çeshtje, i kontaktuar me telefon, kryetari i Bashkisë Malësi e Madhe, Tonin Marinaj ka deklaruar se hetimi nuk ka lidhje me asnjë prej zyrtarëve që aktualisht janë pjesë e administratës së Bashkisë Malësi e Madhe dhe se hetimi nuk i takon vendimeve që mund të jenë marrë pas vitit 2015-te.
Çështja e pronave në Malësinë e Madhe është një gangrenë që e shoqëron prej vitesh këtë zonë. Edhe në vitin 2001-2002 Prokuroria nisi nje hetim për abuzime të pronave por kjo ceshtje u mbyll dy vite me vonë për mungesë faktesh dhe provash. Ngelet për tu parë se deri ku do të shkojë kësaj radhe kjo ceshtje, e cila nxjerr në pah një megaskandal të abuzimi të ish zyrtarëve me pronat e banorëve të Razmës.
Marrja e një posti të rëndësishëm nga ish-ministrja e Integrimit Majlinda Bregu, për ish-kryeministrin Sali Berisha është thjesht një zgjedhje e saj. I ftuar në emisionin “Kjo Javë” në News 24, Berisha ka treguar marrëdhënien që ruan ende me ish-ministren e kabinetit të tij, pa dashur të komentojë zgjedhjet e saj në jetë.
Ish ministrja e kabinetit tuaj, zonja Majlinda Bregu është tashmë sekretare e Përgjithshme e Këshillit të Bashkëpunimit rajonal, e para shqiptare, e para femër në këtë post. Si e komentoni ju?
Unë respektoj zgjedhjen e saj. Natyrisht është zgjedhje e bërë nga kjo shumicë. Në konceptin tim thelbi i lirisë është zgjedhja dhe ajo ka të drejtë të zgjidhet. E ka bërë për më mirë, unë nuk gjykoj zgjedhjen e saj. Nuk gjykoj zgjedhjen e tjetrit, nëse e ka bërë mirë apo keq zgjedhjen e saj. Është një kandidaturë zyrtare e qeverisë shqiptare.
Ndaj i munguan urimet dhe komentet e kolegëve të PD?
Nuk e di se si mendojnë sepse nuk i kam pyetur. Do kishte qenë ndryshe sikur opozita të ishte pyetur, të kishte dhënë mendim. Nuk besoj se kryetari i opozitës do refuzonte zgjedhjen e saj. Qeveria duhet të pyeste kryetarin e opozitës.
A keni ju një formë zhgënjimi nga të gjitha veprimet e Majlinda Bregut? E keni pasur shumë të afërt?
Nuk e konsideroj që ajo ka bërë një gjë që unë të jem zemërthyer ka bërë zgjedhjen e vetë. Secili prej bashkëpunëtorëve të mi ka vlerësimin për të gjithë kohën që kemi bashkëpunuar. Unë jam tërhequr nga drejtimi i PD, por ruaj ato respekte që kam pasur për ta.
E ruani edhe komunikimin?
Padiskutim, nuk e ndërpres unë komunikimin me njerëzit.
Videon erotike mes Ervin Salianjit dhe Grida Dumës e ka nxjerrë Sali Berisha.
Kjo gjë pohohet nga ana e gazetarit Elvi Fundo, portali i të cilit botoi mesazhet erotike mes dy deputetëve demokratë.
“Videon e Salianjit me GD ma solli Sali Berisha”, shkruan Fundo në Tuiter, pa dhënë më shumë detaje.
Ervin Salianji dhe Grida Duma u filmuan ndërsa shkëmbenin disa mesazhe të forta erotike në ambientet e Kuvendit, në kohën që zhvillohej seanca parlamentare.
Askush prej tyre nuk ka dhënë asnjë shpjegim, ndërkohë që prej daljes së kësaj video, ishte aluduar se ai që e nxorri ishte pikërisht Sali Berisha.
Nuk dihet nëse tashmë do të ketë ndonjë reagim nga Lulzim Basha, pasi ky veprim i Berishës është edhe një goditje e rëndë për të, shkruan Tema. Kjo, duke qenë se Salianji dhe Duma njihen si dy prej njerëzve më besnikë të tij dhe që janë promovuar në PD, pikërisht nga Basha.
