Andueli

Kreu i FLO-së në Drejtorinë e Policisë së Shtetit, Sokol Bizhga, kalon vetingun

Aktualitet, Lajmi i fundit / /

Drejtori i Forcave Lëvizëse Operacionale në Drejtorinë e Përgjithshme të Policisë së Shtetit, Sokol Bizhga kalon vetingun.

Vendimi u mor sot nga Komisioni i Jashtëm i Vlerësimit.

Drejtuesi Bizhga doli i pastër në kriterin e vlerësimit të figurës, ku nuk u konstatuan të dhëna për veprimtari kriminale, denoncime apo të dhëna për kontakte me botën e krimit./atsh

Kreu i FLO-së në Drejtorinë e Policisë së Shtetit, Sokol Bizhga, kalon vetingun Read More »

“Ferri është bosh dhe gjithë djajtë janë këtu”/ Rama dakord me deklaratat e ambasadores Kim për Reformën në Drejtësi

Aktualitet, Politike / /

Kryeministri Edi Rama reagoi sot pas deklaratës së ambasadores së SHBA-së në Tiranë, Yuri Kim, e cila tha se “shpreson që fjalët për një marrëveshje prapa krahëve për të vrarë Reformën në Drejtësi në Shqipëri të mos jenë të vërteta”.

Kryeministri Edi Rama duke rënë dakord me deklaratat e ambasadores, citoi një thënie të Shekspirit: “Ferri është bosh dhe gjithë djajtë janë këtu”.

Ambasadorja Kim tha sot se “Reforma në Drejtësi është e dhimbshme, e ngadaltë dhe jo perfekte, por është e nevojshme, po bën përparim dhe duhet të vazhdojë”./atsh

“Ferri është bosh dhe gjithë djajtë janë këtu”/ Rama dakord me deklaratat e ambasadores Kim për Reformën në Drejtësi Read More »

Forcat e Armatosura, pjesë e misionit të OKB-së në Sudanin e Jugut deri 15 marsin e ardhshëm

Aktualitet / /

Këshilli i Ministrave vendosi që pjesëmarrja e personelit të Forcave të Armatosura të Republikës së Shqipërisë në Shtabin Rajonal të Forcës Mbrojtëse të Organizatës së Kombeve të Bashkuara në Juba, Republika e Sudanit të Jugut, do të ketë një kohëzgjatje deri më 15.3.2021.

Vendimi vjen në mbështetje të nenit 100 të Kushtetutës, të ligjit “Për dërgimin e Forcave të Armatosura të Republikës së Shqipërisë jashtë vendit, si dhe për mënyrën e procedurat e vendosjes dhe kalimit të forcave ushtarake të huaja në territorin e Republikës së Shqipërisë”, të ligjit “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, dhe të aktit normativ të 20 marsit 2019 të Këshillit të Ministrave, “Për pjesëmarrjen e personelit të Forcave të Armatosura të Republikës së Shqipërisë në misionin e Kombeve të Bashkuara në Sudanin e Jugut (UNMISS).

Afati i misionit fillon të llogaritet nga data e dërgimit në mision. Periudhës së qëndrimit në mision i shtohen edhe ditët e qëndrimit për marrje e dorëzim detyre dhe të vonesave të transportit strategjik për ndërrimin me personelin e radhës.

Efektet financiare, që rrjedhin nga zbatimi i këtij vendimi, të përballohen nga buxheti i Ministrisë së Mbrojtjes. Ngarkohet ministri i Mbrojtjes për zbatimin e këtij vendimi. Ky vendim hyn në fuqi menjëherë dhe botohet në “Fletoren Zyrtare”./atsh

Forcat e Armatosura, pjesë e misionit të OKB-së në Sudanin e Jugut deri 15 marsin e ardhshëm Read More »

Protesta, mjeku Ulqini: Thyerje e të gjithë protokolleve, të shpresojmë të mos reflektohet në shifra të prekurish

Aktualitet, Opinione, Problematika / /

Mjeku Dritan Ulqinaku deklaroi mbrëmjen e sotme në një nga mediet e vendet se 15 raste në ditë në aspektin e transmetimit të COVID-19 nuk janë shqetësuese.

“15 raste në aspektin e transmetimit të kësaj sëmundjeje nuk është absolutisht asgjë. Për hir të së vërtetës ne prisnim një numër ndoshta dy-tre herë më të madh, që prapë nuk do të ishte problem, sepse virulenca duket sikur ka rënë e këtij virusi. Këtë e tregon edhe shtrimi në spital. Pothuajse nuk po shtrohen më njerëzit e infektuar në spital me COVID-19. Pra, ne ishim përgatitur për një numër 2-3 herë më të madh dhe ky numër është mëse i zakonshëm. Do të ishte shumë më mirë që të mos kishim asnjë rast për 2 javë por është shumë e vështirë të arrihet, shpresojmë të arrihet por prapë nuk janë shifra për t’u alarmuar”, u shpreh ai.

Ai argumentoi se kurba në Shqipëri nuk është një kurbë klasike ndërsa numri i vatrave të infeksionit është normal.

“Nuk kemi të bëjmë një kurbë klasike. Kemi të bëjmë me një minimum të mundshëm dhe ky minimum mbahet gjallë tek-tuk nga vatra të vogla që mund të jenë fasoneri ose vatra familjare. Pra një person që është i infektuar dhe nuk ka dijeni që është i infektuar mund të infektojë shumë lehtë në momentin e mungesës së masave të kontrollit dhe distancimit fizik, 2-3 shoqe, 4 shoqe të cilat janë duke ngrënë drekë së bashku ose ulen në një cep pas pune, ose në një familje. Janë mëse të pranueshme 2 vatra në ditë, nuk janë asgjë”, tha ai.

Lidhur me protestat e zhvilluara në bulevard, mjeku tha se “është thyerje e të gjithë protokolleve të mundshëm”.

“Personalisht me vjen turp që unë vazhdoj të komentoj masat anticovid, jo vetëm unë, por të gjithë kolegët e mi. Nuk ka asnjë lloj protokolli që mund të përshkruajë një situatë të tillë, flas gjithmonë në aspektin shëndetësor, – ndërsa shtoi se, – mund të ndodhë që pas një jave të flasim me shifra mbi 3-shifrore, pra mbi 100 në ditë. Të shpresojmë që të mos ndodhë por është thyerje e të gjitha protokolleve. Unë nuk di një vend të botës që janë bërë manifestime, janë bërë manifestime por kanë ruajtur distancën 1 metër e gjysmë minimumi, në vende të tjera 4 metra”./atsh

Protesta, mjeku Ulqini: Thyerje e të gjithë protokolleve, të shpresojmë të mos reflektohet në shifra të prekurish Read More »

Dita Kombëtare e Jetimëve/ Meta: Kujdesi dhe edukimi i tyre, prioritet i të gjithëve

Aktualitet / /

Presidenti Ilir Meta priti sot në Ditën Kombëtare të Jetimëve një grup fëmijësh pa kujdes prindëror, të shoqëruar nga drejtori i përgjithshëm i “Institutit Kombëtar të Jetimëve Shqiptarë” Ilir Çumani.

Ne fjalën e tij, Meta u shpreh se “kënaqësi të mblidhemi në këtë ditë shumë të rëndësishme, apelimi dhe ndërgjegjësimi për të gjithë shoqërinë, për të adresuar më mirë problemet e integrimit të fëmijëve, të cilët kanë nevojë për kujdesin prindëror të shtetit, por edhe për gjithë solidaritetin e shoqërisë dhe të komunitetit ku jetojnë”.

“Lotët e jetimëve janë apeli më i mirë për shoqërinë, për të zgjuar dhe lartësuar humanizmin e saj. Për të treguar dinjitetin dhe për ta parë problemin e secilit prej jush si problemin tonë, jo si një problem thjesht tuajin”, tha Meta.

“Fëmijët jetimë i kanë dhënë shumë Shqipërisë, personalitete të të gjitha fushave, artistë nga më të mëdhenjtë, sportistë e intelektualë. Jemi në një moment kritik të shoqërisë në një krizë të madhe edhe morale, edhe të pabarazisë, edhe të egoizmit dhe këtë egoizëm më shumë e nxit një elitë e papërgjegjshme se sa është natyrë e popullit tonë, që është një popull bujar, është një popull i dashur, i kujdesshëm në raportet njerëzore, fqinjësore e kështu me radhë dhe jemi në një rrezik të madh të instalimit të një fryme përçarëse dhe jo solidare në vazhdimësi e cila do të na rrënojë shumë vlera që i kemi si popull dhe si komb. Dhe në këtë drejtim edukimi i të rinjve akoma më tepër kujdesi më i madh apo dhe i veçantë për jetimët janë dhe do të jenë një prioritet për të gjithë në të ardhmen”, u shpreh Meta. /atsh

Dita Kombëtare e Jetimëve/ Meta: Kujdesi dhe edukimi i tyre, prioritet i të gjithëve Read More »

Parandalimi dhe lufta kundër krimit të organizuar/ Lleshaj: Komiteti Kombëtar i Politikave të bëhet i përhershëm

Aktualitet, Lajmi i fundit / /

Ndryshimet në ligjin për “Për policinë e shtetit” parashikojnë krijimin e Komitetit Kombëtar të Politikave për parandalimin dhe luftën kundër krimit të organizuar.

Komisioni për Sigurinë Kombëtare, në drejtimin e kryetares, Ermonela Felaj, zhvilloi sot mbledhjen e tij të radhës, në cilësinë e komisionit përgjegjës, për diskutimin në parim të projektligjit “Për disa shtesa dhe ndryshime në ligjin “Për policinë e shtetit”, të ndryshuar.

Propozimet për ndryshim përpara komisionit, i paraqiti ministri i Brendshëm, Sandër Lleshaj i cili vuri në dukje se këto ndryshime, në thelb, konsistojnë në dy drejtime.

“E para ka të bëjë me krijimin e Komitetit Kombëtar të Politikave për parandalimin dhe luftën kundër krimit të organizuar, komitet i cili është krijuar edhe me Aktin Normativ nr.1, por duke qenë se ky akt ka një afat vlefshmërie të kufizuar vetëm vitin 2020, nëpërmjet këtyre ndryshimeve, ky komitet bëhet i përhershëm dhe funksionon pranë ministrit përgjegjës për çështjet e rendit dhe sigurisë”, tha ministri.

Ndryshimi i dytë, theksoi Lleshaj, “ka të bëjë me krijimin e disa instrumentave teknik në shërbim të policisë, për kryerjen e hetimeve dhe procedimeve policore”.

Relatorja e projektligjit per komisionin, Elena Xhina, shtroi disa pyetje dhe parashtroi argumentat e saj në lidhje me propozimet për ndryshim në ligjin: “Për Policinë e Shtetit”.

Në fjalën e saj deputetja Xhina theksoi vëmendjen që duhet të ketë komisioni për sa i përket aspekteve që kanë të bëjnë me liritë dhe të drejtat e njeriut.

Më tej komisioni vijoi me diskutime të anëtarëve.

Në përfundim, kryetarja e komisionit, Ermonela Felaj, bëri me dije, se do të vijojnë diskutimet në komision për projektligjin në fjalë, pasi ky projektligj të kalojë për diskutim dhe në Komisionin për Çështjet Ligjore dhe të Drejtat e Njeriut, meqënëse në të, bëhet fjalë dhe për disa aspekte të të drejtave të njeriut./atsh

Parandalimi dhe lufta kundër krimit të organizuar/ Lleshaj: Komiteti Kombëtar i Politikave të bëhet i përhershëm Read More »

Policia aksion antidrogë në 5 qytete, 19 të arrestuar mes të cilëve edhe dy efektivë

Aktualitet, Lajmi i fundit / /

Operacioni policor i koduar “Shënmëri 2020”, për goditjen e veprimtarisë kriminale në fushën e kultivimit të bimëve narkotike u finalizua me sukses duke vendosur në pranga 19 persona.

Operacion i shtrirë në disa qarqe të vendit si Kukës, Lezhë, Shkodër, Tiranë dhe Gjirokastër u zhvillua me mbështetjen e Forcave Lëvizëse Operacionale.

Drejtoria Vendore e Policisë Kukës, në bashkëpunim me strukturat e lëvizjes operacionale FLO, në koordinim nga Departamenti i Policisë Kriminale, si dhe me SHÇBA-në dhe nën Drejtimin e Prokurorisë së Rrethit Gjyqësor Kukës, në orët e para të mëngjesit finalizoi me sukses operacionin policor të koduar “Shënmëri 2020”, si rezultat i të cilit u bë ekzekutimi i masave të sigurisë për 19 shtetas, për veprën penale “Kultivimi i bimëve narkotike, në bashkëpunim”.

Si rezultat i këtij operacioni u ndaluan shtetasit: Sh.S., 29 vjeç, A. T., 50 vjeç, F. M., 20 vjeç, P. P., 61 vjeç, A. B., 36 vjeç, A. B., 52 vjeç, B. D., 27 vjeç, T. V., 40 vjeç, P. P. 46 vjeç, B. K., 36 vjeç, Sh. T., 46 vjeç, Z. M., 44 vjeç dhe R. T., 24 vjeç. Nga këta, 10 shtetas janë banorë të Kukësit, një shtetas banor i Lezhës, 1 i Pukës dhe 1 i Gjirokastrës.

Për shtetasit S. K., 41 vjeç, K. M., 26 vjeç dhe A. H., 34 vjeç, u bë njoftimi i masës së sigurisë “Arrest në burg” në IEVP Tiranë, pasi janë arrestuar për vepra të tjera penale.

Gjithashtu në kuadër të operacionit u bë shpallja në kërkim e 3 shtetasve të tjerë.

Nga strukturat e SHÇBA-së pranë Drejtorisë Vendore të Policisë Kukës janë arrestuar dy punonjës policie, shtetasi A. K., 49 vjeç dhe shtetasi R. C, 59 vjeç, për veprën penale “Shpërdorimi i detyrës”.

Dokumentimi i këtij aktiviteti kriminal është bërë pas një hetimi disa mujor nga strukturat e DVP Kukës në bashkëpunim me SHÇBA-në, nën drejtimin e Prokurorisë së Rrethit Gjyqësor Kukës, duke aplikuar format dhe metodat speciale të hetimit, në kuadër të procedimit penal të nisur në vitin 2018, për parandalimin e kultivimit të bimëve narkotike.

Ndërsa për oficerin e Policisë N. K, u mor masa e pezullimit nga detyra.

Po gjatë operacionit u arrestua në flagrancë shtetasi S. V., 41 vjeç, banues në Shtanë, Kukës, për veprat penale “Kultivimi i bimëve narkotike” dhe “Armëmbajtja pa leje”, pasi gjatë kontrollit të ushtruar nga Policia në banesën e tij u gjet dhe sekuestrua një armë zjarri tip automatik, si dhe në ambientet e jashtme u gjetën 54 kubikë me bimë të dyshuar narkotike kanabis.

Strukturat e DVP Kukës do të intensifikojnë masat për garantimin e rendit publik dhe për parandalimin dhe goditjen e veprimtarisë kriminale në qarkun e Kukësit, duke bashkëpunuar me të gjithë institucionet ligjzbatuese dhe aktorët e tjerë./atsh

Policia aksion antidrogë në 5 qytete, 19 të arrestuar mes të cilëve edhe dy efektivë Read More »

Mazniku: Teatri Kombëtar nuk është vlerësuar kurrë si monument kulture, nga ekspertët ishte shpallur i paristrukturueshëm

Aktualitet, Art-Kulture, Opinione / /

Nënkryetari i bashkisë së Tiranës, Arbian Mazniku deklaroi sot se Teatri Kombëtar nuk është vlerësuar kurrë si monument kulture dhe se nga ekspertët ishte shpallur i paristrukturueshëm.

Sipas Maznikut, nuk ka një moment të caktuar në histori që ky objekt të ishte vlerësuar si monument kulture.

Madje shtoi ai, Teatri në listën e vitit 2004 thuhej se ishte objekt pa vlerë

“Teatri nuk ka qenë kurrë monument kulture. Ansambli muzeal ka objekte specifike, teatri nuk ka qenë kurrë. Lista e 2004-s thotë objekt pa vlerë. Procedura për bërjen është që fillimisht vendosen disa objekte në ruajtje paraprake, vihet në vlerësim nga ekspertët e fushës dhe ata dalin me raport ky të ruhet, ky jo, është një objekt që në ’58 ka patur probleme me strukturën”, tha ai.

Sipas tij, çdo arkitekt e inxhinier ka thënë që ky objekt, nga ana arkitekturore është modest, nga ana e materialeve të përdorura është një godinë e degraduar.

“Ndërsa për vlerën historike, tha Mazniku, janë shprehur se kjo duhet të çmohet nga historia.

Nënkryetari u shpreh se “e kuptoj pjesën emocionale, e mirëkuptoj ndjesinë e njerëze”, por tha ai, “vjen një moment që duhet të marrësh një vendim, i cili ishte i vështirë”.

Sipas tij, kemi zhvilluar për 2 vite e gjysmë diskutime me artistët për këtë çështje.

“Objektivi i qeverisë dhe i bashkisë ishte të realizonim teatrin pa shpenzuar para publike, ku investitori ndërtonte dhe jepte teatrin pa para. Kjo marrëveshje nuk eci, pasi nuk u gjet marrëveshja. Në komision ishte edhe grupi i artistëve dhe marrëveshja nuk u arrit”, tha Mazniku.

Më pas, tha ai, u vendos që teatri të bëhet përmes një financimi publik.

Lidhur me pronën pas teatrit, Mazniku tha se ajo do të zhvillohet, por nuk do të tjetërsohet.

Sa i përket teatrit të ri, Mazniku tha se kemi një objekt të hartuar nga një arkitekt, që ndoshta është më i miri në botë sot.

Po ashtu, ai bëri të ditur se është bërë një konsultim i gjerë me artistët për të marrë të gjitha propozimet nga ana funksionale, në mënyrë që të ketë të gjithë elementët./atsh

Mazniku: Teatri Kombëtar nuk është vlerësuar kurrë si monument kulture, nga ekspertët ishte shpallur i paristrukturueshëm Read More »