Disa persona të ma skuar dhe të ar matosur kanë dj egur flamurin grek në Ksamil.
Video e cila pretendohet se është realizuar në Ksamil, është shpërndarë në internet me mbishkrimin “Mesazh për grekët nga Jugu i Shqipërisë. Deti është i joni.”
Një reagim i tillë vjen pas deklaratave të ministrit të Jashtëm të Greqisë, i cili pretendonte që do të zgjerohej në detin Jon me 12 milje.
Një imam xhamie, Ervin Meti, ka bërë publike historinë që sipas tij i ka ndodhur një besimtari mysliman.
Historia e imamit është shpërndarë në rrjetet sociale edhe nga miq të tij, si dhe është bërë publike.
Imami rrëfen se besimtari nga Tirana kishte pasur nënën sëmurë dhe e kishte shtruar në spital në gjendje shumë të rëndë, por pasi mjekët i kishin thënë të shkonte të merrte disa ilaçe në farmaci, ai ishte vonuar më shumë se gjysmë ore.
Kur ishte kthyer në spital, sipas imamit, mjekët i kishin deklaruar se e ëma kishte ndërruar jetë si shkak i koronavirusit dhe e kishin dërguar në morg.
Ndërkohë, skeptik në lidhje me lajmin, pasi nëna e tij nuk ishte e infektuar me Covid, por vuante nga Hipertensioni, djali kishte shkuar menjëherë drejt morgut.
Në momentin kur i afrohet nënës, vëren që pulsi i saj akoma rrihte dhe ishte gjallë.
Sipas imamit, ai e dërgoi të ëmën në një spiatal privat dhe pas disa ditësh ajo e merr veten dhe bëhet më mirë. Tronditëse në fakt, për nga rrëfimi dhe pretendimi i imamit, por nuk dihet si qëndron më tej e vërteta.
Postimi i plotë i Ervin Metit:
SubhanAllah, O Allah na ruaj ! Dje më vizitoi një vëlla i mirë besimtarë që jeton në Tiranë, gjatë bisedave më pikëlloi një ngjarje që kishte ndodhur në Shqipëri të cilën ma tregoi dhe duke qënë se më tha është 100% e vërtetë, vendosa ta publikoj ! Kishte pas qënë një njeri me pozitë, dhe nëna e tij ishte sëmurë në gjendje të rëndë.
E kishte pas marr nënën e tij dhe e kishte dërguar në Spital, mjekët i kishin thënë që të merrte disa gjëra në farmaci, dhe si shkak i një pune kishte pas vonuar për 30-40 min. Kur kthehet në spital i pyet mjekët se si është nëna, mjekët i thonë se nëna ka vdekur si shkak i infektimit me covid-19. Djali i merzitur per vdekjen e nënës dhe i nervozuar nga fakti se ishte i bindur se nëna e tij nuk kishte qëne e prekur me covid porse kishte pas pasë probleme me Hipërtensionin.
I pyet mjekët se ku ndodhet nëna? Dhe mjekët i thanë se: Nëna është dërguar në morg dhe do të të lajmërojmë se kur ta tërheqësh trupin e sajë të siguruar me mbështjelljen përkatëse për mbrojten e përhapjes gjatë varrimit..Djali i tronditur, menjëherë shkon drejt morgut dhe me forcë hap dyert dhe vazhdon i afrohet nenës, e prek, dhe vëren se pulsi vazhdonte ti rrihte edhe pse ngadal, e merr nënën duke kundërshtuar me ç’do kusht puntorët e morgut me faktin se asaj akoma i rreh pulsi dhe e dërgon në spitalin privat “…….”
Pas ndërhyrjes së mjekëve, nëna e tij fillon të përmirësohet dhe pas 5-6 ditëve bëhet gati të dalë në gjendje të mirë nga spitali. Tani ajo është në gjendje të mirë dhe e aftë të lëvizë me dy këmbët e sajë. O Allah na ruaj nga kurthet e të pabesëve dhe mos sill ndonjë dënim të rëndë në këtë vend si shkak i punëve të këtyre njerëz që kanë humbur ndjenjën e të qënurit njeri.
/NOA.al
Ish-kreu i Aleancës Kuq e Zi, Kreshnik Spahiu ka dalë me një reagim të fortë në rrjetet sociale, nisur nga çështja e ‘nxehtë’ e pretendimeve të Greqisë për t’u zgjeruar me 12 milje në detin Jon.
Spahiu shkruan se s’ka tradhti më të madhe sesa të shkatërrosh ushtrinë e vendit tënd. Madje iu drejtohet politikanëve shqiptarë me ironi duke iu thënë që të dalin ta mbrojnë kufirin detar me makinat e blinduara të tyret apo me vilat me pishina, pasi ushtria jonë nuk ka asnjë anije ushtarake, nëndetëse apo avion.
“Mision të vështirë ke marrë”, ish-ministri socialist i drejtohet Ramës për çështjen e ‘nxehtë’ të detit me Greqinë dhe nuk i lë gjë pa thënë: Po del kundër interesave kombëtare!
“S’ka tradhti më të madhe, se të shkatërrosh ushtrinë e atdheut tënd! 30 vjet shtet: Saliu-Rama-Meta s’kanë asnjë anije ushtarake. Zero anije, zeron avion, zero nëndetëse! Këta palaço e kanë lënë ushtrinë shqiptare më keq se Enver Hoxha. Saliu ka shitur për skrap në Beograd avionët MIG. Dil mbrojeni kufirin detar me Mercedesat e blinduar ose me vilat me pishina të kryetarëve të partive nëse futet flota greke”, shkruan Spahiu.
Kreshnik Spahiu nxjerr prapaskenat: ‘Saliu ka shitur për skrap në Beograd avionët MIG’ Read More »
Ambasada e Shteteve të Bashkuara të Amerikës në vendin tonë i ka dhënë të gjithë mbështetjen drejtueses së Byrosë Kombëtare të Hetimit, Aida Hajnaj, e cila nis sot zyrtarisht detyrën.
Përmes një postimi në Facebook, ambasada shkruan Hajnaj është një gur i rëndësishëm , jo vetëm për sistemin shqiptar të drejtësisë, por gjithashtu për gratë në role drejtuese.
Gjithashtu, ambasada njofton se Hajnaj ka përfunduar një program trajnimi posacërisht të krijuar nga Programi Ndërkombëtar i Ndihmës së Trajnimit të Hetimit Kr iminal (ICITAP) në Shqipëri, të fokusuar në procesin përzgjedhës të hetuesve të BKH.
Reagimi i plotë:
Sot, zj. Aida Hajnaj, merr detyrën si drejtuesja e parë e Byrosë Kombëtare të Hetimit. Ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese.
Në përputhje me kërkesat e ligjit shqiptar, Hajnaj përfundoi një program trajnimi posacërisht të krijuar nga Programi Ndërkombëtar i Ndihmës së Trajnimit të Hetimit Kriminal (ICITAP) në Shqipëri, të fokusuar në procesin përzgjedhës të hetuesve të BKH, në etikën profesionale në BKH, në procedurat e disiplinës në BKH, në përdorimin e forcës dhe armëve të zjarrit nga BKH, rregulloren mbi përdorimin e poligrafit në BKH, në marrëdhëniet e BKH me Policinë e Shtetit dhe mbi rolin vëzhgues të Komisionit Ndërkombëtar të BKH. Ne përgëzojmë Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.
Më 30 korrik Këshilli i Lartë i Prokurorisë votoi unanimisht, Aida Hajnajn si drejtuesen e Byrosë Kombëtare të Hetimit. Më 27 korrik, Struktura e Posaçme kundër Korrupsionit dhe Kri mit të Organizuar vendosi emrin e kreut të strukturës së Byrosë Kombëtare të Hetimit. SPAK çoi në KLP emrin e Aida Hajnas, pasi ishte e vetmja që plotësoi kriteret. Kandidatët e tjerë për kreun e “FBI-së” shqiptare ishin Artur Beu, Ervin Hodaj dhe Idajet Faskaj.
Aida Hajnaj merr sot zyrtarisht detyrën si drejtuese e “FBI-së” shqiptare Read More »
Në një kohë kur ka dyshime për arritjen e një marrëveshjeje mes Shqipërisë dhe Greqisë për kufirin detar, ka reaguar edhe Presidenti Meta.
Ky i fundit i ka kërkuar informacion zyrtar Kryeministrit Rama mbi këtë çështje, si edhe bisedën e tij me homologun grek apo zyrtarë të tjerë të vendit fqinj.
“Duke patur në konsideratë rëndësinë e jashtëzakonshme kombëtare, shtetërore, gjeostrategjike, ekonomike dhe jo vetëm, që ka kjo çështje për Republikën e Shqipërisë, si dhe ndjeshmërinë e lartë të opinionit publik, kërkoj informacione të detajuara mbi:
Komunikimin që keni zhvilluar me Kryeministrin e Greqisë dhe/ose me zyrtarë të lartë të Greqisë mbi këtë çështje;
Qëndrimin zyrtar të qeverisë shqiptare ndaj një vendimi të tillë dhe pasojave, përfshirë ato ndërkombëtare që mund të rrjedhin prej tij;
Veprimet që planifikohen në ndërmerren nga qeveria shqiptare ndaj pasojave që mund të vijnë prej një akti të tillë të njëanshëm të Greqisë”, shkruhet në letrën e kreut të shtetit.
Pak ditë më parë Kryeministri Rama ka deklaruar se kjo çështje nuk ka lidhje me Presidentin, duke i kërkuar këtij të fundit të mos bëjë rafting me Kushtetutën.
Ndërkaq, Kryeministri grek u tha parlamentarëve të vendit të tij se Greqia pritet të shtrihet me 12 milje në det.
Për Kryeministri Rama deklarata e homologut të tij nuk ka lidhje me Shqipërinë, dhe se mes vendeve ende nuk ka një marrëveshje. /k.k/noa.al/
Presidenti Meta i kërkon informacion zyrtar për kufirin detar Kryeministrit Rama Read More »
Koloneli i njohur Myslim Pashaj, që denoncoi marrëveshjen e ndarjes së kufirit detar Shqipëri-Greqi në vitin 2009, e cila më pas u rrëzua nga Gjykata Kushtetuese, ka reaguar për debatin e nisur në ditët e fundit në lidhje ambicien greke për t’u zgjeruar me 12 milje në detin Jon.
Në një prononcim për News 24, Pasha thotë se se drejta ndërkombëtare i jep të drejtë të dyja vendeve për t’u zgjeruar me 12 milje, por shton se pa marrëveshje me Shqipërinë, Greqia nuk mund të aplikojë për zgjerim në det.
REAGIMI I PLOTE PER NEWS 24
Në këto ditë të shqetësuara dhe me ndjeshmëri të lartë të opinionit shqiptar dhe atij grek nga ana e Republikës së Shqipërisë, vihet re vetëpërmbajtje në trajtimin parimor të së Drejtës Detare Ndërkombetare për zgjerimin e Greqisë nga 6 milje detare në 12 milje.
Pra Greqisë dhe Shqipërisë sipas kësaj të drejte i takojnë të dyve që të shtrihen në detin Territorial në 12 milje detare.
Por për kushet speciale, gjeografike, historike në rastin e Shqipërisë dhe Greqisë përbëjnë veçori, të cilat nuk lejojnë që automatikisht të aplikosh këtë zgjerim në ujrave territoriale, pa negociatë dhe pa një marrëveshje.
Pse ndodh kjo pengesë?
Sepse në shtrirjen ekstremale veriperendimore, në Ngushticën e Otrantos dhe vijimit të Kanalit të Korfuzit, Republika e Greqisë përfaqësohet me bashkësi ishullore të Korfuzit, ku ishulli Othonoi dhe Erikuza ndodhen përballë Dheut Kontinental të Republikës së Shqipërisë.
Kështu, është e nevojshme që sipas këtyre veçorive (ishujt) të negociohet për metodën e ndarjes. Në vitin 2009, Greqia diktoi në Marrëveshjen e delimitimit, duke përdorur ” Metodën e Vijës së Mesit, të baraslarguar nga dy brigjet” e cila çoi në humbjen e madhe të Republikës së Shqipërisë.
Po kjo marrëveshje u hodh poshtë nga Gjykata Kushtetuese e Shqipërisë.
Në vitin 2009, Greqia u zgjerua automatikisht në mënyrë të padrejtë, nga 6 milje Detare në 12 milje detare, por me marrëveshje.
E Drejta Detare Ndërkombëtare në gjithë praktikën e saj, rastin e veçorive speciale, gjeografike, të parashikuara në nenin XV të Konventës se Montego- Bay e lidh me parimin ”Equitable Solution = Zgjidhje e drejtë dhe e ndershme” çka lidhet me faktorët gjeografikë specialë dhe historikë. Kjo nxjerr në pah”efektin e ishujve”, pra a do ta marrë ishulli Othonoi të drejtën e plotë që të zgjerohet në 12 milje detare në Detin Territorial, apo do të marrë, 6 milje, 8 milje?
E njëjta gjë edhe për ishullin Erikuza.
Vendimi i Gjykatës Kushtetuese të Shqipërisë është i pakapërcyeshëm.
Kjo Gjykatë ka hedhur poshtë përfitimin 12 miljeve detare me efekt të plotë të ishujve dhe cekinave shkëmbore.
Pranimin e zgjerimit të 12 miljeve, e shikojmë si një pranim parimor, por se sa i takon, këtë e vendos negociata e të dy vendeve, në bazë të së Drejtës Detare Ndërkombëtare, çka është e domosdoshme.
Mirpo vini re, në këto momente se ç’ndodh me qëndrimin e Republikës së Greqisë, ndaj Republikës së Shqipërisë?
Një ndër aktet e para të deklarimtit edhe para Sekretarit Stotlenberg ishte botimi i hartës së zgjerimit të Greqisë në 12 milje detare në krahun Perëmdimor ku hapësira detare është e gjerë, deri në veri të ishullit Othonoi. Akti i dytë bashkëngjitës është botimi i hartës së Korfuzit dhe arkipelagut që ndodhet përballë Shqipërisë ku janë përvijuar kufijtë detarë midis të dy vendeve, kur dihet se ata nuk ekzistojnë dhe se janë përmbysur nga Gjykata Kushtetuese e Shqipërisë!
Qeveria Greke, drejtpërsëdrejti nuk e ka mbajtur të fshehtë qëllimin e saj, se pas të Drejtës Ndërkombëtare Detare të kalimit nga 6 md në 12 md, ka përfshirë në të njëjtin dokument hartografik edhe delimitimin njëanshëm të vijës kufitare detare të Detit Territorial të Shqipërisë në 112 km gjatësi, nga mesi i Ngushticës së Otrantos deri në gjrin e Ftelias, në puqje me Piramidën tokësore nr 49.
Këto ditë keni parë, këtë hartë, e cila bart brenda saj, me simbole të qarta hartografike, projektin e ndarjes së detit në Kanalin e Korfuzit, që është hapësirë e Detit Territorial të të dy vendeve.
Aty përvijohet qëllimi për projektin e nesërm të zbatimit të diktatit ”duke e ndarë detin me mënyrën e vijës së mesit, baraslarguar nga brigjet”, e aplikuar në vitin 2009 në Paktin Detar, tanimë të përmbysur.
Nga opinioni i gjerë shqiptar kjo hartë është parë pa vëmendje për ta lexuar dhe interpretuar se ç’përfaqëson ajo vijë!
Kjo është vizatuar dhe përtërirë pa dijeninë e Republikës së Shqipërisë.
Ndiqni me vëmendje, hartën e Arkiplagut të Korfuzit!
Në krahun perëndimor dallohen hapësirat e Detit Territorial të zgjeruar nga 6 md në 12 md e përvijuar me pika të bardha deri në përfshirje të Othonoit dhe në veri të ishullit Erikuza.
Vija ndarëse e mëtejshme është me pika të kuqe e cila përshkon gjithë Kanalin e Korfuzit deri në Gjirin e Ftelias, tek piramida 49.
E gjitha kjo vijë është “toidhio” si ajo e vitit 2009!
Greqia fqinjë realizon objektivët e saj strategjikë.
Moderatorja Rudina Dembacaj ka publikuar një tjetër fotografi në Instagram teksa bënte xhirime në bulevard. Ajo që na ra në sy pas kësaj fotoje ishte komenti i një ndjekësi të Rudinës dhe më pas përgjigjja e saj.
“Ça thotë puna mirë?”, shkruan ndjekësi, duke nënkuptuar që bulevardi i kujton punëtoret e seksit.
Ndërkohë, Rudina e cila nuk ia përton fare komentuesve, e sidomos atyre që e shajnë i ka shkruar: “Njësoj si mami jot!”. Pastaj ka pasur edhe komente qesharake, si ky i Fesitmit: “Quhem festim bëhesh gruaja ime ti?”, komenton ai.
Moderatorja i përgjigjet: “Faleminderit, akoma nuk kam planifikuar një burrë të katërt!”
‘Quhem festim bëhesh gruaja ime ti’/ Ja përgjigja ‘epike’ e moderatores Rudina Dembacaj Read More »
Arnida Çapi, me profesion juriste, aktualisht është e punësuar si këshilltare në Bashkinë e Tiranës.
Ajo ka qenë edhe kandidate për deputete.
Avokatja e bashkisë i ka vënë ‘flakën’ rrjetit me fotot dhe videot e publikuara së fundmi në Instagram.
Arnida ka nxjerrë në pah të pasmet pranë bregdetit me mbishkrimin ‘Verë e shijshme’.
Foto e video pafund që kanë fokus trupin e saj goxha të tonifikuar.
Arnida ka publikuar edhe video teksa zhytet si një “ngjalë e vërtetë”, duke tërhequr kështu vëmendje të mjaftueshme gjatë pushimeve, para se të rikthehet në punë, për t’u angazhuar ë tej me zgjidhjen e problemeve të ndryshme ligjore, që hasin qytetarët e kryeqytetit.
/NOA.al
